رواية حب بلا مقابل الفصل السابع7 والثامن8 والتاسع9 بقلم هبه احمد
جمال / دى بنتى و حته منى وعاوز اعوضها
كوثر / تعوض مين ياحاج هو انت مش عارف انك راميت بنتك فى كوم زبالة و هربت وسافرت و عشت حياتك و لا كانك هربان من دفن مرأتك و رمى بنتك يا جبروتك يا اخى
جمال / الماضي مات و مرأتى الله يرحمها انا دفعت ثمن خرجتها و بنتى بفلوسى هالاقيها لو كانت فى بطن الحوت
كوثر / احلام سعيده يا حاج اللى يهمنى هو ولادى و احنا متفقين أن طلبات ولادى أوامر تمام محدش هيخسرليهم حاجة عندهم الفيلا و الفلوس اللى بيها يعيشوا حياة سعيدة
جمال / حاضر ياستى بالليل نتكلم فى موضوع ابنك دلوقت ممدوح المحامى منتظرنى
كوثر / بكرة هتروح معايا انا و فارس علشان نخطب البنت دى
جمال / مش لما ابنك يتخرج و يشتغل
كوثر / هيتزوج بفلوسه و هيجيبها من الحارة اللى كانت قاعدة فيها لفيلا فى مكان راقي عمر ابوها ما يحلم انه يفوت من جنبها
جمال / تمام
مريم / بابى عوزة اروح اعمل شوبينج ممكن
جمال / عندك مامى انا مشغول النهارده
عايدة / و انا عوزة اروح للدكتورة تكتبلى حاجة للصداع ده
جمال / عندك مامى شوف هتعملوا ايه
عايدة / نفسى اعرف انت ليك مين غيرنا المفروض تهتم بينا و بطلباتنا شوية.
كوثر / هو مشغول بالماضي اللى هو دفنه بايده زمان
مريم / يعنى ايه مش فاهمة
كوثر / مفيش يابنتى بقولكم فين سيف
مريم / فى الجنينة بيلعب مع عمى راضي كرة
كوثر / البسوا هنخرج نتغدا برة و نعمل شوبينج شوفوا انتم عاوزين ايه علشان نخلص بسرعه
مريم / لما نشوف المعروض في المحلات نفكر هنجيب ايه
فارس / عاوزك تخلصى موضوع البنت دي يا ماما الا وربنا اخطفها واجبرها على الجواز مني
مريم / ما فيش حاجه اسمها الجواز بالاجبار ده ممكن تحبسك
فارس / انتى في مصر يا ماما مش في امريكا سلملي على القانون المصري كل يسلك بالفلوس
عايدة / احنا كده هنشوف فيلم اكشن
كوثر / انا اتفقت مع بابا نروح نخطبها بكره
فارس / اونكل جمال من يوم ما جه وهو حاله متغير
كوثر / المهم ان هو بيسمع الكلام وهيروح معاك بلاش صداع ماشى
فارس / عاوز احول اوراقى لكلية خاصة حضرى الفلوس
مريم / و هتدخل على سنه كام انت حاليآ فى سنة تالته
فارس / بالفلوس هاكون فى سنه تالته بروضة احنا نختلف عن المصرين انا أمريكى اوعك تنسى كده
مريم / من يوم ما نزلنا مصر و انت منفوخ بالجنسية الامريكاني اللى معاك امال لو ماكنتوش خارجين من مصر هجرة يعنى كنتم على الله
عايدة / عليكى كلام ابت فى الصميم
فارس / الحال من بعضه يا قطة ابوكى رمى بنته فى صندوق الزبالة علشان يهاجر امريكا و دلوقت عوز يرجعها
عايدة / و الله لو انا كنت مكانها لو هاموت من الجوع والعطش ما ارضي اعترف أنه أبويه
كوثر / جمال بيحلم هى لسه هتكون موجودة زمانها حد اخدها و اتحولت لأعضاء بشرية أو زمانها شغاله مع عصابه سرقة أو بيع و تعاطى مخدرات
مريم / مش لو كانت لسه عايشة الباشا جمال قلبه ميت عنده استعداد يبيع اى حد و اى حاجة علشان مصلحته
فارس / طب انا هاعمل ايه مع الكلية و البنت اللى اسمها قمر اللى مش قادر اشيلها من دماغى
مريم / حلوة يا برنس
فارس / الصراحة دى صاروخ روسي قمر و اسمها قمر
عايدة / جمال بدلع و لا باحترام
فارس / لو كانت جميلة بدلع كان زمانا متفقين إنما هى جمال بتحشم و ادب
مريم / اتزوجها اللى شكلها هتصونك
عايدة / اخوكى عاوز واحدة خمسه سياحه و يقلبها ويدور على غيرها
فارس / مش مع دى دى بنت متتكررش تانى ملهاش نسخة تانية
مريم / ربنا يبعدها عنك و عن شرك
قمر / عوزة اكل ممكن تنزلى تجيبي جبنة تركى وهاحط براد الشاى على البوتاجاز و اخد دش علشان نذاكر
شمس / ماشى بس اخلصى بسرعة
قمر / دخلت الحمام و اخدت شور و طلعت سرحت شعرها وبتبص وهى بتصب الشاى فى المطبخ لقى شاب طول بعرض داخل عليها المطبخ
قمر / نهارك اسود انت دخلت هنا ازاى
زاهر / انا جاى اشوف عروسة بس انتى جميلة اوى تعالى نتكلم شوية
قمر / استنى ياغالي
زاهر / انا غالى بجد و تنح
قمر / مسكت الكابشة و قعدت تضرب فيه و تصرخ
شمس / طلعت تجرى على فوق لقت الاخ زاهر ماسك ايد قمر و عاوز يضربها شمس مسكته من كتفه و قعدت تصرخ وبسرعة لفت الطرح على رقبته خلاص ابت هو وقع هاتى حبل بسرعة نكتفة
ياسمين و نجمة طلعوا جرى
نجمة / اطلعى انتى هاقفل المحل و جايه وراكى
ياسمين / دخلت ش......
رواية / حب بدون مقابل
الفصل ( 8 )
----------------
نجمة / اطلعى انتى هاقفل المحل و جاية وراكى
ياسمين / دخلت شافت شاب طول بعرض متكتف
ياسمين / مين ده حد فيكم جرا له حاجة
شمس/ كله تحت السيطرة يا حاجة البسى حجابك ابت يخربيت حلوتك
قمر / حاضر انا كنت فى المطبخ لقيته ورايا أنا خايفة اوى
ام سيد / جارة ياسمين هو فى أيه عندكم
نجمة / معرفش انا طالعة اشوف فى ايه و هابقى اقولك
ام السيد / ممكن تخدينى معاكى اطمن
نجمة / حاضر اطمن انا وبعدين انادى عليكى
ام السيد / ماشى يا لماضه
نجمة / طلعت شافت زاهر متكتف هو مين ده ودخل هنا ازاى و طلبت رقم ابوها .
شمس / انا كنت سايبه باب الشارع موارب
ياسمين / حتى لو كان مفتوح مش من حقه يدخل من غير اذن
عمار / السلام عليكم عوزين حاجة
نجمة / عوزين بوليس النجدة
عمار / قام واقف خير يارب هو فى أية
نجمة / فى واحد شاب اتهجم على قمر فى الشقة
عمار انا جاى محدش يعمله حاجة و كلمى بدر ياجى
نجمة / بدر تحت مع الحاجة أم السيد
عمار / تمام خليه يكلمنى
نجمة / حاضر يطلع الاول
بدر / هو فى أية
ام السيد / انا نفسي اعرف هو فى ايه انما اختك السوسة الصغيرة قفلت الباب ولا عبرتنى
بدر / يدوب فتح الباب ام السيد و ام خالد و ستات كتير طلعوا بقوى الدفع ورا بعضهم
ام السيد / خير يا ام بدر مين ده تعالوا كسروا عضمه يا ستات
ياسمين / لا محدش يلمسه لما الحاج عمار ياجى
ام السيد / هو عمل فيك حاجة يا دكتورة
قمر / لا ياطنط اطمنى
ام السيد / امال كان جايلك ليه اكيد فى ود بينكم
نجمة / يعنى ايه فى ود انتى عوزة تعملى سمعة لاختى
ام السيد / انتى هتكلينى دى مجرد كلمه
نجمة / انتى بتتكلمى فى سمعة اختى ياحاجة اختى هتعرف الاشكال دى منين
ام السيد/ خلاص هو انتى ما صدقتى
نجمة / يلا ياجماعة تشكروا كل واحدة على بيتها
بدر / ايوه يابابا انا فى البيت بقولك انا هاخده فى شنطة العربية واخلص عليه و ارمية للكلاب تنهش لحمه
عمار / انا جاى مع عمك حمدى المحامى داخلين على البيت
بدر / ماشى
ام السيد / احنا شكلنا بنطرد يلا يا جماعة
بدر / انزلى افتحى السوبر ماركت و نجمة معاكى
سالم / السلام عليكم هو فى أية مين اتهجم على قمر
سليم / شاور على زاهر هو انت نهارك اسود يا ابن الكلب
بدر / انت تعرفه منين
سليم / ده بيكون ابن عمك مخلوف العشرى فراش المدرسة الاعدادى
سالم / هو ولد فاشل ساقط الاعداديه و بيشرب مخدرات كمان
بدر / اتغاظ من كلام سليم و لسه هيضرب زاهر
عمار / ارفع ايدك متبقاش همجى ابعد أيدك عنه
سليم / ده بيكون زاهر ابن عمى مخلوف العشرى
عمار / تعرف بيتهم يا سليم
سليم / ابوه قاعد على باب المدرسه لسه شايفه و انا جاى مع سالم
عمار / روح هات عمك مخلوف فى ايدك و تعالى
سالم / حاضر راح جاب الحاج مخلوف اللى جه و شكله مرهق جامد السلام عليكم
عمار / وعليكم السلام اتفضل هو ده ابنك
الحاج مخلوف / ايوه هو جه عندكم ازاى
عمار / دخل كان عاوز يتهجم على بناتى
الحاج مخلوف / اتصل بالبوليس علشان يتعلم الادب د ولد فاشل
عمار / انا مش عوز مشاكل خد ابنك معاك
بدر / اسف يا بابا ده ياسلم لقسم الشرطة
الحاج مخلوف / و انا شاهد أن ابنى بيتعاطى مخدرات و حرامى
عمار / انا احترمتك و مرضتش اسلمه للبوليس اكرام ليك كده تمام
الحاج مخلوف / تشكر انا شاهد معاك أنه حرامى و بيشرب
عمار / انا ممكن اكسر عضمك و بعدين ابلغ الشرطة واطلعك من هنا حرامى و الحاجة فى جيبك
استاذ حمدى / و أنا هاخليه يكره اليوم اللى اتولد فيه
زاهر / ابوس ايدك بلاش تحبسنى و انا هاختفى من المحافظة كلها هاسافر السويس اشتغل هناك و اقعد عند خالى
قمر / بابا ده تليفونه و محفظته
بدر / يروح القسم يتأدب و بعدها نخرجه
زاهر / بالله عليكم انا خلاص مش هاعمل اى حاجة غلط و كمان هاعيش مع خالى بس سبوانى امشي
عمار / لما الاستاذ حمدى يشوف الصالح و تمضى على إقرار بعدم التعرض لاى حد من عائلتى و كمان تمضى على شيك بدون رصيد
زاهر / و جز.............
رواية / حب بدون مقابل
الفصل ( 9 )
----------------
عمار / لما ياجى حمدى المحامى و تمضي على إقرار بعدم التعرض و كمان تمضى على شيك بدون رصيد
زاهر / و جزمتك على رأسى و اوعدك مش هتشوف وشى تانى و لو صدفه
عمار / أفلح أن صدق اما نشوف انا هاسيبك ابتغاء مرضاة الله
الحاج مخلوف / شوف الراجل المحترم بيرد الاساءه باحسان ازاى اتعلم منه انا ماشي يا حاج تشكر جميلك على دماغي
بدر / لا ياعمى حضرتك هتمضى شاهد على كلام ابنك
زاهر / أمضى يا أبويه متخفش انا عاهده الله اني مش هرجع للطريق دي ثاني وهمشي صح وهاقعد مع خالي ربنا يسهللي الحال
ياسمين / نزلت السوبر ماركت و ستات الشارع جم اللى عوزة تطمئن و اللى عوزة تشمت و اللى و اللى ربنا هو اللى مطلع على ما فى القلوب
عدت الليلة بعد حضور مخلص المحامى و عمل المطلوب و خروج زاهر مع ابوه
صباح جديد
شمس / قمر اصحى علشان محاضراتك
قمر / انا صحيت يارب ابعد عننا كل شر هاصلى بسرعة
نجمة / اخلصوا بابا هيوصلكم الكليات يا بختكم
قمر / انا هاركب جنب بابا
شمس / بشرط يوصلك انتى الاول
قمر / اشمعنا
شمس / علشان اعمل بيه منظر يمكن الصنم يتحرك
قمر / لينا كلام مع بعض بالليل يلا
ياسمين / سندوتشاتكم بابا هيوصلكم و يرجعكم
قمر / كده تعب على بابا
عمار / مفيش تعب المهم تكونوا في امان
ياسمين / هات الطلبات دى معاك خد فلوس من سالم تحت
عمار / معايا لسه قابض المعاش
ياسمين / المعاش هاتوا علشان الجمعيات
عمار / خدى ياستى
ياسمين / هنخرج الجمعه يابنات نجيب طقمين صنيى و زيهم جرانيت و تيفال
قمر / بلاش تضغطى نفسك بكرة نتخرج و نشتغل و نجيب كل حاجة
عمار / جهاز بناتي عليه المفروض كنت كملت جهازكم من زمان مش نجهز شقق اخواتكم
ياسمين / هنجهزهم و نفرح بنجاحهم و بزواجهم ربنا يطول بعمرك
قمر / يارب يا اطيب اب فى الدنيا
عمار / نزل هو و البنات
سليم خدنا معاك للدرس لو امكن
نجمة / ماما بتقول مصروفكم يا شباب
سالم / عندك الاخ سليم هو اللى ماسك المصروف
عند بوابة كليه الطب
قمر / بابا نزلنى هنا الولد هناك اهو واقف معاه اتنين
شمس / متخفيش ابت
عمار / مسك فونه وعمل أنه بيتكلم فيه وصور فارس كذا صورة
فارس / لما شاف قمر نازله من عربية ابوها جه جرى عليها ما انتى ليكى فى الشمال اهو امال عاملة معايا خضرة الشريفة ليه و هو شكله مهكع هيديكى ايه اكتر منى
عمار / انزلى ادخلى كليتك تخلصى رنى عليه
فارس / انت راجل معندكش كرامة ازاى تمشي مع بنت اد ولادك و انت شكلك ما معكش 100 جنيه في جيبك
شمس / لا كده كتير انا هانزل اضربه
عمار / اسكتى خالص
فارس / قعد يزعق انتى لازم الكل يعرف انك بنت شمال
رحمة / يخربيتك ياغبى اخواتك ده بيكون
عمار / انا اللي هاتكلم ادخلى مع اختك ممكن
قمر / لسه عوزة تتكلم
عمار / عندك حق فى كلامك انا فعلا راجل كبير و مش معايا مائة جنيه فى جيبى و الدكتورة قمر مش اد بنتى لا د هى بنتى فعلا و دى اختها فى تالته هندسه و ابنى التوأم بتاعهم فى نهائى كليه العلوم و عندى ولدين توأم فى تالتة ثانوى عام و بنت فى أولى ثانوى عام و كل ولادى متفوقين الحمد لله عوز تعرف حاجة تانى يا ابن مامى على فكرة أنا خريج كلية التربية و مرأتى خريجه كليه الاداب يا امريكانى
فارس / اسف كنت فاكرك
عمار / بص يابنى احنا ناس و انت و امثالك ناس تانيه انا باقولك ادام الناس دى كلها انا لما احب ازوج بنتى هازوجها لراجل يقدر يصونها مش لخيال ماتاه خلص الكلام
الشباب اللى واقفين كلهم قعدوا يصقفوا
قمر / جت و بأس ايد ابوها و حضنته
عمار / ادخلى كليتك عوز تقدير زى كل سنه هاجى اخدك سلمى على بابا يارحمة يابنتى سلام عليكم
محمود / نعم الاب فعلا انت تشرف اى حد يعرفك ياعمى
فارس / واقف متنح
شمس / يلا يابابا اتأخرت
عمار / متخفيش هنوصل فى الميعاد
شمس / انت خليته معرفش يرد
عمار / انا عندي احساس أن الولد ده وراه مشاكل ربنا هو العالم هتنتهى على ايه
شمس / احنا نبلغ عنه و نلبسه قضية تحرش وخلصت
عمار / كده هت------------