رواية حب الصدفه الفصل الثالث3 بقلم شروق حسام
كنتي فين كل ده يا صايعة "
شيماء بمرح " هلوووز بالموز يا ست الكل "
_" ردي عليا كنتي فين "
_" توهت ومعرفتش اروح وناس اتبنوني واهو بعد 25 سنة غياب رجعت لك رجعت عشان اشوفك "
نادية برفعة حاجب وتمثيل " ولا اعرفك اصلا معنديش بنات يلا برا وسيبيني في حالي "
_" اوتش وجعتيني بس انا مكنتش متخيل انك تسيبيني يا فريدة اععع "
نادية بضحكة عالية " هههههه فريدة مين يا هبلة "
شيماء بمرح " ده تريند طالع جديد علي التيك توك "
_" اه قصدك التطبيق اللي دايما بتتفرجي عليه ولحس عقلك "
_" ههههه الله ينور عليكي "
كملت بتعب " أنا داخلة انا سلامات يا حب تصبحي علي جنة "
_" وانتي من اهل الجنة "
شيماء بهمس " تمت المهمة بنجاح لقد نجوت كنت هتشلوح ربنا عداها علي خير "
نادية بصت لها بحنان وكانت نسيت هي هتقولها ايه وبعدين افتكرت بسرعة
نادية بصوت عالي " استني يا بت لسه مقولتليش وكمان احنا العصر حد ينام دلوقتي "
نادية ملقتش إجابة وراحت ناحية اوضة شيماء لقيتها راحت في نوم عميق وباين عليها التعب فمردتش تقلقها وسابتها ومشيت
..................
بعد كام يوم
في فيلا في حي راقي
_" انتي مين وعايزة ايه "
_" محسوبتك شيماء الخدامة الجديدة للبيه "
الحارس بجدية " تمام طلعي بطاقتك عشان اتأكد "
شيماء بسخط وهي بتطلع البطاقة " خد يا اخويا محسسني انِ راحة أمن الدولة ولا راحة اقابل الرئيس "
الحارس مردش عليها ودخلها بعد ما اتأكد من هويتها
شيماء بصت حواليها وانبهرت بالمكان " اش اش اش ايه الحلاوة والطعامة والشياكة دي بسم الله ما شاء الله "
_" قل أعوذ برب الفلق ربِ ابعد عننا الحسودين دول "
شيماء بخضة " ايه يا جدع ما تقول احم او حتي السلام عليكم يعني نفع تحضني كده كان هيجرى لي حاجة "
_" مش بحب الرغي الكتير ادخلي شوفي شغلك انا شوفتك وانتي بتكلمي الحارس وعرفت انك الخدامة الجديدة انا عبد العال مدير الخدم هنا "
شيماء بهمس " هولع فيك يا اللي اسمك آسر علي اللي بشوفه ده "
_" تمام وبعدين "
_" وبعدين مهمتك الوحيدة هي انك هتهتمي بالباشا الكبير من أكل وشرب ولبس وشاور وكل حاجة "
شيماء بصدمة " شاور ليه ان شاء الله هو مشلول في ايده ورجله يعني ولا ايه "
اه يا حلوة زي ما قولتي ولسانك بعد كده تلميه