رواية حب بعد الطلاق
الفصل الاخير
بقلم ساره محمد
محمد مشا غرفتو بدل ملابسو وبلع مسكن ومشا غرفة يوسف لقاهم قاعدين ف الارض وبحضرو ف فلم
محمد: كيفكم
ساره: اهليييين
يوسف: هلا هلا جلس
محمد ختا راسو ف طرف ساره
محمد: ممكن مساج
ساره: مصدع من متين
محمد: قبل شويه بلعت مسكن بس ماف نتيجه
ساره بقت تعمل ليو ف المساج وهو سرحان فيها ويوسف ملاحظ ليو
يوسف: طيب انا حامشي اعمل نسكافيه
ساره: بعملو انا
محمد: لا خلي يعملو هو انتي واصلي
يوسف: طيب حامشي انا
محمد: حاول تتأخر شويه
يوسف: هههههههههههه طيب
يوسف نزل ومحمد مسك يد ساره وباسها
ساره: احم انت عيان احترم نفسك
محمد: اااااه احترمتها كتير يااخ
ساره: غمض عيونك حاول نوم
محمد: لا خليني اعاين ليك ببقي كويس
ساره : طييب
محمد: ااااخ
ساره: مالك؟؟
محمد: راسي طعني
ساره بقيت تمرر اصابعها محل الألم
محمد: م كده
ساره: مممم كيف
محمد: بوسه خفيفه بتروحو
ساره: محمد بطل يااخ
محمد: علييييك الله اموت يعني
ساره: ههههههههه لا ما تموت
دنقرت فيو وباستو ف راسو وهو مسكها أداها بوسه ف شفايفها لمن اتخلعت
ساره: محمد انت بايخ
محمد: ههههههههه خلاص ص خلاص يلا واصلي واهو حاغمض
محمد غمض عيونو وساره مواصله ليو المساج لحدي م نام يوسف جا يكورك سكتتو وقعدو يشربو ف النسكافيه ومحمد نااايم
محمد نايم قريب الساعه صحا لقا ساره ف وضعيتها والصداع خفه
ساره: صح النوم
محمد: معليش قعدتك كتير
ساره: م مشكله انت اسي كيف
محمد: احسن انا حعان ارح نأكل
ساره طيب يلا
نزلنا لقينا خالتو وعمو قاعدين محمد قعد معاهم وانا دخلت المطبخ جهزت الغدا اتغدينا وسويت ليهم القهوه
ساره: انا بكره حامشي المقابر ابوي حايتم ال٤٠ يوم
محمد كلنا حانمشي معاك
ساره: وف حاجه تانيه. انا حارجع تركيا
عباس: لي يا بتي صايقناك ف حاجه
ساره: لا يا عمو بس انا اخدت اجازه طويله وهم اتصلو علي
محمد: انا ماشي بره حبه
محمد شكلو زعل من كلامي
مشيت لقيت محمد واقف ف الحديقه وخاتي يديد ف جيوبو
ساره : احم احم
محمد ابا يقبل علي ساره مشت ليو ف وشو لقتو مدمع
ساره: ممكن اعرف حبيبي مالو
محمد: ماف حاجه حبيبتو حاتخلي تاني للعذاب
ساره: ومنو القال ليك انا حاخليك
محمد: قلتيها يا ساره قلتي انك حاتسافري
ساره: طيب كن قلت ليك اني كنت بهزر عاوزه اشوف ردة فعلك
محمد: كيف يعني انتي
ساره: م مسافره خبيبي انا نقلت ورقي هنا وحاشتغل مع حبيبي
محمد: بس شغلك وبيتك هناك
ساره: بيتي قاعد وممكن نمشي كل فترة نقعد هناك ناسي انو هناك اتولد حبنا
والشغل معاك حايكون احلي
محمد: يعني موافقه تتزوجيني
ساره : ممم موافقه وبكره تطلبني من ابوي تاني
محمد حضن ساره ودموعو نزلت بس دموع الفرح ومشا وكلم اهلو واهلو انبسطوا اتصل علي ام ساره واخوها انهم بكره بعد زيارة المقابر حايعقد عليها وتبقي مرتو
بعد اهلو نامو مشا ليها ف غرفتها وهي كانت بتتجهز عشان تنوم
محمد: حبيبي افتحي الباب
ساره: مالك ف حاجه
محمد: ممكن انوم ف حضنك
ساره: لو زول شافنا حبيبي عيب
محمد: سرو انتي بكره حاتكوني مرتي عليك الله
ساره: طيب طيب خش
دخلو ونام ف حضن ساره زي الطفل ونامو للصباح
ساره حبيبي يلا اصحي
محمد: خليني حبه
ساره: حبيبي حانتاخر يلا قوم
محمد قام اتسحب مشا غرفتو وانا قمت استحميت وصليت الصبح وقريت قران علي روح ابوي ونزلت شربت الشاي وبعدها طلعنا كلنا المقابر اهل محمد كانو بالنسبه لي زي اهلي قرينا لأبوي ف الفاتحه ورجعنا البيت لقينا يوسف جهز للعقد كان عقد بسيط ف الجامع مشيت غرفتي لبست فستان بالأبيض وعملت ميكب خفيف شويه كده وسمعت خالتي بتزعرد والكل حا بارك لي واخيرا جا حبيبي محمد
محمد: مبرووك يا حلالي
ساره: يبارك لي فيك يا روحي ويحفظك لي
حضنا بعض وباسني ف راسي بالجد كنت طايره من الفرحه وبعد سنه بالظبط عندنا بنوته الهام الصغيرونه وانا وابوها فتحنا عيادة خاصه وكل فترة بتسافر تركيا نتلم مع ناس سالم ومروان وعيالهم ونرجع السودان حياتنا حلوة شديد
الطلاق عمرو م كان نهاية طريق احتمال بدايه لطريق احلي ❣️❣️❣️❣️
تمت