رواية لا انجب
الفصل الاول1
بقلم ساره محمد
في يوم العيله مجتمعه في بيت اهل مراد كانت جمعية العيله وكانت شهد مرت مراد مشغوله من الصباح ف التحضيرات والاكل وكده ونسيبتها بتحبها زي بناتها لأنها محبوبه شهد انتهت من برنامج الفطور وجهزت حاجات الغدا وطلعت استحمت ولبست ليها عباية استقبال راقيه واصلا هي حلوه بيضاء وعيونها كبار وخشمها مدور والنخره سيف ماشاء الله ونزلت لقت اهل مراد وصلو سلمت عليهم وضيفتهم وختو الفطور فطروا وبسمتها ما فارقتها الا بعد خالت مراد قالت ليها ليكم ٥ سنه لسه م حملتي هنا شهد بسمتها ضاعت وأم مراد اضايقت من اختها وكانت حاترد بس شهد قالت ليها لسه الله م اراد خالة مراد قالت ليها العيب منك ولا منو ؟؟
شهد: مني انا يا خالتوو💔
خالة مراد: كن كده اقنعي ساي لانو عيب المرا بتعالج
ام مراد: يا ليلي ده كلام شنو العلاج مع الزمن ان شاء الله بتحمل وبعدين شهد صغيره ومراد م مستعجل
خالة: استغفر الله انا اسي قلت كبيرة وقاطعه بس انا وانتي عارفين العيب لمن بكون من المرا م بتعالج
ام مراد: خلاص اقفلي الموضوع ده
شهد: أمي عند اذنك حامشي ارتاح شويه
ام مراد: طيب يا بتي اخدي راحتك
شهد طلعت غرفتها وقلبها مجروح دخلت الحمام وبقت تبكي اتوضت وفرشت مصلايتها وبي تنهيدها تمت صلاتها وفتحت كتاب المصحف وبقت تقرأ لمن خلصت ختت المصحف وحست بأنها تعبانه نامت ف مصلايتها
الساعه ٥ مراد حا وسلم علي خالاتو وطبعا خالتو هبشتو برضو وبما انها هبشتو اكيد اتكلمت مع شهد وخصوصا انو م شايفها
مراد: أمي شهد وين؟؟
ام مراد: طلعت ترتاح مسكينه من الصباح واقفه
مراد: طيب حامشي ابدل ملابسي
مراد طلع غرفتو ولقا شهد نايمه ف المصلايه وباين عليها كانت بتبكي شالها براحه ورقدها ف السرير طلع من الغرفه مشا لاختو مزن
مراد: مزونه الحلوه
مذن: مرادو جيت متين
مراد: قبل شويه اسمعيني شهد ماله بتبكي؟
مزن : والله يا مراد شهد حننتي
مراد؛ الحصل شنو؟؟
مزن: والله كنا مبسوطين لحدي م خالتك ليلي قالت ليها العيب كن منك ف عدم الجنا معناها اقنعي أمي سكتتها بس شهد م استحملت
مراد: اوووووف والله انا قلبي ماكلني من الجمعه دي
مزن: اسي شهد صاحيه
مراد: جيت لقيتها نايمه ف المصلايه وباين انها بكت
مزن: يا حليلها
مراد: اووف طيب انا ماشي استحم وارتاح لو سألوك مني تحت قولي ليهم عايز ينوم
مزن: تمام حبيبي
مراد رجع غرفتو وشال غيارو ومشا يستحم وطلع بقا يصلي شهد صحت بصوت صلاتو قامت دخلت الحمام غسلت وشها وجات طالعه لقت مراد خلص
شهد: حرما حبيبي
مراد: جمعا يا عمري كيف قيلتي
شهد: الحمدلله وانت حيت متين؟؟
مراد: انا كويس بشوفتك جيت قبل شويه لقيتك نايمه ف الارض انتي كويسه؟؟
شهد: ممم كويسه بس من تعبي كسلت اطلع السرير حامشي اجهز ليك الغدا
مراد: انتي اكلتي
شهد: م عندي نفس
مراد: معاناها انا زاتي م عاوز
شهد: حبي بطل انت جيت تعبان وكمان م عايز اكل
مراد: يا تاكلي معاي يا ما عايز
شهد: طيييب باكل
شهد نزلت المطبخ لقتهم اتغدو شالت الغدا وطلعت لمراد بدو ياكلو بس شهد كانت سرحانه ويا دوب اكلت لقمتين وقامت غسلت يدها مراد تم اكلو وشالت الصينيه نزلتها وعملت ليو عصير وقهوه وطلعتها ليو
مراد شرب العصير وكبت ليو القهوه وقعدت مسكت تلفونها شويه كده مراد لاحظ ليها دموعها جاريه عاين للتلفون لقا فديو حق بيبي 👶 شال التلفون خختا ف الطربيزه وحضنها
مراد: حبييي مش قلنا م عايزين بكا
شهد: حبيبي م بيدي اتاثرت بس
مراد: حبييتي م تخلي زول يعكر مزاجك وينكدك
شهد: انت عرفت؟؟
مراد: امممممم اصلا شكيت لمن م لقيتك تحت وكمان لمن شفت وشك فهمت حببي ممكن م تشتغلي بزول
شهد: حتي لو م اشتغلت بزول هم م حايخلونا ف حالنا
مراد: اششششششش م تختي زول ف بالك دي حياتنا احنا فهمتي
شهد: حبيبي انت لي م تتزوج
مراد: اووووف تاني يا شهد
شهد: حبييي ما انت لازم يكون عندك طفل يملا عليك حياتك
مراد: انتي حياتي وماف زول بملا عيني غيرك
شهد: حبيبي عارفه بس
مراد: شهد ممكن تقفلي الموضوع
شهد: حبيبي انت فكر بس
مراد جدع كباية القهوه وطلع وشهد خافت عليو لانو زهجان عاينت بالشباك لقتو ركب عربيتو ومشا دخلت بقت تبكي 😢 لأنها خايفه عليو يحصل ليو شي وكمان م شال تلفونو نضفت القزاز واتوضت وصلت العشا وبقت تقرأ ف القرآن لساعه ١٠ ومراد م جا وخلاص شهد اتوترت بقت حراساه جا الساعه ١١ ومن دخل م اتكلم معاها دخل اتحمم وجا رقد وقبل منها لأول مره مراد م ينوم ف حضنها شهدت نامت بالجهه التانيه بس دموعها م وقفو