روايةحبيبي المغترب الفصل العاشر10بقلم الاء
فطومه ف الغرفه بتلعب مع عمار وشويه شويه تتذكر عمر امبارح اول مره يكون قريب ليها كده تاني قالت لالا مستحيل انا عمار م نسيتو مستحيل جات هناء داخله
هناء : عموري بعمل ف شنوووو
فطومه: بلعب يا عمتو
هناء : وحبيبي يا ناس
فطومه: هناء انتي مالك الصباح
هناء: ماف حاجه مدبرسه بس
فطومه: ممكن انصحك نصيحه
هناء: مممم
فطومه: مهما البحصل بينك وبين راجلك م تنومي بره غرفتك كده بتزيدي حجم المشكله
هناء: يا ستي اتعودته اصلا انا وعمر قريب اتعودنا ننوم سوا
فطومه: كيف
هناء: من اتزوجنا عمر م بقرب مني إلا أنا ابادر بالموضوع واتعودت علي كده
فطومه : برضو مفروض م تعودي تنومي بعيد منو
هناء: طيب. ارح نمرق م زهجانه
فطومه: نمشي وين
هناء: نمشي المول نتسوق ونجيب حاجات لعموري
فطومه: طيب يلا
لبسو ومشو اتسوقو وهناء رسلت رساله لعمر انو يجيهم ف كافي قريب للمول
انتهو من التسوق
هناء: فطومه انا صدعت ارح نشرب قهوه
فطومه: ارح نشربها ف البيت
هناء: ياخ م زهجتي من البيت تعالي تعالي
مشو الكافي طلبو القهوه شويه كده وعمر جاهم فطومه كانت مستغربه من جيتو
فطومه همست لهناء : عمر الجابو شنو
هناء: حبيت اصالحو
عمر جاهم وسلم عليهم وشال عمار بقا يلعب فيو وهناء تتونس مع فطومه هناء شويه كده قالت ليهم صحبتي رسلت رساله وقال هي جوه المول حاسلم عليها واجي
فطومه: امشي معاك
هناء: لالا خليك بجي اسي
هناء مشت وعمر وفطومه بقو قاعدين
وعمر يلعب مع عمار ويعاين لفطومه
عمر: حاتبقي ساكته كتير
فطومه: حاقول شنو؟؟
عمر: اي حاجه
فطومه: هناء اتاخرت
عمر: هههههههه خايفه مني ولا شنو
فطومه: لالا بس
عمر: فطومه م ملاحظه لعبة القدر
فطومه: عمر ممكن م نتكلم ف الموضوع ده
عمر: ولمتين
فطومه: عمر هناء بالنسبه لي اختي وأم عمار التانيه م عايزه اخسرها واخون ثقتها
عمر: انا م طلبت منك حاجه بس عايزك تكوني طبيعيه معاي ممكن
فطومه : حاتصل بهناء عشان نرجع
عمر: خلي بتصل انا
عمر اتصل بهناء انتي وين ؟؟
هناء :حبيبي رجعت البيت
عمر: شنو ولي رجعتي
هناء: حسيت بصداع وكنت مع صحبتي ف عربيتها ووصلتني البيت
عمر: طيب نحن جاين
هناء: عمر خليكم حبه فطومه وعمار م قاعدين يمرقو كتير
عمر: تمام تمام
فطومه: ماله هناء
عمر : قالت صدعت ورجعت البيت
فطومه : غريبه خلاص خلينا نرجع
عمر: طيب ارح
مشو ركبو العربيه وعمر كان شايل عمار ف طرفو
فطومه: جيب عمار م يضايقك
عمر: خليو عمرو م حايضايقني
بقي سايق ولسه ساكتين لمن وصلو البيت عمار نام عمر نزل بيو براحه فطومه جات تشيلو قال ليها خليني اوصل الغرفه
دخلو ورقدو ف سريرو ولمن جا مارق
عمر: فطومه شكرا لأنكم ف حياتي
وطلع مشا غرفتو لقا الباب مقفول شكلها هناء نامت اتصل عليها تلفونه مقفول عرف يمشي وين رجع غرفة فطومه ودق الباب
عمر: فطومه نمتي؟؟
فطومه: عاوز حاجه
عمر: ممكن تفتحي
فطومه لبست توبها وفتحت الباب سالتو ف حاجه؟؟
عمر: هناء شكلها نامت وقافله الباب واتصلت عليها التلفون قافل ممكن انوم هنا
فطومه: طيب انت نوم هنا وانا حامشي انوم مع خالتي
عمر : امي زاتها بابه مقفول انا مشيت عليها لكن كن حاضايقك بمشي الصاله
فطومه : اتفضل
عمردخل الغرفه وقعد ف طرف السرير
عمر: اسف لو حاضايقك لكن بالجد نعسان
فطومه: تمام تصبح علي خير
عمر نام ف طرف السرير وفطومه ف الطرف التاني نامو للصباح صحت لقت هي وعمر نايمين وف نصهم عمار وكان عمر حاضن عمار شكلو صحا وجابو رقدو جنبو مشت الحمام استحمت وصلت جات لقت عمر صاحي وشايل عمار
عمر: صباح الخير
فطومه: صباح النور عمار صحا باليل
عمر: لالا بس عجبني شكلو وهو نايم شلتو ورقدتو جنبي
فطومه: كويس انا حاشيلو احممو
عمر: طيب انا ماشي غرفتي هناء بتكون صحت
فطومه دخلت عمار حممتو وغيرت ليه
وعمر مشا غرفتو لقا هناء بتصلي دخل استحم وصلي
هناء: صباح الخير
عمر: صباح النور مالك امس
هناء: كنت مصدعه وم حبيت اضايقكم خصوصا انو فطومه اول مره تطلع جيت راجعه البيت
عمر: ولي الباب كان مقفول وتلفونك برضو
هناء: نمت وم حسيت بنفسي
عمر: مممم طيب
هناء: ارح ننزل للشاي
نزلو للشاي وصبحو عليهم وهناء شالت عمار
هناء: حبيب ماما العسل
عبير: هههههه منتظره يقول ليك ماما
فطومه: اكيد حايقول ليها ماما واحلي ماما كمان
عبير انحرجت وهناء بقت تضحك
عمر: هوووي اول حايقول لي بابا صاح يا عموري
ام عمار: حتتشاكلو بكره يكبر ويقول ماما وبابا
هناء: لكن حايقول ماما اول
عمر: لا بابا
فطومه : روقو شوشتو الولد حايقول حبوبه اول
ام عمر : ايووااا ده العدل يا بلاش
وبقو يضحكو وعمر قال مارق الشغل
هناء : فطومه نفطر شنوو
فطومه: رايكم شنو ف ملاح روب
ام عمر: والله نفسي فيه
فطومه ارح يا هنو وانتي يا خالتي امسكي عمار
فطومه وهناء مشو المطبخ وبدو يحهزو الفطور
فطومه: هنو امبارح لي قفلتي الباب
هناء : ولا شي كنت مصدعه نمت وم حسيت
فطومه : ممممم كويس
جهزو الفطور وفطرو وشربو القهوه وبعد شويه قامو جهزو الغدا وفطومه طلعت تنوم عمار
عمر جا ودخل غرفتو استحم وغير وصلي العصر ونزل للغدا لقاهم كلهم قاعدين الا فطومه
ام عمر: هنو فطومه وين
هناء: لقيتها نايمه شكلها نومت عمار ونامت
عبير : ده وقت نوم دلع شديد
ام عمر : يا بت انتي مالك البت دي بتتعب مع ولدها خليها تاخد راحتها
عبير : طيب اصلو الزول م يتكلم
عمر: اتكلمي ف حدودك
عبير: اها هناء وعرفنا م بترضي فيها وفطومه ماله
عمر: اسمعي هناء وفطومه وعمار خط أحمر سامعه وقام خلا الاكل
ام عمر : عجبك يعني لازم تنكدي علينا
عبير: سكت خلاص
عمر مشا غرفتو وبقا شغال الابتوب ومضايق من كلام عبير جات هناء
هناء: حبيبي م اكلت
عمر: شبعت
هناء: اسوي ليك قهوه
عمر: يا ريت وشوفي عمار كن صحا جيبي
هناء نزلت سوت القهوه ومشت غرفة فطومه لقت عمار صاحي بلعب لكن فطومه نايمه قربت عليها لقتها محمومه جرت لعمر
هناء : عمر عمر الحق فطومه
عمر: ماله؟؟
هناء: جسمها مولع نار
عمر مشا ولقاها محمومه لبسوها عبايه وشالها ودوها المستشفي ادوها حقنه مسكنه وركبو ليها درب طلع عندها تايفود وعالي شدبد هناء شافت عمر كيف زعلان علي فطومه مشت الكافتيريا عشان ياخدو راحتهم
فطومه صحت ولقت عمر جنبها
فطومه: ع ع عمار وينو
عمر: اشششش روقي عمار مع امي ف البيت ارتاحي
فطومه: انا مالي
عمر: هناء جات تصحيك لقتك محمومه وطلع عندك تايفود
فطومه؛ هناء وين
عمر: نزلت تجيب ليها حاجه من الكافتيريا
عمر مسك يدها فطومه خوفتيني عليك
فطومه زحت يدها انا كويسه عايزه اطلع من هنا
عمر: الدكتور بجيك بعد شويه ارتاحي عاوزه مويه
فطومه: ممم اي
عمر جاب المويه وسندها شربها ورقدت
اسي احسن
فطومه: ممم احسن
هناء جات
هناء: فطومتي خوفتيني عليك
فطومه: انا كويسه م تخافي
الدكتور جا وقال ممكن تطلع بس لازم الحقن تاخدها كلها عمر قال ليو انا بديها ليها وطلعو البيت وهناء دخلت فطومه غرفتها واستحمت وغيرت
فطومه: جيبي لي عمار
هناء : خلي نايم مع ماما انتي اخدي راحتك انا حامشي واجيك
فطومه نامت لأنها كانت مرهقه صحت العشاء مخلوعه قامت صلت جاتها هناء شايله عمار
فطومه: حبيبي اشتقت ليك
هناء: م تخافي حممتو وعملت ليه بزه عشان م يضايقك
فطومه: تسلمي حبيبتي
هناء: انا حامشي اجيب ليك الاكل
هناء نزلت جابت ل فطومه اكل وعصير بعد اكلت
هناء: عندك حقنه حامشي انادي عمر
هناء مشت لقت عمر شغال ف الابتوب
حبيبي فطومه عندها حقنه ارح
عمر: طيب امشي وانا بجي لاحقك
هناء مشت شالت عمار قالت لفاطمة ماما عايزاه
فطومه بقت بتقرا ف كتاب الباب دقا
فطومه: منوو
عمر: انا جيت اديك الحقنه
فطومه : اتفضل
عمر: بقيتي كيف
فطومه : احسن
عمر جهز الحقنه وقرب منها حس بيها بترجف
عمر: مالك ??
فطومه: بخاف من الحقن
عمر؛ م تخافي م حاتحسي بيها انتي بس غمضي
عمر مسك يدها وهي غمضت وضغطت علي يدو التانيه لمن خلص وهي لسه مغمضه
عمر: فطومه فطومه
فطومه: ممممم
عمر: احنا خلصنا من بدري
فطومه فتحت عيونها جد يدك بارده
عمر: بالشفاء
فطومه: شكرا
عمر: ماف مره بتشكر راجلها ولا شنو
فطومه: نادي لي هناء تجيب عمار
عمر: مممم بتتهربي جدا حامشي اناديها بس خلي بالك الساعه ٣ ص عندك حقنه عشان م تتخلعي
فطومه : طيب
عمر: تصبحي علي خير
فطومه: وانت من اهل الخير
عمر طلع وفطومه رقدت وهناء قالت ليها عمار حاينوم معاي عشان م يضايقك وفطومه وافقت
الساعه ٣ ص المنبه حق عمر ضرب
عمر: هناء
هناء: ممممممم
عمر: ارح معاي ندي فطومه الحقنه
هناء: عمر انا نعسانه امشي براك لو قمت عمار حايصحي
عمر قام مشا غرفة فطومه دق الباب ماف رد قلق فتح الباب براحه لقاها نايمه قرب عليها وشاف ملاك نايم كانت لابسه بجامه وشعرها مفرور ف المخده وكانت عرقانه هبشها لقاها محمومه عمل ليها مكمدات وداها الحقنه وهي م حاسه وبقي راقد جنبها لحدي م الحمي نزلت ونام الصباح فطومه صحت لقت عمر خاتي يدو ف رأسها وف قطعه ف رأسها قامت مخلوعه وعمر صحا
عمر: مالك انتي كويسه
فطومه : انت انت الجابك شنو ولي جنمبي
عمر : روقي انا جيت اديك الحقنه وكنتي محمومه المكمدات بعد زمن حتي الحمي نزلت وانا نمت وم حسيت بنفسي
فطومه: طيب انا ماشه الحمام
فطومه نزلت وكانت دايخه قربت تقع جا عمر سندها ووصلها الحمام ولمن طلعت لقتو منتظرها جنب الباب ومسك يدها
عمر: انتي كويسه
فطومه اممم كويسه
عمر : ارتاحي وانا حامشي اخدي راحتك
فطومه رقدت وعمر مشا الغرفه لقا هناء بتحمم ف عمار
عمر: صباح الخير
هناء: صباحو حبيبي فطومه كيف
عمر: يعني انتي عرفتي اني نمت ف غرفتها
هناء : اي جيت الصباح ولقيتكم نايمين
عمر: الموضوع م ضايقك؟؟
هناء: يضايقني لي حبيبي هي مرتك ف النهايه
عمر: هناء انتي م محمومه صاح
هناء: انا حبيت اثبت ليك اني م انانيه وانا بحبك انت وفطومه وعايزاكم تقربو من بعض
عمر: يعني الحصل اليامات الفاتت كانت ترتيب صاح
هناء ; بصراحه اي
عمر؛ اللهم طولك يا روح انا ماشي استحم
هناء وانا حامشي اطمن علي فطومه