رواية انثي افعي
الفصل الثاني2
بقلم جمانه السعيدي
ميار....نرجع لليوم الي امي بي انتحرت
ابوي حس جسمها ثكيل وبارد مثل الثلج ساعته اتأكد ماكو فايده ان ببقى شايل جسدها
خلاص امي سلمت روحها الرب العالمين
اصلا هي ميته قبل اكثر من ساعتين
عافها وكعد جوه رجليها على اركبه وبقا يبجي
يبجي بطريقه مخيفه
وكانو يكول اني السبب اعرف اني السبب
بس شيفيد الندم خلاص امي بعد ماترجع
ميار..تمنيت لحظه وحده امي تفتح عيونها وتشوف ابوي شلون كاعد جوا رجليها ويبجي
ليش البشر من رب العالمين بنطي قوه يتبطر على الناس
يشوف قوته على الي أضعف منه
ليش الي عنده نعمه ما يحس بيها اله يخسرها
امي كانت أكبر نعمه حصلها ابوي بس ماعرف يحافظ عليها
التفت عليه وكال جيبي سجينه
اني الحد هاي اللحظه الخوف متملكني ومجاي اكدر استوعب الشي الي جاي يصير وياي
اني بعدني فوك واني احاول افتح الربطه بس من ثكل جسم امي وشدة الربطه بااحكام
امي حيل شاده الربطه حتى تتأكد مايصير غلط وتبقى عايشه
كانت ناويه على الموت ومصممه على هاي النهايه
نزلت من فوك امشي ورجليه يطكن وحده بوحده
جسمي كله يرجف جمانه السعيدي
وصلت للمطبخ فتحت المجر وجبت اول سجينه لا كتني
انطيته الابوي
وكعدت بلكاع احس رجليه ما يشيلني
مجاي اكدر اوكف عليهن
صح اني خايفه لا مرعوبه مو بس خايفه من هذا المنضر
بس ماكنت ابجي احس دموعي جمدن بعبوني
كام ابوي مسح دموعه رجع بجا بعبره
مسح دموعه وقرب الطبله صعد عليه وبدا يكص بلربطه
السجينه مو قويه من كد الاستعمال
ماتكص بسرعه
بقه يكص ويبجي يحرك بلسجينه ويبجي
يكص وكل شويه ينزل عينه على امي
ابد ما بطلن دموعه ينزلن
بس لو يبجي كل الدهر مستحيل يكدر يخفف عن ذنبه
امي انتحرت بسببه
وهو متاكد من هاي الحقيقه
اخر شي حضن جسمها باايد وكمل كص الربطه بلايد الثانيه
شمر السجينه وحضن جسمها باادي ثنيبنهن ونزله على الكاع
ميار.. اني عيني على امي خلاها بلكاع عبالك نايمه
بس وجها ازرك
بسبب الشنق راسها مايوصله اوكسجين يتحول لون ازرك
بس جانت مغمضه عيونها عبالك نايمه
الله اعلم شكد عانت من الخنق لمن ماتت
الف رحمه على روحها
دخل ابوي جاب جرجف وخلا على جسمها
وطلع راح يبلغ عن انتحار امي
واتصل بعمي اني عندي بس عم واحد بس كلش حنيين
وطيب ومتسامح مو مثل ابوي قاسي
جمانه السعيدي
اني بقيت على كعدتي يم امي واعتب بيها
ميار....يمه ليش عفتيني منو اليه منو الي يحميني من ابوي انتي مو تعرفين اني اخاف منه
اني مو جنت اختل وراج اذا يريد يضربني
ليش مابقيتي علمودي حتى تحميني منه ليش استعجلتي اني محتاجتج
ووين اروح هسه ومنو اليه ليش مااخذتيني وياج
ليش ما علكتيلي حبل وياج حتى نروح سوا اني وياج
ليش مافكرتي بيه
اني بعدني زغيره كلشي مااعرف
شلون شلون راح اعيش وياا ابوي من اول ضربه اموت جوه ايده
اني مااكدر اتحمل يضربني
تمددت بصفه مثل كل يوم بليل اني انام بصفها
البارحه نمت بصفها كنت احسها حيل حزينه
لان ابوي امس ضربها ماعجبه طعم الاكل كانت مريضه
وماتكدر توكف على الطباخ
كلش تعبانه تشكي من ضهرها لان ابوي قبل اسبوع داس على ضهرها وهي نايمه
حتى تكعد
امس كانت لازمه ضهرها وتطبخ
من اجا ابوي خلت الاكل بلصينيه كدامه وراحت اتمدد ت
ابوي اول مااكل ماعجبه طعم الاكل
جاب الصينيه وكلبها على امي وضربها بلصينيه على راسها اكثر من سبع ضربات
بقت كاعده وتبجي بمكانها ما تحركت
ملابسها كلهن مرك وتمن حست بعد ماتكدر ادافع عن نفسها مابيه حيل تقاوم بعد
قررت تكون هاي اليله اخر ليله بعمرها
اني حسيت هي ضايجه كلش بس من نمت اخذتني بحضنها حيل شبكتني ونامت
ابد ما توقعت هاي اخر ليله تحضني بيها
بقيت نايمه بصفها وكانما اريد اشبع منها
اعرف هاي اخر مره انام بيها بصفها
اجا ابوي واجت وياا الشرطه
خططو المكان شالو الجثه فحصو المكان عمي وابوي واكفين اني وكفت وراهم
جمانه السعيدي
فحصو المكان ودققو بي بعدين اجت سيارة اسعاف وشألت الجثه اخذوها للمستشفى
اخذو ابوي واعي وياهم
ابوي خلو بلسجن منا لمن تطلع نتيجة الفحوصات
واني عمي دزني وياا ابنه الجبير البيتهم
لان الشرطه قفلت البيت منا لمن تطلع نتيجة التحقيق
اخذني البيتهم منا لمن يرجع ابوي
بيت عمي عدهم ولد ثنيين وبنات ثنيين
ابنهم الجبير محمود اكبر مني باربع سنوات
والثاني علي بكدي والبنات ازغر مني ثنيبنهن
بيت عمي عائله متفاهمه مريحه بشكل مومعقول
عكس عائلتنا بلضبط
كل اقاربنا وبيت عمي كلهم بدون استثناء يعرفون
ابوي يضرب امي ويعاملها اسوء معامله
بس ولا واحد ادخل بيهم وحاول يحجي وياا ابوي على هذا الموضوع
هما خوالي يعرفون هي جاي تتعذب وساكتين
هما هم شركاء بهاي الجريمه
لان مادافعو عنها ولا حاولو يحمونها من ابوي
ثاني يوم طلعت نتيجة التحليل الساعه ثنتين و٤٥ دقيقه
امي ماتت
عمي وكل محامي يدافع عن ابوي
اخذو أفادت ابوي وحلف هو ماله ايد بقتله ولا يعرف هي ليش انتحرت
بعدين عمي اخذني حتى يحققون وياااا
....انتي بتها
....اي
....شلون عرفتي امج انتحرت
....سمعت ابوي يعيط وطفرت لكيته معلكه من ركبتها
....شلون انتحرت
....ربطة حجابها بلمحجر ونزلت صعدت على الطلبه وبعدين دفعتها
...شلون عرفتي
...لكينا الطبله قريبه عليها
...ابوج من شاف المنضر هذا شسوا
....كام يعيط ويبجي وبقى شايله اكثر من نص ساعه
وكالي اصعدي افتحي الحبل بس اني ماكدرت افتحه كان مربوط قوي
....وبعدين
...اني ماكدرت افتح الحبل كال جيبي سجينه صعد على الطلبه وكص الحجاب
ونزل امي بعدين اتصل على عمي وانتم اجيتو
....جان يتعارك وياا امج
خفت اكول اي لا يضربني ابوي
.....لا ما يتعارك وياها
....ليش انتحرت
...مااعرف
...احجي الحقيقه لا تخافين
....هي هاي الحقيقه امي انتحرت وحدها واحنا من كعدنا الصبح تفاجئنا بيها منتحره
...لازم اكو سبب
....مااعرف السبب شنو