رواية ليس نهاية طريق
الفصل الرابع4
بقلم ساره محمد
حازم دخل علي شهد بالبلكونه واتصدم لنا شافت شهد كانت شهد غير البعرفها شعرها منكوش وعيونها مورمه وخاته صور كتيره وقاعده ف الواطه حازم قرب منها وهي سرحانه
حازم: شهد شهد انتي كويسه
ماف رد
حازم شهد ردي مالك
ما بترد حازم خاف عليها عاين للصور لقا صورها مع ولد وكان قريب ليها استغرب الولد ده م شافو قبل كده المهم بقي يهز ف شهد وهي لا حياة لمن تنادي حازم خاف اتصل علي حسام
حازم: حسام كيفك
حسام: هلا بالحبيب خبرك وشهد كيف
حازم: انا كويس بس شهد م بترد اليله من الصباح م طلعت من غرفتها واسي نطيت كن البلكونه ولقيتها وحده تانيه خالص وم بترد
حسام: اوووووف انا كيف نسيت
حازم: نسيت شنو؟؟؟
حسام: انا جاي عليك
شويه كده وحسام جا وحازم طلعو غرفة شهد وهو م فاهم خاجه حسام لمة الصور وساق شهد الحمام غسل ليها وشها وسرح ليها شعرها. ولبسها عبايه وده كلو وحازم واقف م فاهم حاجه حسام ساق شهد العربيه وقال لحازم تعال معانا
اتحركو وصلو مقابر وحسام ساق شهد من يدها ووقفو قدام قبر باسم مروان وشهد فجاءة بقت تبكي لمن قعدت ف الارض وحسام حاضنها وببكو وحازم واقف وزعلان علي حالة شهد لكن برضو ده منو ولي شهد عامله ف نفسها كده بقو ف المقابر قريب ال٥ ساعات وشهد هدت لمن غمرت حسام شالها وداها العربيه وصلو البيت وجاب حقنه مهدئه أداها ليها ومرق من غرفتها
حسام: حازم طبعا ف بالك مية سؤال
حازم : والله الف سؤال
حسام: طيب بحكي ليك اليله يوم ذكري وفاة مروان مروان حبيب شهد من وهم ف الثانوي قرو الجامعه سوا واتخرج وعقد عليها والمفروض يتزوجو يوم العرس الصباح مروان عمل حادث ومات والصدمه الدخلت ف شهد للان م طلعت شهد كانت سنتين بتنوم بالمهدئات وحالتها كانت صعبه شديد بعد السنتين سافرت معاها تركيا عشان ترتاح وعرضتها علي دكتور نفسي وشويه شويه رجعت شهد القديمه بس ف الذكري السنويه بتكون بالحاله دي والا تمشي المقابر وتبكي حتي ترتاح لان الدكتور قال كبت الدموع م كويس ليها
حازم: يا الله والله م جابت لي سيره
حسام: هي م بتحب تتكلم عنو نع زول وانا الوحيد العارف خالتها يوم الذكري حقتو والمره دي نسيت والله لكن كويس انك اتصلت علي
حازم: طيب واسي حايحصل شنو
حسام: ولا شي خليها نايمه حاتصحي عاديه جدا يلا انا ماشي بتصل اطمن عليها
حازم: تمام تسلم كتير
حسام: يا ود شهد دي اختي فهمت
حازم : فهمت يلا مع السلامه
حازم مشا لقاها لسه نايمه نزل تحت قال يعمل ليها اكل جاتو لما وبقت تكورك
لما: ماله المجنونه دي
حازم: مجنونه كيف يعني
لما: انت م شفت شكلها احتمال بتاخد مخدرات
حازم: لما اطلعي بره
لما : بتطردني
حازم: اي يلا بره م اشوف وشك
لما قعدت تبكي وشالت شنطتها ومرقت
شهد صحت مع ساعتين قامت استحمت وصلت وبقت تقرأ ف القرآن جا داخل حازم قعد حنمبها ف المصلايه ومسك يدها وهي لسه بتقرا لمن خلصت حازم بأس راسها
شهد: مالك اليله
حازم: ماف شي انتي كويسه
شهد: مممم كويسه حسام مشا
خازم: انتي كنتي حاسه بوجود حسام
شهد: ههههههههههه اي
حازم: طيب ممكن م نتكلم ف الحصل وقومي تاكلي
شهد: طيب ارح