رواية الصدفة الفصل الاخير بقلم اسيل
بلسان جمال كنت منتظر متين المؤتمر يخلص واتكلم معاها عاينت ليها بس هي مدنقره شكلها متوتره المؤتمر خلص وانا قلت خلاص اقبضها واتكلم معاها حاني واحد بقي يتكلم وانا بالي كلو مع اسيل البتحاول تهرب اختصرت الراجل ومشيت لقيتها طالعه وقفتها
جمال: انسه اسيل
اسيل: نعم
جمال: معقوله م عايزه تسلمي علي
اسيل: كنت مستعجله بس
جمال: كيفك
اسيل: تمام الحمدلله
جمال: علي فكره طالعه حلوه
اسيل: شكرا انا انا لازم امشي
جمال: علي وين
اسيل: الفندق لاني مرهقه
جمال: ممكن نتلاقي
اسيل: م عارفه بشوف
شلت تلفونها سيفت رقمي الجديد واتصلت علي تلفوني وسيفت الرقم
جمال: بتصل عليك
اسيل: تمام
ياخ دي كانت بتجري م بتمشي وانا مراقبه واضحك لجدي م ركبت العربيه وانا ركبت عربيتي مشيت غرفتي
بلسان اسيل؛؛؛؛
المؤتمر انتهي وانا م صدقت خلص حريت عايزه اطلع اسمع ليك صوتو بقول لي انسه اسيل انا قلبي اشتغل دلوكه اتفلت لقيتو ف وشي سألني من اخباري حاولت اتملص منو لقيتو شال تلفوني سيف رقمو وشال رقمي بالجد انا الساعه ديك ناشله مووويه م صدقت شلت تلفوني وجريت العربيه وصلت الغرفه وانا جسمي م شايلني رقدت بملابسي ونمت
عند جمال:
حاولت انوم م قدرت اتصلت علي الاستقبال واستفسرت من رقم غرفتها قمت استحميت وصليت وبقيت اقرا قرآن لحدي الساعه بقت اربعه قلت امشي جنب غرفتها واتصل عليها
عند اسيل؛؛؛؛؛
صحيت من النوم العصر دخلت استحميت ولبست بنطلون جينز وقميص احمر وكنت بنشف ف شعري جاتني مكالمه عاينت لقيتو جمال م رديت عليو تاني اتصل أبيت ارد الباب دقه
اسيل: منووو؟؟
روم سيرفز
مشيت افتح لاني كنت جعانه واول م فتحت الباب لقيت جمال بقيت فاتحه خشمي
جمال : يا انسه شكلك جعانه اتفضل ولا ارجع الاكل
جمال : يا انسسسه
اسيل: ممممم
جمال: ادخل ولا ارجع الأكل
اسيل: ا ا اتفضل
بالجد مستغربه من جراءتو
بلسان جمال ؛؛؛؛؛؛
وصلت غرفتها واتصلت عليها م بترد بعد شويه جا الروم سيرفز مسكت منهم الاكل ومشيتو دقيت الباب وفتحت لي وكانت لابسه بنطلون جينز وقميص احمر وشعرها فاكه ولين شكلها طلعت من الحمام انا بتكلم معاها وهي فاتحه خشمها لمن ضحكت فيها قالت لي اتفضل واتفضلتا
جمال: ممكن اعرف م بتردي علي لي
اسيل: انا انا
جمال: شنووووو وبعدين شعرك لين والمكيف شغال ده إهمال منك كده بتعي
اسيل: وانت عايز شنو
جمال: ولا شي جيت اكل معاك
اسيل: بس انا م جعانه
ججمال: عارف خلاص بنتظرك لمن تجوعي
اسيل: جمااال
جمال: اخخخخ اشتقت لاسمي علي لسانك
اسيل: لو سمحت اطلع
حمال: ولو أبيت
اسيل: ببلغ عنك
جمال: ف زول ببلغ عن خطيبو
اسيل: انا قلعت دبلتك زمان
حمال: بس انا لسع لابسها ودبلتك كمان معاي
اسيل: كيييف
جمال: م عشان خليتك سنتين وم حاولت اتواصل معاك معاناها نسيتك انا عمري م نسيتك ودبلتك م فارقتني كن نايم كن صاحي وصورك وتسجيلات مكالماتك ده كلو انا كنت عايش بيو بصحا وبنوم بصوتك وصورك
اسيل: ج ج جمال خلاص
جمال: لا م خلاص انا بحبببك وعمري ما فقدت الأمل اني الاقيك واكبر دليل لاقيتك اليله
اسيل: يعني انت م عارف اني هنا
جمال: والله م عارف لمن شفتك ف المنصه انا زاتي اتخلعت م شايفه القدر بلعب معانا كيف
اسيل: والضمنك شنو انو ارجع ليك
قلعت الدبله من رقبتي وقربت عليها هي بقت ترجع لورا وانا ماشي عليها لحدي م وصلت الحيطه مسكت يدها ولبستها الدبله وبست يدها
جمال: دي ضماني الوحيد
اسيل: انا انا
جمال: اششششششش انتي بتحبيني صااح
اسيل: مممممم بحبك
قالت كلمتها دي وهي مغمضه بستها ف راسها وعيونها وانفها الصغنن ونزلت شفايفها الكانت بترجف بستها لمن حسيتها داخت وحضتنني
جمال: بالجد اشتقت ليك
اسيل: وانا كمان اشتقت ليك كنت بكابر بس بس ما قدرت
جمال: عارف حبيبتي
بقت حاضناني لمن حسيت بجسمها تقيل شلتها وختيته ف السرير وكانت مغمضه
جمال: حبيبتي
اسيل: ممممم
جمال؛ تتزوجيني
اسيل: مممممم
جمال: طيب رايك شنو نرجع السودان بكره
اسيل: موافقه
بقيت راقد جنبها والمس ف شعرها وتنونس ونحكي لمن نسينا الاكل زاتو ونمنا جاتنا صحيه زي الساعه ٨ لقيته لسه نايمه قمت استحميت وصليت واتصلت طلبت اكل وجيت جنبها
جمال: حبيبي
اسيل: ممممممم
جمال: قومي انا جعان
اسيل: طيب
فتحت عيوني ولقيت جمال جنمبي فجاءني ببوسه
اسيل: علي فكره بقيت منحرف
جمال: بصراحه م قادر اصبر لمن نصل السودان رايك شنو نتزوج اليله
اسيل: لكن قصي
جمال: م تخافي م بزعل نعملها ليهم مفاجاءة ونمشي عيد ميلاد اسيل ونحن عرسان
علي فكره هي زعلانه منك
اسيل: طيب موافقه
جمال: طيب قومي اكلي وانا بجهز الأوراق
قمنا اكلنا وجمال مشا جهز الأوراق وحاب لي فستان ابيض عادي بس خلو استحميت وصليت وكويت شعري وعملت ميكب وجمال لبس بدله بالأبيض ومسك يدي وطبعا عمل تصوير أود دور طلعنا من الفندق مشينا المحكمه وكل شي جاهز ف نص ساعه انا اتزوجت حب حياتي مشينا اتعشينا ورجعنا الفندق مشيت استححميت ولبست روب بالأبيض وجيت لقيت جمال فارش المصالي صلينا ركعتين ودعينا وشكرنا ربنا انو جمعنا بعد كل المرينا بيه وقمت من المصلايه وجمال حضني من ورا كان قريب لي شديد ونفسو ف رقبتي لفاني عليو وقربني وباسني لمن دخةشالني ختاني ف السرير دوخني بكلامو ولمساتو واستسلمت ليو وحصل الحصل وكانت احلي ليله لينا مع بعض عدينا ٣ ايام ف الفندق اليله عيد ميلاد اسيل اتصلت بجمال قال ليها م بقدر اجي وانا اصلا قنعانين من جيتي الساعه٤ استحمينا ولبست بنطلون بالاسود وقميص ابيض وطقمت بالأبيض وجمال لبس بنطلون اسود وقميص ابيض وركبنا طيارتنا
ف بيت قصي:
قصي: يا بابا اليله عيد ميلادك لي صاره
اسيل: يابابا خالو وعمتو م بحبوني
فحاءة يظهر جمال
جمال: منو القال ما بحبك
اسيل: خااااااالو
جمال: كل سنه وانتي طيبه
اسيل: وانت طيب وينه هديتي؟؟؟؟
جمال: اااخخخخخ نسيتهامعليش
اسيل: انازحلانه
جمال : مممممم طيب اقيفي جنمب بابا وماما وانا حاجيب الهديه
طبعا وقفو وكانو مستغربين مشيت الباب ومسكت يد اسيل ودخلتها
جمال: اعرفك دي هديتك ومرت خالك
قصي: شنوووووو
اسراء: اسيييييسسيل
كلهم جو علي وحضنوني وبقو يبكو
جمال:ياجماعه م تبكو مرتي
قصي: يا زول شغال مرتي مرتي ف شنو
جمال: ههههههههههه انا واسيل اتزوجنا
كلهم بقو يصرخو واسراء ومروه يزغرتو وكان احلي عيد ميلاد واسيل انبسطت شديد الحفله كانت للساعه ١٢ ص واتلاقيت مع رغد وخطيبها ومهند ومرتو بالجد كنت مشتاقه ليهم عدت الايام ورجعت السودان ورسلت موظف مسك شغلي ف الامارات لاني خامل حاليا ف الشهر التاسع كرشي قدامي وجمال متوتر اكتر مني كانو هو الحايولد وانا صرخه واااااحده وجيب قصي
قصي جا بالصدفه حقت أمريكا هههههه
تمت