روايةحبيبي المغترب
الفصل الثاني2
بقلم الاء
فجاءة ام عمر قالت اعرفكم علي خطيبة عمر
جات بت بيضاء وسمحه وفاكه شعرها ولابسه بنطلون وتشيريت مع الكمر وقفت جنب عمر ومسكت يدو هنا فطومه حست الدنيا ضيقه وبقت م شايفه شي قعدت ف الكرسي وبقت تعاين
النعمه: فطومه انتي كويسه مالك
فطومه: كويسه جيبي لي مويه
النعمه مشت جابت ليها مويه وشربت
وعمر دخل سلم علي جيرانهم كلهم وسلم وجا دور فاطمه وسلم عليها بكل برود وساق خطيبتو ومشو قعدو جنب العريس
النعمه: فطومه عمر لعلو م عرفك
فطومه: انا زاتي م عايزه يعرفني انا ماشه البيت
النعمه: يا بت خلينا قاعدين
فطومه: اقعدي انتي انا حامشي
فطومه مشت لأمها وقالت ليها انا ماشه البيت مصدعه شالت المفتاح وطلعت طوالي مشت البيت وبقت تبكي لمن صوتها رااح
ونامت علي كده صحت بدري وكانت مصدعه من البكا صلت وبقت قاعده ف المصلايه وتسأل ف نفسها
ياربي عمر م عرفني ولا بتجاهلني ده ما عمر الزمان حبيتو وكمان خطب وانا كنت برفض العرسان ومنتظراهو جات امها
الام: فطومه مالك يا بتي من امبارح وانتي م عجباني
فطومه: ماف شي يا أمي بس مصدعه
الام: نعالي اشربي ليك كباية شاي بتريحك
فطومه قعدت جنب امها وبقت تشرب ف الشاي وسرحانه
الام: شفتي امبارح اسمهان جات كيف وكمان شفتي خطيبة ولدها
فاطمه: امممم شفتهم هم جو لشنو ؟؟
الام: والله قالو اجازه وعمر أصر يقضيها هنا
فطومه: امممم كويس
الام: يلا قومي البسي ارح بيت المناسبه امبارح اي زول يسأل منك
فطومه : م ماشه يا أمي
الام: يا بت دايره خالتك تزعل منك قومي ارح
فطومه اختصرت النقه وقامت لبست ليها عبايه بالعنابي وشبشب ابيض ومشت مع امها لمن جو خاشين شايفه عمر واقف جنب العريس اتخطتهم ودخلت الا العريس كورك ليها
مازن : فطومه دقايق عايزك
فطومه: نعم يا مازن
مازن : انا عارفك مالك من امس
فطومه: مازن ماف زول عارف بالقصه دي الا انت والنعمه وانا من شفتو مع خطيبتو امس وانا رميت طوبتو ربنا يهني
مازن: م تزعلي م بحب اشوفك كده
فطومه: انا كويسه بس عاوزه أسألك هو م اتزكرني ولا بتجاهلني؟؟
مازن: هو شكلو م عرفك لانو اسي بقول لي قريبتك
فطومه: طيب ممكن م تزكرو ولو سألك حاول تكذب
مازن: طيب
فطومه: انا ماشه عاوز حاجه
مازن : سلامتك
فطومه دخلت وبقت مع الشغله
عمر جا لمازن : انت يا مازن فطومه وين
مازن: انت جادي م عرفتها
عمر: لا من امس بفتش فيها شايف امها براها امس
مازن: ههههههه صحيح اعمي القلب والنظر
عمر: كيف ؟؟
مازن: امبارح كانت قاعده جنبي وانت سلمت عليها والاسي كنت واقف معاها دي فطومه
عمر : شنووو دي هي ولي م جاتني ؟؟
مازن: عمر انت اهبل ولا بلاد بره جننتك انت حيت داخل فجاءة وكمان م براك معاك خطيبتك انت عارف فطومه رفضت كم عريس بسببك وانا كنت اولهم وبعدين انت عايز بيها شنو مش خطبت
عمر: الخطوبه دي غصب عني عشان خاطر أمي
مازن: طيب انا ماشي عندي شغله نتلاقي بعدين
بلسان عمر:::
انا سافرت تركيا تميت قرايتي واشتغلت وم لقيت طريقه اتواصل مع فطومه شغلي مع ابوي اتوسع فجاءة أمي قالت لي عرس بت خالتك هي يتيمه وم عندها غيرنا وانا ف الاول رفضت لان كنت عارف فطومه حارساني بس هي اجبرتني وخطبتها واتصل علي مازن وقال عايز يعرس ومازن ده صحبي من صغار كنا بنلعب انا وهو وفطومه والنعمه فما قدرت م اجي عرسو اخدت اجازه وامي قالت لي نمشي كلنا وكالعاده شبكو هناء اللهي خطيبتي وجينا يوم الحنه ولقينا ناس الحله وسلمنا عليهم وكنت بفتش الاقي فطومه م شايفه او انا م كنت متذكر ملامحها كويس انتهت الحنه وتاني يوم واقف مع مازن لفت نظري بت لابسه عبايه ومحتشمه وكانت قمه ف الجمال وقفت مع مازن وم قدرت اشيل عيوني منها لحدي م دخلت وسألت مازن من فطومه وصدمني لمن قال لي هي نفس البت وزعلت من نفسي هي عرفتني رغم شكلي اتغير لكن انا م اتزكرتها
فطومه شغاله بتقدم ف العصير وخطيبة عمر كانت ماره فجاءة كده طقشت يد فطومه والعصير انكشف ف خطيبة عمر وبقت تصرخ ف فطومه
هناء: ياخ انتي متخلفه كيف تعملي كده
فطومه: م قصدي وبعدين انتي الكنتي جاريه
هناء : وكمان بتردي فوق غلطتك قرويه متخلفه
مع كلمه قرويه متخلفه جاء عمر داخل لقي هناء بتكورك ف فطومه
عمر: هنااااء ده شنو القلتي ده
هناء: حبيبي البت دي كشحت فيني العصير
عمر: اكيد م قاصده اعتزري ليها سريع وم داير اسمع إساءة
هناء: ههههههه انا اعتزر من دي اكيد جنيت
فطومه: وانا م منتظره منك اعتزار خليك ضمن قوانينك بس وعاينت لعمر ومرقت
عمر: اسمعي يا هناء انا م كنت عايز جيتك لو م أمي أصرت عشان كده اقعدي باحترامك
عمر مرق وكان متعصب شديد
فطومه رجعت بيتهم وبقت تبكي هي م عارفه السبب من عمر ولا خطيبتو الإساءة ليها
عمر بقا يفتش ف مازن عشان يعرف بيت فطومه الجديد وين فجاءة لمح وحده قال يسالها
عمر: لو سمحتي
النعمه: اها يا عمر لعلك م عرفتني ؟؟
عمر: منو؟؟؟
النعمه: هوووي انت جادي كل الاغتربتو ٧ سنه اتغيرنا للدرجه دي
عمر: النعمه؟؟
التعمه: بلحمها وشحمها
عمر سلم علي النعمه وكان مبسوط
النعمه: انت كنت بتفتش ف منو؟؟
عمر: بصراحه بفتش ف فطومه
النعمه: طبعا هي زعلت منك عشان امبارح عرفتها
عمر: والله ده الحصل اسي ألقاها وين
النعمه: ف بيت المناسبه ماف
عمر: انتقاشت مع خطيبتي وجرت
النعمه: مممممم خطيبتك وطيب عايز منها شنو اسي
عمر: م عارف بس عايز اشوفها
النعمه: انا بفتشها واوريك
عمر: تمام
النعمه مشت بيت فطومه وفتحت ليها الباب وكان وشها وارم من البكا
النعمه: يا بت مالك
فطومه حضنتها وبقت تبكي
النعمه: فطومه والله اديك كف حصل شنو
فطومه : خطيبة عمر انكشح فيها العصير بالغلط وقالت لي انتي قرويه متخلفه
النعمه: شوفي الهبله عمله كده زي المصران
اسمعيني عمر بفتش فيك
فطومه: بعد شنو بعد تلاته يوم
النعمه: والله م عارفه قال داير يشوفك
فطومه: وانا م عايزه اشوفو مش خطب وكمان يتجاهلني
النعمه: انا زاتي شاكلتو وقال لي م عرفتها
فطومه: ههههههه ده اهبل ولا شنو لو بحبني صحي كان طلعني من وسط الف لكن انا قررت خلاص
النعمه: شنوو؟؟
فطومه: م حاشتغل بيه تاني واول عريس يحيني بوافق