رواية حب بلا مقابل الفصل الثاني والعشرون22والثالث والعشرون23 والرابع والعشرون24 بقلم هبه احمد
عمار / ربنا حاكم عادل
شمس / ما تنتقبى ياقمر
قمر / مستحيل انتقب ( تلبس نقاب ) علشان لما احب البس نقاب اكون مقتنعة و مستعدة مش البسه علشان اتخفى خلفه ما انا هاقعد مع البنات والكل هيعرفنى
شمس / انا كنت عوزاكى تكونى بعيده عن المخاطر
بدر / ربنا هو خير حافظ
زاهر / السلام عليكم
مخلوف / انت جيت وعليكم السلام يارب ما يكون وراك مشاكل
زاهر / اطمن ياابويه انا الحمد لله بطلت كل حاجة حتى السجاير بطلتها خدى يا امى الفلوس اللى كنت اخدتها من الدلاب
مخلوف / أفلح أن صدق
زاهر / انا الحمد لله بصلى الفرض فى المسجد ربنا يغفر ما سبق
ام زاهر / احضرك تاكل
زاهر / انا شبعان دلوقت هنتعشى مع بعض على فكره يا ابويا انا جاي اجدد رخصه القياده وهمشي ثاني هفضل قاعد اشتغل مع خالي
مخلوف / رايح فين ان شاء الله
زاهر / اسلم على خميس محمود و جاي على طول هو قاعد على القهوه منتظرني
مخلوف / يبقى هترجع للشرب تاني والبلطجه
زاهر / ما تخافش يا ابويا الحمد لله بطلت كل حاجه وانا قربت لربنا لعله يغفر لي ويرحمى وسابهم وخرج راح القهوه لقى خميس منتظره بعد السلام و طلبوا شاى
جه شابين وقعدوا
حمادة / انا جايلك في مصلحه هتكسب من وراها خمس بواكي (10000)
خميس/ خير تحت امرك
حمادة / بص ناحيه زاهر وقال ممكن نتكلم لوحدنا
خميس / دي معايا واخويا قولي اللي عندك ما تقلقش
حمادة / في بنت مزعله الباشا بعدين عاوزين اللى يوصلها لحد عنده ما تفهمنيش غلط هو هيكتب كتابه عليهم ما عليك الا توصلها لعنده بقول لك الحلاوه 10000 جنيه كمان ايه رايك
خميس /موافق تعرف هي مين و هى من المنطقه هنا واعرف شكلها ازاى معاك صورة ليها لو امكن
فارس / العنوان اهو ودي صورتها عايزك تخلص في السريع
خميس / العربون خط سرها ايه
فارس /هي طالبه في كليه الطب ابوها ولا اخوها بيوصلها لحد الكليه وبيرجع ياخدها في التاكسي بتاعه
خميس / سيبني اسبوع امخمخ واشوف طريقه لتعطيل التاكسي وبعدين اوصلها لك لحد هناك
فارس/ ادي الفلوس وانا مستعجل خلي بالك
حمادة / خميس ده خلاصه اطمن
فارس/ تمام انا عاوز البنت اللي في الصوره مش اختها علشان اختها احيانا بتركب معاها
خميس / يا حماده انا ما بحبش الكلام الكتير يلا بالسلامه حماده خليه يحاسب على المشاريب قبل ما يمشي
حمادة / حاضر يخرب بيت معرفتك انت حوت
زاهر / مسك الصوره يبص عليها اتخض وقام واقف انت تعرف دي مين
خميس / وهعرفها ليه كل اللي اعرفه اني هقبض 20000 جنيه اياكش تكون بنت شيخ الازهر اني مالي
زاهر / دى بتكون بنت الاستاذ عمار صاحب السوبر ماركت المكتوب عليه ماركت التوام اللي في اخر الشارع الغربي ابوها راجل محترم
حمادة / الخلاصة هتكون معايا ولا انفذ لوحدي
زاهر / مع نفسك انا خلاص ربنا تاب عليه الحمد لله انا ما شفتش حاجه ولا سمحت حاجه بس ما تنساش ان عندك اخوات بنات وكما تدين تدان
خميس / اخواتي تعرف تحمي نفسها وسلملي على التوبه
زاهر / روح علشان ينام ما عرفش ينام صوره قمر قدامه
ام زاهر / العشا يا ابني يلا ابوك جه من الجامع
زاهر / حاضر ياما اصلي واجي
بعد العشا
زاهر / هاروح اصلى في الجامع و جاي عاوزه حاجه ياما
مخلوف / بلاش السهر لاخر الليل
زاهر / حاضر ما تخافش يا ابوي انا خلاص عمري ما هارجع لطريق الضياع تاني وخرج صلى وراح على بيت بيت عمار
زاهر / السلام عليكم
ياسمين / و عليكم السلام تحت امرك طلباتك
زاهر / عوز عمى عمار
نجمة / مش انت الاخ اللى
زاهر / أيوة انا و عاوز عمى عمار فى حاجة مهمة
نجمة / امشى من هنا و الا
ياسمين / اسكتى يانجمة اتفضل يا استاذ و عطيته كرسي اقعد هارن عليه ينزل
زاهر/ متشكر
لحظات و عمار نزل و استغرب من وجود زاهر
زاهر / عمى عمار انا الحمد لله بقيت مستقيم
عمار / ربنا يزيدك ايمان ويعفو عن الجميع خير
زاهر / ممكن نتكلم فى مكان بعيد عن الشارع
عمار / اطلعى انتى و نجمة فوق
ياسمين / انا معاك اطلعى يانجمة
عمار / أعطى زاهر كنزايه اتفضل يا ابني خير سامعك
زاهر / حكى له ما حدث بين خميس و فارس و حمادة
عمار / تشكر يابنى كنت متاكد انه هيعمل كده
زاهر / انا مستعد افدى بنتك بروحي والله كلام جد
بدر / السلام عليكم انت بتعمل ايه هنا مش عاوزين مشاكل
عمار / ديش ...........
رواية / حب بلا مقابل
الفصل (23)
-----------------
بدر / السلام عليكم انت بتعمل ايه هنا مش عاوزين مشاكل.
عمار / د يشكر يابنى أنه جاى يحذرنى من اللى اسمه فارس عاوز يخطف اختك و انت عارف الباقي
بدر / و ايه اللى هيخلينى أصدقه
زاهر / اسمع المحادثه اللى دارت بين خميس و حمادة و فارس انا سجلتها من غير ما اعرف أن الاتفاق هيكون على اختك
عمار / انا مصدقك تشكر يا ابنى
زاهر / لولا عمى عمار كان زمانى فى السجن و لسه بشرب مخدرات و بنى ادم فاشل انا الحمد لله باشتغل وتوبت و بعدت عن اى شيئ حرام
بدر / نهار ابوه اسود ودينى لأكون قاتله ابن الك..
زاهر / حرام تضيع مستقبلك علشانه د ولد خيخه فرحان بشويه الفلوس اللي معاه
عمار / مش عاوزين مشاكل و حكى لزاهر حكايه قمر
زاهر / زهل مما سمع معقولة فى ناس بالبشاعة دى انا مستعد لتقديم اى مساعدة لو عمرى
ياسمين / عوزين اللى اسمه فارس ده يتحبس فى مكان من غير ما حد يلمسه و نقايض جمال بينه وبين البعد عن قمر
عمار / فارس مش ابنه د ابن مرأته على ما اعتقد
ياسمين / عارفه و مرأته شكلها شخصيتها قويه و هتقدر تأثر عليه
زاهر/ كلامك صح يا امى وبص على الأرض
ياسمين / انت ابنى اخو بدر و سالم وسليم
عمار / يكفى انك خوفت على سمعت بنتى و جايت تحذرنى
بدر / انا اخر يوم فى الامتحانات بكرة و اخلص و هاكون فاضى نرتب للفارس
زاهر / تقصد الفاشل هامشى انا و هاكون على تواصل مع خميس علشان اعرف هيعمل ايه بس بالله عليك يا بدر ممكن تاجى عندى البيت وتقول لابويه أن عمى عمار عوزنى فى شغل توضيب المخزن الا هو خايف ارجع لطريق المخدرات و السهر تانى
بدر / حاضر و خد فونى و تابع معايا
زاهر / اسف مش هاقدر اتقابل معكم اصل خميس شكاك و بيراقب اى حد يشتغل معاه و كمان هو هيكون موجود فى الشارع هنا علشان يعرف خط سير بنتكم قمر
عمار / قول اختك قمر
زاهر / ده شيئ يشرفني سلام عليكم ده رقمى لو رديت اكون لوحدى وإذا كلسنت تعرف ان فى حد و خلى بالك لو حد رن عليكم بعد ما اكلسن اعرف انه خميس أصله مريض بالشك فى كل الناس
عمار / تمام اشكرك مرة تانى
بدر / بيتكم فين
زاهر / تعالى ورايا هاشاورك على الشارع هو تالت بيت على ايدك اليمين
بدر / تمام
شمس / بتكلم عنبة
عنبة / عاملة أية يا بنت خالى
شمس / الحمد لله لسه مخلصة البحث بتاع دكتور حمزة
عنبة / ماشاء الله عليكي موسى ابحاث
شمس / الله اكبر عليكى عينك وحشه وبتحسدى
عنبة / لو كانت عينى وحشه وباحسد كنت حسدت العريس ابو كرش اللى عاوز يتزوجنى
شمس / ربنا يسعدك يارب نامى ابت
عنبة/ هاذاكر شوية يمكن ربنا يفتح عليه و اكتب اى حاجة فى البحث
قمر / النسكافيه بتاعك يا شموسة
شمس / تشكرى يا قلبي
نجمة / ممكن انام معاكم و مش هاتكلم خالص
شمس / مع قمر انا مش بحب حد ينام معايا
قمر / تعالى قولى فى ايه تحت اصلك مستحيل تاجى تنامى معانا من غير مايكون فى اخبار و مهمة
شمس / انطقى ابت الا اقتلك
نجمة / اعدمكم لو اعرف حاجة غير و سكتت
شمس / انا عوزة اعرف اللى بعد غير اخلصى
نجمة / فاكره الولد اللى كان دخل هنا و قمر ضربته بالكبشة
قمر / ماله ده كمان
نجمة / كان عاوز بابا وبابا قالى اطلعى فوق و دخله السوبر ماركت و قعد معاه
قمر / خير يا رب
شمس / طب جاى ليه
نجمة / انزل يمكن اعرف حاجة
قمر / بلاش عاوزة ننام من غير زعل
نجمة / هاعمل سندوتشات بيض وعجوة مين تحب تاكل معايا
قمر / انا المفروض ادور على شغل و على الأقل اصرف على نفسى
شمس / ليه أن شاء الله اشمعنا انتى اللى هاتسيبى كليتك و تشتغلي د بابا رفض يخلي بدر يشتغل في المعمل علشان دراسه ما يهملهاش
قمر /انا حاسه اني تقيله ما انت عارفه ان انا مش اختكم كثر خير بابا عمار وماما ياسمين اللي ربوني واهتموا بيا زي ما اكون واحده منكم
شمس / ليه هو انت غريبه عننا انت اختنا يا بنتي راضعين مع بعض ومتربيين مع بعض ودمنا واحد
قمر / الكلام ده كان زمان قبل ما يجي الزفت اللي اسمه جمال ويفرق شملنا منه لله
نجمه / احنا ملناش حد غير بعض مهما حصل انتى اختنا ملناش دعوه بكلام حد ولا يلزمنا حد
قمر / باكت كتير لحد ما نامت
عمار / والعمل يا حاجه دلوقت احنا محطوطين وسط كماشه
ياسمين / اللي مخو ..........
رواية/ حب بلا مقابل
الفصل (24)
~~~~~~~~
قمر / بكت كتير لحد ما نامت
عمار / و العمل ياحاجة دلوقت احنا محطوطين وسط كماشه
ياسمين / انا اللى مخوفنى أن اللى اسمه عمار ياخد قمر بالغصب و ساعتها انا ممكن اموت من القلق عليها
عمار / انا لو افتكر اسم خال قمر اللى عمار سألنى عنه مش فاكر هو قال خليل ايه
ياسمين / اسأل نجمة اكيد هى لسه فاكره هى اللى ماشاء الله عندها ذاكره قويه زى الحاجة شامة امك الله يرحمها
عمار / عندك حق هى تشبه امى فى الشكل و حاجات كتيرة
ياسمين / دى عارفة كل الناس هنا و اللى عليه حاجة بتطالبه بيها و بتقولوا بالتفاصيل
عمار / هاقفل و نطلع ننام و ربنا هو اللى بيدبر الأمر
ياسمين / ونعم بالله العلي العظيم
صباح جديد
بدر / اخلصوا الا عندى اخر يوم امتحانات بعد كده إجازة إلى الأبد
نجمة / هتمسك القلم و السرنجة و تشتغل على الجهاز و تحلل للناس بول و براز يا دكتور قشوع
قمر / ابتسمت غصب عنها انتى بنت مشكلة
ياسمين / خلوا بالكم من نفسكم و بالاخص انتى ياقمر
قمر / هو الراجل اللى عندك امبارح فى السوبر ماركت كان عوز حاجة
بدر / بيسألنى لو كنت اعرف حد فى المرور هو عاوز يجدد رخصة قيادة
شمس / ليه هو كان صاحبك بعد الشر دولد فاشل اصلا ابعد عنه يا توأمى
بدر / هو جاى عن طريق واحد صاحبي يلا
عمار / يلا توكلنا على الله ولسه بيفتح الباب لقى
جمال / جه و معاه ممدوح المحامى و كمان أمين شرطة و ضابط شرطة و قال هى دى يا حضرة الضابط انا مصمم اخدها معايا و هاعمل ليها تحليل ( DAN ) اللى هتثبت أنها بنتى و ان الاستاذ ده كان خاطفها
بدر / مسك جمال من رقبته اقسم بالله لو ما بعدت انت و ابن مرأتك عن اختى لأكون قاتلك انت وهو
جمال / حاس أن روحه هتطلع فقعد يشاور بايده علشان حد يبعد بدر عنه
ممدوح المحامى / سجل يا حضرة الضابط ده اعتداء على موكلى
الضابط / و يدعى شكرى ابعد عنه
قمر / يا حضرة الضابط لو كنت ضابط شرطة شريف قول للاستاذ اللى معاك انت رميت بنتك ليه و هى عمرها ساعات جنب مقلب الزبالة و ليه جاى دلوقت تدور عليها و عاوز منها ايه انا الحمد لله ربنا من عليه باحسن و اطيب اب و ام و احسن اخوات ومستحيل استغنى عنهم هم دول كل اهلى و كل شيئ فى حياتى وانا وصلت لسن يخلينى اقدر أقرر هاعيش حياتى ازاى ومع مين انا بارفض الاعتراف بالاستاذ ده و أنه يمثل اى شيئ فى حياتى يلا يابدر و مسكت ايد بدر و شمس و مشت
الضابط شكرى / يلا يابنى انسى أنها توافق يجمعها مكان معاك
ممدوح المحامى / اسف يا جماعة و اخرج ورقه من جيبه و حدفها تحت رجل نجمة اللى داست عليها و فضلت واقفه فى مكانها
ممدوح المحامي / بص عليها و شاور على الورقة اللى زماها و مشى
عمار / حضرة الضابط انا عندى 6 ولاد أولهم قمر و مستعد اموت مقابل اى حد فيها يعيش سعيد وركب جنب بناته لتوصيلهم للكلية
جارينا عمار الستات جم بيسألوا على ما حدث
نجمة / مع احترامى ليكم كلكم كل واحدة تروح تشوف وراها ايه نضفوا بيوتكم و شوفوا غدا ولادكم انتم بتموتوا فى اللكلوك الكتير و وطت اخدت الورقة بتاعة ممدوح المحامى
ياسمين / فيها ايه الورقة دى
نجمة / فيها اسم واحد اسمه خليل محمود الطحان بيقول ده خال قمر ورقمه كمان مكتوب فى الورقة و رقم تليفون اللى اسمه خليل
ياسمين / كلمى بابا و قوليله
نجمة / لا لما يرجع احسن د حتى رقم المحامى مكتوب هنا
ياسمين / فعلا اللى اسمه جمال كان قال الاسم ده
نجمة / هاطلع أفطر سليم و سالم علشان الدروس
سالم / السلام عليكم ايه الدوشه اللى كانت في الشارع
نجمة / بلاش تر........