رواية حب بلا مقابل الفصل الاول1والثاني2والثالث3 بقلم هبه احمد
جمال / اجمدى متخفيش انتى لازم تعيشى علشان بنتنا
فردوس / بنتى امانه فى رقبتك ربيها هنا فى بلدنا بلاش تسافر انا خلاص بموت
جمال / السفره حلم عمرى و انتى هتكونى معايا اصمدى وصلنا المستشفى حد يلحقنى مرأتى بتموت
فردوس / انا حاسه انك غدرت بيه منك لله و سكتت
المسعفون جم بالترولى اخدوا فردوس اللى كان روحها خلاص طلعت ( ماتت )
دكتور حمزة / يلا بسرعة وبعد عمل الاسعافات و هى كانت داخله ميته اصلا قام بفتح بطنها و أخرجت طفله جميلة وجدها بصحة جيدة و خيط بطن فردوس تانى
جمال / مسك فون وطلب رقم ممدوح المحامى
ممدوح المحامى / السلام عليكم يكنش وحشتك و عاوز تسمع صوتى قبل ما تسافر
جمال / فردوس ماتت و الدكتور هيفتح بطنها و يخرج الطفلة
ممدوح المحامى / البقاء لله وحده طب ازاى مش هى كانت بخير ولسه اسبوعين على ميعاد الولاده على كلامك
جمال / مش عارف هو ايه اللى حصل داحنا كنا طالعين على المطار مسافرين و فجاه هى حاسه بالتعب
ممدوح المحامى / انا جاى انت فى مستشفى ايه
جمال / مستشفى .... كلم خليل اخو فردوس و انا هاروح اسجل البنت هابعت ليك 4000 مصاريف المدفن و الكفن و عربية الإسعاف و هاخد بنتى و اسافر
الممرضه/ خد بنتك ماشاء الله زى العسل تتربى فى عزك البقاء لله فى مرأتك
جمال / الدنيا و الدوام لله و اخد بنته فى حضنه وكتب فى ورقه ( هذة البنت امانة عندك لحين حضورى و هاخد منك امانتى و اعطيك المقابل )
ممدوح المحامى/ انت يا بنى ادم هو انت هتسافر و تسيب مرأتك من قبل ما تدفنها
جمال / هى كانت مرأتى لما كانت عايشة دلوقت هى خلاص ماتت ربنا يرحمها بعتلك 7000 جنيه و كلمتلك خليل هيكون معاك
ممدوح / طول عمرك واطى ايه الجديد طب البنت هتعمل معاها ايه سيبها لخالها يربيها
جمال / علشان يبتزني كل شويه هات فلوس طريق السلامه يا صاحبى كده خلصانه و هابقى اكلمك بعدين
ممدوح المحامى / انت شيطان مش بنى ادم
جمال / لازم اكون كده علشان انا فى اهم مرحله تاريخية في حياتى
ممدوح المحامى/ هات البنت و انا هاخلى اختى غاليه تربيها انت عارف هى معندهاش ولاد
جمال / بنتى فى حضنى سامع صوتها
ممدوح المحامى / ربنا هو المطلع على حال الطفله البريئه دى ربنا يحفظها و يحميها من شرك و من شر اعمالك
جمال / انا كنت بايع الشقة بالعفش من غير علم فردوس و العربية كمان المشترى أخدها من ادام المستشفى و بكدة بأى يا مصر على الفون ياصاحبى الفلوس وصلتك
ممدوح المحامى / انت حد تانى غير صاحبى اللى كنت اعرفه لا انا اللى كنت غبى مكنتش مركز فى عيوبك
جمال / انسى اى حاجة حصلت النهارده و انا ارجع صاحبك بتاع زمان شنطة هدوم فردوس فى الطرقة جنب اوضة العمليات خلى خليل يوزعهم صدقة جارية على روحها
ممدوح المحامى / ربنا معاك انت شيطانك راكبك وقفل الخط وجد رسالة من فودافون كاش بتنبه بوصول رصيد بمبلغ 7000جنية
جمال / كان راكب تاكسى والبنت معاه بعد فترة فى منطقة مقطوعة هنا يااسطى متشكر و أعطاه أجرته
السائق / تحت امرك هو حضرتك رايح فين
جمال / اوصل بنتى لخالتها و ارجع أدفن مرأتى أصلها ماتت و هى بتولدها
السائق / البقاء لله انتظر حضرتك لحد ما ترجع المنطقة هنا شبه مقطوعة من العربيات و الناس
جمال / تشكر هارجع فى عربيه زوج أخت مرأتى بالسلامه انت
عمار السائق / مشى مستغرب من ما يفعله هذا الرجل و وقف بعيد شوية ركن العربية جنب بيت قديم و نزل منها رجع يشوف الراكب اللى كان معاه بيعمل ايه فشاهده بيغير ثيابه وترك ثيابه القديمة بعد ارتداء ثياب أخرى جديدة وشيك و قام بترك الطفله بعد فرش ثيابه القديمة لها وتركها و مشى دون ان ينظر خلفه إلى فلذه كبده
السائق / انتظر إلى أن اختفى وجرى على الطفله اخدها فى حضنه و جرى بها إلى التاكسي فوضعها على رجله و أدار التاكسى إلى الخلف بعد أن رأى الرجل الذى وضع الطلفة راكب اوبر و مر من الشارع دون أن ينظر إليه فحمد ربه و رجع بالتاكسى من حيث جاء من نفس الطريق و دخل بيته
ياسمين / حمد الله على سلامتك جيت بدرى حاسس بيه انى تعبانة
عمار ( سائق التاكسي ) تعالى عاوزك
ياسمين / ايه ده دصوت طفل صغير
عمار / اول حاجة بالله عليكى ماتقولى مش عوزاها دى شكلها بنت لسه مولودة
ياسمين / هات كده ماشاء بدر منور و ضمتها لصدرها هو ايه حكايتها
عمار / حكى كل ما يعرفه عن الراكب
ياسمين / اقولك سيب الطفله و انزل هات حفاضات و علبه لبن و خبطت على دماغها دفى هنا شنطة البيبى موجود كل حاجة فيها روح انت عند المستشفى شوف لو حد بيدور على طفله مخطوفة يبقى الرجل ده كان خاطف الطفله وانا موجودة معاها متخفش عليها بس عوزة علبه لبن الاول
عمار / حاضر
ياسمين / غيرت للطفله و أعطتها رضعتها و ضمتها لصدرها و طبطبت عليها فالطفله نامت
عمار / على الفون مفيش اى حاجة غير طبيعية هنا
ياسمين / طب تعالى بسرعة شكلى بولد
عمار / حاضر جاى على طول متتحركيش
ياسمين / قعدت تبكى من الالم و نزل عليها العلامة اللى تدل على أنها هتولد طبيعى
عمار / رجع البيت فتح باب الشقة وجد ياسمين فى حالة وضع
عمار / هانادى الست غاليه تساعدك طلما هتولدى طبيعى
ياسمين / لا بلاش علشان البنت دى محدش يعرف انها مش بنتنا
عمار / قصدك ايه انتى عاوزها تتربى مع ولادك دانا كنت ناوى اسلمها لقسم الشرطة الصبح
ياسمين / خليها معانا يا عالم مين بياكل فى رزق مين اه الحقنى و ولدت بنت و بعدها بفترة صغيرة ولدت ولد
عمار / طب انا هاعمل ايه دلوقت
ياسمين / روح الصيدلية هات اتنين لوازم الصرة و هات مطهر وتعالى بسرعة
عمار / حاضر و راح جاب المطلوب و جه هنعمل أية انا خايف الولاد تموت
ياسمين / اقطع الصرة زى صرة القمر دى بالضبط عندك المشرط و مشبك الصرة اخلص
عمار / انا خايف
ياسمين / هات و عملت المطلوب لاولادها دلوقت هاغير هدومى و انت روح هات ماما علشان تروح معاك لمكتب الصحة تكتب الولاد
عمار / مانودى البنت دى القسم علشان نخلى مسؤوليتنا
ياسمين / هى لو كانت مهمة فى حياة الشخص اللى رماها فى الشارع مكنش رماها سيبها ربنا يرزقنا برزقها هنربيها مع ولادنا ابتغاء وجه الله سبحانه وتعالى
عمار / دول هيكونوا تلات اطفال هتقدرى عليهم
ياسمين / ربنا المعين و هو هيقدرنى على خدمتهم و انت ربنا يرزقك برزقهم حملك تقل بجد
عمار / اخد مرأته الحمام و غير هدومها و نضف مكان الولاده و اخد الزباله وعوزة حاجة قبل ما امشى اروح اجيب امك
ياسمين / عوزة سلامتك هات عيش معاك وشاى و مسكن و حاجة للمغص
عمار / حاضر و راح على المستشفى الاول وجد واحد بيزعق ( اسمه خلبل)و بيقول ابن ال..... ساب اختى ميته و هرب وسافر و بنتها زمانه رماها و الله اعلم عمل فيها ايه
الرجل التانى (ممدوح المحامى ) دى بنته و هو خلاص يعتبر خارج البلاد دلوقت و اختك الله يرحمها ماتت و انتهت علاقتك بيه
خليل / انا هبلغ عنه و هامنعه من السفر
ممدوح المحامى / الطيار فى الجو من ثلات ساعات انسى انك شوفت جمال و ريح دماغك البقاء لله و ركبوا فى عربيه ممدوح وراء عربيه الاسعاف اللى فيها جثة الست فردوس الميتة تحملها إلى مثواها الاخير
عمار / دم.........
رواية / حب بلا مقابل
الفصل ( 2 )
٠٠٠٠٠٠٠٠٠٠٠٠٠٠٠
ممدوح المحامى / الطيارة فى الجو من ثلاثة ساعات انسى انك شوفت جمال البقاء لله و ركبوا عربيه ممدوح وراء عربيه الاسعاف اللى فيها جسمان الست فردوس تحملها لمثواها الاخير
عمار / دموعه نزلت معقولة فى حد يهون عليه يرمى طفلته علشان يسافر يعمل شويه فلوس و مشى و قلبه موجوع على مصير الطفله الصغيرة اللى هتعيش بدون اب او ام و قرر يكفلها و تكون ابنته ابتغاء مرضاة الله ورجع إلى بيته قلبه بيوجعه مما سمع و من بين الكلام اللى سمعه عرف مين بيكون ابو الطفله
ياسمين/ ماما ماجتش معاك ليه
عمار / انا مرحتش ليها اصلا انا كنت عند المستشفى و حكى لها ما سمعه
ياسمين / بص هى دلوقت عندنا و مش عاوزين حد يعرف انها مش بنتنا ربنا هيوسع رزقنا طول ما هى معانا شوفت الدكتور كان بيقول انى هاولد قيصري و ب 12الف جنيه ربنا يسر حالى و ولدت طبيعي و في البيت فى كرم اكتر من كده
عمار / و الله عندك حق البنت دى وش السعد علينا بقولك بكرة يعنى كمان تلات ساعات هاخدك و نروح الصحة نعمل لولدنا التلاته اللازم ماشى اخترتى اسماء الولاد
ياسمين / ايه رايك فى قمر وشمس و بدر
عمار / مين فى البنات قمر و مين شمس
ياسمين / مش هقولك و محدش هيعرف يفرق بين بناتى الاتنين واحد و الله انا حاسه أن البنتين بناتى انا وانت وخلص الكلام
تالت يوم ياسمين لما الحاجة فاطمة امها كلمتها تطمئن عليها أخبرتها أنها ولدت طبيعي من يومين
الحاجة فاطمة / ولدتى لوحدك طب ازاى مش الدكتور كان بيقول انك هتولدى قيصري و لا زوجك معاهوش فلوس زمانك اتعذبتى ياقلبى
ياسمين / و الله ياماما أنا الحمد لله مشعرتش بتعب خالص الحمد لله ابقى تعالى
الحاجة فاطمة / حماتك عندك صح
ياسمين / لا هى متعرفش انى ولدت اصلا
الحاجة فاطمة / انا مش مقتنعة بكلامك انا جايه و هاجيب حاجتك معايه
ياسمين / هاكلم عمار لو فاضى يجيبك بدل من بهدله المواصلات
الحاجة فاطمة / يبقى كتر خيره انتى سميتى ايه
ياسمين / سميت شمس و قمر و بدر
الحاجة فاطمة / تلاته ازاى مش انتى كنتى حامل فى توأم بس مش تلاته
ياسمين / الحمد لله ادعيلى ربنا يقوينى على تربيتهم وخدمتهم اقفلى هابعتلك عمار يجيبك هاتى رقية معاكى بلاش تسببها لوحدها
الحاجة فاطمة / حاضر عوزة حاجة
ياسمين / سلامتك ياقلبى
عمار / راح جاب حماته ام ياسمين وجه
ام ياسمين ( الحاجة فاطمة )/ السلام عليكم
ياسمين / وعليكم السلام تعالى ياست الكل
عمار / هاجيب باقى الحاجة من تحت
الحاجة فاطمة / مش عيب لما تقولى انك حامل فى توأم ولد وبنت و انتى كنتى حامل فى تلاته انا مش هاحسدك لو كنت عرفت
ياسمين / والله ماكنت اعرف انى هيكون عندى تلات ولاد
الحاجة فاطمة / طب و الولاده كمان ما كنتيش تعرفي انك هتولدي طبيعي
ياسمين / والله ما كنت اعرف يا ماما هي جت كده د حتى عمار ما كانش موجود جه الاخر وانا خلاص بولد
عمار / انا نازل اشوف اكل عيشى عوزين حاجه
ياسمين / هات عيش شامى معاك علشان ماما
عمار / حاضر هاجيب عيش الاول ممكن يا امى تبقى تنزلى السبت تاخديه منى
تمر الايام ومع مرورها تحمل ياسمين تانى و تنجب ولدين توأم سمتهم سالم وسليم وبعدهم أنجبت بنت اسمتها نجمة
بعد مرور 16 سنه انتقل عمار للعيش فى بيت أوسع ف ربنا فتح عليه و رزقه من الخير الكتير
بدر / يلا يا بنات اوصلكم فى طريقى
قمر / طب ايدك على عشرين جنيه غير سندوتشين من عند عمك حنفى
شمس / و انا المثل ماشى
بدر / عندك مامتكم خدوا منها انا مفلس
قمر / لا و الله بقى انت مش معاك فلوس امال دول ايه
شمس / هاتى يا دكتورة وتعالى نقسمهم مع بعض
بدر / نهار احوس ليه كده دانتى حبيبتى والله هاتى ابت
قمر / ناخد خمسين جنيه و تجيبلينا سندوتشات شاورما قولت ايه
نجمة / خطفت المحفظة بتاعه بدر و جرت
بدر / و ربنا انتى اللى حبيبتى ياقمر
قمر / قمر ولا نجمة حدد
سالم / هو فى ايه مش هنخلص مسلسل كل يوم
ياسمين / السندوتشات و المصروف يلا وصل اخواتك
سليم / انا هاطلع على التوكتوك و انت على كليتك
بدر / لا انتم ثانويه عامه ذاكروا علشان تجيبوا مجموع
سالم / بأمر الله هنجيب مجموع وندخل طب
قمر / مش اى حد يدخل طب يا شاعر و خبطت على كتف سالم
سالم / هندخل بأمر الله
شمس / يلا مين هيوصلنا
عمار / خد المفتاح و وصل اخواتك بالتاكسى
شمس / انا هاركب ورا ولما اوصل الكلية تنزل تفتحلى الباب ماشى
بدر / انتم نهايتكم اخر محطة و مع نفسكم انا معيش رخصة قيادة رخصيتى منتهية
قمر / قلبى معاكى يابدورة
شمس / الله ير.....
رواية / حب بلا مقابل
الفصل ( 3 )
،،،،،،،،،،،،،،،،،،،،،،
قمر / قلبى معاكى يا بدورى
شمس / الله يرحمك أخويه
بدر / انتم هتقسموا عليه طب تعالوا
ياسمين / ابعد عنهم ياولد
نجمة / بدورى حبيبى سيبك منهم وتعالى وصلنى الدرس و هاتلى حاجة حلوة
بدر / لا مع نفسكم انا رايح الكليه افتكرت انى عندى سكشن مهم بعد ساعتين
قمر / طب هنركب معاك
الميكروباص و انت تدفع الأجرة
بدر / ادفع لمين مش انا من شويه كنت بدورى و بص لقمر
قمر / بهزر يا اخ بدر
شمس / ايه يا توأم روحى انت زعلت
بدر / بلاش تحدفى كلام ممكن يزعل
قمر / اسفين يارب نموت لو انت لسه زعلان
بدر / اتثبت انا يلا اركبوا المحاضرات تخلص نروح على طول
فى كلية الطب
----------------------
قمر / السلام عليكم
رحمة / اتأخرتى ليه يا موكوسة المز كانت عينه الخضرا هيموتوا من القلق عليكى
قمر / مايغور فى داهية فكك منه فين كشكول المحاضرات بتاعى
رحمة / المز جاى وراكى
قمر / حصلنا القرف
فارس / كنتى فين ازاى تتأخرى من غير اذنى
رحمة / هامشى احجزك فى المدرج
قمر / مسكتها من أيدها استنى ابت هو حضرتك بتكلمنى
فارس / انا مش شايف حد غيرك
قمر / بص يا دكتور انا مش بكلم حد غريب عنى ياريت تبعد عنى الا اقسم بالله اخليك مضحكت الكليه كلها
فارس / شكلك عوزة تتعلمى الادب
قمر / سابته و مشت
فارس / انتى ازاى تمشى من غير ما اخلص كلامى و مسكها من ذراعها و شدها عليه
قمر / انت فعلا مش متربى و طااااخ على وشه بالقلم و مشت
محمود / طالب معاهم فى السنة الثالثة انت غلطان قمر دى بنت محترمة ملهاش فى الهلس بتاعك
فارس / ملكش دعوه انا هاعرف ازاى اعلمها الادب
قمر / راحت على مكتب عميد الكلية و خبطت
دكتور زهران / اتفضل ادخل
قمر / قالتله بالى حصل و أنه كل يوم يغتت عليها
دكتور زهران / هو لو مكنش لقى منك استجابه مكنش مد ايده عليكى ما الكليه مليانه بنات اشمعنى انتى اللى بتشتكى
رحمة / كلام قمر صح هو ده اللى حصل
دكتور زهران / انتم طلاب و المفروض يكون عندكم اخلاق
قمر / تشكر يا دكتور بعد اذنك
رحمة / ايه رده الناشف ده
قمر / يلا على المحاضرة انا حاسه انى بردانه اوى
رحمة / روحى مش مهم المحاضره
قمر / لا هاحضر الأمر لله
فى كلية الهندسة
-----------------------
شمس / بقولك ايه يا اخت عنبه انا عوزة ازوغ حاسة أن قمر واقعة فى مشكله
عنبه / الا البعيدة بتحس زمانك عوزة تروحى تتفرجى على الموديلات الجديده.انا عوزة انجح علشان اتزوج واخلف بدرى
شمس / جالك السعد ابت امال بتذاكرى ليه ماكنتى اتزوجتى بعد الشهاده الاعداديه و ريحتينى من شكلك
عنبه / لا مينفعش أبويه عوز يفتخر بيه بنتى مهندسة و ابنى دكتور بشرى و التانى دكتور بيطري والرابعة صيدلانيه
شمس / و زمان ابوكى ساقط ابتدائي
عنبه / مع الاسف أبوية ناظر مدرسة إعدادى و امى مدرسة اول انجليزى ثانوى صدعتينى منك لله عوزة حاجة للصداع
شمس / غريبه الدنيا دى بجد
عنبه / تعالى هاتلى سندوتش اكله و عصير
شمس / مكنش ينعز دانا مقشفرة الولد بدر هو اللى دفعلنا الأجرة
عنبه / الدكتور جه افصلى وعدى المحاضره على خير
شمس / و ربنا ما يحصل و مسكت جنبها و قعدت تصرخ من الالم
دكتور حمزة / مين اللى بيتألم
عنبه / شمس شكلها تعبان معاها مغصى كلوى و لا الزائده فكك منها دلوقت تبقى كويسه
دكتور حمزة / خديها و اخرجى وبلاش المغص ده يتكرر في المحاضرات بتاعتى ماشي
عنبه / هى تخرج انا خلينى احضر المحاضرة
دكتور حمزة / لا مينفعش تخرج لوحدها امشوا انتم الاتنين
شمس / تشكر يا دكتور حمزة ربنا يغفرك ويرحمك
المدرج كله ضحك
دكتور حمزة / هو انا موت و وصلت الآخرة بتدعلى بالرحمه والمغفره هههه
شمس / اسفة والله و خرجت
عنبه / طب انتى مريضة بالتهيئات انا ذنبى ايه
شمس / معاكى فلوس ناخد تاكسى و لا نروح للبنت الغلبانه بالترام و نكمل مشى
عنبه / روحى انتى ربنا يهديكى سبينى فى حالى
شمس / يعنى مش عوزة تاخدى الثواب ماشى يا جزمة و تركتها و خرجت ركبت تاكسى وراحت لأختها
أما عنبه فرجعت لقاعة المحاضرات و خبطت ففتحلها دكتور حمزة ممكن ادخل يا دكتور
دكتور حمزة / صاحبتك عامله ايه و ازاى تسيبها لوحدها
عنبه / اصل اخوها جه اخدها و راح يكشف عليها و دخلت قعدت تتابع باقى المحاضره
بدر / دخل مكتبه الكليه بعد انتهاء المحاضرة وقعد يذاكر
سالم / يلا يابنى على الدرس
سليم / بصراحه انا حاسس ان مخى ساح امتى نمتحن و نخلص
سالم / دى ثانوية عامة يابنى مش اولى ابتدائي اخلص لسه فاضل ثلاثة شهور و 8 ايام و نمتحن
سليم / على خير يامه معاكى فلوس
ياسمين / خد و كلوا السندوتشات دى فى الطريق
سالم / ههههه احنا ناس فاشله حتى امك مش عوزة تقتنع أننا كبرنا
سليم / هاتى يا ماما تسلمى بقولك هاتى اتنين كانز كمان ربنا يسترك يارب
ياسمين / انت هتشحت يابنى خد يلا بالسلامه ميعاد الدرس فات
عمار / السلام عليكم
سالم و سليم و عليكم السلام احنا ماشين
ياسمين / هاطلع اجيب الاكل و انزل نتغدا هنا
عمار / هاجيب عيش و نعمل سندوتشات اى حاجة و شاى وناكل مع الولاد
ياسمين / طول عمرك حنين و اب عظيم منحرمش منك ياقلبي
عمار / هو انا ليه غيركم على فكرة فى عريس متقدم لقمر ابن واحد صاحبى على كلام ابوه هو جاهز من كله عوز يعمل فرحه بعد سنه و بيقول قمر تكمل عنده
ياسمين / انا مش موافقة بنتك لسه ادمها تلات سنين ونص سيبها لما تخلص كليتها الاول كده هى هتنشغل مش هتركز فى دراستها
عمار / خدى رأيها ممكن توافق
ياسمين / هاخد رأيها بس انا مش موافقة
عمار / لو رفضت ياجوا ياخدوا واجبهم و مع السلامه
ياسمين/ تمام خد كل
قمر / طالعه من المحاضرة هامشي انا هتركبى معايا
رحمة / لا هاروح مع عزة و كرم اخويه زى كل يوم
قمر / لسة بتتلفت لقت فارس فى وشها و
فارس / بقى انتى بتمدى ايدك عليه اقسم بالله لاعلمك الادب
قمر / مشت ساكته
فارس / مسكها من ايدها ولسه هيشدها كانت ضربته بالقلم و صرخت بصوت عالى
و بالصدفه كان الدكتور عبد المنعم لسه خارج من قاعة المحاضرات و شاف اللى حصل فطلب الأمن اللى جه مسك فارس و هو ماسك قمر من البلوزة بيشدها فقطع اتينين زرار
رحمة / قعدت تصرخ بأعلى صوتها تعالى سيادة العميد اتفرج على اللى بيحصل وكانت بتصور اللى حصل
شمس دخلت تجرى على الصويت وصلت إلى مكان قمر قامت بمسك فارس زقته جامد فوقع على الارض و نزلت عليه بالرجول بدون تدخل حد بقى انت يا واطى بتمد ايدك على اختى
العميد / بصوت عالى خلاص امسكهم يا أمن
بتاع الأمن جه يمسك ش .....