رواية حب بلا مقابل الفصل الرابع والثلاثون34 والخامس والثلاثون35 والسادس والثلاثون36 بقلم هبه احمد
عمار / يجيب الشبكة وقت تانى اكيد انتم مش عاملين حسابكم
الحاج خليل / راحوا لعمك منصور و هات اغلى شبكة دى بنت الغاليه
قمر / هى دبلة انا عندى دهبى
نجمة / خليهم دبله و خاتم و محبس
عمار / اللى يريحها
الحاج خليل/ طلباتك يا استاذ
عمار / انا مليش طلبات دى بنت اختك و محتاجه الامان فقط
الحاج خليل / دى بنتكم انتم اللى رببيتوا و علمتم و نعم التربية والتعليم
عمار / كل اللى بهمنى أنها تعيش سعيدة
مروان / اخد قمر و راح يجيب الشبكة
قمر / انا عارفة انك طلبت تتزوجنى كنوع من جبران الخاطر لابوك وليه
مروان/ مفيش زواج بيتبن جبران خاطر الزواج أساسه الموده و الرحمة مش جبران خاطر
قمر / اصل انا مش مقتنعة أنه فى يوم وليلة اكون متزوجة و عايشة فى مكان بعيد عن اهلى
مروان / اعتبريه مكان تحتمى فيه لحد جمال ما يبعد عنك
قمر / و كليتى
مروان / انا هاكون بأمر الله فى الجامعة اللى انتى فيها بكمل رساله الماجستير بتاعتى
قمر / بتهزر صح
مروان / لا كلامى بجد وانا شوفتك كذا مرة و انتى فى سنه اولى فاكرة يوم ما اتخنقتى مع الولد ابو شعر احمر اللى انتى قولتله انت لابس بلوزة اختك
قمر / هههههه فاكرة و هو قال شعرى ده خلقه ربنا و بعدين ده القميص اللى عندى ما أبويه بواب مش باشآ
مروان/ الولد ده طلع بعثة تبع الكلية لاستكمال دراسته بانجلترا ماشاء الله عليه
قمر / ممكن يكون ربنا عوض عليه علشان هو انسان كويس
مروان / انزلى هاركن العربية
قمر / نزلت و دخلوا محل مجوهرات و اشترى ليها شبكة بمبلغ كبير فوق تخيل قمر
بعد مرور 10 ايام كان موجود فى الشارع ثلاث كوشات لقمر و مروان و لشمس و دكتور حمزة و لبدر وعنبة صاحبة شمس وتم عقد قرانهم وبعد قول المأذون كلمته بارك الله لكم وبارك عليكما وجمع بينكما في خير
جمال / للمأذون انت ازاى تكتب كتاب بنتى و انا مش موجود ولا موافق الزواجة دى باطلة
الحاج خليل / قام وقال تقصد بنت فردوس اختى الله يرحمها اللى اتزوجة ابنى مروان اتكلم لو عندك مانع
جمال / زهل من وجود الحاج خليل و زواج ابنه لقمر اللى قطع عليه طريق الوصول لورث قمر فوقف مصدوم
عمار / اتفضل امشى مش عاوزين مشاكل
جمال / انت السبب فى ضياع بنتى منى اقسم بالله لاسجنك
عمار / انا مبخفش على فكرة اللى كاتبه ربنا يكون
الحاج خليل / اقسم بالله لو ما مشيت لاكون مكسر عضمك فاهم شبطة تعالى و هات الرجاله معاك
جمال / مشى ركب عربيته خايف من الحاج خليل
انتهى الفرح و بدر و دكتور حمزة و مروان اخدوا البنات و خرجوا مع بعض و فى نهاية السهرة رجع بدر مع عنبة و بدأوا حياتهم كزوج و زوجة ومروان كمان أما دكتور حمزة فأخر زفافه لبعد شهرين
مروان / نورتى بيتك انا عند وعدى فى قرار اننا نكون زوجين فى ايدك انتى وبس
قمر / هزت رأسها موافقة
تمر الايام ويدخل سالم و سليم كليه الطب البشرى
بعد شهرين
كوثر / انا حاسة أن فارس مخطوف أو فى حاجة غلط ايه مش عارفه
جمال / زمانه بيتسرمح مع شباب صايع زيه
كوثر / ابنى اتقهر لما عرف أن قمر الزفته اتزوجت و انت عامل زى خبال المائتة ملكش اى لازمه فى حياتنا
جمال / احترمى نفسك الا ارمى عليكى اليمين
كوثر / ولا يفرق معايا انا هاسافر امريكا اعيش هناك و هامنعك من السفر
جمال / متقدريش تخرجى من البلد انتى و ولادى الا بموافقتى
كوثر / هاسافر وارجع اشتغل هناك و ولادى معايا و هاخليك تعيش فى الفقر و الندم باقى عمرك
جمال / غورى من وشى وليه فقر و زقها جامد
كوثر خرجت قعدت فى الجنينة تفكر هتعمل ايه
فارس / انا جعان و مصدع
اكس / جبنة قريش بالفلفل الحار و عسل نحل و بيض بلدى ايه رأيك
فارس / فضل ونعمه
سامى / سبحان مغير الاحوال
خميس / الحمد لله أن ربنا ارسل لينا الحاج خليل اتتشلنا من طريق الضياع
اكس / ههههه انت امريكانى و لا مصرى
فارس / مصرى الحمد لله على انى مصرى اول مرة فى حياتى احس اني بنى ادم مش بلطجى بفلوسى
سامى / ممكن افضل معاكم هنا و اجيب امى و اختى و نعيش هنا
اكس / انتم ليكم فلوس معايا أجرة شغلكم ممكن تبنى بيت و كمان الحاج خليل يأمن على حياتك
فاس / نفسى اشترى 5 أو عشرة افدنه و ازرعهم نباتات طبيه وعطرية ده كان حلم أبويه الله يرحمه
اكس / على فكرة قمر اتزوجت ابن الحاج خليل
فارس / انا ف.......
رواية/ حب بلا مقابل
الفصل (35)
-------------------
اكس / على فكرة قمر اتزوجت ابن الحاج خليل
فارس / انا فرحان ليها وكنت سمعت بلحة بيقول الحاج خليل زوج ابنه من بنت اخته
اكس / تعرف ان بلحة و واحد كمان اسمه شبطة الحاج خليل وجدهم اطفال رضع فى طريقة و اخدهم رباهم شبطة الحاج زوجه بنت غلبانه واشترى له شقة كتبه باسمه وبيشتغل فى الوكاله معاه و بلحة هو اللى طلب يعيش هنا
فارس / ربنا يجزيه خير بقولك ايه
اكس / اطلب تحت امرك
فارس / عوز انتظم فى الصلاة
ة
اكس / سهله نصلى كل الفروض جماعة ايه رأيكم
سامى / موافق
خميس / انا كنت بعيد اوى عن ربنا سبحانه وتعالى و عملت حاجات كتير وحشه
اكس / ربنا يغفرك ربنا غفور رحيم
خميس / والله انا حاسس انى اتولدت من يوم ما جيت هنا
اكس / الحاج خليل بيقولكم اللى عوز يمشى يشق طريقه بالحلال هو معندهوس مانع و كمان كل واحد له مبلغ محترم ممكن يبدأ بيه مشروع صغير
فارس / انا امى هتسافر امريكا وأنا هاشترى ارض و ابدأ مشروع النباتات الطبية و العطرية وهافضل هنا فى بلدى
خميس / و انا هافضل هنا بس اشتغل سواق
سامى / هانزل اجيب امى و اختى و افضل هنا لو حتى اشتغلت اى حاجة الجو هنا جميل و هادئ و ناسه طيبة اوى
اكس / تنوروا الدنيا يلا على النوم
بعد شهرين
نجمة / ماما فى ناس تحت معاهم بوكس عوزين بابا
عمار / احنا مش هنخلص من الزفت جمال
نجمة / ده ضابط و معاه اوراق و اربع عساگر
عمار / انا نازل خير يا حضرة الضابط
الضابط خالد / انا معايا أمر بالقبض عليك
عمار / خير عملت ايه
الضابط خالد / فى القسم هتعرف كل حاجة
عمار / ممكن اشوف أمر القبض
الضابط خالد / اتفضل يا استاذ
عنبة / فى الفون بدر فى بوكس تحت و ضابط عوز ياخد بابا عمار
بدر / انتى بتتكلمى بجد انا جاى على طول
عمار / كلمى بدر يكلم الاستاذ حمدي المحامى
نجمة / حاضر يا يابا
في قسم الشرطه
بدر / لو سمحت أبويه جاى من ساعة هنا ممكن اطمئن عليه
أمين الشرطة / اسمه ايه مفيش حد هنا زمانه فى الحجز فى المحكمة مش هنا
بدر / أعطاه 50 جنيه ارجوك اتأكد
امين الشرطه / حاضر شويه وجه مش موجود هنا اكيد هو دلوقت فى المحكمة شوفله محامى و كويس
بدر / كلم الاستاذ حمدى المحامى وعرفه أن ابوه فى المحكمة
الاستاذ حمدى المحامى / انا جاى قابلنى فى المحكمة
عمار / ممكن اعرف ايه تهمتى
الضابط المسؤول / انت متهم بالاعتداء وسرقة المدعو جمال عبد التواب عتمان الفقى
عمار /انا لا شوفته و اعرف عنه حاجة من اكتر من شهرين و نص
الضابط خالد / انت هتتعرض على النيابة بكرة شوف محامي كويس الا ده مطلع جواز السفر الامريكانى
عمار / المحامى و القادر على فك كربي هو ربنا سبحانه وتعالى
الاستاذ حمدى المحامى/ بعد ما اطلع على المحضر طلع لبدر اللى الراجل اسمه جمال متهم الحاج بالسرقة و الضرب المبرح اللى أدى إلى كسر دراعه و إصابة دماغه و تخيطه 27 غرزه
بدر / كداب طب امتى و ازاى
الاستاذ حمدى المحامى / المحضر بيقول أنه كان ركاب معاه و ابوك رش عليه مخدر و اعتدى عليه بالضرب و سرق منه 60 الف جنيه و تركه فى منطقة مقطوعة من الناس و هرب
بدر / حسبي الله ونعم الوكيل فيه
قمر / كلمت مروان وقالت الحقنى يا مروان بابا عمار فى الحجز
مروان / طب ليه دراجل محترم و مش بتاع مشاكل
قمر / الزفت جمال عبد التواب عتمان الفقى متهم بابا بسرقته وكسر دراعه و تخيط دماغه 27 غرزه
مروان / هاكلم أبويه يخلى الاستاذ طه يحضر التحقيق معاه
قمر / محدش هيخرج أبويه غيرى
مروان / ازاى
قمر / هافضح جمال قدام الناس كلها
مروان / كلمى خالك الاول و انا معاكى فى اى شيئ
قمر / تمام منحرمش منك يارب ممكن اروح عن ماما زمان حالتها وحشه
مروان / انا جاى معاكى اوصلك واشوف لو بدر عاوز حاجة
قمر / لو بابا جرى له حاجة انا ممكن اموت ساعتها
الحاج خليل / السلام عليكم ليه مرحتش انت و قمر عند عمك عمار اكيد محتاجين وجودكم
مروان / رايحين ممكن تشوفله محامى
الحاج خليل / فى اتنين محامين مع الاستاذ حمدى
قمر / من....
رواية / حب بلا مقابل
الفصل (36)
الحاج خليل / فى اتنين محامين مع الاستاذ حمدى المحامى
قمر / منحرمش منك يا خالى و ارتمت فى حضنه وبكت
الحاج خليل / ابوكى عمار راجل عنده دين و ضمير ربنا هيفك كربه
مروان / يلا هاوصلها و اجاى
الحاج خليل / لا خليك مع بدر و ادفع لو مليون جنيه المهم عمك عمار ما يتبهدلش
مروان / حاضر يا بابا و اخد قمر و مشى راح عند امها و اخواتها
عمار بات فى الحجز لحين العرض على النيابة تالت يوم لان تانى يوم كان اجازه رسميه
أما جمال راح عند بيت عمار وخبط
نجمة / اتصلت على امها وقالت الراجل الكشر تحت عوز يتفاهم مع قمر و بدر
قمر / خليه يطلع وتعالى عوزاكى
نجمة / و السوبر ماركت
قمر / شمس و عنبة هينزلوا مكانك و اقرأى رسايل الواتساب و نفيذيها ماشى
نجمة / عيونى مستعدة لاى حاجة
جمال / تاجى معايا عمار يخرج والا هيعفن فى السجن
قمر / اجاى معاك بس انا معيش فلوس زوجى منه لله اخد كل ورثى من امى و راجعه لابوه تانى يعنى كان زواجه منى مصلحة
جمال / نعم ياروح امك د انا كسرت دراعى و فتحت دماغى و عملت التقرير الطبى و صرفت فوق 10 آلاف و فى الاخر تقولى زوجك اخد ورثك دانا ممكن اقتلك
قمر / زى ما قتلت امى
جمال / عادى اقتلك و ارجع اكمل حياتى في امريكا
قمر / بص انا حسيت انك أبويه بقولك طلقنى من الزفت مروان و هاجى اعيش معاك و لو هتسافر امريكا اجى معاك بشرط تخرج بابا عمار هو ملهوش ذنب انا اللى صممت على الزواج من مروان
جمال / اخدك فين ربنا اللى بياخد انا هاقهرك انتى وكل ولاده عليه و هاخليه يموت فى السجن
قمر / ابوس ايدك خدنى معاك انا خلاص هاعيش معاك ولو خدامة ليك و لولادك و مرأتك اقولك هاتزوج فارس بعد طلاقى وعدتى تنتهى بس خرج بابا عمار د راجل محترم يكفى أنه صان عرضك و ربى وعلم بنتك مش انا بنتك بروضه صح
جمال / بنتى بورثك مش جايه عوزة تضحكى عليه
قمر / ممكن اطلب من الحاج خليل 10 آلاف جنيه خدهم و خدنى معاك
جمال / لا انا هاعرف اخد ورثك ازاى و هادخلك مستشفى المجانين
قمر / طب و حياه غلاوة امى فردوس عندك
جمال / فردوس ماتت و انتى هاخليكى تموتى زيها بالبطيئ
قمر / يعنى هتقتلنى
جمال / من غير ما حد يثبت عليه حاجة
مروان / خرج من الاوضة
يعنى انت فعلا قتلت عمتى
جمال / روح قدم فيه بلاغ و لو شاطر اثبت عمتك خلاص ملهاش اى اثر الأرض اكلت عضمها كمان و سابهم و خرج
قمر / عملتى ايه ابت
نجمة / سجلت كل حاجة صوت وصورة اتفضلي يا قلبى
ياسمين / د راجل تعبان كفانا الله شره
قمر / ده انسان مريض نفسي مستعد يبيع اى حد مقابل الفلوس و انا هاعرف ازاى أوقفه عند حده
مروان / و انا بامنعك انك تتعاملى معاه باى شكل
قمر / د بابا اللى محبوس و بسببى بابا اللى طول عمره حنين على الكل بابا اللى مهنش عليه يسبنى مرميه و جابنى ربانى مع ولاده و سمانى باسمه و الست دى ذنبها ايه زوجها يبعد عنها و اخواتى كمان عوزين ابوهم يتحاموا في حضنه باقيه عمرهم وقعدت تبكى
ياسمين / متخفيش اجمدى خلى عندك يقين بالله
نجمة / بابا هيكون بخير و هيرجع بالسلامة هانزل علشان اخواتى تطلع ترتاح شويه
ياسمين / ملكيش دعوة بحد
نجمة / على حسب كلام اللى قدامى
سالم / انا خايف على بابا زمانه ماخدش علاجه
سليم / ربنا هيحفظه و يرجعه لينا بالسلامة
نجمة / اطلعوا ارتاحوا شوية
سالم / ماشى مروان اكل
نجمة / لا خلوا شمس تحضر الاكل علشان ماما و قمر و زوجها
ام محمد / ( جارتهم ) اخبار ابوكى ايه الا هو اتمسك بتهمت ايه
نجمة / الحمد لله دعواتك
ام محمد / هو تهمته ايه
نجمة / تجمة سرق بنك وفجر مبنى المحافظة و كمان فجر بنكين و هياجى يفجرك أن شاء الله
ام محمد / هو عمل كل ده لوحده يابنتى
نجمة / لا انا كنت معاه بقولك يا طنط هو ابنك هيخرج من السجن امتى
ام محمد / ربنا يفك كربه يابنتى
نجمة / روحى شوفى وراكى ايه ربنا يصلح حالك
ام محمد / انتى بنت نكد الواحد ميقدرش يعرف منك حاجة
نجمة / خليكى فى حالك ماشى
تانى يوم فى النيابة
وكيل النيابة ./ ايه يا حاج عمار مش عاوز تعترف انك قمت بخطف المدعو جمال عبد التواب عتمان الفقى واخدته لمنطقة مهجورة واعتديت عليه مما أسفر عنه كسر دراعه و تخيط دماغه 27 غرزه وسرقت منه 60 جنيه و ساعته و خاتم الزواج
جمال محصلش ممكن تسأله هو ركب معايا من فين و امتى بالضبط و لون العربيه ايه ولا نمرتها
وكيل النيابة / هنا مكتوب نمرة و لون العربيه و المكان من بعد الشارع الرئيسي في منطقة ......يوم الثلاثاء اللى فات الساعه 10 الصبح
عمار / يوم الثلاثاء من الصبح لآخر النهار و انا كنت فى البلد فى عزاء اخو مرأتى و العربية بتاعتى فى التوكيل من اسبوع و ميعاد استلامها المفروض يكون النهاردة
قمر / ممكن اقول حاجه لسيادتك
وكيل النيابة / انتى المحامية بتاعته
قمر / لا انا بنته ارجوك اسمعنى
وكيل النيابة / لا ممنوع حد يتكلم إلا محامى المتهم
قمر / ابو..........