رواية هو انت مين الفصل السادس6 بقلم سحر السحرتي

خرجت والدتها من الغرفه وتحدثت بح-ده 

: مين اللي بي-زعق بالشكل ده  .... معتز خير صوتك عالي ليه 

:ازيك يا طنط فاطيما عامله ايه 

:كويسه ... بردة صوتك عالي ليه 

:لا ده انا كنت بكلم خطيبتي في التليفون بنت-خانق مع بعض

: اه طب حاول صوتك يكون واطي في بيتي .... اطلعوا يا ولاد شكرا هي الترابيزه مكانها كده كويسه 

*عنود من داخل الغرفه وهي مازالت تضحك 

 :وانا اطلع ازاي دول زنقوني واقول لهم استنوا لما اخرج قاصدين يسيبوني كدة الحقوني اني اغرق ..اغرق..اغرق

فاطيما :انزلي من تحتها  او اطلعي من فوقها وانت زي الب-رص كده 

بضحك و مزاح أكثر :شكرا يا ماما قدام كل البشرية دي ... حتى انا كنت شايله طرفها  لوحدي وهم اثنين مع بعض 

:اخرجي بقى زي ما تخرجي هتق-رفينا 

:مش مصدقه بجد استغلتيني انا و زمايلي عشان نشيل الترابيزه من فوق لتحت وفي الاخر هتق-رفينا هي دي شكرا

: ما انا شكرتهم

 :وانا هواء

: مش انت السبب هو انا اللي عزمت على ام جابر تعمل حنه بنتها هنا 

:خلاص يا حبيبتي نتفاهم بعدين عندنا شغل 

 فاطيما :دكتور اياد معلش ما اخذتش بالي 

:خليها اياد بس يا طنط كويس ازاي حضرتك

 :كويسه خلص واطلع اشرب قهوتك معايا 

:حاضر هنظم الشغل واطلع

عنود :ماما اعملي حسابي 

:هو انا عزمت عليك يا ب-ارده

*نظرت لزملائها بص-دمة

 :لا يا جماعه ده دلع عنود ب-ارده ما تعلقوش واسم الدلع ده ما يطلعش بارة المرسم ...  هطلع ها يا ماما بس بحبها سخنه مش بارده 

*امسك اياد يدها كي تستطيع الخروج 

: مش نافع رجلي اتحشرت 

: طب هرفعك لفوق حاولي تخرجي 

*بالفعل رفعها كانت لمسته لها باحترام لكنها شعرت بشئ غريب ونظرات معتز الغاض-بة 

*صعدت والدتها وبدا الجميع في التجهيز اقتربت عنود من معتز و همست ولكن بح-ده في صوتها 

:ممكن اعرف اللي انت عملته اول ما دخلت ده اسمه ايه انا عديته بمزاجي عشان ماما بس مره ثانيه مش هيحصل كويس 

بقلمي سحر السحرتي 

*رد بهمس ونظرات عاشق

: عنود انا لسه بحبك 

:شيء ما يخصنيش احنا قفلنا الموضوع ده من زمان احترم الدبله اللي في ايدك

 :مستعد اقلعها بس وافقي 

:ولو ما وافقتيش هتكمل صح عصفور في اليد .... بقول لك ايه بلاش اللي بتعمله احسن اعتذر عن المعرض او اطلب دكتور غيرك يشرف علينا وانت عارف دكتور عزيز محتاجني في المعرض 

*قبل ان يرد نده عليها اياد

: عنود انا هطلع لطنط طالعه 

:ايوه يا دكتور جايه

 *واكملت بنفس الح-ده لمعتز وهي ترفع سبابتها امام وجهه

:اظن كلامي واضح ومش عايزه اعيده تاني

 *عندما صعدت قدمت امها القهوه لهم وتعجبت عنود من حديث امها 

:دكتور اياد هو ممكن حد غير معتز يبقى مشرف معاك

 :ليه هو عمل حاجه 

:لا ابدا بس هو كان خطيب عنود وعارفه انه لسه بيحاول معاها والدليل موقف النهارده بس انا عديته لانه بيدرس للطلبه الموجودين ما رضيتش احرجه قدامهم

 :خلاص انا هتكلم معاه ولو حصل حاجه ثانيه هطلب من دكتور عزيز اي حد ثاني و هحاول اقلل وجوده هنا في المرسم 

:انت زي ابني وفاهم هو موضوعه انتهى بالنسبه لعنود من زمان بس مش لطيفه ان كل شويه يحاول يرجع لها وهي رافضه غير انه خاطب 

:فاهم حضرتك كويس عنود اختي الصغيره

 :ده العشم مش هوصيك عليها وخصوصا موقفك معاها امبارح مع صاحب التابلوه 

:هو عنود بتحكي كل حاجه لحضرتك 

: احنا ملناش غير بعض فاكيد بتحكي لي كل حاجه وشكرا على فطار النهارده كلفت نفسك 

*ارادت فاطيما ارسال رساله لاياد غير مباشره وقد فهمها جيدا بحكم سنه 

*حضرت ام جابر متاخره :ايه ده يا ست فاطمه انت عملت القهوه بنفسك وكمان نقلت الترابيزه لوحدك 

:لا زمايل عنود ساعدوني عشان نلحق نوضب البيت لحنه بنتك 

ام جابر :عقبال عنود

عنود :بلاش الدعوه دي ابوس ايدك 

:ليه كده انت بتفهمي الجواز احلى حاجه للبنات واللي في سنك عندها عيلين دلوقتي 

:ماما غيرت رائي مش هنعمل الحنه هنا خلاص هي اللي جابته لنفسها

: ده انت سكر يا عنود بفتح عينك عشان انت عنستي الحقي حد من زمايلك تحت بس ازاي محدش فيهم ينفعك انت قد امهم دلوقت

 *عضت عنود على شفتيها

: ام جابر ما لكيش دعوه بيا انت مش بتكحليها انت بتخ-زقي عينيها ادخلي جوه ماما كانت عايزاكي في موضوع 

:مش لما اعزم الدكتور الحليوه بتاعك بس يلبس بدله بدل ما يفض-حنا اصل احنا عازمين ناس  كبيره المنطقه

: يا خبر ابيض دي هت-لبخ في الدكتور ماما اتصرفي 

:معلش يا اياد يا ابني هي طيبه بس لسانها مب-رد 

*كان اياد يضحك بشدة على حوارها وكانت عنود تشرد في هذه الضحكه فقد كانت من اجمل ما رأت 

:مفيش مشكله يا طنط و هاجي و البس بدله كمان عايزه لون معين يا ام جابر

: لا اي لون بس حاجه عدله بلاش تع-رنا 

*ص-رخت عنود :ادخلي ... ادخلي جوه هس-قط بسببك كان اتق-طع لساني قبل ما اقول لك الحنه هنا 

*جذبتها فاطيما وهي تؤنب-ها 

:حد يقول كده انت ايه مف-رمة ماشيه ته-رسي اي حد طب احنا بنستحملك بالعافيه ...  هو انت بتكلمي جوز بنتك كده

: ماله كده 

:هيط-فش منك خدي بالك

 :تفتكري

 :ده اكيد 

بقلمي سحر السحرتي 

*دخلا تحت ضحكات اياد نظرت له عنود بابتسامه

: الميزه الوحيده اللي عملتها دلوقتي خليتك تضحك مش بشوفك تضحك كثير 

:اصلها بصراحه تلقائيه قوي ومش بتعمل حساب لكلامها

 :عشان كده ماما مش بتغيرها رغم انها ساعات بتبقى هتج-لطنا بتقول قلبها ابيض مش هتلاقي زيها  .... رغم انها اشتغلت عند ناس كثير ما حدش استحملها قدنا  ... بس هو بصحيح هتيجي

: اه امتى ولا مش عايزاني احضر

 :ابدا تنورنا بس هنبقى واخدينك يوم اجازتك من المدام والاولاد لانه يوم الجمعه والفرح السبت 

:قلت لك ما تشغليش بالك بالموضوع ده يلا ننزل 

*مرت الايام على عنود بين المحاضرات والعمل في المرسم على لوحتها الى ان جاء يوم الحنه 

*اتفقت عنود مع زميلتها ان يقوموا برسم الحنه على يد الحاضرين بمقابل مادي على ان تعطي المال لام جابر في نهايه اليوم 

*فعلا نظمت عنود الحفله بطريقه مبدعه لكن في البدايه نظمت زفه لصينيه الحنه كعاده اهل المنطقه في الشارع التي حضرها اياد وعلم معتز بها فجعل ام جابر تقوم بدعوته بطريقة خب-يثة

*كانت الزفه عباره عن بعض صديقات العروسه يرتدون الزي النوبي ويرقصون على اغنيه نعناع الجنينه لمحمد منير وكانت من ضمنهم عنود وكانت ترتدي عباءه نوبيه جميله وترقص معهم بطريقه مضحكه فهي لم تتمرن معهم على الخطوات 

*كان اياد يبتسم من طريقتها لكن معتز كان غي-ور جدا وحاول ايقافها لكن اياد من-عه 

:معتز انا اتكلمت معاك في طلب والدتها وقلت لك ابعد عنها لاني المسؤول قدام دكتور عزيز ما تخلينيش ادخله واحترم يا اخي انك خاطب

: وانت مش محترم انك متجوز ليه 

:انا علاقتي بعنود استاذ وتلميذه غير انها بالنسبه ليا اختي الصغيره مش اكتر  ... وما قلتش لها بحبك زي ما انت قلت في مرسم الجامعه وانا سمعتك بنفسي ....  حدد موقفك الاول من خطيبتك وبعدها شوف عنود عايزاك ولة لا دي نصيحه اخ كبير 

*صعدت عنود هي والفتيات في الاعلى كي يرقصن مع بعضهن و يرسمن الحنه و تفاجات ام جابر بما نظمته عنود غير الحنه التي رسمتها لابنتها بحرفيه جعلتها اجمل عروسه فبكت من الفرحه 

:عقبال عنود يا ست فاطيما 

:ياااه بقالك كام سنه بتشتغلي معانا عمرك ما نطقتيها دايما تقولي لي فاطمه

: اصل فاطمه له معنى انما فاطيما ده دلع باي-خ 

:روحي يا ام جابر للضيوف بدل ما ازع-لك في يوم زي ده 

بقلمي سحر السحرتي 

*انتهى الحفل بسعاده لكل الحضور وانتظر اياد حتى انصرف الجميع وصعد لفاطيما تحت نظرات معتز الح-اقدة

: مش محتاجه حاجه يا طنط

 :شكرا انك جيت و جبرت بخاطر ام جابر ما تتعبش نفسك بكره

: لا ازاي عشان اوصلك انت و عنود 

:لا انا مش هقدر اروح وهي عارفه و مقدره و عنود هتروح ساعه مجامله وترجع عشان ما تتاخرش

: المرسم بكره مفتوح للطلبه ولا تحبي نلغي بكره

: لا شغال طبعا ده فاضل اسبوع على المعرض بلاش تعطلوا نفسكم 

:خلاص اشوفك بكره تصبحي على خير

: وانت من اهله

 *شعر معتز بالض-يق لمعامله فاطيما الحنونه لاياد فقرر حضور الفرح بصحبه خطيبته لاثاره غي-ره عنود 

*في اليوم التالي فتحت عنود المرسم وحضر الجميع في موعدهم 

*بعد انصراف الجميع صعدت عنود لتستعد كان معتز قد ذهب ليحضر خطيبته 

 *استأذن اياد فاطيما ان يرتدي بدلته ويستعد في المرسم فسمحت له 

*نزلت عنود كانت كالحوريه ترتدي فستان باللون الفيروزي عار الكتفين لكنها تضع شال من نفس الدرجه و تثبته على الفستان مع تسريحه شعر رقيقه ومكياج هادئ عندما راها اياد خطفت قلبه بطلتها ولم يقل وسامة عنها ببدلته الزرقاء وعطره المميز 

*ضحك اياد عند رؤيه عنود 

:بتضحك ليه شكلي وحش

: لا متخيل ام جابر هتقول لك ايه

: مش هتقول حاجه هتبقى ملخومه في الضيوف 

:تفتكري دي مش بتفوت فرصه هجيب العربيه

: ليه

 :عشان نروح 

:ده بعدنا بشارعين هنتمشى

 :طب يلا 

:استنى نسيت هجيب هديه العروسه 

:جايبه لها ايه

 :قول رسمالها ايه هو انا بعرف اعمل حاجه تانيه 

 :فرجيني كده 

*باعجاب شديد: لا فنانه ومبدعه

 :بجد عجبتك

: تحفه صورتها هي والعريس وهو شايلها على ايده

بقلمي سحر السحرتي 

 *في تلك اللحظه دخل معتز وهو ممسك بيد خطيبته ولكنه انبهر بجمال عنود و لاحظت خطيبته ذلك فارادت ان تقلل من شأنها امام الجميع

: ايه ده مش تقول اننا هنقابل عنود كنت جبت لها كتب ومذكرات تساعدها تنجح بدل ما هي لسه طالبه وكمان شويه هدوم تنفعها 

*ابتسمت عنود :ازيك يا شروق تفتكري المذكرات اللي عندك اللي جبتي بيها تقدير مقبول و نجحتك بالعافيه  هتنفعني وانا بجيب دائما امتياز ولولا الظروف كنت بقيت مكان خطيبك ....  و هدوم ايه اللي بتتكلمي عنها  .... انا كل هدومي بقى لها سنين صحيح بس كانها لسه جديده لانها براند عمرك ما تقدري تشتري زيها تحبي اجيب لك فستان منهم تلبسيه بدل اللي انت لابساه ده ...  يلا يا دكتور اياد هنتاخر 

اياد:يلا يا عنود معتز جاي معانا ولا هتروح خطيبتك البيت 

: لا انا جاي عشان مش عارف الطريق

 عنود: اتفضل يا معتز معانا هنوصلك

 شروق: معتز من غير دكتور

: هو دلوقتي رايح فرح جارتي مش بيدرسني وبعدين ما تنسيش اني كنت بقوله يا ميزو مش معتز بس 

*واسرعت بخطواتها تسبقها و همست لاياد 

:شوفها كده هت-طق ولا لسه

: دي ولع-ت بس شاطره فكرتك هتزعلي و تعي-طي والمكياج يبوظ ويبقى وشك لوحه تشكيليه 

*ضحكت بصوت مرتفع و همست له

: ام جابر علمتني لازم ارد على كيد الستات واهو تعليمها جه بفايدة 

*استمع معتز لضحكات عنود فاسرع في خطواته وهو يسحب شروق

 :ما تضحكينا معاك يا عنود مش احنا كنا زمايل جامعه واحده 

:دكتور اياد قالي حاجه تضحك ما اقدرش اقولها عشان عي-ب لو عايز كان قال لك انتم برده زمايل شغل  .... وصلنا يا دكتور اياد اتفضل اقعد هروح ادي الهديه للعروسه قبل ما تنزل .. اقعد يا معتز انت وشروق مش هتاخر عليك قصدي عليكم 

*ضحك اياد دون ان يظهر ذلك فقد فهم ان عنود تعمدت ان تخطئ في الكلام كي تش-تعل شروق من الغي-ظ اكثر 

*استاذنت شروق لتسلم هي ايضا على العروسه 

*تقابلت شروق مع عنود على السلم او بمعنى اخر كانت في انتظارها 

:ابعدي عن خطيبي احسن لك

 :وان ما بعدتش هتعملي ايه 

:هعمل لك فضيحه في الجامعه وفي كل مكان 

:تفتكري هخاف منك عموما انا مش عايزه خطيبك وما يلزمنيش في حاجه و يوم ما  هفكر في الجواز مش هيكون واحد زي خطيبك اطمني

: ايه باصة لاياد 

:انا مش زي ناس ابص للي في ايد غيري دكتور اياد متجوز وانا لا ببص لخاطب ولا متجوز ولا بص-طاد عريس لسه فاسخ مع خطيبته زي انت ما عملتي

 :معتز خطبني و اختارني بنفسه 

:ولما اختارك بنفسه خايفه مني ليه مش واثقه من نفسك ومن خطيبك ليه وما اختاركيش ليه قبل ما يخطبني .... وبعدين احنا في الجامعه البنات حواليه كل يوم و بيق-طعوا نفسهم عليه خافي منهم هما مش مني لانه عرفته كويس وما عجبنيش

:قصدك ايه بالبنات حواليه

 :معيد وصغير غير انه خاطب بس في نظرهم ممكن يفسخ اصلك مش معانا في الجامعه و بتسمعي البنات بتقول ايه ... نصيحه مني يا تنطي له في الجامعه كل شويه يا تتجوزي بسرعه قبل ما واحده تلف عليه

بقلمي سحر السحرتي 

*تركتها وهي تح-ترق من الغي-ره وعلى وجهها ابتسامه انتصار لاحظها اياد فهمس لها 

:انت عملتي ايه 

*ابتسمت بخ-بث: انا ده انا طيبه

 :طيبه قوي البنت وشها احمر من كتر الغ-يظ 

:ابدا استنيتني على السلم وبتقول لي ابعد عن معتز زي ما اكون لازقه له رديت عليها بهدوء وبرود مش عارفه مالها هت-ولع في نفسها وفيه غلطت

:ابدا انت بتغلطي

:  هههههه انا هطلع المسرح اوجب مع العروسه

 *صعدت ورقصت مع العروسه وصديقاتها وكان معتز تظهر عليه علامات الغي-ره لاحظها كل من شروق واياد 

فتوعدت شروق لهذه العنود بالانت-قام منها وتدم-ير مستقبلها ووجدت المعرض انسب طريقه لتنفيذ انت-قامها

كيف ست-نتقم شروق من عنود