رواية حب بلا مقابل الفصل الثالث عشر13والرابع عشر14والخامس عشر15 بقلم هبه
شمس / مبروك يا قلبي تتزوجى و تتهني
قمر / انا فى دماغى حاجة واحدة انى اكون حاجة الزواج مش فى اولويات تفكيري واهتمامي انا كل اهتمامي اني اكون معيده في الجامعه
شمس / احلام سعيده انا عاوز اتخرج وكفى وبعد كده انام واشبع نوم
عمار / غلط المفروض يكون عندك طموح زي اختك واخوكى
شمس / الصراحه يا بابا انا تعبت مذاكره ورسومات وابحاث و الدكاتره مش بيرحم زي ما يكونوا عاملين سباق علينا
قمر / ما فيش كليه سهله حتى الكليات النظرية صعبه الحمد لله ان احنا وصلنا لحد كده وهنقدر نكمل ان شاء الله
عمار / انا ابويا مات الله يرحمه هو امي فى حادثة و انا في اول ثانوي عام علشان كده كنت بذاكر واطلع على التاكسي اشتغل علشان اجيب الايجار واكلى وشربي ومصروفي والحمد لله نجحت ودخلت الجامعه واتخرجت واتجوزت وخلفت لازم يبقى عندك طموح
شمس / انا اليومين دول بدعي ربنا الايام اللى فاضله يعدوا عليا بخير حاسه اني روحي مسلوبه مني مش عارفه ليه
عمار / علشان انت متعلقه في حاجه بعيدة المنال الاسراف فى الامل غرور و الاسراف فى اليأس فشل وضياع
قمر / افهمى كلام بابا ياجاهلة
خليل / عاوزك تكون زي ضل جمال تعرف كل حاجه عنه وتعرف اذا كان بنت فردوس اختي عايشه ولا اللي في دماغي صح
مروان / ايه اللى فكرك بجمال دلوقت
خليل / انا عمري ما نسيته لانه اول حد يخدعني انا وابويا واتجوز فردوس غصب عننا وفي الاخر ماتت الله اعلم سبب موتها ايه و علشان حقوق بنتها ودى كتير يابنى و انت عارف انا مقدرش اكل حقوق الأيتام
مروان / انا شوفته مرتين بس و مع ذلك حاسس أنه راجل مش سهل تعبان
خليل / عارف يابنى و ياما نصحت عمتك فردوس تبعد عنه و هى مع الاسف كان مضحوك عليها حتى شقتها اللى هى ملكها هو باعها من غير علمها
مروان / الا ممكن يكون هو سبب في موت عمتي مجرد سؤال يعني
خليل / كل شيئ ممكن استغفر الله العظيم ما اعتقدش علشان هو كان محتاج زوجه ما تكون معاه وهو مسافر
مروان / تمام طب لو ظهرت بنت عمتي هتعمل معاها ايه
خليل / تاخد حقها يا ابني الله يكفينا شر حقوق الناس وتعرف ان ليها خال واولاده ممكن تلجا لهم في اي وقت تكون محتاجهم
مروان / حاضر يا بابا على فكره رهف فى واحد صاحبي كلمني عاوز يرتبط بيها ايه رايك هشام صاحبي ابني وكيل النيابه ما انت عارفه يا بابا
خليل / كلمت اختك
مروان / لا لازم انت تعرف الاول هي دي الاصول
خليل / كلمها يا ابني ولو موافقه يجي اهلا بيه
مروان/ هكلمه واخليه يجي البيت وهي تقعد معاه
خليل / لا خليه يروح المزرعه يوم الجمعه وكلنا هنكون هناك
مروان / نتغدى فطير بعسل وجبنه قديمه
خليل / لسه فاكر وابتسم
سالم / ولد يا سليم قوم ورانا مذاكره يا ابني ربنا يعدي السنه دى على خير انا حاسس ان انا مخي ساح
نجمة / طالعه على السلم تغني وتقول ونجحنا عقبال الباقي يا اولاد انا نجحت عاوزه الهديه
سليم / يلا يا ابني نذاكر اذا كان الفاشله دي نجحت يبقى احنا الحمد لله ضمنا مستقبلنا
سالم / الفاشله دي تضمن ان هي تنجح علشان خاطر هي فاشله ومش حاطه العلم في دماغها انما احنا ربنا يسترها علينا يا ولد ابوي
نجمة / وربنا انا نجحت الحمد لله نجحت بجد انا مش مصدقه نفسي
سليم / اهدي كده وتعالي قولي لي انت نجحت ازاي يا فاشله
نجمة / مش عارفه والله يمكن دعاء الوالدين او المدرسين عاوزين يخلصوا منى المهم اني نجحت وطالعه سنه تانيه عقبالكم يا اولاد اه قبل ما انسى ماما بتقول لكم تعالوا اتغدوا
سالم / بقول لك يا قمر يا ناجحه انتى روحي هاتي الغدا وتعالي هنتغدى هنا وهنعمل معسكر مش هنخرج الا على الدروس
نجمة / دي شوربه ولحمه يا ولاد وبشاميل خليكم لما نتغدى اللي يفضل مننا هنجيبه وانتم ونصيبكم
سليم / ننتظر ايه يلا يا ابني الا الاكل يخ لص
نجمة / تمام يا حلوين واخذت الغسيل ونزلت وراهم
ياسمين / عاملين ايه في المذاكره يا اولاد اجدعنوا ربنا ينجحكم انتم واخواتكم
صباح جديد في الكلية
سلمى / دخلت بصيت على مكان قمر وماشيه عليها عدل
محمود / في ايده كنزايه راما شويه منها في طريق سلمى رجلين سلمى تزحلقت ووقعت والزجاجة اللى فى أيدها اندلقت على رجليها فقعدت تصرخ بصوت جامد من الالم
قمر / قايمه مصدومه بتبص وجدت ميه النار بهدلت رجلين سلمى قاعده بتصرخ هي كمان حد يلحقها
محمود/ عايزين ميه وكتير وقعد يفرغ زجاجات الميه على رجلين سلمى
دكتور عبد المنعم / طلب الاسعاف اللي جت بعد حوالي 3/4 ساعه اخذت سلمى على المستشفى
قمر / اغمى عليها من المنظر
رحمة / حد يلحقني يا ناس
محمود / رن على بدر وبلغه باللي حصل اللي جاء بسرعه اخذ اخته في تاكسي وروح
فارس / عرف اللي حصل لسلمى من زميلتها رجاء قعد يقول سبحان الله يا ما انت كريم يا رب
عمار / خلاص يا بنتي انتهت المشكله كده ربنا سبحانه وتعالى رد كيد الظالم في نحره وانتى الحمد لله ما فيكيش حاجه
قمر / صعبانة عليا قوي يا بابا رجليها باظت ميه النار اكلتها
شمس / ما يصعبش عليكى غالي يا بطه لو كانت جات على وشك كان زمانك ميته دلوقت احمدي ربنا
قمر / الحمد لله رب العالمين ربنا يشفيها يا رب
عمار / في واحد كلمني مش عارف جاب رقمي منين وبيقوللي عاوز ياجى يقعد ويتعرف عليكى ويطلب ايدك يا قمر
قمر /انا مش موافقه
شمس /هو مفيش حد في البلد غيرك يا بنتي كله عاوز يطلب ايدك يطلب ايدك يا بنت المحظوظه مش لسه من يومين مطفشه عريس
نجمة / يادي الحلق
ياسمين / عيب يا نجمه اختك قمر اسم على مسمى ماشي
قمر / ارجوكم سيبوني اركز شويه عشان خاطر الامتحانات على الابواب وعاوزه انجح
بدر / خلي بالك من نفسك يا قمر ما حدش هيحرسك ما تقعديش لوحدك في اي مكان
قمر / انت هترعبني ليه بس دانا كنت نسيت ثم سلمى ما بتجيش الكليه من ساعة الحادثة ربنا يشفيها
شمس / ربنا سترها معاكى المرة اللى فاتت خلي بالك من نفسك
قمر / ربنا خير حافظ و هو القادر على أن يحفظني من عنده
عمار / بدر انا عندي مشوار مهم بكره وصل اخواتك الكليه انا نازل البلد
ياسمين / ايه فكرك بالبلد دلوقت اللى ما رحت من سنتين
عمار / حجاج ابن عمتى عنده فرح ابنه وعازمني ومصمم على انى اروح
ياسمين /عقبال فرح ولادك يا رب
نجمة / اجاى مع......
رواية / حب بلا مقابل
الفصل (14)
-------------------
ياسمين / عقبال لما نفرح بولادنا يا رب
نجمة / اجي معاك يا حاج يمكن ربنا يكرمني بعريس
عمار / التعليم اولا وبعد كده عاوزه تشتغلي براحتك عاوزه تتزوجي براحتك المهم اكون اديت رسالتي معاكي زي اخواتك
نجمة / بهزر يا حاج والله
عمار / انتى اللي هتبني مستقبلك وانتى اللي هتحددي هتتزوجي مين وهتعيشي حياتك ازاي الجاهله ملهاش مكان في المجتمع ولادك هيكونوا محتاجين ام متعلمه تعرف تتعامل معاهم تاسسهم تعلمهم تعاليم دينهم فاهمه
ياسمين / هو ده الكلام الصح انا معايا جامعه بس فضلت اكون ست بيت واراعيكم
شمس / ربنا يطول عمرك يا ماما ويجازيك عننا خير انتى وبابا
بدر / بعد ما اجيب اخواتي اروح المعمل اشتغل لحد الساعه 2:00 بالليل وارجع اروح كليتى الصبح بعد توصليهم للجامعة
ياسمين / وليه كل ده يا ابني انت هتخلص وتدخل الجيش
بدر / عارف يا امي بس لازم اشتغل مش علشان الفلوس انا بحس انى مبسوط وانا في المعمل وبعدين مش عاوزه ابنك يبقى دكتور اهو دكتور تحاليل بس في النهايه اسمه دكتور
قمر / اجمل دكتور فى الدنيا
شمس / انت برنس ياتوأمى
عمار / اللي شايفه صح اعمله بس اخواتك البنات ترجع بدرى ماشي
بدر / هاحاول ان شاء الله
يوم الجمعه بعد الصلاه
شمس / البسى الطقم ده هيكون حلو عليكى
قمر / لا هاقبلهم بجلابيه البيت دي اللي هي بتاعه ماما اصلا يمكن يتعموا في نظرهم ويمشوا
نجمة / ههههه شكلك حلو يا خالتي مسعده بجلابيه ماما دي يا بنتي انتى قمر لو لبست خيش انتى قمر
شمس / البسي يا بنتي الطقم ده يا ماما تعالي شوفي بنتك
ياسمين / ضحكت ايه ده لابسه الجلابيه القديمه بتاعتي دي كانت بتاعه ستك الله يرحمها
قمر / حلوه هقابلهم بيها
بدر / اختي دكتوره يعني تلبس قيمتها في المجتمع البسي حاجه كويسه وقابلى الناس زي كل مره مش عاجبك خلاص ما فيش مشكله
قمر / حاضر يا بدور بس هات لي شيكولاته
بدر / كنت متاكد انك هتطلبي كده خدي اثنين لكى علشان انت عروسه وواحده لنجمه وواحده لشمس وواحده اتفضلي يا ماما
ياسمين / تسلم يا حبيبي نجمة حضري العصير
نجمة / كل حاجه جاهزه يا ماما الحمد لله
سالم / احنا ماشين هناجى بالليل
ياسمين / السند تشات و العصير معاكم
سليم / هاتى يا ست الكل ايدك على عشرين جنيه للتوكتوك
بدر / تعالوا هاوصلكم و رنه اجاى ارجعكم
سليم / تعيش ياغالى
عمار / الراجل اتصل بيقول أنه على وصول هانزل أقابله
شمس / لا هو ياجى لحد البيت اكيد هو جه المنطقة و عارف عنوان البيت وكل حاجة عننا
ياسمين / كلام بنتك صح انتظر فى بيتك لحد ما يجوا
قمر / حرام عليكم احنا زمن الحريم خلص من زمان مش كل شويه نتعرض على عريس رايح وعريس جاي حرام كده الواحد نفسيته تعبت
شمس / احمدي ربنا انا ما حدش معبرني رغم اني هكون مهندسه قد الدنيا
نجمة / هو انتى كنت قمر يا بطه العريس ما بيجيش غير لعروسة زي القمر بس على فكره انا عيني وحشه وبحسد
عمار / خلاص يا جماعه الناس شكلهم وصلوا هاشوف من البلكونه بص من البلكونه أنصدم لما لقاهم و قال اتفضلوا ونزل فتح الباب و طلعوا معاه وكانوا فارس و جمال و كوثر فارس معاه بوكيه ورد وعلبه شيكولاته كبيره
عمار / انت ثاني
فارس / ازيك يا عمي انا وانكل جمال وماما جاين نطلب ايد بنتك قمر وهتوافق غصب عنها
عمار / مفيش حاجة بالغصب يا امريكانى اتفضلوا خدوا واجبكم الزواج قسمة و نصيب
جمال / تشكر يا حاج تشرفنا بيك
عمار / ابنك ميشرفش حد ياحاج جمال
ياسمين / الناس دخلوا صبي العصير يا نجمة و انتى يا بنتى تعالى بسرعه
قمر / حاضر يا ماما ربنا يعدي اليوم ده على خير
نجمة / عريس زي القمر يا بنت المحظوظه هو ده اللي ما فيهوش غلطه و لا علبه الشيكولاتة العظمة وبوكية ورد سوبر لوكس
قمر / دخلت شايله العصير اتفاجئت بوجود فارس عاوزه ترجع بالعصير
عمار / قام مسك ايد قمر واخد العصير بايده الثانيه تعالى اقعدى جنبى
فارس/ وحشتيني كتير
ياسمين / ابتسمت
عمار / هنا في عادات وتقاليد يا ابني
جمال / بص ناحية قمر انتى مين
قمر / حضرتك الا مين على فكره انا مش موافقه على الزواجة دي
فارس / هتوافي غصب عنك بفلوسي هاشتريكي
عمار/ انتم تاخدوا واجبكم ومع السلامه وهنبقى نرد عليكم.
جمال / هو انت تقرب لخليل محمود الطحان حاجه
عمار / انا ما اعرفش حد بالاسم ده
جمال / انتى بن......
رواية / حب بلا مقابل
الفصل (15)
-------------------
عمار / انا ما اعرفش حد بالاسم ده
جمال / انتى بنتي اللي كنت بدور عليها انتى نسخه طبق الاصل من فردوس مراتي
عمار / بص لياسمين بصدمه وسكت وتذكر جمال لما ركب معاه التاكسى و كنت قمر معاه ولسه مولودة
قمر/ قامت واقفة و خرجت
جمال / انا بتكلم بجد انتى فعلا بنتي شهد اللي بدور عليها و جرى وراها مسكها من أيدها
قمر / طاااااخ بالقلم على وجه انت بنى ادم عديم الاخلاق ازاى تلمسنى ياحيوان
جمال / صدقينى انتى بنتى بجد ومعايا شهادة ميلادك باسم شهد انا دورت عليكى كتير
كوثر / هى فعلا نسخة من المرحومة فردوس
قمر / ومين قالك انى مصدقة الهبل اللى انت بتقوله ده
جمال / انتى بنتى و انا هاثيتلك كلامى هاعملك تحليل ( DNA )و هاخدك تعيشى معايا غصب عنك
قمر / اعيش مع مين يا متخلف عقليا انت و هو اطلعوا برة
كوثر / هى صح بنته دى شبه مرأته اللى فى الصور
ياسمين يخلق من الشبه اربعين يا حاجة
جمال / أيوة دى نسخه طبق الاصل من فردوس امها
كوثر / سبحان الله دى حاجة و لا فى الاحلام
فارس / طلما أنك طلعتى بنت انوكل جمال تعالى معانا علشان اكتب كتابى عليكى و نتزوج بسرعة
قمر / اتلهى و غور فى داهية تاخدك مش ناقصه هبل
كوثر / انتى فعلا بنت جمال هو دور عليكى كتير علشان يعوضك
قمر / انا بنت عمار وياسمين معرفش حد غيرهم بدر من فضلك خرج الناس دى برة
بدر / اتفضلوا برة معندناش بنات للزواج و انت يا اهطل اخواتك اقسم بالله لو عرفت انك أو حد من شلتك اتعرض لاختى لأكون دابحك فاهم
فارس / هى بقت بتاعتى طلما أنها بنت انوكل جمال و هاتزوجها حتى لو غصب انا محدش يقدر يرفضلى طلب
بدر / يخربيت كمية الهبل اللى جواك قال بتاعتى قال هى لعبة
بعد خروج جمال و فارس و كوثر
شمس / عوزين نعرف الراجل ده كان بيتكلم عن اختى أنها بنته وبثقة هى أية الحكايه من حقنا نعرف
ياسمين حكاية ايه مفيش حكايه ولا حاجة
بدر / لا فى انت شكلك اتهزيت جامد لما شوفت و سمعت الراجل اللى اسمه جمال
عمار / هو فعلا كلامه صح و قمر بنته
نجمة / يبقى انت كنت سارقها من اهلها
ياسمين / عيب تفكرى أن ابوكى ممكن يعمل كده
بدر / ممكن نفهم ايه الحكاية
قمر / يعنى انا اكون بنت الراجل اللى خرج طب ايه اللى جابنى هنا ممكن اعرف كل حاجة
عمار / حاضر بس عوز شويه هدوء
بدر / هاعمل شاى
ياسمين / تعالوا نقعد فى الصالة أوسع
نجمة / هانزل اخلى سالم وسليم يقفلوا السوبر ماركت علشان يسمعوا
ياسمين / رواحى وهاتى معاكى ربع شاى و عيش و جبن و مربى
نجمة / حاضر و نزلت
قمر / بالله عليكم بلاش اكون مش بنتكم انا معرفش اهل غيركم انتم كل اللى ليه
عمار / انتى فعلا بنتى و الله غلاوتكم كلكم واحد
ياسمين / منه لله اللى عوز يشتت جمعنا
ياسمين / انا عمرى ما هاكون سعيدة و انتى بالذات بعيده عنى د انتى وش السعد و الهنا علينا
قمر / هو انا فعلا مش بنتكم
عمار / احنا الد........