رواية حب بلا مقابل الفصل التاسع عشر19 والعشرون20 والحادي والعشرون21 بقلم هبه احمد
قمر / هى دى حكايتى انا مش مستوعبة اللى بيحصل
رحمة / أحمدى ربنا انك مطلعتيش لقيطة
كنزى / الألفاظ سعد يافقرية
قمر / ياريتنى كنت لقيطة كنت كملت حياتى من غير ما حد يعرف عنى حاجة
كنزى / كل شيئ مقدر و مكتوب لعله خير
رحمة / امال ابوكى اللى وقف فى وش فارس بيكون مين
قمر / ده اللى ربانى مع ولاده و كتبنى بنته على اسمه و عمره لا هو ولا ماما ياسمين فرقوا ما بينى و بين ولادهم
كنزى / انتى مش قاصر اتمسكى بيهم و ده حقك
رحمة / اكيد قريب فارس راجل معندهوش اخلاق و لا ضمير علشان يرميكى عند مقلب الزبالة زمان و دلوقت عاوز يعترف بوجودك اكيد في مصلحة له فى ذلك خلى بالك من نفسك و ركزى
كنزى / عمرك ما هتلاقي حد يحبك ويخاف عليكى زى عمى عمار و اخواتك منه
رحمة /كلام البنت دى صح
.قمر / بابا بيرن اكيد هو برة
رحمة / ردى عليه
قمر / أيوة يا بابا انا خارجة اهو
فارس / انا عاوز قمر يا عمى و انت تشكر لحد كده
عمار / قمر دى بنتى و روحى قبل روحها
فارس / انت ليه عوز تعمل فدائي انت مهمتك من ناحيتها انتهت خلاص و قمر بنت انوكل جمال لو عاوز فلوس ثمن تربيتك خذ من جنيه لمليون المهم تحل عن سمانا
بدر / انت فعلا بني ادم مريض قمر بتكون اختي هتفضل اختي لاخر العمر روح قول لي قريبك يدور على بنته في مقلب الزباله مكان ماحطها
فارس / تحليل دي ان اي (DNA) هو اللي هيحدد قمر هتكون بنت مين
محمود / هو في ايه يا جماعه احنا في جامعه مش في سوق
فارس / قمر دي بتاعتي انا وطالما انها طلعت بنت انوكل جمال يبقى من حقي انا وبس
كل الطلبه واقفت تتفرج
رحمة /.ربنا يكشف سترك يافارس انت بنى ادم همجى
كنزى / ده مش متربى فى أمريكا د شكله متربى فى وكر بلطجية و مخدرات
رحمة / خايفه اروح اتخانف معاه اعمل لنفسى مشكله
كنزى / عندك حق بصى على رجاء شكلها زعلانه
رحمة / دى ديل سلمى اكيد هتبلغها بكل اللى حصل
محمود / خدوا قمر وامشوا دلوقت
بدر / بابا من فضلك ارجع جنب قمر وتعالى جنبي يا محمود
فارس / اشمعنى محمود يركب معاكم وانا لا والله لاوريكم يا اللي اسمك بدر هاسود عيشتك
قمر / امشي يا بدر لو سمحت بابا خلي بدري يمشي
عمار / يلا يا بنى امشى
فارس / جه بعربيته وسد الطريق على عربيه عمار
محمود / نزل قال للي على البوابه من فضلكم خلوا عمار يمشي عشان ما تحصلش مشاكل هنا
بتاع الأمن هو و كذا واحد اخدوا مفاتيح عربية فارس و بعدها عن الطريق
عمار / اسف يابنتى
محمود / فارس بيتكلم على قمر كده ليه
عمار / حكيله حكاية قمر و فى الاخر قال مع الاسف انا دلوقت مش عارف و لا قادر احمى بنتى
قمر / شكلى هاكون سبب ازعاجكم
بدر / ربنا كريم و كبير متخفيش ده بقا على الفاضي
محمود/ اكتر حاجة بتأثر فى حياة الناس الكلام
شمس / ربنا ينتقم من اللى اسمه جمال و الزفت فارس
محمود / ممكن تنزلنى هنا متشكر قمر انتى تشرفى اى حد متخليش اى كلام يأثر عليكى و على مستواكى التعليمى
عمار / كلامك صحيح يابنى
جمال / يلا يا متر انا منتظرك فى الشركة
ممدوح المحامى / و انا هتروح بصفتى أية
جمال / هنضغط على الراجل اللى هى عنده
ممدوح المحامى/ ساعة و هاكون عندك
جمال / كله بتمنه يامتر
ممدوح المحامى / انت لسه زى اخر مرة شوفتك فيها قبل سفرك لسه مغرور و بياع
جمال / كل حاجة بالفلوس بتخلص و انا عوز افرجك على ابوها لما يبيعها بالدولارات الامريكاني علشان كده عاوزك معايا علشان تكتب اللي بيحصل وهو يمضي عليه
ممدوح المحامى / انا جاى علشان اثبتلك أن لسه فى ناس عندها ضمير و بتعمل اى شيئ لوجه الله سبحانه وتعالى فقط قفل الفون
صابر ( سكرتير ) الاستاذ ممدوح فى واحد عاوز يقابل حضرتك برة
ممدوح المحامى / بخصوص ايه
صابر / بيقول معرفه قديمة
ممدوح المحامى / خليه يتفضل
صابر / اتفضل يا حاج ادخل
ممدوح المحامى / اهلا وسهلا بيك اتفضل
خليل / يزيد فضلك يا استاذ
ممدوح المحامى / مين حضرتك و انا تحت امرك
خليل / انا بأك.......
رواية / حب بلا مقابل
الفصل (20)
-----------------
خليل / انا بكون خليل محمود الطحان اخو المرحومة فردوس اللى كانت متزوجة جمال صاحبك
ممدوح المحامى / انت قولت انت مين يااه انا مشوفتشكش من اكتر من 23 سنة شكلك اتغير كتير
خليل / انا عاوز اعرف بنت اختى لسه موجوده و اسمها ايه واللى انت عاوزه فى المقابل
ممدوح المحامى / انا معرفش اى اخبار صدقنى
خليل / ارجوك يامتر كل اللى يهم جمال ورث البنت و بس
ممدوح المحامى / خرجنى انا من خلافاتكم انا مليش مصلحه انا لا معاك ولا معاه
خليل / استحلفتك بالله لو تعرف حاجه عن بنت اختي اخبرني انا نفسي اعوضها واحميها من جمال
ممدوح المحامى / ممكن اعرف ليه عوز تعرف اذا كان بنت اختك عايشة أو ماتت
خليل / علشان جمال ملهوش امان و انا عارف هو عوز من وراها ايه
ممدوح المحامى/ دى حكايه طويلة جمال تخلي عن بنته قبل ما يسافر ورماها جنب مقلب زباله واخذها راجل طيب رباها و هي طالبه في كليه الطب و متفوقه بس مش عارف جمال مصمم ياخدها ليه
خليل / علشان ورثها من جدها الله يرحمه اللي هيكون فوق المليون جنية بعد من الارض دخلت كردون المبانى غير 5 فدن على وشك دخول كردون المبانى
ممدوح المحامى / انا كده فهمت جمال مصمم ياخذ بنته ليه
خليل / انت كنت تعرف ان فردوس كانت عامله قرض باسمها ومراتي كانت ضمناها وهو اخذ الفلوس وهرب لامريكا وانا سددته للبنك وكان المبلغ 10000 جنيه غير الفوايد بعد اختي ما ماتت و هو هرب و كمان باع شقة اختى اللى أبويه عطيهلها بدل من السكن كل شهر فى مكان
ممدوح المحامى / والله ما اعرف حاجه عن كلامك ده بس انا مش مقتنع ان جمال عاوز بنته اللي رماها الا لو كان فيه مصلحه له
خليل / جبت المفيد يا استاذ ارجوك ابوس ايدك دلني على عنوان بنت اختي انا عاوز احميه منه ارجوك
ممدوح المحامى/ والله ما اعرف عنوانها كل اللي اعرفه انها طالبه كليه الطب ان ابن مراته عاوز يتجوزها وهي رافضه ده كل اللي اعرفه غير كده والله ما اعرف حاجه
خليل / انا مصدقك بس ارجوك لو عرفت عنوانها بلغنى و انا هتصرف اسف اخذت من وقتك كثير ده رقم تليفوني ارجوك لو عرفت حاجه بلغني
ممدوح/ انا مبسوطه اللي شوفتك يمكن ربنا بعتك علشان تحمى البنت الغلبانه دي لان انا عارف جمال ما لوش امان ممكن يغدر بيها في اي وقت بعد ما مصلحته تنتهي معاها
خليل / بعمرى افديها دى من ريحه الغاليه سلام عليكم
خليل /خرج من المكتب هو مبسوط ونزل دموعه من الفرحه بوجود بنت اخته اللي ماتت
مروان / خير يا بابا عرفت حاجه
خليل / ايوه يا ابني بنت عمتك موجوده عند راجل محترم هو اخذتها ورباها وحكى له كل ما عرفه من ممدوح المحامي
مروان / الحمد لله ان عمتي ليها بنت ان شاء الله هنعوضها عن اى شيء حصللها
خليل / انا مش هرتاح الا لما اشوف حد يجيبلي جمال هخليه يتمنى الموت مش هيطوله
مروان / احنا بس نتكلم مع بنت عمتي ونفهمها حقيقه ونوايا جمال و دى لوحدها ضربه قاضيه لاحلام جمال
خليل / الاستاذ ممدوح وعدني انه يبلغني بعنوان بنت عمتك لما يعرفها من جمال وساعتها ربنا هيسهل الحال و هاتصرف
مروان / و هتعمل أية ساعتها
خليل / اتكلم معاها وافهمها كل حاجه يلا يا ابني روحنا اللي انا تعبان
مريم / معقول يا مامى بابى لقى البنت اللى كان رميها جنب بسكت الزبالة
كوثر / ايوه يا بنتى دى حكايه ولا فى الاحلام و طلعت مين البنت اللي فارس عاوز يتزوجها
مريم / انا لو مكانها لا اوافق اعيش مع انسان استغنى عنى و رمانى و لا اوافق اتزوج ابنك الفاشل
كوثر / احترمى نفسك هى تطول حد زى فارس
عايدة / فارس نسخة مصغرة من جمال باشا
مريم / صح و الله
سلمى / بعد ما ابوها سفرها امريكا دخلت مستشفى تتعالج هناك
كنزى / خلى بالك رجاء جايه وراكى
قمر / انا بقيت اخاف من كل شيئ و معدش قادرة اجاى الكلية
رحمة / ليه بتقولى كده انتى ذنبك ايه فى كل اللى حصل انتى ضحية اب معدوم الإحساس والضمير
كنزى / بقولك اجمدى فاضل شهر و نخلص من الامتحانات و نقعد فى البيت
قمر/ انا مصدعة جامد
رجاء / السلام عليكم
رحمة / و عليكم السلام خير يا اخت رجاء
رجاء / هو انتى فعلا بنت انكل جمال
قمر / انا ب........
رواية/ حب بلا مقابل
الفصل (21)
------------------
رجاء / السلام عليكم
رحمة / و عليكم السلام خير يا اخت رجاء
رجاء / هو انتى فعلا بنت انوكل جمال
قمر / انا بنت عمار وياسمين معرفش حد غيرهم انا أبويه اسمه عمار احمد ياسين فاروق اى خدمه
رجاء / و الله ما اقصد حاجة انا سمعت كذا حد من شلة فارس بيقول انك بنت انوكل جمال فجيت أسألك
قمر / و انا جاوبت عليكى
رجاء / اقولك على حاجه مهمة فارس ناوى يخطفك باى طريقة و يكتب كتابه عليكى بالغصب علشان انتى ليكى ورث كتير عند أهل امك وهو عوز يتزوجك و يكون من حقه يورثك مش انوكل جمال بالله عليكى ما تقولي انى قولت ليكى حاجة إلا د ممكن يعمل فيه حاجة خلى بالك من نفسك ممكن حد فيكم يزعقلى علشان محدش يشك انى قولت لقمر حاجة
رحمة / بصت لكنزى و قالت طلعى غلب السنين عليها ابت
كنزى / حاضر يا ابلتى و زعقت جامد مع رجاء اللى مثلت بالبكاء و مشت
قمر / يارب انا مش اد اللى جاى ارحمنى ويسر امري يا رب العالمين
محمود / هو فى حاجة
كنزى / مفيش حاجه بقولك يا اخ محمود قمر محتاجة حماية و جامدة
محمود / انا بعمري افديها لأنها انسانه محترمه بجد
كنزى / ماشى يا شاروخان
عمار / على الفون السلام عليكم
قمر / وعليكم السلام لسه هادخل المحاضره
عمار / انا عند عمك حمدي المحامى نص ساعة و جاى اخدك
قمر / بابا انا خايفه اوي
عمار / قبل ما المحاضره ما تنتهى هاكون موجود
قمر / تمام منحرمش منك يا رب
حمدي المحامى / خير اشجينى
عمار / حكى له على كل حاجة تخص قمر و فى الاخر طلب منه النصيحة
حمدي المحامى / معقولة فى ناس قلبها ميت للدرجة دى طب انت تعرف اسم مرأته ام قمر بالكامل
عمار / لا و هاعرف منين استنى كده اللى اسمه جمال كان قالى هو انت تعرف خليل مش فاكر خليل ايه
حمدي المحامى / افتكر براحة خليل ده هو اللي معاه حل اللغز
عمار / لغز ايه
حمدي المحامى / لغز الماضي اللى هيتفتح ربنا يستر
عمار / طب انا هاعمل ايه علشان احمى البنت الغلبانة دى
حمدى المحامى / متخلهاش تتحرك الا فى أضيق الحدود و عينك عليها
عمار / انا و بدر و العربية تحت امرها
حمدي المحامى / خليك متابع معايا و حاول تفتكر الاسم الكامل لخليل ده و ضرورى
عمار / حاضر انا ماشي سلام عليكم
حمدي المحامى / انا تحت امرك في اي وقت انت اخويه
عمار / عارف و طلع راح لقمر الكلية
محمود / قمر ابوكى منتظرك عند البوابه استنى هاشوفه الاول
دكتور عبد المنعم / هو فى ايه
محمود/ بص لقمر وقال مفيش حاجه
قمر / احكى لدكتور عبد المنعم كل حاجة
محمود / حاضر يلا اطلعى عمى منتظرك هو و بدر
قمر / سلام يا بنات تشكر يا اخويا
جمال / انا عوز اقدم بلاغ فى اللى اسمه عمار هاقول فيه أنه كان خاطف بنتى و هاطالب بعمل تحليل (DNA) اللى هيثيت أنها بنتى
ممدوح المحامى / سيب البنت الغلبانة فى حالها حتى لو كانت بنتك انت عملت ليها أية غير انك رميتها جنب بسكت الزبالة و هو عطاها كل حاجة اسمه و حب و اهتمام و مستوى معيشة كويس و تعليم وغيره كتير بنتك خلاص مبقتش بنتك مع الاسف كل شيئ ضدك الاب هو اللى بيربى ويسهر و يصرف ويعلم مش اللى يخلف و يرمى ممكن سؤال
جمال / اسأل
ممدوح المحامى / انت عاوز البنت دى ليه هتورث ييها مثلا
جمال / قام واقف انت انسان لا تطلق يجد
ممدوح المحامى / هى الحقيقة يتزعل ليه
جمال / انا ماشي
شمس / كده تمام اخبارك اية
قمر / حكت الكلام اللى سمعته من رجاء
شمس / فى قانون فى البلد
بدر / سلمى على القإنون أصحاب السلطة العليا بيخافوا من اللى معاه الجنسية الأمريكانية
عمار/ ربنا حاكم عادل
شمس / ما تنتقبى ياقمر
قمر / مست٠٠٠٠٠٠٠٠