رواية زي ماهي حبها
الفصل الثامن8
بقلم بسمة محمد
قلت ليهو روان ياتها اللاقتني يوم الترادشنل قال لي يب قلت ليهو اها ربنا يوفقكم اتونسنا كدا وسالني من قرايتي وانو الامتحانات قربت وكدا المهم خلصت مكالمه معاهو وشلت تلفوني وطلعت السطوح بقيت ابكي خلصت البكاء اليوم داك مع انو انا من الاول عارفه النتيجة وانو حيحصل كدا وماف حاجه حتدوم وماف حاجه اسمها حب خااالص نزلت تحت كانت الساعه 6 لقيت واحدة صاحبتي من بنات طب اسمها ملاذ وقفت سلمت عليها اتونسنا كدا قالت لي مالك زعلانه قلت ليها مازعلانه زهجااانه بس قالت لي امشي البسي احلى فستان عندك والعزومه علي ماصدقت طوالي مشيت كشخت لاقتني مرافئ قالت لي على وين ياجميل قلت ليها زهجانه طالعه مع ملاذ بت طب وطلعنا ماخلينا سوبر ماركت ولا شارع مالفينا فيهو طلعت كل الطاقه السلبيه الجواي وبعديها مشينا لي مطعم اكلهم رهييب طلبنا بيتزا 🍕وشربنا عصير ودردشنا وارتحت جد بالطلعه رجعنا مع زمن الليت 8م صليت العشاء وفتحت لي محاضرة كدا اداء واجب خلصتها ونمت طوالي صحينا تاني يوم كان باقي حكايه بتاعه 15 يوم للامتحانات شغالين شرح للمواد وكدا البنات جونا في الداخليه نظام يقرو معانا انا لمن فضل اسبوع اعتزلت الناس بس شغاله قرايه 😂😂قرايه الدفس المن غير نفس وكل مااتذكر عمر بتضغط نفسي اكتر في القرايه وعمر علاقتي معاهو بقت في حدود سلامات وكيف القرايه بس كدا عدت فتره الامتحانات وانا بس بنوم ساعتين بالليل والحمدلله عدت على خير ماسافرت البلد لكن طلعت ناس خالتي قراب مابعاد شديد من الجامعه مسافه ساعه ونص عدين معاهم الاسبوعين بتوع الاجازة خالتي ماعندها غير بت وولد البت اسمها رحيق تقراء بنوك وتمويل والولد احمد قدر عبدو اخوي كان ممتحن وفردتي شديد بحب الحركات ومجنون زي بقيت اشرح ليهو في المواد وكدا يوم 24/12كان عيد ميلادي خالتو جهزت لي التورته والحاجات وعزمت جاراتها قالت ليهم نطلع نغير جو ومنو يحتفلو بي عيد ميلادي طلعنا مشينا الكرنيش عملنا جلسه لطيفه كدا وجابو لي هدايه رهيييبه جيران خالتو قالو لي خالتك قالت لينا صوتك سمح الا تغني لينا قلت ليهو تمام بس احمد يغني معاي بدينا نغني اغنيه طه سليمان دايرك براك في كلمتين وماخينا غنيه حافظنها ماغنيناها الناس كلها اتجمعت فينا بعد يومين فتحت الواتس لقيت رساله من عمر قال شنو بهنيني بي عيد ميلاد قريت الرساله ومارديت عليهو جاء يوم النتيجه مشيت الجامعه لاقيت كل الشله وعايشين على اعصابنا وكل مرة يقولو لينا شويه وتطلع واحنا عايشين على اعصابنا شوشو كل دقيقه تقول لي انا راجعه البيت والله ماقادرة وسهى تدخل قاعدة وطلع الا جوز اللوز واثقين من نفسهم 😂😂 مع العصر كدا طلعت النتيجه نفس حقت المرة الفاتت ماعدا احمد شايل باطنيه 💔💔قلتا ليهو ماتخاف الملاحق للجدعان حتنجح ان شاء الله الملاحق كانت بعد اسبوع نفس الاسبوع الحنبدا فيهو الدراسه شوشو قالت لي شفتي نتيجه ناس عمر قلت ليها انا نتيجتي ماشفتها ياهو زحمه في البورت قالت لي ارح نشوفها مشينا ماهر جايب مقبول وعمر كالعادة بوص الدفعه قلت ليهم الوقت اتاخر كل زول على بيتو واحنا طالعين في بوابه الجامعه لاقانا عمر داخل 💔💔شكلو متغير..