رواية بعد الصبر جبر
الفصل الرابع4
بقلم اسراء عبد الكريم
منال سامعه اصوات مزعجه في بيت نسيبتي ودا زمن احمد يجي قومت من سريري و لبست توبي وفتح باب غرفتي وطلعت طبعا الحوش مفصول بس في باب بودينا لي بيت نسيبتي دخلت بيت نسيبتي اتجاهه الصوت كان صوت احمد واصوات رجال وصوت حماتي عوضيه مشيت عليهم من دخلتي للباب وقولي السلام عليكم نسيبتي عوضيه جات علي بكل اندفاع وضربتني كف وم اكتفت بالكف رمتني في الارض وبتضرب فيني بالشبشب في وشي وجسمي وخانقاني من رقبتي انا كنت مصدومه من الحاله الا انا فيها ومن التصرف العملتو نسيبتي
عوضيه انتي كتبتي ولدي مع شيخ منو يا م نافعه يا ملقطه يا عاقر
منال كلمه عاقر دي كانت كفيله بانها تكسر كياني وتكسر كل شيء جميل بحصل في حياتي دا غير الالم الجسدي اتعرض لي الم نفسي بسبب كلامها دا بعد ضربها لي احمد جاء وفي وشو الدهشه والصدمه وظاهر ان متوتر وم قادر يتصرف مسك امو مني م بعرف بعدها الحصل شنو
فتحت عيوني وعاينة للسقف الاصطناعي عاينة باتجاهه الشمال لقيت درب مركب ركزت مع الدرب كويس وكنت متابعه الدرب كان مركب في يدي وعاينة في اتجاهه يميني شايفه احمد ودموعو في طرف عيونو قبلت وشي منو بسرعه عشان م اظهر ضعفي قدامو صح احمد كان ببكي وكذا مره شوفت دموعو بس بس الحصل دا اكبر 💔
احمد بتمني تسامحيني م اتوقعت الموضوع يصل لي هنا
منال قالت: احمد طلقني واتزوج
احمد قال:: طلاق م بطلق بعد وصلنا للمرحله دي اصبري فضل لينا القليل انا واثق في حكمه ربنا واثق انا 🥺💔
منال انا م قادره اكمل معك
احمد قولي الكلام دا وانتي بتعايني في عيوني
منال م قدرت اتكلم معه اصلا
م بقدر اعاين ليه في عيونو لان انا بعشق الارض البمشي فيه مستحيل القي راجل زيو لو لفيت الدنيا م بقدر اخسرو
احمد
امي ضربت منال م كنت مستوعب البحصل كل العملتو رفعت منال
كيف؟ ومتين؟ م بعرف
انا رافعها وبقول يارب م تختبرني في منال انا بحبها يارب م تختبرني فيها احفظها لي 🥺💔 وقفت اقرب ركشه وركبتها الدقائق بحس بيها سنه 💔 ووديتها المستشفي وانا متوتر بمشي وبجي وهي في العنبر قلت في نفسي اني م ارجع بيت امي مهما حصل دي امانه في رقبتي انا ازلها بالطريقه دي مرت الساعات بين الخوف والقلق كنت خائف عليها
في المستشفي
احمد طميني زوجتي بخير
زوجتك بخير عملنا فحوصات عامه لو في كسر او اي شيء
زوجتك بس الضرب هو الاثر فيها م يكون انت ضربتها
احمد لا وربي بس بس اتشاكلت مع جارتها وضربتها والموضوع م كبير
الطبيب طيب وملاحظه ثانيه عملنا الفحص العالم وطلع ان زوجتك عندها التهابات نسائيه وح تتعالج بس كل تعمل علي العلاجات
احمد كميه الفرحه الدخلت في قلبي م بتتوصف وفعلا دا عوض ربنا
كنت قاعد قصادها في السرير لحظه لي حركت يدها عاينة ليها بكل حنيه
وهي بتعاين للسقف وعاينة اتجاهه الشمال شافت الدرب واتجهه علي م اكذب دموعي خذلوني ودمعة بحبها بس كسرتني لمن قبلت وشها بالاتجاهه الثاني وهي بتقول لي طلقني واتزوج هي م عارفه ان الحب بيكسر قوانين الحياه حبيتها ادمنتها متقبل قسمتنا راضي والله راضي بالمقسوم
كلمه البنت المسخت علي باقي البنات بالجد كانت في محلها هي المسخت علي باقي البنات
اخر كلمه قلتها ليها عايني لي في عيوني وقولي لي طلقني يا احمد كنت متوقع ان م ح تقدر لان واثق انها بتحبني ❤
بس تاني فضل افكر امشي وين نص الليل واتصرف كيف 💔انا وزوجتي المطرودين 💔