رواية امتحان الحب
الفصل الاخير
بقلم جمانه السعيدي
مسك....صممت امشي على خطتي واشوف حمزه شكد راح يتحمل هل هو حب حقيقي راح يصبر ويتحمل وياي
لو هو هوس البدايات
اذا هو حب راح يصمد وياي
واذا مجرد اعجاب بلشكل لو اعجاب لان صديته
مراح يتحمل وياي شويه وينسحب
كل شهر اكله اليوم موعد الجلسه اليوم اروح اخذ كيمياوي
احجيله عن مرضي وهو متمسك بيه ما يقبل بعوفني
تفاجئت بي من ثاني مره كتله راح اخذ العلاج
حمزه...اني اليوم اروح وياج
مسك.... ووبن
حمزه...للجلسه جلسة العلاج
مسك....ليش
حمزه....هيج مرض يشفى بلعلاج النفسي اكثر من العلاج الطبي
مسك....شلون يعني
حمزه....اسئلي دكتورج الدعم المعنوي اساس علاج هيج مرض واني اليوم اروح وياج
اني صار فتره اقرا عن هذا المرض حتى اساعدج تتشافين منه بسرعه
مسك...ماكو داعي امي تروح وياي
حمزه...ليش مصممه تحسبيني غريب
مسك...لا انت موغريب ابد موقفك واحد احلى من واحد
حمزه.... اروح وياج للعلاج انتي بأي مستشفى تاخذين الجرعه
مسك ياربي هذا يلح خاف يكتشف جذبتي شلون
مسك...غير مره مو هلمره
حمزه....مو راح ازعل منج
مسك....انت ليش موضوع مرضي عندك موضوع عادي
يعني متقبل المرض عادي غيرك من يسمع هذا المرض ينهزم
حمزه...لان بساطه اني ممكن بيوم اوكع بهيج مرض
اني ما معصوم من المرض
مثل مااوكف وياج راح توكفين وياي رب العالمين
خالقنا حتى نسند بعض ونوكف واحد وياا الثاني
مسك...اذا ماصرت زينه
حمزه...لا راح تصيرين زينه لان انتي قويه
مسك...تعوفني اذا ماصرت احسن
حمزه....مستحيل اعوفج ابد انتي احلى شي صار بحياتي
مسك...انت ليش تختلف
حمزه...اختلف عن منو مافهمت
مسك...عن واحد كان خاطبني وعقدنا ومن وصلنا للزواج وعرف اني عندي هذا المرض انهزم وعافني خاف اخلص فلوسه على الدكاتره
حمزه...هذا غبي لان المرض امتحان من رب العالمين
هو ضامن نفسه مراح يوكع بلمرض
مسك...المشكله كان يكول اني احبج
حمزه....بعدج تحبي
مسك...لا الحمد لله تخطيته لان ما يستاهل حبي ابد
حشاك حقير واناني
جمانه السعيدي
مسك بقيت ٣ اشهر امثل على حمزه اني مريضه وجاي اخذ جرعات وكل مره يصمم يروح وياي حتى اخذ الجرعه
واني ارفض
حسيت هو هذا الإنسان الي يستحق اكمل وياا حياتي
مادام صبر عليه كل هذا الوقت
ومستمر يدعمني منعنوياا ونفسيا هو هذا الاختيار الصح
اما مازن بدا يحاول يرجع علاقتنا مثل قبل
كل يوم ينتضرني ويحاول بحجي وياي ويستعطفني
واني ارفض اسمعه
بعدين كمت اصعد بلخط من بابنا حتى لا اشوفه ولا يشوفني اني مااريد اشوفه بعد
اتفاجئت رقم غريب يتصل عليه
اني ماارد على اي رقم غريب بعدين اجتني رساله
مازن....مسك اني مازن ارجوج اسمعيني اني غلطان
ولله غلطان لان فرطت بيج
اني ازوجت بس ماكدرت اتخطاج مااكدر اشوف غيرج
اني وزوجتي مشاكل اربعه وعشرين ساعه
زواجنا مادام غير ٨ اشهر وانفصلنا
زوجتي كانت متاكده اني مااحبه ولا راح اكدر احبه
اني غلطت بحقج
بس الغلط مو مني وحدي انتي الي خليتني اغلط هيج غلط
ليش ضميتي عليه انتي مريضه
هذا الخبر نزل على كلبي مثل الصاعقه ماكدرت اتحمل
ارجوج اسمعيني مره وحده اريد اعتذر منج
انتي قويه كدرتي تتخطمين المرض ورجعتي مثل قبل واحسن سامحيني ارجوج
جمانه السعيدي
مسك...قريت الرساله وحضرت الرقم هذا من كل عقله يريد نرجع مثل قبل الشي الي سوو وياي ما ينغفر ابد
لو رجع راكع زاحف يتوسل مااقبل نرجع اني ويااا
قررت اسئل وادقق بموضوع طلاكه
الشغله مو خاليه ليش طلك مستحيل طلك زوجته علمودي
اكيد اكو سبب قوي طلك بسببه
دورت الحد ما تعرفت على وحده اقارب زوجته بس هي ماتعرف اني منو
سئلته ليش هاي اقاربج اطلكت خوش بنيه وحبابه
كمت امدح بيها رغم اني مااعرفها بحجت ادور زوجه الاقاربنا واريد اخطبها
تفاجئت بردها جان تكول زوجها طلع عقيم ويعاملها معامله موحلوه واهله مشغلينها خدامه بيتهم
شردت منهم ماكدرت تتحمل
ساعته عرفت مازن ليش يريد يرجعني هو متصور اني احبه وراح ارجعله حتلو مايصير عنده اطفال راح اتحمل وابقى عايشه وياااا
شوف ربك بالمرصاد عافني خاف مرضي يمنع يصير عنده اطفال تالي طلع هو الي مايصير عنده اطفال
فدوه الكرمك يالله شكد عادل ميزانك
تكيل للناس بنفس المكيال
رجع مازن دزلي رساله من غير رقم هم يعتذر بيها مني
رجعت حضرته ما يستاهل احجي وياا حتة كلمه وحده
اكثر من عشر مرات يدزلي رسايل اعتذار
لان بعد مايكدر يشوفني كمت اصعد من بابنا حتى لا اشوفه ولا يشوفني
كملت ٣ اشهر على علاقتي بحمزه كل يوم يثبتني هو
مشتريني وما مستعد يتخلى عني ابد
حسيت حمزه هو العوض من رب العالمين ومراح اضيعه من ايدي
قررت احجيله الحقيقه وكلشي صار وياي من يوم تعرفت على مازن لليوم والايام الي مرت عليه واني مريضه
وحتى رحلت علاجي من البدايه للنهايه
وأخير شي خليته شاف رسايل الاعتذار الي دزهن اليه مازن
حتى يقرر يكمل وياي لولا
مسك.... هسه انت صرت تعرف كلشي عني تكدر تقرر
تبقى وياي لو تنسحب واعذرني لان خليتك بهيج اختبار وامتحان لان اني انصدمت بلسابق ومااريد اعيد هاي التجربه مره ثانيه
جمانه السعيدي
حمزه....احيي شجاعتج وثقتج بنفسج يمتى اتقدملج
لان مابقى عندي صبر بعد
اجا تقدملي حمزه عقدنا عقد الشيخ حفله عائليه بسيطه
وبدينا نحضر للعرس
طلعنا اني وياا حتى نختار غرفة النوم
شافنا مازن نمشي سوا وحمزه لازم ايدي
وكلمه والثانيه وكال حبيبتي
وهو تخبل من شاف هذا المنضر
من رجعت للبيت لكيته دازلي صورنا اني وياا سوا
بأيام الخطوبه والمهر صور وهو حاضني وهو يبوسني
ملابسي ماكانت كلش محتشمه
مع الأسف كنت ماامنه بي بوقتها
كاتب جوه الصور
اذا ما تفسخين خطوبتج ادز الصور الخطيبج
راسا اتصلت بحمزه وشرحلته الموقف وكتله مازن جاي يهددني
حمزه طلع كبل اشتكى علي بلابتزاز الالكتروني
وشوفهم تهديده اليه
طلعت الشرطه قبضت علي داخل بيته
وانحكم سنتين سجن شكد اهله توسلو حتى اتنازل عنه
رفضت يستاهل اكثر من سنتين سجن
ازوجنا اني وحمزه بداية ٢٠١٨ بعدنا نداوم بنفس المدرسه
اني وياااا
شكد محضوضه اني بحمزه رب العالمين راد بجبر خاطري ودزلي حمزه هديه
عدنا ولد وبنيه الحمد لله حمدا تدوم معه النعم
تمت
لقراءة باقي الفصول اضغط هنا