رواية حب بلا مقابل الفصل العاشر10 والحادي عشر11والثاني عشر12 بقلم هبه
شمس / احنا نبلغ عنه و نلبسه قضية تحرش وخلصت
عمار / كده هانعمل سمعة وحشة لأختك
شمس / انا خايفه على اختى منه
عمار / اللى زى ده عنده كل شيئ متاح و مباح بحكم تربيته فى أمريكا فهو مش هيسكت لانه هيحاول بكل ما يملك علشان يحقق رغباته شكله هيتعبنى
شمس / بلاش تشغل بالك بيه طلما أنك هتوصلنا و ترجعنا
عمار / يلا يا بشمهندسة عاوز التقدير بتاع كل سنه
شمس / حاضر يا حبيبي فجأة لقت دكتور حمزة فى وشها ابتسمت متتأخرش عليه ومشت دخلت قاعة المحاضرات
عنبة / اتأخرتى ليه ياموكوسة دكتور حمزة خرج مرتين مش عارفه ليه
شمس / بنت يا عنبة افصلى اهو جه و قفل الباب سيبنى اركز دبيبصلى جامد ربنا يستر
دكتور حمزة / السلام عليكم
الطلاب / وعليكم السلام
دكتور حمزة / مين خلص البحث اللى خلصه يجيبه و يحطه هنا
عنبة / يالهوووى انا نسيته
شمس / انا الحمد لله خلصته
قام واحد من الطلاب لم الأبحاث و حطهم على المكتب
عنبة / بعتذر يا دكتور انا نسيته فى البيت و كذا واحد اعتذر منه
دكتور حمزة / بهدوء هاتيوه السكشن الجاى و اللى مكملش البحث يكمله
عنبة / تشكر
دكتور حمزة / فى السكشن هنناقش الأبحاث يلا على موضوع المحاضره
جمال / على الفون اتصرف يا متر
ممدوح المحامى / اتصرف ازاي انت عارف احنا كام مليون داحنا فوق ال100 مليون نسمة اقولك رتب على حديث صحفي مش هينفع الناس معدش مهتمة بقراءة الصحف اعمل مقابلة تلفزيونية أو على السوشيال ميديا هو ده اللى هينجز معاك لو موجوده هتظهر
جمال / انت عاوز تفضحنى والناس تعرف انى اتخليت عن بنتى
ممدوح / مش دى الحقيقة ولا رأيك ايه
جمال / انا كان عندى ظروفى ساعتها
ممدوح / مفيش لا ظروف ولا عذر يخلى اب يرمى بنته فى صندوق الزباله لكلاب السكك و جاى بعد 23 سنه بيدور عليها سايبها فى حالها واعتبرها ماتت مع امها الله يرحمها خلى بالك لو خليل عرف هيقتلك
جمال / طز فيه انا محصن و ممكن اسجنه
ممدوح / ما انت بقيت امريكانى انسى البنت الغلبانه زمانها اتزوجت عربجى ولا تاجر حشيش و برشام ولا بواب عمارة مهى مصرية مش امريكانية
جمال / انت لسه لسانك طويل اقفل
ممدوح / ماشى سلام يا برنس
فارس / عمى ممكن تروح معايا عوز أخطب بنت زميلتى فى كليه الطب
جمال / اللى كانت السبب فى رفدك من الكلية
فارس / مش مهم انا هاحول اوراقى لجامعة خاصة احسن على الأقل انجح و أنا مرتاح
جمال / و بعد شهرين تطلقها و تدور على غيرها
كوثر / وماله خليه يمتع نفسه بفلوسه و بحلال ربنا
جمال / هو حلال ربنا أنه يتزوج كل كام شهر واحدة وبعدين يطلقها ويدور على غيرها
فارس / لا دى بنت جمال و جدعنه وأبوها راجل محترم هو صاحب سوبر ماركت كبير انا خليت ناس تجيب عنوانها انت روح معايا اول مرة و يوم كتب الكتاب و كده تشكر
مريم / روح معاه يابابا طلما هو عوز الحلال البنت دى شكلها هتعلمه الادب
عايدة / كلامك صح تعالى ننزل البسين
مريم / يلا و بعدين نعمل اكل على الجمر فى الجنينه
عايدة / معاكى فى اى شيئ هو انتى لسه بتكلمى ادم
مريم / هو بيكلمنى وانا مش برد عليه
عايدة / طب ليه
مريم / طلع بنى ادم سافل عوزنى أكلمه بلانجيري فأنا رفضت
عايدة / د ولد بجح عوز واحد حظر مظبوط
مريم / ههههه هو فى حظر مظبوط و حظر على الرايحة هو قهوة
عايدة / أيوة يعنى حظر مستمر بدون الرجوع فيه يلا انزلى
مريم / المشكلة أنى بحبه اوى حاسه بوجع قلبى
عايدة / اللى زى ده ملهوش امان ده ممكن يغدر بيكى فى أى لحظة
مريم / صح كلامك انا لازم أنساه بس مش عارفه ازاى
عايدة / اش..........
رواية / حب بلا مقابل
الفصل (11)
----------------
مريم / صح كلامك انا عوزة أنساه بس مش عارفه ازاى
عايدة / اشربى عصير قصب كتير بصى قارنى بين مميزاته وعيوبه و شوفى الكفة أنهى الاتقل
مريم / انا مش شايفه مميزات هو كل همه عاوز يمتلكنى و يتحكم فيه
عايدة / يبقى ده عوز تخطيط ولعب من تحت لتحت بقولك هاتى رقمه و الاكونت بتاعه و انا هاعرف أعلمه الأدب
مريم / تمام خدى يا مفترية انا متأكده انك هتخليه يكره نفسه هاطلع انام قبل اخونا المهبول ما يوصل
عايدة / انا حاسه ان البنت دى هتعلمه الادب عوزة خط فودافون اوموبينيل او اتصالات جديد بدون بطاقة
مريم / من اى سنترال موجود و رخيص
عايدة / تمام بس من غير عقد او بطاقه
مريم / هاشحتلك واحد من واحدة معايا فى الكليه معاها خطوط كتير
عايدة / تمام يادادة حليمة عوزة اكل سندوتشات اى حاجة
دادة حليمة / حاضر انتى لوحدك و لا الست مريم هتاكل معاكى
عايدة / لوحدى
سيف / اعملى حسابى يا دادة
مريم / الا ايه حكايه بنت بابا اللى رماها قبل مايسافر و دلوقت حن ليها
عايدة / البنت اللى كان بابا سابها جنب صندوق الزباله اكيد بابا لقى مصلحة وراها هو من امتى كان بيفكر أو بيهتم غير بنفسه وبس
مريم / عندك حق امال سيف فين
عايدة / راح السوبر ماركت
مريم / يارب يجيب اندومي
عايدة / حرام عليكى ارحمى معدتك الغلبانة
مريم / بلاش معدتى كفاية وجع قلبى
عايدة / وحياتك عندى لاخد حقك كامل عوزة اعمل اكونت جديد باسم يكون ملعلع
مريم / فكك مني انا هانام و لو سيف جاب اندومي خلي نصيبي
عايدة / هو انتى معندكيش جامعة ولا
مريم / عندى بس واحدة بنت حلال باخد منها المحاضرات بالشرح شرحها سلسل احسن من الدكتور
عايدة / بس لازم تحضرى علشان نسبة الغياب
مريم / وهى نايمة حاضر
بعد مرور كذا يوم
فى قاعة المحاضرات
قمر / كنتى فين يا بنت العمدة اواعكى تكونى اتزوجتى كفالله الشر
رحمة / دشكلها نضفت اكيد ابوها مات و هى ورثه المرحوم
كنزى / انتم هتقسموا عليه غورى ابت جاكم السعد
قمر / بجد بقالك اسبوعين غائبة الدكتور عبد المنعم سأل عليكى
كنزى / انا تواصلت معاه و قولتله أنى تعبانه مش شايفة الجبس اللى فى دراعى ولا عميتى منك ليها
قمر / هاتى دراعك عوزة اكتبلك على الجبس
رحمة / و انا كمان عوزة زيها
كنزى / لع لما تجيبولى عصير قصب الاول
قمر / هو ايه اللي حصلك
كنزى / ابدآ واحد جارنا بيركب ستارة البلكونه السلم بسور البلكونه وقع عليه انا و عيل فى 3 ابتدائي انا دراعى اتجبس و خيطت 13 غرزة فى كتفى و الولد رجله و فخده من رجله التانية و دماغة اتخيط 26 غرزة
قمر / طب و اللى كان بيعلق الستارة
كنزى / زى القرد خدوش بسيطة
رحمة / ههههه الف سلامة عليكى يا غاليه بالشفا عقبال المرة الجاية
دكتور عبد المنعم / السلام عليكم و قفل الباب وراه و بدأ يشرح المحاضره
شمس / بنت ياعنبة هو دكتور حمزة اتأخر على المحاضرة النهاردة ليه
عنبة / اعدمك لو اعرف روحى شوفيه زمانه فى مكتبه بيراجع الأبحاث
شمس / جواب مقنع تعالى اقعدى جنبى
عنبة / بصى ابت دكتور طارق جاى القاعة
شمس / وشها جاب الوان هو فى ايه
دكتور طارق / السلام عليكم
الطلاب وعليكم السلام
دكتور طارق / انا هاعطيكم المحاضرات لاخر السنه
واحد من الطلاب / خير يا دكتور هو دكتور حمزة ماله
دكتور طارق / سافر يحضر مؤتمر تبع الجامعه و يلقى محاضرات هناك بدل من دكتور فريد لانشغال دكتور فريد بمرض زوجته اى سؤال
الجميع شكرآ
دكتور طارق / انا باشرح و براجع اللى شرحته أثناء المحاضرة ياريت الكل يركز
بدر / كده تمام بقول يا عمدة متخلى ابوك يرضى يشغلنى عنده فى المعمل
عماد / ياريت يا بدر لو من بكرة
بدر / خد رأى السيد الوالد الاول ورد عليه
عماد / هو موافق وهنكون مع بعض
بدر / تمام كده انا فنشت المنهج مروح ولا
عماد / يلا فاضل اسبوعين و نخلص و الواحد ينام ويشبع نوم
بدر / ديدوب شهرين و حضرتك تكون فى الجيش
عماد / روح يا شيخ ربنا يسعدك لازم تفكرنى
بدر / أبويه بيرن عليه السلام عليكم
عمار / و عليكم السلام انت فين لو خلصت افوت عليك تروح معانا
بدر / انا هاركب مشروع و مروح
عمار / انت فين انا فى طريقى ليك
بدر / تمام هاطلعلك على اول الشارع
فارس / سلمى هى قمر فى الكلية
سلمى / أيوة مش عارفة انت بتحب فيها ايه دى عاملة زى العمدة الآلى
فارس / احترمى نفسك مش احسن منك اللى مشية تترقصى ابو شكلك اقفلى
سلمى / انت حيوان مش عارفه ازاى بتحب الحيوانه اللى شبهك دى
فارس / اقسم بالله لو كنتى ادامى كنت علمتك الادب
سلمى / و حياتك لاخلى المعزة اللى بتحبها دى مضحكته الجامعة كلها
فارس / اقسم بالله اولع فيكى
سلمى / انت خلاص معدش تقدر تدخل الكلية وده احسن علشان اخليها عبره للكل
فارس / هتعملى ايه ياحيوانه
سلمى / هاعمل فيها اللى يخليها تسيب الكلية و تختفى بنت بتاع السوبر ماركت هههه و قفلت الفون
فارس / خرج يجرى راح الكلية عند قمر و حاول يدخل الأمن منعه ففضل واقف جنب باب الكليه اكتر من ساعتين
بتاع الأمن / ارجوك امشى من هنا حرام تكون السبب فى قطع عيشنا
فارس / عوز اكلم اى حد من اللى كانوا معايا ارجوك
بتاع الأمن / حاس أن فارس صادق فقال أنا هاشوفلك اى حد ياجى يكلمك هنا
فارس / ممكن تقول لمحمود فريد هو شاب طول و اسمر
بتاع الأمن / حاضر وراح بحث وبعد فترة محمود جه
محمود / خير يا دكتور
فارس / ممكن اتكلم معاك
محمود / على ما اعتقد انه مفيش ما بينا كلام
فارس / انا جاى اطلب منك بل اترجاك خلى بالك من قمر
محمود / اشمعنا
فارس / انت عارف س......
رواية / حب بلا مقابل
الفصل (12)
....................
فارس / انا جاى اطلب منك بل اترجاك خلى بالك من قمر
محمود / اشمعنا
فارس / انت عارف سلمى و شلتها
محمود / انا و اغلب الدفعة ملناش علاقة بيها هى و شلتها
فارس / سلمى حالفة لتوقع قمر فى مشاكل و انت عارف سلمى بتكون بنت مين
محمود / و انت جاى خايف على صاحبتك سلمى ولا على قمر
فارس / خايف على قمر طبعا
محمود / لو كلامك ده صح يكون انت السبب و مش بعيد يكون انت اللى هتخلى سلمى تعمل كده
فارس / لا والله انا يوم الجمعة هاتقدم اطلب ايد قمر وانا بحبها لأنها بنت نضيفة و عندها دين واخلاق
محمود / اعتمد على الله و انا هاتصرف
فارس / ده رقمى ابقى طمنى ممكن
محمود / حاضر بالسلامة و مسك فونه و كلم بدر و أخبره بالكلام اللى دار بينه وبين فارس
بدر / تمام تشكر يا اخويه انا جاى مع أبويه ناخد اختى
سلمى / أن شاء الله كلها يوم و باى يا قمر هتقعد في البيت ولا هتنفعى تتزوجى ولا حتى تعيشى حياتك طبيعى هتكونى مشوة
رجاء / كل ده ليه
سلمى / علشان فارس فضلها عليه بنت بياع الجبنة و البسكويت انا بنت مختار طايل السوهاجي
رجاء / القلب و مايريد يا بطه هو ما وعدتكيش بحاجه الصراحه بلاش كل الغل اللى جواكى
سلمى / انا هاعرض عليها اللى تطلبه مقابل البعد عنه
رجاء / ولو رفضت رغم أنها ملهاش فى اى حاجة غير التركيز فى محاضراتها دى بتطلع الاولى على الدفعة
سلمى / انا عوزة اسد عليه كل السكك للوصول اليها
رجاء / بلاش تحطى نفسك في مكان ممكن يوصلك للسجن
سلمى / السجن ده بيكون لامثالك وامثالها
رجاء / تصدقي انا غلطانه اللي عرفت واحده زيك كلها حقد وغل ربنا مقسم الارزاق يا بنتي المهم ان احنا نرضي بنصيبنا
سلمى / بفلوسي و سلطه بابا ممكن اوصل للمريخ
رجاء / خليكي في عالم الاوهام بتاعك اللي هيوصلك لطريق مسدود
سلمى / بلاش نخسر بعض ممكن تحتاجيني في يوم فاهمه وانتى امك ديما محتاجين لبابى
رجاء / حاضر يا بنت اونكل مختار السوهاجي اللي هو مع الاسف بيكون ابن عم ماما
سلمى / ضحكت بابا بعيد عن العيله من اكثر من 50 سنه من يوم ما اتولد يعني انتم اللى بتحوموا حاولين بابى زى المساكين
رجاء / تركتها ودخلت المدرج لحضور المحاضره
قمر / بصى ابت رجاء شكلها مهموم وسلمى مش معاها
رحمة / فكك وركزي في المحاضره يا دكتوره
قمر / تمام هركز بس انا جعانه
بعد المحاضره
رجاء / كتبت ورقه بتحذر فيها قمر من سلمى وهي ماشيه رمت الورقه قدام رحمه وبصت لها وخرجت من المدرج
رحمة / هو في ايه البنت دي شكلها مش طبيعي النهارده
قمر / مسكت الورقه وقرات ما فيها
رحمه خلي بالك من قمر سلمى عاوزه تخليها عبره مش عارفه ازاي علشان هي بتحب فارس خلي بالك الا ممكن ترمي عليها ميه نار او اي حاجه من هذا القبيل ممكن كمان او ممكن تسلط عليها شاب يعمل فيها حاجه اني ما قلتش ليكي حاجه خلي بالك من قمر
قمر / نهار احوس هو انا ناقصه يخرب بيتك يا فارس الزفت
رحمة / كلمى اخوك يجي ياخدك
قمر / اخويا عنده شغل في المعمل وبابا بيجي ياخدني انا واختي
محمود / قمر خلي بالك من نفسك بلاش تروحي لوحدك وخلي بالك من اللي حوليكى
رحمة / ايه فيلم الرعب اللي احنا هنعيشه ده حتى رجاء حذرت قمر والورقة اهى واعطت الورقه لمحمود بلاش تقول لحد ان رجاء حذرت قمر شكل سلمى هتعمل فيها حاجه لو عرفت انها حذرت قمر
محمود / تمام فهمت طول ما انتم في الجامعه وانتم في امان وان شاء الله خير طالما عمي عمار بيجي ياخدك من هنا خير ان شاء الله
قمر / قل لن يصيبنا الا ما كتب الله لنا الحمد لله على كل شيء بابا بيرن انا خارجه
محمود / خرج وراها وسلم على عمار وطلع ركب تاكسي
شمس / ايه اخبارك يا قمر عاملة ايه
قمر / خايفه قوي من زميله معانا اسمها سلمى
عمار / انتى خايفه ليه انتى عملت لها حاجه
قمر / لا بس شكلها بتحب فارس الزفت لانها كانت من الشله بتاعته واقرب حد ليه
عمار /ما تحطيش في دماغك انا بجيبك و ارجعك في البيت تاني خلي بالك من مذاكرتك وبس ربنا كبير وقادر على كل شيء
شمس / من اجل عيونك بقيت بروح ملاكي كل يوم ولا بنت الوزير
عمار / انا مستعد اشيلكم على كتافي انا ما ليش غيركم انتم راس مالي وكل ما املك ربنا يبعد عنكم كل شر
قمر / ربنا يطول عمرك يا اغلى حد في حياتنا
شمس / هانت يا قمر كلها شهرين الامتحانات ونخلص ونقعد في البيت ننتظر السنه الجايه او ابن الحلال
عمار / ابتسم الراجل جاي النهارده بالليل هو واهله قبليه يا قمر وصلى ركعتين استخارة زي ما قلت لك وربنا يقدم اللي فيه الخير
قمر / حاضر يا بابا تحت امرك
شمس / مبروك يا قلبى تتزوجى و تتهنى
قمر / انا فى دم.....