رواية زي ماهي حبها
الفصل الاخير
بقلم بسمة محمد
نفسياتي كانت تعبااانه خاالص خلال السنه دي انا بس بدعي انو انسى عمر بس نهائي ماكنت قادرة محمد نزل السودان وعمل العرس مع اعتراض من اهلي انو انزل بس مانزلت ماكان عندي اي استعداد الاقي اي زول والكل كان مجتمع فيهو وصلوني الصور بتاعه الحنه كانت يوم الاربع قعدت مع نفسي قلت معقوله اخوي الوحيد مااحضر عرسو وهو لي اخر لحظه بقول لي والله ماحاسامحك اختي وقطعه من قلبي ماتحضر عرسي حسيتها كلماتو دي بتتردد في مسمعي استاذنت من الشغل اسبوع وحجزت اول رحله السودان وصلت السودان 🥺صباح الجمعه والعقد كان المساء في الصاله في الخرطوم ومامشيت عملتها ليهم مفاجئه الكل ماكان مستوعب ولا مصدق انو انا جيت 😂😂فرحو بي اكتر من عرس محمد الاء كانت احلى عروس ومحمد كان من الفرحه لمن ماقادر يستوعب الحاصل الكل كان زعلان منى بس حاولت اتعامل معاهم عادي واتضحك معاهم واعتزرت منهم كلهم عرفت انو مرافي عرست وحاليا مع مصطفى في السعودية وانو هي حامل وشوشو في قطر شغاله في مدينه حمد الطبيه 🌝🌝وسهى اتزوجت ود خالتها وساكنه بحري سري الهوي 🥹🥹لاقيتهم كلهم الا مرافي بعد العرس قعدو معاي ناس بيتنا يومين ورجعت السعوديه علاقتي رجعت تدريجيا مع الكل بعد زعلهم مني وحرفيا نسيت او اتناسيت عمر خااالص خالد حاول كم مرة بس في النهايه قنع واتزوج بت خالتو وعرف انو انا ماقسمتو مع انو محمد اخوي حاول معاي بلا فايدة مرافي ولدت وجابت بت سمتها احلام 🥹🥹مصطفى كان خاتيها حاله عمر سالو قال ليهو من باب الفضول احلام الكبيرة كيفها قال ليهو كويسه هنا في السعوديه قال ليهو ولدت ولا لسه 😂😂رد عليهو قال ليهو لمن تتزوج اول قال ليهو كيف يعني هي مش اتزوجت خالد ود عمها قال ليهو والله مااتزوجت ولا حاجه 😂قالت ليك انو اتزوجت قال ليهو لا كان مجرد سوال مصطفى قال ليهو ماتكون لسه بتفكر فيها ياعمر قال ليهو لا سالتك من باب الفصول عمر ماكان مصدق عاوز اي وسيله توصلو لي يوم وانا في الدوام جاني اتصال من رقم سوداني ماحبيت ارد علشان كان قريب بس لمن كتر الاتصالات رديت قلت نعم ماكان في رد قلت لو ماعاوز ترد متصلين ليه وقفلت الخط بعد كم يوم تاني ضرب ردت بس برضو ماكان في رد عاوزة اقفل كدا سمعت صوت بيقول احلامي الصدمه ماكانت هينه علي عرفت انو دا عمر قفلت الخط طوالي وتاني خاالص مارديت بقيت افكر ليه اتصل واتذكرني كيف بعد كل السنين دي يوم كنت بتكلم مع ابوي قال لي في عريس اتقدم ليك قلت ليهو وانا ماموافقه قال لي بس انا موافق انصدمت كيف يعني قال اتواصلي معاهو مرة واحدة ولو رفضتي انا مااجببرك من زهجي قلت ليهو تمام قال لي هو في السعوديه حيصلكم المساء في البيت قلت ليهو نعم كيف يعني قال لي لمن يصل بتعرفي المساء الاء شغاله لي لازم تلبسي وتعملي ميكب وانا ولا على بالي بعاين ليها بس قلت ليها بطلع بي عبايه ولو كترتو معاي الكلام مابطلع اشوفو زاتو المساء محمد ناداني وانا ماكانت عاوزة انزل واشوفو بس كنت مجبورة علشان وعدت ابوي قلت انزل واقول ليهو انا ماموافقه وكدا يكون خلص الموضوع اول مانزلت شفت عمر قدامي كنت عاوزة ارجع من صدمتي بس محمد قال لي تعالي اقعدي وانا طالع دقيقتين وراجع طلع وخلاني مع عمر بعد محمد طلع كنت عاوزه اطلع بس وقفني قال لي اسمعيني بس لي مرة واحدة انا لي سنتين ماعايش خالص من اخر مكالمه لي معاك الدنيا وقفت بالنسبه لي وافقت ابوي على قرارو وخلاص كان باقي اسبوع على العرس وانا بس بدعي ربنا يقيف معاي فجاءة سوزان قالت لي ابوي انو هي ماموافقه على الزواج دا وهي بتحب ود عمي ابوي قوم الدنيا وقعدها وجاط فينا بعد تحانيس وتدخل من اعمامي وخيلانها حتى اقتنع ابوي كنت ناوي اتكلم معاك مالقيت طريقه ورحيق قالت لي انو اتزوجتي وسافرتي السعوديه من الوقت داك وانا مامرت على ثانيه وانا مافكرت فيك لحد الاسبوع الفات عرفت انو انت مااتزوجتي من مصطفى اول خطوة عملتها شلت رقمك من الاء بس رفضتي تتكلمي معاي سقت الوالد وسافرت لي ابوك في البلد وطلبت يدك منو وقلت ليهو انا عارف انو حترفض لكن انا حاقنعها بس انت لازم تقيف معاي اتوقعتو يرفض لكن الغريبه وافق طوالي وقال لي بس نختها امام الامر الواقع مدام بيناتكم معرفه سابقه والاء ساعدتني اكتر زول في الموضوع دا هي ومحمد اخوك ماكنت مصدقه وحاسه انو عايشه في حلم بقيت ابكى وهو يبكي معاي 😂في اقل من شهرين اتزوجنا قال لي مستحيل انتظر تاني علشان تضيعي مني قلت ليهو مستحيل طبعا قال لي اسبوع بس ماعندي كلام تاني لمن رفضت عمل العقد بعد اسبوع 😂وتمينا العرس بعد اقل من شهرين تمينا سنتين مع بعض وجبنا امجد ❤️❤️وحاليا بحقق لي احلامي بي تسجيل زيارة لي وكاله ناسا ❤️قال لي انت كنت كل احلامي وربنا استجاب لي دعواتي علشان كدا لازم احقق ليك كل احلامك 🤎🤎
دي كانت قصتي انا احلام محمد
تمت