رواية هو انت مين الفصل العاشر10بقلم سحر السحرتي

*ظلت عنود شارده فيما قاله فأعاد عليها

: بقول لك بغ-ير عليك 

:بس ما ينفعش

: ليه ما ينفعش قلبك مع حد ثاني 

:عشان انت متجوز 

:هو ده الحاجز اللي ما بينا 

:طبعا هو ده في نظرك شويه

: ولو حليت المشكله دي

 :وانا ما اقدرش ابني سعادتي على تع-اسه واحده تانيه 

*واسرعت من امامه وذهبت الى غرفتها مع والدتها ونامت داخل حضنها 

*في تمام الساعه 6:00 صباحا لم تستطع عنود النوم  فكانت تقف في ساحه الكامب وترتدي البجامه الخاصه بها على شكل ارنب وتضع الشال حول كتفها وترسم الشروق تفأجات بمن يقبلها فوق خدها برقه ويقول 

:صباح الخير يا حبيبتي 

 :دكتور اياد انت عملتها امبارح ما قدرتش اتكلم عشان شكلك قدام البنات لكن مش هسكت دلوقت بعد اذنك 

:بتوحشيني فيها مشكله دي 

:المشكله انه ما ينفعش قلت لك إمبارح مش هخ-رب بيت واحده ثانيه

: مش لازم بيتها يتخ-رب الراجل له مثنى

*قالت بح-دة وعص-بيه 

 :نعم لو هم-وت عليك طبعا لا 

:هو انت هتم-وتي علي بجد 

:انا بقول لو مش معنى كده انك شاغل تفكيري 

*و تهربت بنظراتها منه حتى لا يكتشف كذب-ها 

:طب نفترض اني مش متجوز في فرصه ليا معاكي

: بلاش تفترض شيء خيالي مراتك موجوده وابنك كمان موجود ينفع تسيبني اكمل التابلوه ده

 *ارتسمت علامات الض-يق على وجهه

: ممكن جدا أما الحق انا كمان ارسم التابلوه بتاعي 

*استيقظ البقيه وجد كلا من عنود واياد يقومون بالرسم كل واحد منهم في اتجاه معاكس فاقترح عزيز

 :شوفوا كل واحد منهم يخلص وانا هعرضه عليكم من غير ما تعرفوا مين اللي رسمها واللي يكسب يطلع العشا البدوي  على حسابي

بقلمي سحر السحرتي 

*وافق الجميع وبعد الانتهاء تعادل كل من عنود واياد 

عزيز :خلاص كده العشاء البدوي لكم انتم الاثنين على حسابي شوفوا عايزينه امتى

اياد: النهارده بالليل نروح انا وهي

 *رد معتز سريعا 

:خلاص يا دكتور عزيز ممكن تحجز لي انا وشروق معاهم 

دينا :وانا كمان يا بابا احجز لي وعايزه اعمل سفاري 

عزيز :خلاص شوفوا مين هيروح عشان اكلمهم و اجهزوا يلا عشان نروح وادي الريان كمان شويه 

*ذهبوا جميعا الى وادي الريان ولعبت الفتيات في الماء الى ان غرق-ت ملابسهم 

*مر اياد بجانب عنود وهمس 

:كده هتبردي و تتعبي 

*ابتعدت عنه ولم ترد عليه وظلت تلعب في المياه ورجعت الى المكان الذي تجلس فيه والدتها 

:هو الجو برد ولا ايه يا ماما

 :خدي يا حبيبتي الشال ده دفي نفسك عشان هدومك اتبلت 

:لا يا حبيبتي انا كويسه وما ينفعش تقلعيه تبردي انا هروح اشوف جاكيت في العربيه 

*ذهبت لتبحث عن جاكيت لانها شعرت بالبرد وجدت من يضع على كتفها الجاكيت الخاص بها 

:لا شكرا يا دكتور انت كده هتبرد

 :البرد عندي اهون من ان حبيبتي هي اللي تبرد وانت بتتعبي بسرعه 

*خط-فت قلبها تلك الكلمة لكنها لم تمهله او تستسلم لذلك الشعور 

:دكتور لو سمحت ارجوك بلاش الكلام ده بينا ... علاقتنا كانت كويسه بلاش تخليني اق-طع التعامل معاك خالص

 :طب البسي الجاكيت و هقعد معاكي اوضح لك معلومات انت فاهمها غلط بس لما نرجع اتفقنا 

:حاضر بس ممكن تبطل كلامك ده

: مش قادر ما بقتش اقدر استغنى عنك

: لغايه لما نتكلم لان بكده هاخذ ماما وامشي من الرحله خالص

 :حبيبتي ممكن تديني فرصه و هفهمك كل حاجه

: مش قلنا بلاش كده 

:اللي هو ايه

 :حبيبتي والكلام ده 

:خلاص البسي بقى الجاكيت ولينا قاعده مع بعض

 *ارتدت الجاكيت وعادت الى امها شارده لا تدري ماذا تفعل 

: مالك يا عنود وجاكيت مين ده

 :مفيش ده بتاع دكتور اياد اصل ما لقيتش حاجه في العربيه 

*كانت تائهة فقررت

: ماما انا هرجع الكامب اغير  هدومي واجي لك ثاني 

*نادت على دينا كي تعود معها ليبدلا ملابسهما حتى لا ينتهزها اياد فرصه ويعود هو معها فقد باتت تعرف بعض تصرفاته 

بقلمي سحر السحرتي 

*ابدلت ملابسها وعادت لوالدتها تناولا الغداء وعادت للكامب لتنام قليلا و تستريح حتى موعد السفاري والعشاء البدوي 

*رفضت والدتها الذهاب معها لشعورها ببعض الارهاق

 *ذهبت و تنافست مع دينا في سباق بينهم بالبيتش باجي دائما كانوا يقومون به سويا

:هسبقك يا دودو

: مش هتقدري يا ديدي كل مرة انا اللي بكسب

 *فابتعدت عنود زياده عن اللزوم وكان اياد يتابعها بعينيه الى ان اختفت تماما 

*بدا الجميع في البحث عنها فذهب اياد في الاتجاه الذي اختفت فيه وظل يبحث عنها الى ان وجدها ملقاه على الارض فاقده الوعي و البيتش باجي منق-لب على جانبه اسرع اليها يحاول افاقتها وقام برش بعض الماء على وجهها 

:عنود حبيبتي فوقي ارجوكي فوقي

 *بدات تستيقظ تدريجيا وهي تتالم

: اه انا فين

 :انت معايا يا قلبي ايه اللي حصل لك

 :شفت حيوان حاولت افديه بس ما عرفتش البيتش باجي اتق-لب على جنبه وانا بطير من عليه ما فوقتش غير بين ايدك 

:انت كويسه يا حبيبتي تقدري تقومي

: اه كويسه شويه ... بس بلاش حبيبتي دي قلت لك قبل كده 

:قومي بس خض-تيني عليك وقع-تي قلبي يا قلبي

 :دكتور اياد مش هينفع كده 

:خلاص قومي ولة اشيلك

: مش للدرجه دي هقوم 

*حاول اصلاح البيتش باجي الخاص بها وجده لا يعمل

: مش عايز يشتغل اركبي ورايا 

*اضطرت ان تركب خلفه

*اتصل عليهم و ابلغهم انه وجدها حتى لا يقلقوا وأنهم في الطريق 

*ولكنه تعمد ان يظهر أن الشبكة اختفت و انه لا يعرف طريق العوده

: انت مش عارف الطريق طب ما تلفش كثير عشان البنزين ما يخلصش وحاول تتصل عليهم تاني يمكن نعرف نوصل لهم لما يبعتوا لوكيشن

: عندك حق تعالي نقعد شويه على ما افتكر الطريق او يبقى في شبكه عشان اعرف اكلمهم 

*جلست على الارض وجلس بجانبها ووضع ذراعه حول كتفها و احتضنها

: دكتور اياد ما يصحش كده لو سمحت هقوم امشي على رجلي و اسيبك 

:اقعدي بس واهدي خلينا نتكلم ... انت في مشاعر عندك من ناحيتي 

:هيفيد بايه في الاخر مش هينفع حب فاقد الامل

 :ايه المشكله اللي تخليها مش هتنفع 

:حاجه بسيطه خالص انك متجوز مثلا

 :هو انا مش راجل ويحق لي اتجوز اثنين

: اه بس انا مش منهم

 :طب هطل-قها عشان خاطرك 

:وبعد شويه تطل-قني عشان خاطر واحده ثانيه

 :يعني عايزه تحرمي نفسك مني عشان خاطر واحده ثانيه وانت بتحبيني

: انا ممكن اد-وس على قلبي لو فكر يج-رح واحده ثانيه لان مش حمل ان يترد لي نفس الج-رح وماما دايما بتعلمني الا ج-رح القلوب 

 :يعني بتحبيني ولة لا

: هتفرق في ايه اجابه سؤالك 

: هتفرق في اللي هقوله بحكي لوحده بتحبني ولة لا 

:طب ما تحكي الاول

 :ما هو انت مش بتحبيني زي ما بحبك مش هقدر اكشف لك حاجات محدش يعرفها 

:طب ما تحكي مش احنا اصحاب

: لا يا عنود لازم اعرف الاول بتحبيني زي ما بحبك لانها حاجات خاصه جدا محدش يعرفها غير القريب من قلبي 

:بحبك اكثر ما بتحبني ارتحت احكي بقى

 *امسك يدها يقبلها و احتضنها بحب

: انا مش متجوز يا عنود

*كادت أن تطير من السعادة 

 :بجد مطلق يعني

 :لا مش مطلق 

:ارمل معلش

 :ولا ارمل

 :الله انت مش قلت لي انت اتجوزت بنت عمك وعندك ولد عمره ثلاث سنين

بقلمي سحر السحرتي 

: اسمعي انا لما خلصت الجامعه بابا عرض عليا اتجوز بنت عمي عشان يطمن عليا .... اتجوزنا وبعد سنتين كانت بتزن خلالهم اني اهاجر معاها زي اهلها وانا رفضت ... عشان مستقبلي هنا احسن دكتور في الجامعه وليه معارض و حاسس اني هبقى حاجه كبيره مع الوقت ... هي اصلا ما كانتش مقتنعه بموهبتي واني فنان 

:وبعدين اطلقتوا

 :مستعجله قوي 

:طب اوصل لاهم نقطه انا عايزه اعرفها وبعدين ارجع تاني كمل 

: هههههه لا اسمعي بس اخذت بعضها وسافرت من غير ما اعرف وكانت رافعه عليا قضيه خلع برده من غير ما اعرف 

:واخذت ابنك وسافرت

 :انا ما شفتوش اصلا هي اكتشفت بعد ما سافرت انها حامل وهي دلوقتي هناك و معاها ابني كثر خيرها بتبعت صورته  .... وعرضت عليا نرجع لبعض بس اسافر لها 

:يعني انت مخلوع ومش بتقول ليه

 :عشان انا وسيم زي ما انت عارفه والبنات هت-موت نفسها عليا ما بالك بقى لو عرفوا اني عازب 

:بجد يا حبيبي ياااه هم و انزاح من على قلبي

: سلامه قلبك يا حبيبتي

: هو انت كنت بتحبها

: كنت متخيل اني بحبها بس بعد ما بعدت اكتشفت أنه تعود لانها بنت عمي وكنا بنلعب مع بعض وتذاكر سوا بحكم انها قدي بس ما عرفتش الحب غير لما حبيتك

 :انت بجد يا اياد بتحبني 

:قوليها ثاني كده

 :هي ايه

: اياد اصلك كل شويه دكتور لما كرهت اسمي عشان مش راضيه تنطقيه لوحده

: بس بقى بجد يا اياد انا مش بحلم من الوقعه

: لا يا حبيبي مش بتحلمي بس اهم حاجه عندي طلعت بتحبيني زي ما بحبك

: اكثر اكثر بس كنت بتعذب انه حب من غير امل

: انا طلبت ايدك من مامتك تقبلي تتجوزيني

: ايه 

*وبكت بش-دة 

:هي دي دموع الفرحه

 :لا انا بعيط عشان مش هقدر اوافق على طلبك

: ليه يا عنود مش المشكله اللي كانت واقفه ما بينا خلاص اتحلت

 :حاجات كثير اولهم اني مش هقدر اسيب ماما وانت اكيد هتقعدني من الشغل وماما مسؤوله مني

: مين قال لك كده انت و مامتك هتبقوا مسؤولين مني ومش همنعك عن الشغل طبعا .... انت فنانه بس اتاكد انك بتشتغلي في مكان محترم انا عمري ما هعطلك بالعكس انا هساعدك و ادفعك لقدام لاني متاكد انك فنان عظيمه 

:يعني مش هتغ-ير من نجاحي زي باقي الرجاله

 :لا طبعا هبقى فخور بمراتي الفنانه انا ذقت طعم ان ما حدش يقدرني او يحس بقيمتي مع مراتي الاولى كانت كل اما تشوف رسمة ليا تحسها عادي ودائما تقول هو الكلام ده بيجيب فلوس...فاكيد مش هدوقك الم-ر اللي ذوقته ...  غير اني بحبك من زمان ومن قبل الحادثه اللي انقذت فيها الولد من قدام العربيه

بقلمي سحر السحرتي 

: ايه مش فاهمه ازاي بتحبني من قبلها انت كنت تعرفني

: اه كنت بشوفك في الجامعه من زمان وكنت بتدخلي لدكتور عزيز عندنا بس مش بتبصي على اي حد و استغربتك و عجبتيني قوي ....  حبيت خفة دمك اللي دايما مع دكتور عزيز و ادبك واكثر من مره يشكر فيك انك فنانه ...  كنت بشوفك في الشارع وانت حاطه لوحاتك و بنظره فنان كنت بزعل ازاي موهبه زيك تقف في الشارع لكن كنت مشغول ومش قادر ادور وراكي واعرف حكايتك ...  لكن كل يوم كنت بحب اشوفك وادور بعيني عليك ولو ما شفتكيش في الجامعه بروح ابص عليك في الشارع ولما بتكوني كمان مش في الشارع يومي كان بيبقى مقلوب

: ياااه يا اياد معقول امال ليه زعقت لي لما كنت بنقذ الولد و حسيت انك عايز تض-ربني 

:بصراحه فكرته ابنك ما كنتش لسه اعرف اني بحبك قوي كده مجرد اعجاب بس اتاكدت يومها لان غي-رت انك لواحد ثاني مراته و مخلفه ابنه وانت عرفتيني مش بقدر امسك لساني وبحدف دب-ش ...  ايه بتبصي لي كده ليه 

:بفتكر الايام والساعات اللي كنت بقاوم حبك في قلبي ومش مصدقه ان فعلا جه اليوم اللي حد يحبني بالشكل ده وانا كمان بحبه

: انا اكتشفت اني بحبك اكثر ما خيالك ممكن يش-طح 

:يش-طح هههههه انت فظيع ما كنت ماشي كويس وبتقول كلام حلو  ... بس انت ما تعرفش عني حاجه

: فاكره لما كنت بقعد مع مامتك كثير وانت مش موجوده 

:اه انت كنت بتقعد معاها اكثر مني و بستغرب انها ساعات كانت بتنزل تقعد معاك وانت بترسم في المرسم ما كانتش بتعملها معايا

: كنا بنتكلم عنك و بتحكي لي انت قد ايه بتحبيها و بتخافي عليها و شيلاها وقد ايه تعبتي و ازاي مرت عليكم ايام صعبه 

:انت بتقول انك طلبت ايدي من ماما وقالت لك ايه هي عرفت انك مش متجوز

 :اه حكيت لها على كل حاجه وعلى ظروفي ووافقت وفضلت توصيني عليكي 

:وهي عرفت منين اني بحبك 

:قلب الام من غير ما تتكلمي وكانت فاهمه وعارفه انك بته-ربي مني عشان فاكراني متجوز

 :يعني هي كانت عارفه و شايفاني بتع-ذب وسكتت

: انا اللي طلبت منها لغايه لما تخلصي امتحانات و نتاكد انك بتحبيني

: بحبك قوي يا اياد انا عمري ما حبيت لكن متاكده اني بحبك اكتر من حياتي بس

 :بس ايه يا حبيبتي 

:خايفه تسيبني و الفرحه ته-رب مني 

:عمري ما هسيبك انا ما صدقت لقيتك ...  هتصدقي لو قلت لك ان انا كمان اول مره احب ولو كان في مشاعر قبلك لاي حد اكيد ما كانش حب انت اول واخر حب

: اياد انا دلوقتي خاي-فه و مرع-وبه تسيبني

: ليه يا حبيبتي احلف لك

 :لا انت مش فاهمني في جزء في حياتي انت ما تعرفش عنه حاجه

بقلمي سحر السحرتي 

: ما طنط حكيت لي كل حاجه

 :الجزء ده حتى ماما ما تعرفش عنه حاجه

: اه مش ده الجزء اللي ناقص من حكايتك

: اه هو بالضبط

 :مهما حصل عمري ما هسيبك

 :حتى لو كانت حاجه وح-شه 

:وح-شه ازاي يعني فهميني ...  انت عملتي ايه بالضبط 

*بدات في البكاء

 :عنود انطقي عملتي ايه 

:هقول لك بس اوعدني انك حتى لو هتسيبني ماما ما تعرفش حاجه عن الكلام ده 

:انطقي قلقتيني عملتي ايه 

:مش هقول غير لما توعدني *بعص-بيه وح-ده

 :اوعدك خلصيني وقولي انا برج دلوقتي من دماغي هيطير وكام سيناريو بيتكتب في دماغي 

:طب ما تتن-رفزش عليا كده عشان اعرف احكي 

*ادرك انها خائ-فه فبدا يطمئنها حتى تستطيع الكلام دون خ-وف

 :حبيبتي مهما حصل ومهما قلتي عمري ما هسيبك 

:بجد يا اياد

 :بجد يا قلب اياد من جوه 

:طب اسمع بقى اللي حصل

ما هي باقي الحكايه وهل سيستمر اياد معها بعد اعترافها ام سيتركها

                  الفصل الحادي عشر من هنا