رواية عشق المراد الفصل الخامس5 والسادس6 بقلم رشا السيد
وصل مراد و عدي المستشفى و طلعوا مكتب بدر و دخلوا المكتب
بدر : الدكتوره قالت إنها فاقت بس علشان الخبطه كانت قويه عليها ده هيأثر عليها بس لحد دلوقتي مش عرفين تأثيره هيكون ازاي
عدى : الصراحة يا مراد مي لما كانت سايقه العربية مش كانت مركزه كانت مشغله أغاني و كمان باصه في الموبيل يعني مكنتش مركزه في الطريق اصلا
مراد في نفسه : والله لاربيكي من اول و جديد يا مي
مراد : تمام أنا هروح اعتذر ليها
بدر : طب ليه انت المفروض مي هي الي تعتذر ليها
مراد بعصبيه : ما الهانم مش بترد و كمان زعلانه
عدي : اكيد زعلانه و ضميرها مأنبها بسبب امبارح
مراد : لا زعلانه علشان مخرجتش مع أصحابها امبارح بجد انا زهقت من تصرفاتها مش عارف اعمل اي معها
بدر : طب مخليها تتجوز
مراد : بتقول انها مش عاوزه و انها عاوزه تركز في شغلها
و طبعآ عدى عارف هي قالت كده ليه
———————————————
< عند سيلا >
كانت قعده مع البنات لحد ما التلفون بتعها رن و كان رامز و سيلا خرجت بره الاوضة علشان ترد
سيلا : الو
رامز : الو سيلا عامله اي دلوقتي
سيلا : اه الحمدلله انا كويسه
رامز : انتي فين
سيلا باستغراب : ليه بتسأل في حاجه
رامز : الصراحة لازم نتكلم ضروري في موضوع مهم علشان كده عاوز اقابلك
سيلا : لا مش هعرف اقابلك
رامز : ليه
سيلا :اصلي انا في المستشفى مع صحبتي علشان عملت حادثه طب ما تقول دلوقتي
رامز : مش هينفع في التليفون
سيلا :خلاص تعال و نتكلم في الكافيه اللي جانب المستشفى
رامز : طب انتي في انهي مستشفى اسمها اي يعني
سيلا : الحسيني
رامز : تمام انا جاي مش هتأخر
سيلا : تمام باي
دخلت سيلا للبنات و قالت ليهم انها ماشيه و نصف ساعة و هترجع مش هتتاخر و مشيت خرجت سيلا من المستشفى و راحت للكافيه الي جانب المستشفى و اسنتت رامز مرة عشر دقايق و وصل رامز
سيلا : في اي بقي اي الموضوع المهم الي مش هينفع تقوله في التليفون
رامز : سيلا الصراحة .... إحنا لازم نسيب بعض
سيلا اول ما سمعت حاست بكسره في قلبها
رامز : انا خايف لما نتجوز و نخلف بنتنا او ابننا يورث مرضك
سيلا بابتسامه تذكر كلامه إمبارح : امال اي انا مستحيل اسيبك او ابعد عنك انا جانبك دايما اي مش ده كان كلامك امبارح ولا اي
سيلا بسخريه : بس الصراحة واضح جدا انك مستحيل تسبني بعد يوم بالضبط جاي غيرت كلامك
رامز : و الصراحة كده انا عاوز اتجوز علشان اتبسط و اكون مرتاح مش علشان كل يوم اكون في المستشفى
وقفت سيلا و خلعت الخاتم و رمته في وشه و مشيت بس رجعت ليه و قالت بسخريه : نسيت اقولك حاجه مهمه يمكن انت متعرفهش ان الراجل بيتمسك من كلمته
و خرجت من الكافيه و عيونها مليانه دموع قعدت على مقعد امام المستشفى و افتكرت ان كل الناس سبتها لوحدها الأول والدتها بعد كده والدها و في الأخير رامز الي كانت بتحبه من كل قلبها اتخلا عنها بسبب مرضها ، حاولت تهدأ و مسحت دموعها و دخلت المستشفى و طلعت اوضته مها و مسكت ايد الباب و اخدت نفس عميق و دخلت بابتسامة
سيلا : اتاخرت عليكم
مها : لا عادي ولايهمك ، البقاء لله يا حبيبتي ربنا يرحمه ويغفر له لسه نجمة قالت ليا متخافيش احنا معاكي و عمرنا ما هنسيبك صح يا نجمة
نجمة : اه احنا عمرنا ما هنسيبك علشان منقدرش نعيش من غيرك ف لازم تستحملي مشاكلنا و رخمتنا
سيلا : ربنا يخليكم ليا
مها و نجمة : و يخليكي لينا
مها بابتسامه : و اكيد رامز هيكون معاكي
سيلا بحزن شديد : رامز فسح الخطوبة
مها و نجمة بصدمه : اي
مها : ازاي ده حصل و امتى اصلا
و سيلا حكيت ليهم كل حاجه حصلت و انهارت بالبكاء
نجمة وهي بتحضنها : لو سمحتي اهدي علشان صحتك انتي تعبانه
مها : ان شاء الله ربنا هيعوضك عنه هوا اصلا ميستهلكيش بعد عنك بسبب تعبك بدل ما يفضل في ظهرك و جانبك يتخلا عنك بكل بسهوله لسبب ضعيف
بعد شويه
مها حاست بالم في بطنها بس مش اهتمت بعد دقايق الألم زاد اكتر لدرجة انها صرخت بعالي صوت
سيلا بخوف : مها مالك اي الي حصل
كانت مها بتصرخ اكتر من شديدة الألم
سيلا : نجمة روحي نادي الدكتوره بسرعه
راحت تنادي الدكتوره و قالت ليها ان مها تعبانه اوي و الدكتوره راحت معها بسرعه لما وصلت كانت مها بتستفرغ دم كتير مش بتوقف
الدكتوره بتكلم المساعده : يلا بسرعه على اوضته العمليات بسرعه
دخلوا مها اوضته العمليات و نجمة و سيلا كانوا خايفين على صحبتهم ونجمة فضلت تعيط و مها تهديها
سيلا بتوتر شديد : ان شاء الله هتكون كويسه
نجمة بعياط : انا خايفه عليها اوي خايفه يحصلها حاجه
سيلا : متخافيش أن شاء الله مفيش حاجة هتحصل و هتكون كويسه
< في مكتب بدر >
الباب خبط و بدر سمح بدخول دخلت الممرضه
الممرضه : بدر بيه المريضه بتعت امبارح الي كانت في العنايه المركزه تعبت جدا و الدكتوره دخلتها اوضته العمليات
بدر : اي
الفصل السادس
بعد 3 ساعات
خرجت الدكتوره من اوضته العمليات جريت سيلا عليها بسرعه و سألتها بخوف و لهفه : اي الي حصل ليها هي كويسه دلوقتي
الدكتوره : حطنا ليها تنظير داخلي علشان يساعدنا في تحديد مصدر النزيف و الحمدلله عرفنا نحدده و قدرنا نوقفه نهائي هي الحمدلله كويسه دلوقتي و ننقلها اوضه بتاعتها حمد لله على سلامتها
سيلا براحه : الحمدلله الله يسلمك شكرا جدا لحضرتك
الدكتوره بابتسامه خفيفه : العفو ده شغلي
نجمة كانت بتبكي راحت سيلا و حضنتها و قالت : خلاص بقي متبكيش الحمدلله هي كويسه
***********************
بعد مرور يوم
وقت خروج مها من المستشفى جات الدكتوره علشان تكشف عليها
الدكتوره : تمام انتي بخير بس لازم الراحة التامه و تشربي سوائل كتير
مها : تمام انا مش عرفه اقولك اي بس شكرا جدا ليكي
الدكتوره بابتسامة : العفو يا حبيبتي حمدلله على السلامه
مها : الله يسلمك
***********************
عند سيلا
كانت تخلص ورق الخروج من المستشفى لما خلصت كانت راجعه بس في حد خبط فيها جامد
سيلا بعصبيه : اي ده مش تفتح يا أعمى انت
مراد : انتي قولتي اي
سيلا بسخريه : يعني أعمى و كمان اطرش
مراد بغضب شديد : انتي مجنونه ولا اي انتي ازاي اصلا تتكلمي معيا بالطريقه ده
سيلا :اكلمك ازاي يعني اقولك عادي ولا يهمك و خلاص و بعدين المفروض انك تعتذر
و مراد مشي و ده استفز سيلا جدا و قالت بصوت عالي شويه : حيوان
مراد سمعها و رجع ليها و قرب منها اتكلم بهمس في ودنها : هتندمي أشد ندم على كلامك ده
سيلا خافت بس تظهرت بالشجاعة و قالت : هتعمل اي يعني
مراد تجاهلها و مشي
رجعت سيلا الاوضة و كان باين عليها التوتر
مها بتسأل : سيلا مالك انتي كويسه
سيلا بتوتر : اه انا كويسه
مها : امال في اي شكلك مش عجبني
سيلا : مفيش حاجة انا كويس بس حصل موقف بره مش حلو
مها : في اي يا حبيبتي خير
سيلا : مش مهم بعدين اقولكم يلا نمشي انا خلصت ورق الخروج
مها و نجمة : تمام يلا
***********************
بعد يومين
< في شركة مراد الألفي >
مراد : عدي إلغى صفقة مايكل
عدي : ليه و بعدين إحنا واقعنا خالص و المفروض هيستلم بكره
مراد بغضب شديد : الحيوان طلع شغال تبع جاك علشان جاك محتاج سلاح بأي طريقه علشان كده اتفق مع مايكل
عدي : تمام أهدى بس
مراد : بقولك اي نزل اعلان علشان عاوز سكرتيرة جديدة
عدي : تمام
***********************
< عند سيلا >
كانت بدور على شغل لحد ما مها كلمتها
مها : عامله اي يا سيلا
سيلا : الحمدلله و انتي عامله اي
مها : الحمدلله انا كويسه انتي فين
سيلا : انا بدور على شغل بس ملقتش لحد دلوقتي
مها :بجد انا مش شويه قرأت في الجرادية ان في شركة الألفي مطلوب سكرتيرة
سيلا بسعادة : بجد
مها : اه والله يلا روحي و لما تخلصي كلميني
سيلا بابتسامة : تمام شكرا جدا ربنا يخليكي ليا
مها : ويخليكي يا حبيبتي يلا سلام
سيلا : سلام
سيلا راحت الشركة و اخذت نفس عميق و دخلت و سألت موظفه
سيلا : لو سمحتي كان نازل اعلان مطلوب سكرتيرة جديدة
الموظفة بابتسامة : اه فعلا حضرتك ممكن تتفضلي تستريحي هناك لحد ما يجي دورك
سيلا بابتسامه : تمام شكرا ليكي
الموظفة : العفو
بعد مده
جه الدور على سيلا دخلت بتوتر و كان مراد قاعد على الكرسي و مديها ظهره و لما بص ليها اتفاجأ و ابتسم ابتسامه خبيثه ،و سيلا أنصدمت أنه نفس الشخص الي بهدلته و شتمته كمان، مراد بص في الملف الشخصي بتاعها
مراد : امم اكيد فكرني انا الي انتي قولتي عليه حيوان
سيلا بتوتر : اه علشان انا كنت لسه بتكلم و انت مشيت و كمان المفروض كنت تعتذر
مراد و هو بيبص في الملف الشخصي بتاعها : امم سيلا أحمد خريجة إدارة أعمال
مراد : اشتغلتي قبل كده في اي مكان
سيلا : لا
مراد : الشغل ده محتاج نظام و دقه في العمل و ممنوع التأخير
سيلا : تمام
مراد :ممكن تتفضلي دلوقتي و هبقي نكلمك
سيلا خرجت و هي متعصبه و عدي شافها