رواية معجزة عشقي
الفصل السادس عشر16
بقلم مروان فرج
ناض ادم وسكر الباب وجي جنبي
انا شبحتله بخوووف ..علاش سكرت الباب
ادم شافلي وجي قرب بحداي..........🔥
انا... خفت وقعدت نوخر ع وراي ونا ع الصالون وجيت بنوض من الصالون شدني ادم من يدي وقالي وين بتمشي ي حلوه
انا... بعد عليااا خييرلك اقسم بالله تقرب تزيد منى نعيط ونلم عليك الحوش كله راهو
ادم.. قرب مني لصق فيا خلاص ونا جيت بنهرب وبنفتح الباب شدني ادم من ايدي😳
انا.. اااااه حووول بتكسرلي ايدى خيرك هكي انتي
ادم..ااسسس وحط يديه ع فمي عشان مانطلعش صوت بكل اي وبنكسرلك راسك معاها
ولصقني في الحيط ولصق جسمه علياا قرب ووجهه في وجهي وانفاسني تخلبطت بين انفاسه كنت خايفه هلبااا اول مره ادم يقرب مني للدرجه هادي بكل
قعدت نررعش وقلبي كان قرييب يطلع من مكانه
ادم....وهوا راقيله انى تتكلمى معاى في التلفون هكى ولافوقها سكرتى عليا وحطيتينى في قائمة الرفض ولما نقولك ماديرش شي اديري فيه من راسك تحاسبي روحك ادير يلي تبيه ترا توا قوليلي شن ندييير فيييك قوليييلي بسس شن ندير فيك🔥
انا...باهي وسع من علياا شوي معاش قدرت نتكلم خليني ناخد نفس شوي نفس وسع ياادم وشفته لعيونه
ادم..شاف لعيوني وحسيت زي يلي سرح فياا شوي قولته يدي وجعتني وسع خلينا نحكو
ادم...باهي قعمزي هيا واحكيلي
انا...اوووف وفكيت روحي منه وقعمزت
ادم....هيا بسرعه احكي معاش عندي صبر راهو
انا... مليييكش علاقة بيا يوووم تقرا فيا فاتحة تعالي حاسبنى غير هكى مدخلكش فياأا اصلا قاعد خطيبي انتا مش راجلي فاهم 🙂
ادم... كان شاد اعصابه عليا وكانو عيونه واضحات انا فيهم شر غريب بس ماكانش يقدر يدير شي لانه قاعد ف حوشنا🔥😅
قعدت نرعش ونستني في خالي امتا يجي عشان نهرب منه
آدم...شكلك ماتبيش تفهميني انتي وناض مسكني من يدي وقرب عليااا
انا... بعدد حووول من علياااا تلصقش فيا بنعيط راهو
ادم.... تبي نحول صح
انا....اي أرجوك وسع
ادم...تمام خليك عاقلة ونحينى من الرفض خيرلك اصلا معاش رح نتصل بيك للعرس تمام
انا...باهي توا نحيه خلاص حول
ادم...تمام وحول قعمز ف مكانه ونا نضت نجري وهربت من بحداه واول مافتحت الباب عشان نطلع لقيت خالي واقف قدامي وكان واضح عليا اني كنت مصدومه وخايفه😅
خالي...خيرك عويشه فيك شي
انا..لالا فيش شي مغير كنت بنجيب العصبر من المطبخ بس
خالي....اها باهي امشي طلعت نا من جنب ادم وكنت ميته من الخوف كنت نرجف بكل ومشيت لداري وقعدت خالي معا ادم وقعدو يهدزرو شوي ع العرس وهك لانا معاش مزال هلبااا قريب خلاص
ادم ..كان يبي يشوف عاىشه بس هيا مشت ومعاش جت وقعد كل مابجي بيطلع يقوله خالي استني العصير توا بتجبيه عائشه
ادم....كان عارف انها مشت ومعاش رح تجي بكل😂🔥لعند مااستادن وقاله وقت عليااا عندي شغل وإنشاء الله مره تانيه
عبدالجليل...تفضل في اي وقت ياادم
طلع ادم من الحوش ركب في سيارته وطلع تلفونه ورن ع عائشه بس لقي روحه قاعد في قائمه الحظر بس لامتا العرس قريب ورح تقعد عائشه بين يديه كان فرحان عشان العرس معاش مزال عليه هليا ركب ف سيارته وطلع للسوق عشان بياخد البدله الرسميه ليه وهكي حااجات ناقصتيه
انا...كنت ف الدار وخايفه ومرح كانت جنبي وتسال فيا خيره وجهك مخطوف وشن دارلك ادم 😂🔥
انا....معاش عرفت شن نحكيلها وشوي سمعت خالي ينادي علياا بصوت عالي ع طول تدكرت العصير كلمت مرح وقوتلعا لو خالي بيقولك وين العصير بنقولها انتي قوتلي عليه ونسيتيه تمام
مرح....لالا مش شوري نا
انا.... وراسك عشان نحكيلك كل شي
مرح.... باهي تمام
خالي....عائشه وين وجي للدار
انا...نعم ي خالي في شي
خالي....توين العصير مش قوتلي شوي وبنجيبه الراحل قعد يستني من بكري وفالاخير طلع من غير مايشرب شي
انا...كنت بنغيره بس مرح قاتلي توا نديره
مرح....اوووف والله كنت نديره بس نسيت بابا اسفه والله
خالي....المره هادي مشت بس مره تانيه معاش تعاوديها فاهمين
انا...حاضر إنشاء الله
طلع خالي وسكرت مرح الباب وقعمزت وقاتلي احكيلي شن صار حكيت لمرح كل شي صار وقوتلها مش رح انحي الحظر عليه
مرح.....ههههههه وعليش مش رح تنحي
انا...هكي لانا هوا يستفز فياا نبيش انحيه
مرح....اممممم نقولك نحيه عشان مرات مايخليكش تمشي للمزينه راهو
انا...زعمك هكي
مرح....اي اي هكي احسن
انا...فتحت تلفوني ونحيت الحظر من علي ادم ومابيتيش نرن عليه او نبتعته شي بكل قولت مش رح نتصل لين جي يوم الاربعاء ونكلمه
مرح...شن صار كملتي حاجاتك من السوق
انا...اي حاحات بسيطه بس اليوم اخرلي يوم بنمشي فيه للسوق
مرح... باهي كويس خليني نخش ونرتب كل شي ف مكانه عشان دبشك يكون واتي❤️
انا....ربي يخليك ليا مروحتي نحبك هلباا
مرح.... ويخليك ليا ي قلبي
ومشي الوقت ورفعنا خالي المره هادي للسوق وخدينا كل حاجات المره هادي مشيت انا وليان ومرح للسوق كملنا ف كل شي وشريتا كل مسلتزمات العرس واحني مروحين حطينا مرت خوي ف حوشها وووصلنا قدام الحوش نزلت انا ومرح ونزل خالي واول مافتحنا باب الحوش عشان نخشوو انصدمت....😱قعدت واقفه ف مكاني ومعاش قدرت نتحرك
خالي...جي وصل للباب ولقي امير في الحوش داخل وكان يحكي معا امه واول ماشاف بوه انصدم وخاف ماتوقعش انه بوه يروح ف الوقت هدا 🔥
ونعيمه....خافت من عبدالجليل يدير شي ف ولده
خالي....شن ادير هنا انتا مش قوتلك معاش نبي نشوفك ف حوشكم
امير...جيت شفت امي بس وتوا طالع
خالي ...ومن قالك تجي لحوشي بكل قوتلك لاولدي ولا نعرفك يالل اطلع من الحوش
انا...قعدت واقفه ف مكاني ومعاش قدرت نتحرك وحسيت بمرح شدتني من يدي ودخلتني للدار وقاتلي خليك اهني ماتطلعيش بكل فاهمه
انا.... فاهمه وقعدت ف مكاني
خالي....اطلع برااا واقلب وجهك من الحوش
امير....سامحيني بوي مش بقصدي والله
خالي....قوتلك اطلع وجي برفع يده وبيضرب امير ع خشت المعصتم شد امير وطلع معاه ركبه ف سيارته وخش لبوه عشان بهديه شوي
نعيمه....خلاص عبدالجليل الولد جي يعتدر منك سامحنه ارجوك
عبدالجليل....وقعمز وقاله لما نبي نسامحه توا نكلمه وجهه توا معاش نبي نشوفه فهمه يامعتصم
معتصم...خلاص يابوي انتا هدي روحك وطلع ركب ف سيارته وحاول يهدي امير وطلع هوا وياه
قعد الوضع هادي بكل كان وقت مغرب خش خالي لداره وحتي العشي مادرنا بكل وقعدت معاش قدرت نطلع من الدار نا لانا كان بسببي وكنت شاد التلفون ونتمني انا ادن يتصل بيا ويغيرلي جو بس ادم مااتصلش🔥
____________________________
مشو 3ايام ورجع الحوش زي ماكان بس امير قاعد خالي ماسمحه وجي عرسنا انا وادم 😅❤️كان الحو حلوو هلباا وجو كل العيله جو خالت مرح وعماتها وجو عماتي وتعبه حوش خالي بالعيله كان يوم الاربعاء
كنت مقعمزه انا والبنات في الحوش داخل وكانت ريان تلف علينا وكل مره تقول كلمه حلوه وتمشي
ريان...عرووستنا عويشه حبي
انا....بلاش جو ماتعقدونيش نحبش هكي راهو
مرح....ههههه تحبي ولالا هدا عرسك يلي قديش لينا نستنو فيه
صفاء بنت خاله مرح...هيا نغنو لعاىشه شوي مش حلو العرس هكي راهو😅❤️
انا ..ااسسسس نتحشم
صفاء...هههههه بلاش حو وولعو المنظومه وبدو يقفصو ويرقصو البنات وكنت مقعمزه معاهم وغيرولي جو هلبااا لاني حسيت بنفسيتي احسن
درنا جو حلو وقعدنا نغنو قريب ساعه وكان جو حلو ورقص لعند ماجت مرت خالي وقالت نوضو عشان نوتو حاجات لغضواا معاش في وقت ❤️
مشو البنات وقعدو يوتوو معاهم في حاجات غضوة وكاانت مرح متأترة هلبا عشان تعودت علي عائشه هلبااااااا مشت للدار قعمزت وسكرت ع روحها الدار
انا...طلعت عشان نساعدهم في حاجات تلاقيت معا مرت خالي ف الممر
نعميه ..عائشه بري جيبيلي تلفوني من داري
انا ...حاضر ومشيت للدار عشان نجيب تلفون مرت خالي من الدار واول ماوصلت للدار سمعت حد داخل وكان يبكي ويشهق
انا... خشيت هييي مرح خييرك وقعمزت جنبها وحاولت نهديها خيرك مروحتي ليش تبكي
مرح...مش متحملة فكرت انك بتمشي وتسيبيني ياعويشه والله تعودت عليك هلباا
انا.. تي يامرح اصلا انا ديما بنجيكم مالياش حد غيركم انتم عيلتي والله ارجوك لو تحبني معاش تبكي والله نزعل لما نشوفك تبكي هك🥺🔥
مرح...اممم يعني رح تجي كل اسبوع صح
انا...تي اكيد بس اضحكي انتي ومعاش تبكي نحبش نشوفك تبكي
مرح...مسحت دموعها وشافتلي وابتسمت
انا.... اييوه وخيتي هكي نبييك اضحكي وخديت تلفون ورفعته لمرت خالي وطلعت انا ومرح ومشينا للبنات
وفات الوقت وكان الجو ضحك ويبصرو وجو لعند الساعه1اف اليل الكل تعب ورقد كل وحده رقدت في جهه من الخوش ونا خديت تلفوني وقعمزت براا وقولت خليني نتصل بي ادن ليا كم يوم خليني نشوفه شن صار في بالك مات بكل 🙂🔥
حطيته ع رقمه ورنيت علي ادم
رد علياا ادم وهوا صوته كان راقد : الو
انا...راقد ؟
ادم.... لا انكلم فيك من الحلم
انااا ...هاهاها دمك خفيف
ادم.... زي دمك
انا...احم احم باهي شن جوك اليوم
ادم ....نعم كيف شن جوي هادي🙂🔥
انا... يعني راايق والا مش رايق
ادم ... علاش شن تبي
انا....تي غر قوول
ادم..... باهي جوي معدل يعني نص نص
انا... غرييبة حمااار من بمووت وانت دييما جوك مش راقيلك واعصاب وحالتك حاله
ادم.. اوووووف انتي هكي بتحرقيلي في دمي وجوي بيتعكر
انا ...لالا خلي ناخد شن نبي بعدين انشاء الله حتي تطربق
ادم .... يااارب صبررني علي بلوتي والهمني الصبرر مش منقتلهااااش
انا....ادم حبيبي
ادم ...احم احم نعم شن تبي
انا...مش اني عرووسة
ادم....اي بااه
انا... مش لعرووسة لازم تمشي للمزين عشان تمكيج وتطلع جميله وهكي
ادم... لا مش لازم تقدري تحطي شوي روج وشويه بودره ع وجهك وتمت شن هالقصه
انا .. بالله علييك خليني نمشي المررة هااادي بس وبعدهاا كان قتلك تعاالي حااسبني مش معقوولة ياادم عرووسة ومانمشيش للمزين هيااا تررربح أرجوك ادم بصوت دلع وهكي🥺
ادم وجعاته ... باهي انتلفي
انا.. فررحت هيييييي انت احسن واحد
ادم... بغرور اكييد احسن واحد
انا....غر متصدقش روحك هلبا بس بالشوي عليك
ادم... نعم شن قلتي مسمعتش شكلي بنغير رايي
انا...لاقتلك اكييد انت احسن واحد
ادم.... باهي نحسابه هي طيري بنرقد
انا.... :ميتة علييك بااي
ادم وكان كيف بيتكلم يسمع في طووط طووط سكرت في وجهه 😂
ادم... اووووف منها ماتبيش تبطلها العاده هادي بكل مغير خليني نتزوجها وتوا نوريها مره تانيه تسكر ف وجهي )
وحط تلفونه ورقد لانا بكره كان يوم الفاتحه وعندي هلباا حاجات بديرهم
وانا رقدت لاتي كنت تعبانه هلبااا وكنت فرحانه عشان ادم خلاني نمشي للمزين
ورقدنا وجي تااني يووم يلي هوا بنلبس فيه البودري نضت اخر وحده ف البنات لاني امس رقدت اخر وحده فيهم واول مانضت نسمع فيهم يدربكو ع للصبح ومدايرين جو حلو😅❤️
صفاء .... لبس البوودري محلاه كل بنية تتمنااه
مرح... لبست بوودري وتهنت هداا ويين عروسه تسمت
ريان... لبس البوودري والحنة ربي مايحرمنا منه
نعيمه مرت خالي ...لولولولولولولولولولولولوي 😂
مرح... خدت الضربوكة وبدت فيها بصوت عالي ومعانا البنات ومش مدورين حد بكل مشيت وقعمزت معاها وكان جو حلووو هلبااا 😂
وقعدنا نغنو وبعدين وتو لغدي ومع العصر
رن تلفون ليان مرت المعصتم
المعصتم... قوليها مبروك انقررت الفاتحة
ليان ...ع طول زغرووطة : لولولولولولولي
نعيمه.... شن انقرت الفااتحة
لياان ....اي توا
انا....حسيت خلاص انا ادم قعد راجلي وحسيت دموعي نزلو وفي جني مرح حضنتها وكنت نفكر في ادم هلبااا كيف بيكون اول يوم لينا معا بعض وفي حوش واحد😅❤️
وفات اليووم ضحك وجو جميل بكل معا البنات ومرت خالي ماكنتش متوقعه اني في يوم رح يكون عرسي بالشكل هدا بكل ❤️
كمل اليوم وجي يوم الحفلة
ونضت تاني يوم علي صوت مرت خالي بصوت عالي
نعيمه ... عااائشه عائشه نوووضي وقت عالمززين رآه
اناا...باهي اهو نايضة
مرح... صباح الخييرات ياعروسة
انا.... صبااح النوور من بيمشي معاي للمزين
مرح ..بتمشي معاك ليان واني وريان والبنات بنقعدو نوتو في الحاجات بعدين نتلاقو في الصاله غادي
انا.... تماام هي خلي نوتي روحي
وتيت روحي وجابت ليان الفيلو وحاجات يلي معاه
ليان....هيااا اهو المعصتم جي
انا.... بااهي اهوو واتيه
طلعت انا وليان ورفعنا المعصتم للمزين وبدأت فياا المزينه ❤️
____________________________
عند ادم
ادم... كان قاعد معا اصحابه من يوم الأربعاء ف استراحه وجوهم رايق مشاوي وحووت واول ماقرو فاتحه رنو عليهم وكلمو وقريب طار من الفرحه وجي يوم الخميس رفعوه صحابه للحمام البخاري وبعدين رجو للاستراحه عشان يلبسو ويديرو جو متاع كل عريس😂🔥
منير...:ادم الليلة ليييلتك يااسد
محمد.... ايييي والله حااسدك فييهاا قديش لينا نبي نتجوزو نا ومايصيرش😂
ايمن....ادم شد روحك مش تقعد تتحشم وهكي تحشمنا حتي معاك
ادم... احمممم تحشم انت وياااه
منير....نبيك اسد اليوم ههههه نبصرو عليك ي صاحبي الف مبروك وتتهني إنشاء الله ❤️
وفات الوقت ولبسو ادم البدلة الرسمية وكان طالع فيييهااا حاجه من لاخير 🔥
____________________________
وانا كملت من المزينة وطلعت لا قوة الا بالله وعيوني مع المكياج طالعين خياال ولبستي المزينة للفيلو وليان كلمت المعصتم عشان ايجي يرفعنا
وصل المعتصم وركبتني ليان من وراء وركبت معا راجلها من القدام والمعصتم طلع وطوول الطريق يكلكس ويمتع
لبان... عصومي بالشوووية خيير مانمووتوو 😂🔥
المعصتم....علي صوتك تبييي تمووتي والا تعيشي
ليان....نبو نعيشووو صح ي عويشه
انا...في داخلي في الحالتين ميتة سوا توا والا عند ادم
ليان.... انتي يابنت انكلم فيك
انا...: هاا نعم
ليان...شكله العقل مكانش معانا 😌
انااا...هههههههه مصحك
وقريب نوصلووو للصاله متاع العرس اتصلت مرح بي المعصتم وقاتله نبيك تجي عشان نمشي معاكم نبي نحكي معا عويشه قبل لاتمشي غادي
المعصتم....اوووووف مش وقتك انتا توا كلمي اي حد يجيبك نا مش فاضي رح نتاخرو هكي ع العرس هلباا
مرح.... كلهم مشو الا انا
انا...من هادي يا معتصم
المعصتم....هادي مرح تبيني نمشيلها غادي ف الحوش ونجيبها معانا
انا.... بالله عليك خلونا نمشوها مانبيش تبكي ارجوك عصومي
المعصتم.....بس هكي رح نتاخروو هلبااا
انا....عادي مش مشكله مغير امشي هي توا
المعصتم....باهي وغير طريقه مشي لحوشهم وصلنا غادي وخدينا مرح معانا ومشينا للعرس❤️🔥
عند آدم
ادم...وته روحه وكل شي ووصلوه صحابه للصاله ودرس السياره ع جنب وكان يحاسب انا عائشه داخل ف الصاله وكان يستني ف تلفون من امه عشان يخش قعد مقعمز ف سيارته ويستني
المعصتم قعد يجري شوي وبعد 10دقاىق قال اهوو وصلنااا
انا....اوووف واخيرا
مرح ....بصوت واطي شن مستعجلة 😂
انا.....اسسسس درت المعصتم سيارته قدام باب الصاله ونزلت ليان فتحلتي الباب وكانت تحاول تنزلي
انا...جيت بتنزل لاكن الفيلو كبيير معش عرفت كيف تنزل كان صعب شوي
المعصتم ....شافني ماقدرتس ننزل مشي وقعد يساعد فيه وقعد يرفع في الفيلو شوي بيش نقدر ننزل
ادم... كان حاط وجهه ف تلفونه واول ماقام راسه شاف المعصتم وهوا يساعد فياا عشان ننزل 😳
ادم....ع طول وجهه احمر وعيووونه نااااار نزل ع طول
وجي لعندي
ادم......يدك يامعصتم خلي عليك توا نا نزلها
انا...رفعت راسي ولقيت شخص لابس بدله رسميه واول ماقمت راسي انصدمت 🔥🔥😱