رواية حياة ليان
الفصل الثالث عشر13والاخير
بقلم ليان
عملو ليهو فحوصات والصدمه انو خالد ف ماده مخدرة جسمو بتخلي ف خالة خمول ولمن الدكتورة سالتو بتاكل وتشرب ومن متين بقيت تنوم قال ليها من رجعت مشاعل انا بصحي باكل وبشرب عصير وبنوم وطول النهار انا بالحاله دي
الدكتور: معاناها مرتك بتخت لبك المنوم ف العصير والاكل وعشان انت طولت وانت بتاخد المنوم اثر علي اعصابك ولو ما اكتشفنا الموضوع ده كان ممكن يجيك شلل او جلطه
انا من سمعت كلام الدكتورة وشفت حالة خالد وانا ببكي ببكي لاني ظلمتو وم قايله مشاعل عملت كده دي بسبب انانيتها كان ممكن تقتلو الدكتورة كتبت لخالد ادويه وقالت نهتم بيه وم نخلي براه والرجفه فتره وبتروح طلعنا من المستشفي وخالد بس ساكت م عارفه ناوي علي شنو وصلنا البيت سندنا انا وهبه ودخلتو غرفتي وامي اتخلعت من شافتو بالحاله دي وحكينا ليها الحصل وبقت تبكي شويه كده والباب دقه جات مشاعل وكانت خايفه انحنا أبينا نتكلم دخلت لخالد لقتو راقد
بلسان خالد:::::
انا لي كم يوم بحس برجفه ولمن اكون بصلي اسجد واجي اقوم راسي بلف بقول احتمال من التعب يوم امي جاتني وقالت لي ليان عندها مقابله وانا كنت ناسيها لبست ومشيت دخلت معاهم الدكتورة وطمنتنا علي ليان انا عطشتا شلت كباية المويه وجاتني الرجفه الكبايه اتكسرت والدكتورة سألتني كم اسئله وعملت لي الفحوصات ولمن قال النتيجه انا م صدقت الدكتورة كانت بتتكلم وانا سرحان كان ممكن اموت عادي بسبب انانية مشاعل الدكتورة كتبت لي ادويه وطلعنا وانا ساكت وصلت البيت سندوني هبه وليان ودخلوني غرفة ليان شويه كده والباب دقه سمعت صوت مشاعل جات داخله
مشاعل: حبيبي مالك ف شنو
خالد: ههههههه ماف حاجه بس الفحوصات قالت ف ماده مخدرة ف جسمي وكان ممكن تعمل لي خلطه او شلل
مشاعل: شنوووو
خالد: لكن يا مشاعل تكون جات من وين الماده دي
مشاعل: انا انا م عارفه
خالد: احتمال من المنوم البتختي لي ف العصير من جيتي وانا انوم واصحا
مساعل: منوم منوم شنو
خالد : هههههههههههه ولسه عامله فيها بريئه انا بسبب انانيتك انا كنت حاموت انتي فاهمه
مشاعل: انا عشان بحبك عملت كده من يوم جات امك وليان وانت م شغال بي قلت انسب حل انك تكون نايم جنمبي وبس
خالد: مشاعل انتي طالق بالتلاته وورقتك بتصلك
مشاعل: لالا م تعمل كده
م حسيت بنفسي الا وانا ماسكها من يدها وجدعتها بره البيت وقفلت الباب وانا داخل راسي لفه وم وعيت بحاجه
بلسان ليان::::
مشاعل دخلت لخالد وهو وصوتهم بقي عالي وبعد اعترفت طوالي طلقها وطلعها بره البيت وقفل الباب ووقع من طولو شلنا سندناه رقدنا ف السرير ضربت للدكتورة وقالت فوقو وادو حبوب بتخلي يرتاح
رشيتو بحبة مويه فاق شرب مويه واديتو الدواء ونام
انا وامي اتجرسنا شديد علي حالة خالد ضعف ولونو سمر قمت جهزت ليو شوربه وعصير وهو نايم ليه ٣ ساعات شلت الأكل ومشيت الغرفه لقيتو نايم قربت منو وبستو ف راسو فتح عيونو ومن شافني حضني وبقينا نبكي بالجد محتاجين نبكي عشان عشان نرتاح بكينا وهديتو
ليان: خالد حبيبي خلاص روق تمام احنا كويسين وانت معانا
خالد: ليان انا انا بعدت عنكم انا
خالد: اشششششش المهم نحنا سوا تمام وبعدين شوف شكلك دقن وسمرت وضعفت دايرين نهتم بنفسنا شويه حبيبي يلا قوم نكمل الشوربه دي ولا
اجيب الحزاااام
خالد: لالا بكملها لاني اشتقت لاكلك
ليان: ممممممم اكلي بس
خالد: هههههههههه اسي م فيني حيل ليك خليني اكل اول
ليان: يلا حبيبي انا حاكلك
اكلت خالد وكان جعان شديد اكل وشرب العصير ودخلتو الحمام جا يحلق دقنو م قدر عشان الرجفه حلقت ليو انا واستحم وصلي وطلعتو الصاله رقد ف طرف امي بالجد كانو مشتاقين لبعض شويه كده وعملنا الغدا وأكل معانا تاني وعملنا القهوه بطقوسه وجونا رماز وملك واتونسو معانا ومرقو للعشاء وامي اخيرا ارتاحت مشت صلت ونامت
ليان: حبيبي رايك شنو نحضر فلم
خالد: طوالي حبيبي
ليان: طيب امشي غرفتنا واناحاجيب الحاجات واجي
خالد دخل الغرفه وجهز الفلم وانا شلت كيك وعصير وفشار ومشيت رقدت جنمب خالد وطوالي جا رقد ف حضني احساس حلو شديد لحدي م نمنا وهو م بعد عن حضني صحيت الصباح لقيتو نايم قمت استحميت وصليت وطلعت عملت لأمي الشاي وشلت حق خالد ودخلت الغرفه لقيتو لسه نايم قربت منو وبوستو صحي مبسوط بالجد اشتقت لضحكتو
ليان: صباااحو حبيبي
خالد: صباح الفل
ليان: حاسي روحك احسن؟؟
خالد : امممم احسن عشان جنمبي حبيبتي
ليان: يلا ارح الحمام
سندتو ودخل الحمام استحم وصلي وجا شرب الشاي اديتو الادويه وطلعتو الصاله قعد مع امي ف التلفزيون وانا قررت اعمل ليو أكلتوا المفضله ام رقيقه عملتها ليو وعست الكسره وعملت العصير الضهر امي دخلت تنوم وانا سقت خالد ومشينا غرفتنا دخلت استحميت وصليت الضهر وجيت رقدت جمب خالد وحضني ونام صحينا الساعه ٣ قمنا صلينا سوا وطلعنا الصاله اتغدينا وحو البنات وهبه شربو معانا القهوه ومرقو بعد المغرب صلينا المغرب وحبيت اغير لخالد جو قلت ليهم نمرق نتفسح ولبسنا ونزلنا ركبت عربيتي لانو خالد م بقدر اسوق مشينا اكلنا ايسكريم ولفينا بالعربيه وجينا البيت الساعه ١١ امي دخلت غرفتها وانحنا غرفتنا عدت الايام وخالد اتحسن وصحتو رجعت ليو ونزل الشغل وطبعا نقل ملابسو غرفتي والشقه التانيه باعها ورسل لمشاعل ورقتها وابوها اعتزر لخالد وخالد م كسفو وانا نزلت الحامعه خالد الصباح يوصلني وبالمسا يرجعني كنتةشغاله امتحانات وخالد كان بقرينا ويشجعنا والحمدلله خلصت والنتيجه ظهرت ونجحت رجعنا البيت اتغدينا وجونا البنات احتفلنا ومرقو مننا العشاء وامي دخلت نامت وانا وخالد جهزنا القعده للفلم وكان فلن رومانسي حبه حبه خالد قربت مني وانا استسلمت ليو بقي خدرني بحركاتو ولمساتو وحصل الحصل وبقينا واحد وكانت أجمل إيام تمينا الشهرين واحنا حلوين مع بعض
يوم وانا ف الجامعه انتهينا من المحاضره مشينا الكافتيريا وفجاءة حسيت بدوخه ودوني المستشفي وصحيت لقيت خالد والبنات معاي وخالد حضني وقال لي مبرووووك يا ام التيمان اتخيليو حامل وف توأم ف شهري الثاني وعدينا مرحلة الوحم بصعوبه بس امي وخالد م فارقوني والشهور الكبيره كانت صعبه لحدي م ولدت وجبت ولدين محمد وأحمد وملو علينا حياتنا بعد ٥سنه خالد اشترا عماره ف السودان ونقل شغلو. ورجعنا السودان والأولاد دخلو المدارس والحمدلله بالجد عسي ان تكرهو شيئا وهو خيرا لكم يعني انا لو م اتزوحت خالد كان حايكون تعيس طول حياتو وانا زاتي م كنت عارفه الراجل الحاعرسو حايحترمني زي خالد ولا لا
تمت