رواية لا انجب الفصل العاشر10بقلم ساره محمد
شهد رجعت البيت استحمت وصلت وطوالي رقدت نامت ومراد كان سرحان يعني ماف فرصه تاني يعني خلاص شهد م عايزاني اتصلت عليو مرام
مراد: ألوو
مرام: مراد انا تعبانه عاوزاك
مراد: مالك
مرام: حاسه بالبيبي ما كويس ممكن تجي
مراد: طيب
مراد: مزن انا حامشي اشوف مرام قالت تعبانه م حاتاخر
مزن: طيب
مراد ركب عربيتو وصل بيت عمت مرام لقاها راقده وماسكه بطنها
مراد: ف حاجه حاسه بشنو
مرام: م عارفه حبيبي بس متالمه
مراد: طيب ارح الدكتور
لبسو وطلعو الدكتور فحص عليها وقال لازم تكون ف المستشفي لمدة أسبوع طبعا هي كويسه بس دي خطه منها هي وعمتها عشان يبعدو مراد من امو
مراد: طيب اعملو اللازم
مرام: مراد م تخليني براي
مراد: خلي معاك عمتك وانا حامشي لأمي لأنها براها وبكره بحيك
مرام: حبيبي عليك الله
مراد: مرام انا م نسيت انو انتي السبب ف حالة امي عشان كده م تكتري كلامك انا الصباح بجيك
مراد طلع طوالي ومرام حست انو خطتها فشلت
مراد رجع المستشفي لامو
مزن: ماله مرام ؟
مراد: الدكتور قال لازم تكون ف المستشفي لمدة أسبوع
مزن: واسي معاها منو
مراد: عمتها وانا بمشي الصباح
مزن : اممم تمام
الصباح؛؛::::::
شهد عملت روتينها الصباحي وركبت عربيتها واتحركت علي البنك وبدت شغلها
عند مراد:
صحا اتوضي وصلي ومشا صبح علي امو والدكتور قال ممكن تطلع وطلعوها البيت وخلي معاها اخوانو ومشا المستشفي لمرام
عند شهد: خلصت من شغلها وعندها صحبتها ولدت وهي طالعه من البنك لاقت خالد
خالد: شوشو
شهد: اهلين خلود
خالد: علي وين
شهد: والله ماشه لروئ ولدت ومن هناك حامشي لام مراد
خالد: طيب ممكن امشي معاك لروئ
شهد: جدا ارح
شهد وخالد اتحركو وشالو معاهم ورد وشكولا وصلو المستشفي حمدلو السلامه لزميلتهم وشالو البيبي والاتنين كانو متأثرين لأنهم حاسين نفس الشعور قعدو شويه وطلعو
شهد لمن طلعت ما استحملت بقت تبكي وخالد فهمها قعدت ف الكرسي وهو قعد علي رجلينو ومسك يدها وهو زاتو بقي يبكي مراد بالصدفه جا طالع من غرفه مرام شاف شهد بتبكي وخالد ماسك يدها
مراد:شهد؟
رفعت راسها وطوالي قامت عايزه تمشي مراد مسكها من يدها
مراد: مالك ف شنو
شهد: ما عندك شغله بي
مراد: كدي اهدي مالك بتبكي
خالد: انت منو يا الحبيب فك يدها
مراد : انت م تدخل
شهد: مراد خليني
خالد: ده زوجك
شهد: كان زوجي
مراد: بس انا م طلقتك وبعدين ده منو
شهد: ده خالد زميلي وصديقي وم عندك شغله بينا
شهد فكت يد مراد ومرقو هي وخالد
مراد وقف مصدوم يعني كيف هو يمسك يدها ويهديها وانا لا ده شنو يا شهد البتعملي فيو ده
شهد طلعت وم قادرة تسوق
خالد: ممكن تهدي اول م تسوقي وانتي بحالتك دي
شهد: خالد احنا لي م مكتوب لينا نشوف لحظه زي دي نفسي احس نفس الاحساس
خالد: قدرنا با شهد الله م كاتب لينا الاطفال
شهد: انا تعبت يا خالد تعبت انا كنت بصبر نفسي بس موقف ورا التاني انا تعبت
خالد: اهدي عليك الله يلا اركبي انا حاسوق
شهد ادت خالد المفتاح وركبت واتحركو ومراد كان مراقبهم من بعيد
مراد اتصل علي علي يسالو من خالد لان علي بعرف زملاء شهد كلهم
مراد: علي انت وين
علي: ف البيت مالك
مراد: عاوز أسألك خالد زميل شهد بتعرفو
علي: اي خالد محجوب مالو
مراد: لقيتو مع شهد ف مستشفي النساء والتوليد شكلهم كانو ف زيارة لزول وبالصدفه لقيت شهد بتبكي وخالد ماسك يدها وبهدي فيها ولمن سألتها قالت لي صديقي وساقتو ومشت
علي: اي شهد. وخالد اصحاب من الجامعه هو اتزوج بس انفصل لانو عقيم وزجتو من عرفت طلبت الطلاق
مراد: اممممم يعني هو وشهد كانو بواسو ف بعض
علي: اي وانت غرت ولاشنو
مراد: كيف م اغير هي لسه زوجتي طيب انا خارجع ليك بعدين
مراد قفل الخط وبقي يفكر يعني ممكن يكون خاتي عينو علي شهد
خالد وصل شهد محل فيو بحر وهادي وجاب عصير وقعد جنمبها
خالد: ارتحتي؟؟
شهد: اممم
خالد: شهد انتي قويه م تتأثري باي حاجه
شهد: بحاول والله بس بلقي نفسي مضايقه
خالد: انا جنمبك وحاسي بيك
شهد: شكرا يا خالد
خالد: ماف شكر بين الأصحاب صاح
شهد: ممممم يلا انا عاوزه ارجع خليني اوصلك محل عربيتك
شهد وصلت خالد محل عربيتو ومشت البيت وكانت مصدعه بلعت ليها مسكن ونامت
صباح الجمعه شهد كانت ماجزه
صحت استحمت وصلت وشربت الشاي مع امها واخوها شالت التلفون تطمن علي ام مراد
شهد: مزن كيفك
مزن: شوشو وين امس
شهد: معليش خلصت متاخر ه
مزن: احنا اصلا طلعنا البيت امس
شهد: جد الحمدلله واسي امي كيف؟
مزن: كويسه بتسأل منك
شهد: سلمي عليها
مزن: شهد أمي قالت ليك تعالي افطري معانا
شهد: بس
مزن: م تخافي مراد راقد ف المستشفي مع مرام وم حايجي
شهد: تمام بجيب امي وبجيكم
شهد: أمي ام مراد عزمتنا فطور
امي: طيب نمشي طوالي بس م غريبه إنك وافقتي
شهد: اي لانو ماف راقد مع مرتو ف المستشفي
امي: طيب نلبس ونطلع
شهد قامت لبست فستان اسود وطقمتو بالكبدي وطلعو هي وامها ومن وصلت كانو الشريط انعاد ليها بالجد خاجه مؤلمه دخلو وسلمو ولقت نسوان حميانها وخميانها كلهم مجتمعين طبعا بحبوها ومن شافوها انبسطوا وعملو الفطور وشاي الفطور ساعدت مزن ف المطبخ وطلعت غرفتها تشوف الحاصل شنو فيها من دخلت بقت تبكي اتذكرت مراد لمن كان بدلعاها فتحت الدولاب لقت تيشرت حقو شالتو وبقت تشم ف ريحتو فجاءة سمعت صوت وراها
مراد: انا زاتي لمن اشتاق ليك بحضن توبك
شهد جدعت التيشيرت ومسحت دموعها واتلفتت عاوزه تطلع مسك يدها
مراد: شهد لمتين حاتكابري انتي مشتاقه لي م تنكري
شهد: مراد فكني
مراد: م بفكك اليله حانحسم الفوضي انا بحبك يا شهد بحبك ارحميني
شهد: وانا م بحبك خليني قلت ليك
مراد: عايني لي ف عيني وقوليها قولي انك بتكرهيني يلا
شهد فكت يدها ومشت علي الباب بس هو جراها ولزاها علي الحيطه وبقي قريب منها شديد وشهد مغمضه عيونها
شهد: م م مراد ابعد
مراد: لا عايني ف عيوني وقولي بتكرهيني
شهد فتحت عيونها ولقت مراد ف وشها ونفسو الحار وريحة عطرو بقت تعاين ليو لأنها مشتاقه لتفاصيل وشو هو مسكها من نصها وقرب اكتر وباسها بوسه قويه وهي استجابت لانو كانت مشتاقه ليو بس فجاءة اتذكرت الخصل ولزتو لمن وقع وصلحت طرحتها ومرقت نزلت طوالي قالت لأمها نمشي وفعلا طلعو مشو البيت ودخلت غرفتها وبقت ماسكه شفافيها بالجد كانت مبسوطه
ومراد ف غرفتو بعد هدا عرف انو شهد لسه بتحبو بس كيف حايخليها تعترف