رواية طريق الحب الفصل الحادي عشر11بقلم جمانه السعيدي
ابوشهد...اني خايف عليكم اكثر ماخايف على نفسي هاي ناس واصله ومستعده لاي شي حتى تاخذ الي تريده
عباس...عمي اني عندي حل
ابو شهد...شنو
عباس...اخذ عائلتك للسماوه يم اهلي
فتره لمن تنحل هاي المشكله
وهناك امان محد راح يكدر يوصلهم
ابو شهد...خوش فكره
بس خاف تضايقون
عباس...عمي احنا اهل ومستحيل راح نضايق منكم
باجر الصبح اوصلك وارجع اخذهم للسماوه
اوصلهم وارجعلك
ابو شهد....لا لاترجع اخلي صديقي يوصلني
واحتمال اذا مالكيت حل
اقدم استقالتي واسلمهم السياره
وانشاء الله مسئلة وقت ويخلص كل شي
ام شهد...تبقى هنا وحدك اخاف عليك
ابو شهد...لاتخافين اذا انتم بامان مايكدرون يسولي اي شي
ام شهد...نبقى وياك
ابو شهد...المسئله حلها عباس لاتصعبينها
حضرو نفسكم اليله وباجر روحو ويا للسماوه
واني راح ابات يم جماعه اعرفهم واثق بيهم منا لمن تنحل
انشاء الله تخلص على خير
طلع عباس للباب وصاح عمه ام شهد اريد احجي وياج
ام شهد...اي عمه تفضل
عباس...شهد تلبس لبس محتشم وحجاب لان احنا بمنطقه ريفيه ومعروفين
وهذا اللبس الي جاي تلبسه عيب عدنا
ام شهد...صار عمه مايكون خاطرك اله طيب
جمانه السعيدي
طلع عباس وسد الباب ورا ورجعت ام شهد
شهد...ماما شراد عباس ليش صاح عليج
ام شهد...شصاير بينج وبينه ليش مايحجي وياج
شهد...ليش هو كالج شي
ام شهد...لا..بس اني حسيت اكو شي صاير بينكم
شهد...خلاف بسيط ماكلتيلي شراد
ام شهد...يكول شهد تلبس محتشم وحجاب
شهد...لاولله يتحكم بلبسي يريد
ام شهد...مو يتحكم بس همه منطقه ريفيه ولبسهم يختلف عن لبسنا مابيه شي يفهمج احسن ما ينقدوج هناك
شهد...ااااف هو شعليه قابل راح اكعد العمر كله عدهم
هنا كم يوم
ام شهد...باعي شهد لاتعقدين المسئله هنا كم يوم وخل يعدن على خير فهمتي
يله روحي حضري نفسج ولاتدللين مو وكت دلال
شهد...رايحه خل نشوف وين توصل
شهد صعدت الغرفتي وبديت اختار فساتين طوال اصلا ماعندي طوال بس اثنيين
لان اني لبسي كوله بناطير
وتنانير قصيره
وماعندي دشاديش كوله اتراكات
حضرت جنطتي وحاولت انام ماكدرت
مقهوره من عباس حيل
ليش ماينطيني فرصه إدافع عن نفسي
ليش صدك سيف وسد الباب الي بيني وبينه
ماعرف يمته غفيت
وعيت على ماما تندهني وتكول ليش لهسه نايمه يله كومي حضري نفسج ابوج طلع للدوام
طفرت لان حسيت نفسي صدك متاخره
بس ماشبعانه نوم
دخلت سبحت وطلعت جففت شعري ولبست ثوب كابوي طويل واخذت شال من ماما رهمته ويا
مكياج خفيف ونزلت جنطتي
وامي تبدل الاحمد ومحمد
ومحضره جنطتين
سمعت الهورن يعني عباس رجع
ام شهد..ماما تريكي خاف تلعب نفسج بلسياره
شهد...ما اشتهي بس راسي يوجعني لان البارحه مانمت زين
افكر بتغيير حالنه وهاي المشكله الي اجتنا صفح
ام شهد...يله.. طلعي الجنط عيب الولد ينتضرنا برا
شهد...اي هسه اطلعهن
جمانه السعيدي
شهد طلعت جنطتي بلاول خليته بلباب ودخلت
هو شافني اجه شالها وخذاها
بعدين طلعت الجنطه الثانيه حيل ثكيله كمت اسحب بيها
هو شافني واجا ياخذها مني
شهد...صباح الخير
عباس..اهلا ودنكت وشلت الجنطه من دون ما اباوع عليها
شهد....ضجت وكلت بكلبي ليش هيج عباس الهلدرجه كارهني حتى السلام ماترده
من الضوجه...زاد وجع راسي
طلعت الجنطه الاخيره ورجعت ادور بندول مالكيت
ام شهد...يله ماما اتاخرنا بسرعه
شهد...اي ماما اجيت
قفلت البيبان وطلعت وصلت للباب الخارجي اريد اقفله ما اكدر قوي لازم اسحبه وبعدين اقفله
بقيت احاول ويا هو شافني طلع من السياره واجاني كال انطيني المفتاح اني اقفله
اريد انطي المفتاح وكع من ايدي دنكنا سوا حتى نشيل المفتاح وراسي ضرب براسه
صحت اخخخخ
رفع راسه عليه وكال العفو موقصدي
انطيته المفتاح ورحت للسياره
لكيت ماما كاعده ورا هي ومحمد واحمد
شهد...ماما اني اكعد ورا وانتي اكعدي كدام
ام شهد...اخوانج حركين ومراح تتحملينهم
وبعدين شويه بعد اريد اوكلهم انتي اكعدي كدام
فتحت الباب وكعدت كدام مشت السياره وراسي حيل كام يوجعني
التفتت على ماما
ماما عندج بندول راسي حيل يوجعني
ام شهد...لاولله ماعندي
جمانه السعيدي
عباس كل ضنه راسي يوجعني بسبب ضربته اليه
شني راسها يوجعها من ضربته يجوز جان لازم انتبه اكثر
التفتت عليها
عباس...هسه اقرب صيدليه اجيبلج بندول
ام شهد...ماما لو متريكه وشاربه جاي ماوجعج راسج
شهد...كلوشي ما اشتهي اخ راح اموت راسي ذبحني
عباس ...ضجت علمودها امشي واباوع اريد صيدليه مفتحه ماكو اغلب صيدليات بغداد تفتح بس العصر
وهي لازمه راسها وتصيح اخ الالم ذبحني
بعدين طبكت يم مطعم وكتلهم انزلو غسلو وتريكو لان الطريق طويل كدامنا
نزلو من السياره ودخلو للمغاسل
واني طلبتلهم كباب وكص
طلعو وكعدو ياكلون بس شهد تاكل على كيف
ام شهد..ماما اكلي علمود انجيب جاي تشربين بلكت راسج يصير احسن
عباس عفتهم ياكلون ورحت اكو اسواق قريبه على المطعم سئلتهم على بندول ولكيت عدهم اشتريت ورجعت
جمانه السعيدي
لكيت شهد خاله اديها على الطبله وخاله راسها عليهن
يعني نايمه على اديها
وامها ماخذا الجهال تغسل الهم
قربت عليه ولزمته من راسها ورفعته
شهد شهد هاج جبتلج بندول انطيته حبايه وفتحت بطل الماي ونطيته شربت
باوعت كولشي ماماكله لاكل بعدا نفسه
شهد....راسي راح اموت يوجعني كولش
عباس....ارفعي راسج وبديت اضغط من الجوانب على راسها
اجت امها استحيت لاتشوفني سحبت اديه
عباس هااا صرتي احسن
شهد...شويه خف الالم
عباس...اكلي شويه وراح اجيبلج جاي
شهد...ما اريد
عباس...شويه اكلي علمود تتقوين سويت لفه وانطيتها
كامت تاكول ورحت جبتلها كلاص جاي
بدت تشرب شويه شويه
بقينا بلمطعم نص ساعه صارت احسن وصعدنا بلسياره
ومشينا
كل اشويه اريد اسئلها شلون صرتي وامنع نفسي بلقوه
بعدين امها سئلتها شلون صرتي
كالت احسن خف الوجع شويه
وصلنا للسماوه
واتصلت بعمي ابو شهد طمنته علينا
الفصل الثاني عشر من هنا