رواية بت انجلترا
الفصل الثاني2
بقلم نور
وصلت الجامعه وطبعا جاسر زول محبوب شديد وخصوصا من البنات لكن هو م عندو حاجه لزول من دخلنا والبنات يتهامسو قايلني حبيبتو عرفني علي شلتو
رماز وسلمي واحمد وعصام
جاسر: دي نور بت عمي وجات من انجلترا اول امس
رماز: هلا والله
نور: اهلين
سلمي: شرفتينا نور
نور: شكرا
احمد: وجايه دراسه
نور: شبه ذلك بس عندي بحث مع الدراسه
عصام: بتدرسي شنو
نور: علم نفس
عصام: وااااو باين عليك شاطره
نور: شكرا عصام. جاسر ممكن مكتب العميد
جاسر: مالك مستعجله خليني اوريك الجامعه
نور: طيب انا بس م حابه اضيع زمنك
جاسر: يا ستي ماف ضيع زمن واليله حاتخشي معاي المحاضره خليني احشش بيك
نور: تحشش كيف يعني
جاسر: ههههههههههههههه يعني اتمنظر بيك قدام اصحابي
نور: اممممممم ومنك اتعلم
كلهم بقو يضحكو فينا مشينا الكافتيريا شربنا عصير ولفينا ف الجامعه ومشيت مكتب العميد وفهمني الحاجات العايزاها ودخلت مع جاسر المحاضره طبعا سلمي شكلها حبيبتو لان من قعدت جمب جاسر وهي تعاين بعد المحاضره مشينا فطرنا وشربنا قهوه
جاسر: نور تاني ماشه وين
نور: المكتبه
جاسر؛ طيب كملي قهوتك انا حاوديك المكتبه وعندي مشوار اخلصوا واجيك
نور: تمام
مشيت المكتبه عندي كم كتاب نزلتهم وبقيت اراجع شويه كده ف زول وقف قدامي رفعت راسي لقيتو مراد
مراد.: نورتينا
نور: بنورك اخبارك
مراد: بخير من قبيل شايفك بس م حبيت اضايقك
نور: ماف مشكله بس ممكن دقائق عندي حاجات حامرقها من الكتاب ده
مراد : لو حاشغلك امشي
نور: لا خليك قاعد بس بهدوء
بقيت مركزه مع الكتاب ومراد ماسك تلفونو ومره يعاين لي ومره يركز ف التلفون
نور: اوووف اخيرا خلصت
مراد: حمدلله علي السلامه ياخ
نور: هههههههههههه الله يسلمك
مراد: ممكن اعزمك عصير
نور: خليني اتصل علي جاسر عشان هو مفروض يجيني هنا
مراد: طيب
نور: الو جاسر وين انت
جاسر: قريب ليك
نور: مممم طيب عايزه اقول ليك صحبك مراد لاقاني ف المكتبه وهو حاليا معاي وعازمني عصير
جاسسر؛: طيب شوفي انتو حاتقعدو وين ورسلي لي اللوكيشن
نور: اوكي يا وسيم
مراد: ههههههههه استاذتني
نور: اكيد لازم استأذن
مراد : طيب ارح
مشينا كافي قريب للجامعه واتونسنا ومراد ظريف
مراد: نور ممكن رقمك
نور: م شكلك اتسرعت
مراد: اسف بس حابي اتعرف عليك اكتر
نور: اوكي سجل عندك
سيف رقمي واتصل علي سيفت رقمو شويه كده جا جاسر
جاسر: السمحه اتاخرت عليك
نور: لا يا وسيمي
جاسر: مراد خبرك
مراد: بخير والله
جاسر: شنو عايز تعلق بت عمي بسرعه كده
نور: يعني شنو تعلق ؟؟
جاسر: هههههههه يعني تجكس وم تقولي لي يعني شنو
نور: هههههههههه بعرفها دي
جاسر: ههههههههه
مراد: لا والله بس لقيتها ف المكتبه براها وحبيت اعزمها واتعرف عليها
جاسر : مممممممم وريم كن عرفت كيف
مراد: ههههههههههه خليها بالنيه
نور: انت مرتبط
مراد: يعني نص نص
نور: كيف؟؟؟
جاسر: هو وريم مرتبطين من اول سنه مره ينفصلو ومره يرجعو
نور: مممممممم هنالك تذبذب
مراد: م كده بس هي م عايزه تفهم شخصيتي كويس
جاسر: ياخ كن انا صحبك من الثانوي م قادر افهمك
نور: ممم طيب اقول ليك تحليلي لشخصيتك
مراد: كيففف
جاسر: يا سيدي نور بتقرا علم نفس يعني هي حاتقدر تفهمك
نور: ههههههه انا جاده انت يا مراد شاب واعي بس بتتردد ف اتخاذ القرارات وعندك صراع بين قلبك وعقلك لكن اكتر بتلجا لقلبك وده البخليك متذبذب
مراد: هوووي انتي خطيره شويه كده وبتقري أفكاري
نور: ممممم ممكن
جاسر: اممممك انتي فضيحه
نور: هههههههههه يا وسيم انا جعت نرجع البيت
مراد: ممكن اعزمكم غدا
نور: لا والله مرت عمي عامله لي الملاح البحبو وم حاقدر افوتو
جاسر: طيب ارح
مراد: نور شكرا لانك قبلتي العزومه
نور: عفوا
طلعنا انا وجاسر وصلنا البيت سلمت علي ناس عمي وطلعت غرفتي استحميت ولبست لي بنطلون وبلوزه وفكيت شعري عشان كنت مسخنه اتصلت علي ناس ماما اتونست معاهم شويه كده والباب دقا
نور: مين
انا مصطفي
نور: خش يا توفي
مصطفي : منو ؟؟؟
نور: توفي دلعتك مالك
مصطفي: اااه قلبي الصغير لا يتحمل
نور: هههههههههههههه لي ماف زول دلع اسمك قبل كده
مصطفي: ياخ الناس ديل غير زفت بقولو لي شنو
نور: م ليهم حق والله خلاص انت توفي حقي
مصطفي: ههههههههه ميه ميه يلا الغدا
نزلت مع توفي ولقيتهم مجتمعين اتغدينا واتونسنا شويه كده وحسام جا ومعاو خطيبتو واخوها
اخوها اسمو امين سلم علينا ونظراتو م عجبتني
حسام: اها يا نور يومك كيف
نور: كويس جاسر م قصر معاي
حسام: هههههههه كويس لو احتجتي حاجه انا ف الخدمه
حور: م خلاص قالت ليك جاسر م مقصر
حسام؛ حوووور اهدي
امين: بتقري شنو
نور: سايكولوجي
امين وحور: دكتورة مجانين هههههههههههههه
نور: يعني دكتور علم النفس عندكم مضحكه
حور: م اتخيلتك وبعدين باين عليك مسكينه لو جاك مجنون ساي يغمي عليك
نور: المجنون زي م بتقولي م بكون مجنون من صغرو بكون مرا بظروف عقلو م قدر يستوعبها عشان كده انا اتخصصت ف المجال ده بالذات لاني حاسه حاساعد ناس كتيره
امين: وااااو اقنعتيني
نور: ممممم
جاسر: شنو يا حور استملتي السمحه اسئله روقي المنقه
جاني تلفون وطلعت الحديقه بتكلم مع صحبي فديو كول حسيت بزول وراي اتلفت لقيتو امين وشكلو م تمام عيونو محمره
نور: عاوز حاجه
امين: حبيت اتعرف عليك
نور: واتعرفنا عن اذنك
امين : علي فكره جسمك حلوه
نور: انت كيف تقول كده جنيت
امين مسك يدي وخت يدو ف نصي طوالي لصقت ليو كف ودخلت جوه لقيت ياسر ف وشي وأمين كان جاري وراي جاسر مسكني
جاسر: مالك يا بت
نور: اسأل امين
وطلعت غرفتي وكلهم لاحظو لي زعلانه
جاسر: قلت ليك عملت شنو
امين: ولا شي مسكت يدها
جاسر اداهو بوكس م عشان انت اخو حور اتخطي عملتك نور اختي ولو لمستها تاني بقتلك
جو حسام وحور
حسام: ف شنو؟؟
جاسر: الحيوان ده مسك يد نور
حور: ويعني شنو أكلها
حسام: امين انا مش حذرتك قبل كده ونور زي لينا لو لمستها تاني م برحمك
حور: هوي انتو الاتنين علي اخوي
جاسر اخوك غلطان وانا من جا حسيت بنظراتو م تمام
حور: انتو لمو بت عمكم
حسام: حور كلمه زياده وم حارحمك
عمي جا وهم طوالي سكتو عشان الموضوع م يكبر ودخلهم جوا وانا طبعا ف غرفتي لاني اتنرفزت فتشت لي شكولاته م لقيت لأنها بتهديني شويه كده وجاني جاسر ولقاني قالبه الغرفه
جاسر: مالك يا السمحه
نور: جاسر عندك شكولاته
جاسر طيب دقائق جاسر مشا غرفتو جاب لي شكولاته وجاني شلت وحده وبقيت اكل بسرعه وجاسر بعاين لي
جاسر: روقتي؟؟
نور: ممممم شويه
جاسر: مالك انتي متوتره حصل شي تاني
نور: انا لمن اتنرفز بحب اكل حاجه فيها سكر
جاسر: وانتي اسي كويسه
نور: احسن م تخاف
جاسر: امين اصلو حركاتو م تمام اعملي منو حسابك وانا اوعدك اكون مراقبو ليك
نور: جاسر عايزه أسألك سوال
جاسر : احكي
نور: امين بتعاطي مخدرات؟؟
جاسر: م عارف لي بتقولي كده؟؟