رواية حب بلا مقابل الفصل السادس عشر16والسابع عشر17والثامن عشر18 بقلم هبه
قمر / هو انا فعلا مش بنتكم
عمار / احنا دمنا واحد الاب مش اللى خلف و رمى الاب هو اللى يبربى و يتعب ويشقى علشان يوفر لولاده حياة كريمة
بدر / استغفرك ربي و اتوب اليك انا مش مستوعب اللى بيحصل بجد
ياسمين / انتى بنت قلبى عمرى ما فرقت بينكما فى اى حاجة
قمر / اعرف الحقيقة
سالم / السلام عليكم هو فى أية مالكم
سليم / شكلنا داخلين على فيلم نكد
بدر / اقعدوا اتفضل يا بابا اتكلم احنا سمعين
عمار / انا كنت بشتغل على التاكسى وكنت فايت من ادام مستشفى ...... واحد شاورلى و ركب معايا و حكى ليهم كيف وجد قمر بعد ما جمال رماها جنب مقلب الزبالة حكى كل حاجة و أن فيه واحد اسمه خليل على ما اعتقد مش متأكد من اسمه كان بيزعق و منفعل و هو خارج مع جثمان حد و اللى فهمته من كلام مع الراجل اللى معاه عرفت أن الست الميتة بتكون مرأت جمال اللى هى امك و اخت خليل
قمر / معقولة فى ناس قلبها ميت و معدومة الضمير زى البنى ادم ده
بدر / انتى اختنا و فى ايدك قرار وجودك معانا من عدمه
ياسمين / انا مقدرش اعيش و اى حد فيكم بعيد عني روحى قبل روح اى حد فيكم
سالم / دى حكاية عجيبة انا مستحيل استغنى عنك و ارتمى فى حضنها و بكى
الكل قعد يواسى فى قمر و يبكى
قمر / ساكته مفيش رد أو كلام
بدر / هزها جامد قمر فوقى انتى كويسة
شمس هى مالها مش بترد علي حد ليه
عمار / لو انتى حاسيتى فى يوم انى عملتك بغباء أو بخلاف معاملتى لولادى قولى
قمر / انا عوزة انام ممكن و قامت تزحف إلى أن وصلت لسريرها نامت عليه و أطلقت العنان لدموعها
ياسمين / هاروح انام جنب بنتى
عمار / هى لازم تستعد للأيام اللى جايه اللى اكيد هتكون صعبة عليها و علينا شمس مع اختك
صباح جديد
قمر / قامت لبست و دخلت تحضر الفطار
ياسمين / صباح الخير ياقلبى نمتى كويس
قمر / صباح الورد يا ماما انا معرفتش انام خالص الفطار جاهز
شمس / صباح العسل نجمة اطلعى صحى اخواتك
نجمة / حاضر و على السلم يا اخ بدر يا سليم باشا ياسالم الفطار ياشباب
عمار / الشارع كله صحى تعالى انا اللى هاطلع اصحيهم
نجمة / خلاص بدر نزل صحى اخواتك
بدر / خليهم نايمين دول صاحيين للصبح بيذاكروا
عمار / هتروح الكليه اوصلك في طريقي
بدر / خليك انت اللي هوصلهم انا هوصلهم و هالف بالتاكسي شويه ربنا يرزقنا من فضله واجيبهم اخر النهار
عمار /طب وشغلك في المعمل والكليه
بدر / مش مهم النهارده لو تاخرنا ما حدش يقلق علينا انا هاتمشى انا و القمرين دول و نشرب حاجة
نجمة / ناس تشرب حاجة و احنا نغسل المواعين
ياسمين / خد ابوك معاكم علشان اكون مطمنه على البنات
شمس / يلا يا قمر نمشي
قمر / حاضر على فكره انا بحبكم كلكم وما ليش حد غيركم
ياسمين / اقسم بالله انك اول حد دخل قلبي وانك ما تقلي غلاوه عنهم بل انتى اكثر لانك اول ما شافت عيني
الكل بكى بما فيهم عمار يلا يا اولاد ربنا ينجحكم سيبوا ربنا يسير الامور بمعرفته هو القادر على بعد اى شر عنك
قمر / نزلت وركبت بالتاكسي من ورا وجنبها شمس
بدر / هنعمل ايه لو الراجل ده لو جه تانى وعاز ياخد قمر
عمار / مش عارف والله يابنى مخى واقف
بدر / الراجل ده اكيد وراه مصلحة من ورا قمر
عمار / انا لو اعرف اوصل للى اسمه خليل كنت اخدت رأيه فى كلام جمال الصراحة هو كان حاسس ان جمال غدار وان البنت مش هترتاح معاه و كان عاوز ياخدها
بدر / ندور على الحاج خليل
عمار / انزلى ياقمر و انسى اى حاجة الا تركيزك ماشى
بدر / على رنه ماشى
قمر / حاضر منحرمش من وجودكم فى حياتى
شمس / اخر محاضرة الساعة 3 ونص سلام عليكم
عنبة / اتأخرتى ليه ياموكوسة
شمس / انا اصلا معدش ليه نفس اجاى الكلية
عنبة / عارفة و من الن.......
رواية/ حب بلا مقابل
الفصل (17)
------------------
شمس / انا اصلا معدش ليه نفس اجاى الكلية
عنبة / عارفه ومن النهارده هتحبى الكلية و المحاضرات
شمس / اشمعنى يا بنت الراجل الطيب
عنبة / هتعرفى فى المحاضرة يلا ومسكتها من أيدها ودخلت القاعة وجدت دكتور حمزة جالس على الكرسي و لما شافها ابتسم و قام قفل باب القاعة
شمس / بصت للدكتور حمزة و وقفت مكانها حاطة أيدها على قلبها عنبة مسكتها من أيدها امشى هتفضحينا يخربيتك
شمس / مشت زى التائهه مع عنبه وقعدت على البنش صامتة ومن فترة للتانية تنظر لدكتور حمزة و عنبة تضغط على رجليها فوقى انتى فى المحاضرة بلاش كده
دكتور حمزة / بعد شرح المحاضرة عاوز اقول كلمتين انا ما قدرتش افضل هناك لانى من الناس اللي ما تقدرش تبعد عن البلد دي مهما كانت الظروف علشان كده انا مكمل معاكم اللي عاوز حاجه انا في مكتبي لحد الساعه 5:00 سلام عليكم اى سؤال
الطلبة تشكر يادكتور حمزة فرحنا برجوعك
عنبة / أهدى لما الطلبه تخرج
شمس / يلا على السكشن علشان المكان
عنبة / يلا عوزة اكل بجد جعانه
شمس / روحى الكافتيريا و هاتلى عصير معاكى
عنبة / لع تعالى معايا
شمس / لع يامتعلمه يا مهندسه.
عنبة / ههههه امال لو شوفتى العريس اللى متقدملى راجل طوله متر و عرضه حوالى متر الا حاجة بسيطة و جاى نافش ريشة و بيقول انا بلا فخر الوحيد اللى متعلم من بين اخواتي الثامنة و الخمس بنات واللي عنده بيت مستقل بيه انا معايا الاعداديه والعروسه معايا
عنبة / قولت انا معايا محو الامية
هريدى / كويس قوى بس يعنى بتفكى الخط و بلاش لبسك المكشوف ده انتى تتنقبى ( تلبسى نقاب )ولازم تعرف ياعمى انا شغال نجار مسلح و بروح مع مقاول اقعد معاه تلات أسابيع و اروح اسبوع فعاوز مراتى تكون مع امى وتراعى الغنم و تربى الطيور فى غيابى
عنبة / طب و اخواتك
هريدي / اخواتى السبعة متزوجين و فيهم تلاته مسافرين بلاد برة و مراتاتهم عايشين مع امى كلهم فى بيت واحد البيت على اربع ادوار الدور شقتين و الارضى شقة واحدة واسعة
عنبة / طب انت ما اتزوجتش من بلدكم ليه
هريدي / علشان انا الوحيد المتعلم و المتنور و حلفت لامى لازم اجيبلك واحدة من البندر تكون قمر و تخدمك و كمان بنات البندر ما بيطلبوش مهر كبير زى عندينا فى البلد
عنبة / انا مواقفه اتفق مع بابا وخرجت
شمس / ضحكت جامد لحد ما عيونها دمعت الدنيا دى غريبه اوى وحكتليها عما حدث لقمر
عنبة / ياحزن الحزن طب هو ابن الجزمه ده رماها ليه و دلوقت هو عاوزها ليه
شمس / كل كلامك طلاسم فى دماغنا مش عارفين ليها إجابة
عنبة / الزواج من هريدي ارحم يا بنت خالى
شمس/ انتى وافقتى بجد طب و مستقبلك
عنبة / انا زهقت من كل حاجة أبويه كان المفروض يعرف كل حاجة عن الشاب اللى جاى يتقدم لخطبه بنته مش يوافق من على القهوة
شمس / القرار ليكى انتى خلى بالك ده مستقبلك و محدش هياجى يعيشه بدلاك
عنبة / انا حبيت أعطى أبويه درس مش اى حد يدخل بيتنا و يطلب ايد حد من بناته
شمس / وكان لابس ايه الاخ هريدي
عنبة / جلباب بكم واسع و شبشب بصوبع و طاقية مزيته
شمس / ضحكت كان نفسي اكون موجودة و اشوف منظره
عنبة / خدى ياستى شوفيه انا صورته و هو قال انا مرأتى متمسكش تلفون التلفون بيعلم الستات الكلام و بيخرب البيوت
شمس / عنده حق الصراحة و بعدين انتى هترعى الغنم و تربى الطيور ولا اتمسكى تلفون
عنبة / بكت يلا على السكشن
شمس / خايفه على قمر جامد هى ساكته مش بتتكلم نفسى تبكى أو تقول حاجه
عنبة / محدش مرتاح و اللى هو بيقول أنه ابوها هو عرق الابوه ظهر فجأة اكيد ورا اختك دى مصلحة و جامده
شمس/ زى أية
عنبة / ورث وديعة فى البنك حاجة مكتوبه ليها باسمها و بما انها هى راشدة فهو عاوزها اسبوع بالكتير تخلص المصلحة و يستغنى عنها تانى
شمس / كلامك فيه كتير من الحقيقة ولا مش عارفة
عنبة / الاخ الدكتور حمزة واقف بيبص عليكى
شمس / يلا و دخلت لحضور السكشن
فارس / بما أن قمر طلعت بنتك وافق أنى اتزوجها
جمال / لما اللى فى دماغى يحصل ابقى خدها
فارس / هو ايه اللى فى دماغك
جمال / هاه مفيش حاجه
كوثر / شكلك ناوى تعمل حاجة فى البنت الغلبانة
جمال/ دى بنتى يعنى حته منى
كوثر / عارفين انها بنتك بس ايه اللى وراها دانت راميتها لكلاب السكك قبل ما تسافر
جمال / كان عندي ظروف و انا مستعد اعوضها
كوثر / تعوض مين يامفترى دانت تبيع ابوك يغدوه
جمال / احترمى نفسك
كوثر /بص هاقولك كلمتين العب براحتك ودور على بنتك بس بلاش ده يأثر على ولادى باى حال من الأحوال
جمال / مردش عليها و خرج
عايدة / هو فى ايه صوتكم
عالى ليه
كوثر /مفيش ابوكم عوز يرجع اللى فات
مريم / تقصدى بنته
كوثر / مش بنته د المصلحة اللى ورا بنته
رجاء / قمر الحمد لله انك بخير أما كنت بكرهك على كره سلمى ليكى ولما ركزت معاكى لقيتك انسانه محترمه بجد
قمر / سل........... .
رواية/ حب بلا مقابل
الفصل (18)
-----------
رجاء / قمر مالك الحمد لله انك بخير سامحيني انا كنت بكرهك على كره سلمى ليكى و لما ركزت معاكى لقيتك انسانه محترمه بجد
قمر / سلمى عاملة أية
رجاء / سمعت انها محجوزة فى مستشفى خاصة
قمر / ربنا يتم شفاها على خير
رحمة / شوفتى ازاى ربنا جعل كيدها فى نحرها
قمر / قولى ربنا يشفيها ويعافيها
رجاء / ممكن نبقى أصحاب
رحمة / مش هينفع ابقى طمنينه على سلمى
رجاء / ماشى تشكروا و مشت
قمر / ليه كده كلامك جامد
رحمة / انتى مالك هو فيكى حاجة يكنش العريس ماجاش امبارح
كنزى / السلام عليكم مالك ياقمر فيكى حاجة
قمر / مصدعة شوية
كنزى / خدوا شيكولاته
رحمة / أية ده دى شيكولاتة من الغالية هو انتى ورثتى هو ابوكى مات و احنا منعرفش
قمر / يخربيت الفاظك هو انتى سرقتى حد اعترفى
كنزى / تصدقوا انا جزمة اللى عبرتكم هاتى ابت مفيش شيكولاتة
رحمة / لا و النبى انا نفسى فيها ممكن تصورينى و هى فى أيدى
قمر / مش عارفة انتى هتكونى دكتورة ازاى
كنزى / ابن عمتى جاى من السفر و حابب يعمل فيها برنس فجاب الشيكولاتة وعلبة جاتوه وهو جاى يزورنا
رحمة / هو عنده كام سنة ما تزوجهولى ابت
كنزى / ده متزوج واحدة امريكانيه اكبر منه بحوالي 17 سنه هو كان عاوز الاقامه وهي عاوزه واحد تعيشها شبابها اللي فات معاه
رحمة / وانتى فين من الفيلم ده كله يا عين امك
كنزى / حاسه بيا والله هو كان جايب اخو مراته علشان يتجوزني اخذت الشيكولاته ودخلت الاوضه حطيتها في الدولاب و قفلت عليها وطلعت قلت له انا لما احب اتجوز هتجوز واحد مصري في بلدي حتى لو كان شحات
رحمة / ابو فقرك بنت معقدة
قمر / دعواتكم ليه انا خايفة اوى من الايام اللى جاية
كنزى / فى ايه انتى شكلك ميطمنش
قمر بعد المحاضرة هاقولكم اللى فيه
جمال / عوز اقابل المتر يابنى
السكرتير / تحت امرك الناس اللى عنده تخرج
جمال / تمام وقعد يتفرج على صور موجودة على هاتفه و سرح فيها إلى أن وجد من يضع ايده على كتفه
جمال / خضتنى يا متر
ممدوح المحامى / صابر هات اتنين قهوة من البن بتاعى
صابر / تحت امرك
ممدوح المحامى / خير ياجمال
جمال / انا لقيت شهد بنتى
ممدوح المحامى/ شهد مين
جمال / شهد بنتى من فردوس اللى كنت عاوزك تدور عليها
ممدوح المحامى / انت بتتكلم بجد طب ازاى و فين
جمال / مش مهم انا عاوزك بسرعة تقدم طلب للنيابة علشان اثبت أنها بنتى
ممدوح المحامى / وآية يثبت أنها بنتك
جمال / دى نسخة طبق الأصل من فردوس مع وجود شامة فى أيدها اليمين زى فردوس بالضبط
ممدوح المحامى / ضغط على الجرس
صابر / تحت امرك يا استاذ
ممدوح المحامى/ خد دول و روح خد مرأتك غديها و اتمشوا شوية
صابر / متشكر ممكن حضرتك تكون عوز حاجة
ممدوح المحامى / متشكر اقفل المكتب وراك بالسلامة
صابر / الله يسلمك وخرج لقى مروان بيسأله عن مواعيد المحامى
صابر / الاستاذ موجود كل يوم من الساعة 3 : 11 بالليل الا الخميس و الاحد بيكون من الساعة 6 : 11 بالليل
مروان / على ما اعتقد ان عربية الاستاذ اللى هناك دى و شاور بايده
صابر / الاستاذ عنده عميل مهم هو قاعد معاه و انا معرفش حاجة تانية سلام عليكم
مروان تشكر يا استاذ و اخرج هاتفه و كلم ابوه اللى قاله تمام تعالى
قمر / هى دى حكايتى انا مش مستوعبة اللى بيحصل
رحمة / احم.......