رواية معجزة عشقي
الفصل الحادي عشر11
بقلم مروان فرج
لعند ماكملنا امتحانات وجي موعد بياني من امير🔥
كلمت ارجوان بالتلفون من هاتفي وقوتلها اليوم بياني راهو بيش تجي 🥺❣️
ارجوان...كانت تحكي معاي وكان ادم مقعمز ف الصالون وسمعني لما قولت اليوم بياني
ادم....باستغراب 😳بيان مني اليوم ي ارجوان
ارجوان... اليوم بيان عويشه وتبيني نجي بس مش عارفه بابا يخليني نمشي ولالا
ادم...مااسرع طول هكي هياا
ارحوان...هدا يلي صار وقاتلي عليه عائشه ماتزعلش روحك ي ادم انشاء الله تحصل وحده زي عائشه تفرحلك وتسعد خاطرك
ادم...هههههه عادي نا راهو شن تحسابنيي زعلان مثلا جوي جميل 💔
ارجوان...بس نخاف من بابا يقول مافيش مشي وخصوصا لما صار الموقف هدا متاع بوه عائشه فسخ خطوبتك
ادم...ماعليك من بابا انتي تبي تمشي ولالا
ارجوان....اي ياريت
ادم... باهي خلي الموضوع عليااا انتي تعرفي وين مكان حوشهم متاع خالهم
ارجوان...اي عائشه قاتلي عليهم ونعرف لقبهم يعني مانريحوش لما نوصلو غادي نسالو اي حد ويقولنا ع حوشهم❤️
ادم...باهي توا نرفعك العشيه بس نبيك تجيبلي طاسه ميه من المطبخ توا
ارجوان....ربي يخليك لياا يااحلي ادم هي دقيقه❤️😍 ونجيبهلك ناضت ارجوان للمطبخ وخلت تلفونها جنب ادم ف الصاله
ادم...استغل الفرصه وخدي تلفون ارجوان وخدي منه رقم عائشه
ارجوان...هاك الميه ي ادم
ادم...صحيتي المهم زي ماقوتلك وتي روحك العشيه بس بشرط لو سالتك امك او بوك ماتقوليش رح نمشو للبيان تمام
ارجوان....تمام😉
_____________________________
في حوش عبدالجليل ✨
سكرت المكالمه من ارجوان وكانت الساعه 10الصبح كان جوي مش حلو يعني مش زي اي بنت فرحانه ببيانها جوي متعكر كنت مقعمزه ف الحنان مغمضه عيونها وحاطه السماعات ونسمع ف اغاني ونفكر كيف رح يمشي اليوم هدا ونا في عز انسجامي جتني مرح وحطت يدها ع كتفي وحولت السماعات من وداني
انا...هييي حولي خليني نسمع شوي خيرك حولتيهم
مرح...تي وقت اغاني هوا نوضي خلينا نخشو داخل ونفكرو شن بنديرو اليوم😉
انا...شن بنديرو يعني عادي الجو بعدين نلبس حاجه ونديرو بيان ع الخفيف
مرح....تبصري انتي بابا عزم اليوم وقال نبيه بيان حلو وكبير وكلا هدا ع خاطرك🔥
انا...بس عادي والله نا عندييش نيه ف الجو هدا
مرح .. سكري فمك ي حيوانه نوضي خشي معاي داخل خلينا نهدرزو شن بنديروو
انا... باهي ومشيت نا ومرح واول ماجيت بنخش للحوش تلاقيت معا امير ع الباب
طبعا من اول ماخطبنا لبعض معاش تلاقيناا
مرح...ضحكت وامير كان شاد البدله ف نايلو تحشم وطلع من جنبي
انا...نزلت راسي ودرت روحي مش مدوره خشينا ولقينا ليان مرت المعتصم تستني فيا هيا ومرت خالي ف الصاله
ليان...هيا وتي روحك ياعويشه المعتصم يراحيني فينا بنمشو للسوق شوي بناخدو كم حاجه وبعدها بنمشو للمزين معاش في وقت
انا...ليش المزين يعني ضروري منه😳🔥
نعيمه...اي ضروري عشان في ضيوف بحو بعدين ومش حلوه تكوني مش ماشيه لمزين معا انك مش متسحقه بس هكي العاده❤️
انا... باهي هي نوتي روحي شوي بس
ليان...باهي بسرعه بس
انا...خشيت لداري وخشت وراي مرح وقاتلي البسي الفقطان هداكا يلي كان هديه من ارجوان رح يطلعلك عليك حاجه حلوه
انا...بس هدا قصير هلباا نتحشم🔥😊
مرح. .....ههههههه بالله عليك اصلا هدا يوم بيانك مش وقت حشم خودي معاك وارفعي تلفونك ولما تكملي رني عليااا بيش نوتو كل شي هنا
انا...تمام
وتيت روحي وطلعت ولقيت ليان والمعتصم يستنو فيا ف السياره ركبت معاهم ومشينا للسوق خدينا كن حاجه يعني ليا❤️وخدينا حاجات للضيافه وبعدها حطنا المعتصم في المزينه وهوا طلع روح للحوش عشان يتربو ويحهزو كل شي للبيان
خشيت انا وليان للمزينه كان الوقت الظهر
جت الكوفيره أستشورتلي شعراتي ودارتلي مكياج خفيف لاني كنت مانحبش ميكاج هلباا وهكي .
ولبست الفقطان وطلعت حاجه من لاخير يعني حتي ليان استغربت فياا وماعرفتنيش 😂❤️
طبعا خالي كلم بابا ع البيان وقاله بيش تجي انتا والعيله اليوم
مرت بوي سميه كانت ماتبيش تجي بس ريم اصرت عليها انها تمشي عشان تتتشمت فياا لاني ماخديتش ادم🥺
مشو لحوش خالي وكان كل مره يجي حد غالي ومرح وريان ونعيمه والعيله يتوتو لكل شي
جي وقت العصر وبدو الناس أيجو وولعو المنضومه ف حوش خالي ونا كنت قاعده ف المزين وجو مش عارفه كيف
قعمزت برا ع صالون الانتظار وكنت نستني في المعتصم امتا يجي ويروح بينا لحوش خالي
ليان...كانت تتصل براجلها بس يعطي فيها مشغول وتلاقت معا صاحبتها ف المزينه وقعدت تهدرز هيا وياها بعيده علياا شوي ونا كنت مقعمزه رن عليااا رقم غريب🔥😳
شديت التلفون وقولت منو هدا يلي يتصل بيا زعم مرح واخده تلفون حد ورنت علياا والل من. قعدت ماسك التلفون لين كملت المكالمه وسكر الخط مابديتش نرد
حطيت التلفون وشوي ورد عليااا تاني نفس الرقم قولت خليني نرد وخلاص مرات تطلع مكالمه مهمه مسكت تلفوني ورديت
انا...الووو من معاي
ادم...اهلين توا دري ف روحك معاش عرفتيني
انا....تفضل منو انتا وشن تبي مني😐
ادم...بلاش تعلي ف صوتك ي كلبه انتي عارفيتني منو خيرك تعلي ف صوتك
انا...ادم💔
ادم....اي ادم مش عارف ليش اتصلت بيك بس كنت نبي نعرف حاجه وحده بس وقولت نبي نسالك عليها
انا...شفت لي ليان ولقيتها قاعده تحكي معا صاحبتها
انا...شن هيا الحاجة قول بسرعه بنسكر
ادم...منو السبب يلي خلاه خطوبه متاعنا تتفركس
انا...خالي هوا دار هكي عشان كان يبيني لامير
ادم.... باهي انتي موافقه تتزوجي امير والل غضبنا عنك رح تتزوجبه
انا....سكتت🙂
ادم...اسمعي ي عائشه بغض النظر ع المشاكل والعراك يلي صارو قبل بيناتنا بس نقولك انى والله نبيك ومزال شاريك
انا.. انا مخطوبة راه ولا نسيت
ادم...افسخى خطوبتك ونجيب اهلى ونخطبك
انا....اسفه مانقدرش ياادم الموضوع مش بيدي😊💔
ادم... قصدك انتى راضيه بالخطبة
انا... اسفه توا بنسكر
ادم....تمام ع راحتك بس حبيت نكلمك لااكثر وهيا باي وسكر ادم الخط ف وجهي
انا....حسيت حاجه ف داخلي تقولي ديري شي اصرفي قبل لايصير مش مش حلو بس كنت مش قادره ندير شي
قعمزت وشوي وجت ليان وقاتلي المعتصم يستني فينا برا كان الوقت العشيه ماسي نضت ولبست العبايه متاعي وركبنا معا المعتصم ومشينا لحوش خالي رنيت ع مرح وقوتلها قريب نوصلو
ومرح طلعت تجري 😂🔥وقالت عويشه قريب توصل قعدت تجهز ف الممر وهكي حاجات
#عند امير
امير...كان مكسد هوا واصحابه ف استراحه وطبعا كان من عاداتنا ف الخطوبه يجي العريس وهوا يلي يلبس الدبله كسد معا اصحابه وقعد يلبس قبل المغرب بما انه انا بنت عمته فعادي يجي ويخش يلبس الدبله
امير ....كان يفكر ف مروه هلبااا ف الوقت هدا ويفكر لو مروه تكون بدال عائشه وته روحه وكان يستني ف مكالمه من مرح عشان يمشي❤️
وادم...اتصل بي ارجوان وقاللها وتي وحك قريب توصل لو تبي تمشي
ارحوان...واتيه وصل ادم وخدي ارجوان وقال لامه انا رح يمشو لخوش عمته هكي يغيرو جو خداها ومشي حطها ف حوش خال عائشه وقالها تكلمي رني علياا واما ادم مباش يقعد قدام الحوش عشان مايتعاركش معا حد وخصوصا انا ادم كان ع سبله😂🔥
طلع ادم من هنا وصلت عاىشه للحوش من هنا واول ماوصلت استقبلوني بالعازيت والجو الحلوو نزلت من السياره
وجت مرت خالي ساعديتني وطلعت قعمزت على الصالون وحاسة روحي أمصقعه لو يضربوني بموس مش حتنزل نقطة دم ،حتى يلي أيباركلي مش قادرة لاندوي لانبتسم قعمزت وكنت نشوف للناس كلهم يلي كانو فرحانين اكثر مما اني فرحانه بروحي
كان وجهي شابح
جتني ارجوان قعمزت جنبي وقاتلي مفاجاه انا هنا💔😍
انا...فرحت هلباا لما حت ارجوان وشفتها مقعمزه جنبي فرحت وقعدت نضحك ماكنتش متوقعه انك تجي
ارجوان....ههههه الفضل كله لادم هوا يلي جابني هنا
انا..قصدك ادم عادي قالك تجي لخطوبتي
ارجوان...اي عادي خيرك في شي
انا...لا بس نحسابه زعلان مني وهكي
ارجوان....لا لا ياحبيتي مافي شي اضحكي عاد اليوم خطوبتك مش حلوه تكوني زعلانه
انا...اي صح
وحت مرح وريان قعدو يصورو معاي وهكي دارو حو حلو وقعدت نشوف للناس يلي جاييين وفجاه لقيت ريم مقعمزه هيا ومرت بابا ع حنب وكانت تشوفيلي وتضحك🙂🔥
قعدت نشوفلها ومركزه عليها وريم كانت تشوفيلي من فوق لتحت .
كأنه في حاجه .
وأنا في عقلي ادم ورح تاخديه شنو مزالت تبي مني .🥺🔥
قعدت مقعمزه لعند ماجتني خالتي وقاتلي عويشه امير وصل ويبي يلبسلك الدبله
أنا... يعني بخش هنا ياعمتي 😊 .
نعيمه ...لا هوا يتحشم مايبيش يخش هنا تعالي يبي أيلبسك في المربوعه .
أنا....باهي حاضر هي
صبيت وجت ساعدتني مرح ومشيت بالشوي ونا قلبي يدق لعند ماوصلت للموبوعه
خشيت وكان قلبي يدق بنبضاات سريعه .
بحتت فيه ونزلت أعيوني طول كنت متحشمه هلباا
قعمزت ع الصالون يلي جنبه
خالتي ومرح طلعو براا وخلونا براحتنا شوي ونا كان قلبي يدق من الخوف🔥😅
امير ...احممم عائشه خيرك خايفه مني
أنا...لالااا مش خايفه وكنت منزله راسي لوطا.
امير طلع الدبله من جيبي ولبسها ليا وبحتت في أعيوني
بحتت فيه وعيوني دمعو 💔 لاارادي حسيت أنه يلي في قلبي كله طلعته
امير ...رفعلي راسي ومسحلي دمعتي .
حسيت روحي سختن مره وحده
امير.. شنو فيك عاىشه في حد غصبك عليا في حاجه صايرتلك أحكي .
أنا ..هزيتله راسي بلالا .
امير..كان في حاجه أحكيلي حتى لو الموضوع ضد زواجنا انا ....بصوت واطي لا مافي شي .
امير...تمام وقرب مني باسني في خدي
ومشي فتح الباب ولقي امه سلم عليها وحضنها وقعدت تزعزت وطلع امير
انا...رجعت للصالون وكانت في يدي الدبله وكنت نشوف فيها ونتخيل فيها لو من ادم بس😅🔥.
جت ارجوان وقاتلي انا تاخرت بنروح حضنتني وطلعت جيها ادم وقعد يستني فيها براا وادم هوا برا شاف امير وكان لابس وركب في سيارته وطلع
ركبت ارجوان وطلع ادم من قدام الحوش وساله كيف كان الجو ف الحفله
ارجوان...حلو بس حسيت بعائشه زي يلي فرحانه هلباا معا اتا الحو بكل بس هكي حسيتها
ادم...خليها من شنو خيرها بس😐
ارحوان...مش عارفه والله
ادم....اممممم باهي وروحو لحوشهم
بدو الناس كل مره يروح حد وحت الساعه11في اليل وصورت انا ومرت خالي والعيله كلهم وجي صور معاي خالي وهكي صور دكري
مرت بوي سميه اللفعه هادي مابتش تجي تسلم علياا بكل تحسابيني انا مدروتها من الاساس تعشت وعلي طول روحت هيا وريم وموده🔥
كملنا البيان وخشيت لداري غيرت دبشي وحولت المكياج وكنت تعبانه الحق لاني من الصبح والعه خشيت للحمام ولعت الدوش ودوشت وطلعت لبست بيجامه وتكيت ع سريري لقيت مرح راقده
مسكينه اكثر وحده تعبت معاي اليوم😂 اتكيت ع سرير وطلعت تلفوني قولت زعمه ادم رن علباا او بعتلي رساله بس كان مافيش مكالمات بكل
حطيت التلفون جنبي واتكيت ع السرير لين خداني النوم
تاني يوم الصبح نضت مخلوعه علي صوت خالي وامير
واول ماشيت عشان نشوف شن يلي صاير بيناتهم انصدمت من يلي شفته .....😨🔥