رواية معجزة عشقي الفصل العشرون20والاخيربقلم مروان فرج
ادم...فتح الباب وهنا كانت الصدمه يلي ماكنتش متوقعها تصير
ادم...مصدوم 😳
انا.....طلعت ولقيت مرت بابا سميه هيا وريم ومعاهم موده جايين لينا
انا...قعدت مصبيه ف مكاني ومصدومه وعلي طول خطر ف بالي موضوع لما ادم كان يحكي معا ريم معاش قعدت نشوف في شي قدامي بكل🔥
ادم....حتي هوا كان مصدوم وارتبك معاش عرف شن يدير وفي لحظه قالهم تفضلو
سميه....احم بارك الله فيك وخشت هيا وبناتها وكانت تشوف لحوشي ومدايره روحه مش عاجبها شي بكل
انا....خليت روحي عاديه وجيت سلمت ع مرت بابا سميه هيا وريم وموده
سميه....الف مبروك عائشه وتتنهي إنشاء الله
انا....الل يبارك فيك تعالو تفضلو ع الصالون هنا😊
سميه....معليشي شكلنا جينا ف وقت مش مناسب بكل
انا...لالا عادي تفضلي في اي وقت انتي
سميه.... ماشاء الله عليك وقعمزت هي وبناتها ع الصالون وجي ادم قعمز جنبهم وقعد يهدزر معاهم
انا....طارتلي بكل ونضت من جنبهم ومشيت للمطبخ عشان انديرهم عصير وضيافه وقعدت نغلي ونسمع ف ريم وادم يحكو وكنت خلاص قريب نطلع ونضربها معاش قدرت نتحمل
سميه....بضحكه كيف عائشه معاك ي ادم إنشاء الله كويسه
ادم....عائشه مافيش منها اتنين وشاف لريم بنظره 😉
ريم... اي اكيد عاىشه كويسه اصلا امي هيا يلي ربتاه
انا ....نغلي ودمي نااااار🔥😊
وقعدو يحكو قريب 10دقاىق وتيت العصير والبكلاوه وكنت نبي نطلع بس ملامحي كانو واضحات معاش قدرت نطلع
ادم....عاىشه شن صار معاك وينك طولتي لتوا
انا....مابتيش نرد عليه بكل
ادم...عن ادنك ي خالتي نشوف عائشه ونجي
سميه ...تريح ي ادم احني جايين بنشوفكم وبنباركو مانبو شي والله
ادم....لا والله مااصارت انتو تحضرو ويحظر واجبكم دقيقه بس وناض ادم وجاني للمطبخ وشافني كيف راقيلي بكل ونغلي🔥
ادم.. باستغراب خبرك ي عائشه شن فيك
انا....ع اساس ماتعرفش انتا صح توا تشوف مغير يروحو بس ونعرف شغلي معاك هاك ارفع السفره توا
ادم....مافهم شي بكل وكان يشوفيلي خيرلي وشن صارلي
انا....قعدت شوي ولحقت ادم وقعمزت ماهم وكل نظراتي كانو ع ريم يلي كانت تشوف لادم وتبي تحكي معاه بالسبف
بس انا كنت مانخليهاش مجال بكل وكنت اول ماتحكي كلمه نرد عليها انا ع طول 🙂🔥
بعد مرور ساعه جي بوي وخش سلم ع ادم وسلم عليااا وباركلنا وقعدو شوي وشدهم ادم عزالغدي وسميه زي الهم قعدت😂❤️نضت نا ودرت الغدي سكسي ومعاه سلطات ومشروب تغدوو وتريتحت انا ادم كان يهدرز معا بابا وبعدها روحو
ادم....طلع براا عشان يوصلهم لسيرتهم ونا جيت ع روشن وكنت نشوف لريم وحركات ركبو ف سيارتهم ومشي وجي ادم خش ولقاني ع الصالون مقعمزه وقالبه وجهي
ادم....تي خيرك ي هم شن صارلك انتي خيرك ف لحظه قلبتي وجهك تحسابهم ماركزوش عليك راهو عرفوك وكانك ماتبيهمش قولي شن في بس🔥
انا....محلاك انتا وبكل صحه وجه ادير ف روحك ماتعرفش خيرني
ادم....راقيله سكري فمك وتكملي معاي كويس قوليلي شن في نا جو الوحم مايميش معاي قولي شن في
انا....باهي ريم تعرفها صح
ادم .... اختك هادي
انا... لا مرت عمي اي ادير في روحك عقلك طار
ادم....عاااائشه تكلمي كويس خيرلك خيرها ريم
انا .. كنت تحكي معاها قبل صح
ادم ....اي صح حكيت معان بس ليش
انا....عليك غباء شنو ليش قولي ليش حكيت معاه مش ع اساس تبيها
ادم ...سكري فمك ي حيوانه شن نبيها هادي وكانها ليش تزوجك نا لو نبيها راهو مشيت خطبتها
انا.... باهي تقدر تفهمني ليش كنت معاها 😊
ادم....هك كنت مكسد قولت نحكي معاها عندك مانع
انا ...لا ماعنديش بس ليش تحكي معاي برا امشي تزوجها شن دخلني انا تجي وتحكي معاي. توا وقبلت وجهي عليه
ادم...عويشتي وجي قرب عليااا خليني نفمك ريم هيا عطتني رقمها وطلبت مني اني نكلمها تمام
انا ..اي ياه وبعدين كلمتها وقعدت تحكي معاها وجوك حلو راهو كنت نسمع فيك ديما تحكو وجوكم حلو
ادم....عائشه خيرك هكي
انا...ماخيرني شي هدا يلي صار وتوا حاييه وتشوفك وابصر شن تبي منك
عطيني تلفونك نشوف رقمها اكيد قاعد عندك وجيت عشان ناخد تلفون ادم🔥
ادم...وسع شن اديري انتي
انا...نبي نشوف تلفونك واكيد ف رساىل بيناتكم هات
ادم ...وسعي وسعي
انا....مانبيش هاتتت وجيت بناخد تلفون ادم
ادم...ف لحظه دفني لين طحت ع ورائ وحصلت خبطه ع يدي وجعتني وعيوني دمعو🥺💔
ادم...قعد يشوفلي وسكت مباش يقولي شي
انا...لميت روحي ومشيت خشيت لداري وقعدت ع السرير ودمعوي ع خدي
ادم...جي ع الباب وحس بانه وجعتني منه وقعمز قعمز جنبي وحاول يهديني ويضمني لصدره
انا ..بعد واطلع من الدار معاش نبي نشوف وجهك بكل
ادم...خيرك عويشتي مش بقصدي والله
انا....اطلع براا معاس نبي نحكي معاك بكل
ادم...وحط يده ع خدي عويشتي عاد والله مش بقصدي ومافي شي بيني وبين ريم مغير هيا كانت تبي تحكي وكنت نحكي معاه بالسيف عشان كنت خاطري نوصل فيك وقوتلعا كم مره نبي نكلمك بس هيا ماتبيش🔥
انا...ودمعو ويدي توجع فيااا اطلع براااا معاش توريني وجهككك بكل فاهم
ادم....راقله بكل باههههي الحق فياا يلي نحكي معاك اصلا وبعدين نا عمري ماترجيت حد بس ميه ميه وناض ادم وهوا راقيله بكل طلع من الدار وخدي مفاتيح سيارته وطلع وسكر باب الحوش بالقويه وخلاني قاعدع بروحي ف الحوش💔
ادم....كان راقيله بكل ركب ف سيارته وطلع وانا قعدت مقعمزه ف الحوش وخايفه اني زعلت ادم مني وخصوصا ع حاجه ادم ماكنتش عنده علاقه بيها مشي الوقت ونا قلبي يحرق ويغلي ع ادم وكنت نبيه يتصل بيا او يقولي شي بس ادم مادرونيش
جت الساعه 10في اليل وخشيت للمطبخ وتيت العشي وقعدت مقعمزه ع الصالون ونستني ف ادم امتا يروح بس ادم مباش يجي
خديت تلفوني وقعدت نرن عليه بس ادم مباش يرد بكل جربت رنيت عليه اكثر من مره بس بدون مايرد قعدت نفكر وين مشي ادم وخيره ماردتش خطرت في بالي فكره وقولت نرن ع ام ادم عمتي نعيمه ونسالها بالك ادم قاعد ف حوشهم
طلعت تلفوني ورنيت عليها ردت عليااا
انا...اهلين عمتي كيف حالك اليوم
نعيمه...بخير ي عويشه شن حالك انتي وشن حوك
انا...تمام عمتي بخير والله شن حالكم انتم
نعيمه.... تمام
انا. بنسالك ادم عندك ف الحوش مغير نرن عليه مايردش
نعيمه ....اي اهو قاعد هنا خيره في شي
انا...لالا مافي شي بس كلميه قوليله العشي واتي
نعيمه....خلاص توا نكلمه
انا...تمام شكرا عمتوووو وسكرت الخط وعرفت انا ادم زعل مني 🥺🔥
قعدت نراجي ف ادم قريب ساعه وبعدها روح ادم خشيت وغيرت فقطاني ولبست فستان زهري وحلو وفتحت شعري ودرت جو ع شان ادم
وصل ادم وخش للحوش وكان متغير بكل حتي جوه مش ادم يلي كان قبل يضحك ويبصر كان جدي لدرجه ماكنتش متوقعهتا🥺
انا... اهلين ادم
ادم....نزل راسه ومباش يشوفيلي بكل
انا....حبيبي نكلم فيك اسفه زعلتك بكري مش بقصدي
ادم....عادي مش زعلان نا
انا... باهي تعالا تعشي وتيت العشي نا ودرته بيدي
ادم... شكرا بس تعشيت ف حوش اهلي ماعنديش نيه
انا...وجعتني بكل 💔 بس عادي تاكل معاي حتي شوي
ادم....قوتلك ماعنديش نيه وخش للدار غير دبشه ومشي قعمز ف الصاله فتح الشاشه وقعد يتفرج
انا ...خشيت ولميت السفره متاع العشي وحطيتها ف المطيخ وجيت قعمزت مقابل ادم وقعدت نشوفله
ادم...مباش حتي يضحك بكل كان حدي ومباش يدورني قعدت مقعمزت شوي وبعدها نضت وخشيت لداري قولت اكيده توا بيجي بيخش وبيرقد بس ادم اتكي ع الصالون ورقد
انا ..رقدت ف داري وكنت نبكي 🔥 من يلي صار تاني يوم الصبح نضت عشان نوتي الفطور لادم الصبح ونعتدر منه بس ماكانش قاعد طلع قبل لانوض خشيت المطبخ لقيت ادم مداير قهوه ومتبزهه منه مايعرفش يديرها وطالع من غير مايفطر ولا حاجه🥺💔
مشي الوقت وقعد ادم ع الحال هدا يومين يطلع الصبح يروح في اليل ويتغدا برا ويتعشي برا ونا هكي م مدروني بكل لعند معاش قدرت نتحمل بكل حسيت بقلبي وجهي قعدت نفكر كيف نرضيه خطرت في بالي فكره حلوه بكل استنيت لعند ماجي اليل واول طول ماروحش خديت تلفوني ورنيت عليه بس زي العاده السيد ادم مايردش ع مكالمتي🙂❤️
رنيت عليه قريب 5مكالمات بس ادم ماردش بكل
بعتله رساله وقوله ادم تعال بسرعه انا مريضه لين خلاص معاش نقدر نكتب وسكرت التلفون وقعدت ف داري
بعد 10دقائق نسمع ف ادم وصل ونزل يجري وعلي طول خش داخل ولقاني ف داري مقعمزه
ادم....خيرك عويشه شن فيك
انا.....مافيا شي بس قلبي يوجع فياا هلبا
ادم....خيره قلبك ي قلبي🥺
انا....لاني زعلتك وانتا معاش تبي تحكي معاك ليك 3ايام انا اسفه والله مش بقصدي
ادم...ي قلبي انا انا مش زعلان منك بس كلامك حسيت هك كان مش حلو معاي
انا...اسف حبيبي والله مش بقصدي وبسته ع خده حسيت بادم لين رجف🤤
ادم....يعني صدقتيني
انا....اي حبيبي مصدقاتك بس انتا مش زعلان مني صح
ادم....ههههههه نزعلش منك ي قلبي
انا ...مممممم محلاك ليا جيعان جبي
ادم.....ههههه اي ديرلي عشي
انا...هي وعلي طول خشيت درت عشي ع السريع لادم وحطيتا ع السفره وقعد ادم ياكل ونا خشيت غيرت ولبست روب احمر ودرت ميكب وروج احمر ع فمي وطلعت جيت جنب ادم وبسته خده لين خلت مكان💋
لدم....اوووووه محلاك لياا وجبني وحطني ف حضنه
وقرب مني وشدلي ايدي
انا...قلبي يدق يدق
ادم...همسي في ودني انحبك والله انحبك ومعليشيي لاني درت هكي بس طايرتلي عقلي
انا... وجي وله احمر وانفاسي تسرعووو
بادم ....قديش ليا نستني ف اليوم هدا يا قلبي
انا...بس حبيبي
ادم...ولا حرف وناض دخلني ف دارنا وحطني ع السرير قصي ووووووو....💋🤤🚫 عشنا ليله حلوه
تاني يوم نضت الصبح ولقيت روحي في حضن ادم
انا قعدت نشوفله ويديا ع لحيته وعلي شعره حبيته هلبااا وكنت متامله فيه
لين ادم ناض
ادم... صبااح الورد يا مدامتي الحلوة وغمزلي😚😉
انا... تحشمت وخدت الشرشاف لفيت روحي بيه ونضت نجري بنخش للحمام
ادم ميت بالضحك ....زعمييتك اتحشمتييي يعنييي تييى لهناك شفته امس وغمزلها 😉😂
انا... صاايع وحق ربي الا صايع
ادم يضحك : مع حلالي وحبي بس
انا ضحكت وخشت الدوش ونا بنطير من الفرحه
وطلعت لبست قفطان ضيق وقصير ورفعت شعري بطريقه عشوائية ودارت روج احمرر وطلعت توني في لفطور ادم..مقعمز يتفرج : لا هكي شكله مش حيصير من لفطور
انا.. هنيلي روحك تربح مش فااضيتلك بنوتي لفطور وبنوتي روحي بعدي
ادم ... لالا عريس اني مفيش مشي
انا..عريس حناك تعالي كم تفطر سقدني
ادم قرن حواجبه شن قلتي
انا..:قتلك تعالي كم تفطر حبيبي
ادم.... اييواه ناس متجيش الا بالعين الحمرا
انا...بصوت واطي بالشويه عينك
انا...شافلي وكان معصب وضحك لااردي😂💋
وفطرنا معا بعض ومشيت بدلت لبست سروال قماش بوردي وسوريه بيضا فيها ورد عالوردي ووشاح حرير مخلط الوان وطلعت طررف امطرف
ادم دوش ولبس حوايجه
انا طلعت هيييي انييي واتيه
ادم شبحلي وقام حاجبه : اولا وين العبايه وتانيا وين الخمار
انا... قعدت نتسبل في عيونها : بالله علييك فكيني منه الخمااار يغم فيا وشووف ها لبستي مستورة 😊
ادم.. قعد يشوفيلي من فوق لحت : مستورة عينك مفيش طلوع من غير عبايه الخمار ماشي بس عبايه تحلميش
مشت شهد كبشت في رقبته زي القردة 😂 ورااسي ورااسي علي خااطري خلييني نمشي المرة هادي بسسس بعدين اني من السيارة للحوش طول 💋😉
ادم... باسني ع خدي.. ماشي المرة هادي بس
اناا : ييييس
ادم ...تعالي تعالي قربي
انا.. : هاا شن في
قرب ادم مني ومسحلي الروج متاعي بفمه
انا...مبرردك يابااارد علاش هكي
ادم قام حوابجه فيها تحركي قدامي ناقص غر رووج
ومشي يغسل في فمه
انا... نتسهوك عليه اسسسمع راهو روج 24 ساعه هدا 😂😂
ادم ولالها يجري : بجدياااات
انا..ماتت بالضحك : هههههههههههه ضحكت عليييك 😂😂
ادم.. قرصني من خدي : ياباردة خلعتيني
طلعت انا وادم ومشينا لحوش خالي وكنت مستاحشتهم هليااا مرح وريان ومرت خالي وخالي واول ماوصلنا غادي نزلت ع طول لقيت مرح تستني فياا
انا... مروووحتي
مرح.... اوووو عويشتي وحضنتني سلمنا ع بعض وخشيت داخل سلمت ع مرت خالي وخالي وريان والعيله كلهم قعمزنا وهدرزنا وغيرنا جونا لعند اليل كان ادم معاي ومباش يخليني دقيقه وحده من غيره
وبعدين كلمني ادم قاللي هيااا بنروحو
طلعت ركبت معاه فيى السيارة ومن ملامح ادم كان مستاحشني
انا...درت روحي مش فاهمه شي ادم خيرك
ادم..هههههه انروحو للحوش ونتفاهمو
انا (ووووه ربي يسترررر)
وصلنا للحوش ونزلنا
ادم... يا مدامتي الحلوه استاحشتك هلبا💋😉
انا...بس انا لا ههههه:
ادم ..ههههه مش ضروري انا نشتاحشك وبس
انا.....باهي نبي نرقد تعبانه
ادم....حتني نبي نرقد
انا....ي صايع
ادم....نحبك يا قلبي
انا.. وقربت منه بوسته ع خده وحطني ع السرير
انا....ادم
ادم...عيونه
انا....بلاش صياعه
ادم...ههههه انا محترم وباسني ووووووو...💋🤤
بعد مرور 4 سنوات
رهف تبكي : ماما ماما هشام ضربني
انا..: هشومي كان نجييك نوريييك وانت طبعك يا لطييف زي بووك
ادم..سمعني اي اي جيبي وحطي العيب فيا
انا...: والله هدا الحق 😂
ادم....تفو باهي
انا ....ع وجهك حبيبي🤤😂
ادم وكان نجيك بس ومررت الايام وكانت أيام حلوه بيني وبين ادم يلي كانو عراكات وجو حلو فيهم وبس وإنشاء الله ادم يقعدلي طول حياتي ❤️
وهادي كانت قصتي نتمني تكون عجبتكم واستمعتو بيها يلي كان اسمها،مــعـجـزة عشــقـي🔥 وفعلا هيا معجره بعد بياني من امير ماكنتش متوقعه اني تصير ونتزوج عشقي❤️ ادم❤️