رواية معجزة عشقي
الفصل الخامس5
بقلم مروان فرج
.
ارجوان....يستر الله من ادم مغير هيا اركبي تاخرنا 😁
انا هي ركبت من وراء وفي لحظه شفت للمرايه القدام شافني ادم
ادم...خيرك انتي بتجلطيييينى🔥كان معصب بكل وادم مايحبش من يستفز اعصابه
ادم... ليا ساااااااعة نرااااااجى فيييييك وحضررررتك تتسهوكى وحقا شن اللبس هدا يلي لابستيه
انا...هيي انتا خيرك تحكي معاي هكي اولاااا انى مقتلكش ارفعنى وكان متبيش ترفعنى عادى راهو من يومى نمشي على رجليا وتاني لبسي مدخلكش فيه فاهم انتا مش بوي ولا خوي ودرت روحي راقلي منه بكل🔥
ادم... انصدم من كلامي وتلفت عليا وشافلي بنظره الخبيثه هديكا وقالي والله ماتسكريش فمك نهارك احرف ع راسك فاهمه
انا.. برمت وجهي ومعاش قعدت نشوفله بكل
ارجوان....كانت مقعمزه معا ادم قدام وحاولت انا تحل المشكله هي ادم خيرك انتا معا البنت من اول ماركبت وانتا تدوي معا وبس 😐
ادم....انا مانبيش ندير مشاكل بس هادي صاحبتك زي ماتشوفي فيها لسانها طويل وشكله ماعنداش من يقصههاا
انا...احترم نفسك ايوااا انا متربيه كويس😐
ارجوان....عويشه خلاص عادي اسسس هيا اطلع ياادم وقت تاخرنا ع المدرسه
ادم....نسيتي شكلك شن قال بوك امس بوك عاطينى الصلاحية انى نديير معاك اي حااجة فلهادا احترررمى نفسك خييرلك خير مانرفع يدي عليك
انا.....اففففف ياربي هيا اطلع
ادم...تلفت القدام وولع سيارته ومشي وكان معصب بكل عفاريت الدنيا كلها يتنططو قدام وجهه
انا ....كنت راقيلي بكل من ادم وخصوصاً انا كان يبي يتحكم فياا في كل شي تي شنو حتي بوي مادارليش هكي كنت نتحمل فيه ع خاطر صاحبتي ارجوان بس
بس من داخلي فكنت بركااااان وبنتفجر وطووول الوقت ونا نسحن
وصلنا قدام المدرسه ونزلت ونا طايرتلي بكل سكرت باب السياره بااقوي ماعندي وخشيت للمدرسه بسرعه وقعدت نستني ف رجوان داخل
ارجوان...قعدت ف السياره وكانت تحكي معا ادم
ارجوان.... ادم خيرك ما عائشه خيرك حكيت معاها هكي ليش ادير هكي انتا راهو تزعل فيها هلباا وهيا مش ناقصه
ادم.....نا مادرت شي بس مش شايفتها هيا كيف ترد عليااا تي نا مانبيش نضربها راهو
ارجوان....توا بعدين نحكي معاك بس راهو عويشه كويسه ومش زي ماانتا متوقع
ادم.....هههههه باهي اوكي هيا انزلي
نزلت ارجوان وطلع ادم من قدام المدرسه وجتني ارجوان
ارجوان ....معليشي ياعويشه بس هدا ادم ياما حدرتك منه ومن اعصابه لاكن انتى شئ رااس مسسكر
انا..... والنبي فكينى ترا خشي كان بتخشي
خشينا وبدينا ف الحصص ونا قلبي يغلي ع ادم هدا اعصابي ناار مش قادره نشد روحي بكل 🔥
كنت مش مركزه حتي في الحصص بكل وارجوان كانت ملاحظه الشي هدا بس ماكنتش قادره تقولي شي عارفه خوها هكي وكانت تبي تحكي لما تروح ع طول
كملنا الحصص وجي وقت المرواح وكيف كيف بنطلع من الفصل نادت علياا طالبه وقاتلي يبوك في الادراه ي عائشه
انا....باستغراب من هدا يلي يبيني ف الاداره😳
أرجوان.....منو ي عائشه
انا....مانعلمش خليك هنا نمشي نشوفه ونجي
ارجوان...باهي تمام طلعت من جنب ارجوان ومشيت للداره لقيت المديره قاتلي خالك جي هنا وقالك خليك هوا رح يجي ويروح بيك
انا...فرحت هلباا ماكنتش نبي نروح معا ادم بكل😍❤️
انا...تمام قاعده رح نستناه براا تمام
المديره ....تمام عادي
طلعت من جنب المديره وكنت فرحانه هلباا عشان مانبيش نروح معا ادم مشيت لعند ارحوان عشان نقولها
أرجوان....عويشه خيرها المديرة شن قالتلك
انا....ولا شي مغير خالي توا يحي وبيروح بيا انتي روحي ماعليك مني وكنت متبسمه وفرحانه
ارجوان.....قعدت تضحك😂
انا....خيرك
ارجوان.... ووووه شوووره هدا ادم يناااري قريييب يجيييه الضغط من وراااك
انا... كيف بنتكلم شفت ادم درس السيارة
انا ارجوان...هنا ادم جي بري روحي ونا توا خالي توا يجي ويروح بياا
ارجوان... تلفتت وشافت لادم ههههههههه حى عليييا كيف بنقولها توا
انا ..قوليها عادي شن هالقصه
ارجوان... باهي ومشت ركبت معا خوها وقاتلها انا عائشه رح يجها خالها ويروح بيها لحوشهم غادي
ادم....كيف خالها بيجي وبيروح بيها مافهمتش انااا
أرجوان...خيرك ي ادم معا البنت انا نعرفك مش متاع جو بنات وهكي🙄🔥شن يلي غيرك
اددددم....ارجوان سكري فمك واعرفي شن تحكي انتي تعرفيني لين جايه هنا وعلي اساس ميت فيها انا بس بوها امس كلمته وقالي ديري بالك عليها
ارجوان...تمام بس هيا ماتبيش تروح لانها خالها بيجي وبيروح بيها هيا اطلع عاد ومعاش ادورهاا
ادم....طفه السياره وكان يشوف لي عائشه من بعيد مش مصدقها البنت هادي مرات ادير هكي عشان تبي تروح ع رجليها وبس 🔥
ارجوان....لا عاد مش معقوله 🔥😱عويشه ونعرفها نا
ادم... اسمعي انزلي وكلميها خليني نروح بيها هيا وقوليها عندك دقيقيتن كانهدا ننزلك ونركبك بالسيف
ارجوان.....ادم عاد والله ماصارت هيا اطلع عاد🙄
ادم...انتي مش فاهمه بوها مامن عليها انها تروح معاي افرضي روحت نا وصارلها شي رح يكون بسببي هيا ارحوان كلميها بسرعه
ارجوان....امممممم تمام هي نزلت وجت لعند عائشه
انا ....كنت مقعمزه ع مقعد برا تحت شجره ونشوف في ادم وارجوان لما كانو يحكو وهما ف السياره وكنت نبي نعرف ليش مباش يقلب وجه ويطلع شفت ارجوان جايه لعندي🔥🙄
انا...ايييي شكله الموضوع كبير ومش رح يكمل ع خير المره هادي
ارجوان...جت لعندي وقاتلي وراس عويشتي نوضي بالله عليك روحي معانا وبعدها كلمي خالك من غادي يجي يروح بيك
انا....وعليش ي حنه خالي توا جاي ف الطريق والمديره هيا يلي قاتلي اقعدي هنا مانقدرش نروح ويجي خالي ومايلقينيش
ارجوان.....وووك منك
ادم...نزل من سيارته وكان واضح عليه انا راقيله هلباا وجي جهه عائشه🔥
ارجوان...تلفت لقت وراها ادم
ادم....نوضي ي كان بتروحي ماتخلينيش نغلط ونتصرف معاك تصرف تاني
انا.....يايمي خفت راهو امشي ياادم روح انا خالي بيروح بيااا
ادم....قرب من عائشه هلبااا لين وقف قدامها وشدها من يدها قوتلك كلمه هيااا نوضي
انا....حول يدك مانبيش نايضه وفكيت يدي
ادم.....خلاص بيضرني كنت نشوف في الغضب بين عيونه🔥 اول مره نخاف منه للدرجه هادي وفي لحظه شفت خالي وصل قدام المدرسه
انا .....اهو خالي جي بيروح بيااا فرحت هلبااا وكنت نشوف للسياره من بعيد
ادم....وخر علي وراه شوي وجي خالي شافني ونزل هوا وكان معاه امير هوا يلي يسوق بيه نزل خالي وجي لعندي
انا.... اهلين ي خالووو وحضنته
خالي....هلا ي عويشه كيف حالك اليوم
انا .....بخير شن حالك انتا
خالي....تمام وقعد يشوف لادم يحسابه شخص كان يبي يضايقني او يحكي معاي بس انا عرفته طول ع ارجوان وقوله هدا خوها ادم يروح بينا لانا يسكنو حنبنا
عبدالجليل....اهلين ي ادم وسلم عليه وطبعا كان يعرف بوه ادم وشكره هلبااا لانا كان يوصل في بنتته اخته وهكي
ادم....عادي والله مافيش اي شي بالعكس انا نروح باختي قولت نروح بيهم هما الزوز خير من يروحو علي رجليهم
عبدالجليل....اي صح وسلم ع ارجوان اخت ادم وقعدو وافقين ع بعض وشوي ونزل امير من السياره ومشي لعندهم يحساب شي صاير🔥
امير.....وصل وقعد يشوف لادم وعلي طول عرفه من اول نظره لانا امس كانت تحكي عليه عائشه سلمو ع بعض شوي ونا ركبت معا خالي وامير
وارجوان ركبت معا خوها ادم وطلع بيها مشي من جنبيي وكنت نشوفه بنظرات 😏
ادم.... اووووف اعصابي بكل اليوم حسيت بروحي لين خلاص
ارجوان....هدي روحك ياادم قوتلك نا عائشه ماتكدبش راهو البنت نا نعرفها تقرا معا من الابتداي لعند توا
ادم...مش عارف بس نحس فيها زي خواتها
ارجوان......ومنين تعرف خواتها انتاااا😐
ادم...سهي ع روحه لا بس هك نحس فيها
ارجوان....لالا انتا شن رايك جرب غير طريقته معامتلك معاها وشوفها بعدين
ادم....لا نغير ولاشي اصلا معاش بنحكي معاها بكل ورح تشوفي اسلوبي الجديد وعلي صوت المسجل 🔥
______________________________
#عند عائشه
انا ركبت معا خالي ف السياره وكلنا مروحين ويسوق بينا امير ولد خالي
انا....شن هالمفاجاه الحلوه هادي ي خالو ماتوقعتش تجي تروح بينا من المدرسه
عبدالجليل.....ههههه وعليش ماتوقعتيش اليوم مدايرين عشي هك ف الجنان قولت خليني نجيبلك ونغيرو جو والل ماتبيش تجي
انا....بالعكس نبي واصلا استاحشت مرح وريان
امير.... ايييييياح تي امس كنت غادي مسرع استاحشتيهم
انا.....هههههه مانملش منهم بكل ياريته كل يوم نشوفهم
خالي.... إنشاء الله
امير....حقا هدا الولد يلي امس سمعت تحكي عليه ي عاىشه
انا....تحشمت هلبااا😳 خصوصا انا خالي كان معانا معاش عرفت شن نقول وامير كان ساهي ع روحه انتهب ع روحه
خالي....خيره ادم شن في يضايق فيك ي عويشه
انا..لا مش هكي بس مره مره يثقل في دمه وبس😊
خالي....عارف انا بس انشاء الله رح ندير حل
انا....حل شني خالووو
خالي....خليها ف وقتها ومشينا لخوش خالي زي العاده استقبلوني عيلته خالي وكاني وحده منهم خشيت ولقيت مرح وريان يستنو فيااا لانهم يعلمو اني بنجي اليوم
خشيت سلمتهم عليهن وخديت منهم دبش وغيرت لانا مش جايبه معاي حوايجي😂🔥
دارت مرت خالي الغدي وقعمزنا تغدينا كلنااا وهدرزنا شوي وكان خالي يشوفيلي وكانه غنده كلام يبي يقوله لياااوبس مش عارف من وين يبدا
كملنا الغدي وكل شي وخشيت غسلت معاهم المواعين وبعدها خشيت لداري البنات انا ومرح وريان وحكيلتهم شن صار معا اليوم بالضبظ
مرح...انفقبلت عليااا بالضحك ومعاش قدرت تشد روحه بالدات لما ادم جي بيروح بياا ونا نقوله مانبيش نروحه😂🔥
ريان....قعدت تضحك حتي هيااا وقاتلي غريبه كيف قعدتي تردي ف الكلام قبل نعرفك خوافه
انا.....ده كان زمان😂🔥 قعدنا نهدرزو لعند العشيه وبعدها جي ولد خالي المعصتم هوا وعيلته وجاوبو حااجات للعشي فرشنا برا الحوش كان جنان حلو ومعشب وقعدنا نوتو للعشي وكان من احلي الايام عندي
دارت مرت المعتصم ومرت خالي العصبان وانا ومرح خشينا للمطبخ وقعدنا نوتو ف السلطات والمقبللات وريان هيا وامير المشواي والحاجات والمعتصم كان مشرف ع الحاجات 😂🔥
وخالي كان مقعمز. ع كرسي برا ويشرب في الشاهي قعدت انا ومرح ف المبطخ وخطر عليااا المفاجاه يلي قالي عليها خالي قولت نسال عليها مرح بالك تعرف
انا...مرح نبي نقولك ع شي
مرح.....نعم قولي
انا...خالووو قبل مدايرلك مفاجاه وحسيتها انا كبيره وحلوه قولت ممكن انك تعرفي
مرح....لا والله الحق مانعلمش بشي بس لو تبي نمشي نساله بالك يقولي
انا... لالا خليه ماتكلميش بكل هوا قالي وقت يجي وقتها نقولك عليها
مرح....باهي تمام خلينا نطلعو براا اكيد يستنو فينا
انا....هي وطلعنا قعمزنا برا ودرنا العشي وكان جو حلومعا لمت العيله كلها
تعشينا وقعدنا مكسدين برا كلنا نهدرزو ونغيرو في جونا كلنا كلنا نهدرزو معا بعض لعند ماجي خالي وقالي تبي تباتي وغضوا نروحو بيك ي عويشه والل تبي تروحي
انا....لا نبي نروح عشان عندي حاجات في حوشنا نبي نرفعهم معاي ضروري نروح خالو
خالي....بس المره الجايه ديري حسابك رح تباتي هنا
انا....من عيوني ❤️😍وتيت روحي ورح بيااا خالي وكان خاطري نسال ع المفاجاه بس ماكنتش قادره نفتح معاه الموضوع بكل
روح بيااا خالي قدام الخوش ونزلت ونا خايفه من مرت بوي سميه بس الحمد لله لقيتها راقده😂🔥
خضيت لداري وكنت ميته من التعبت وريت الباب وراي غيرت دبشي ورقدت ع السرير وشوي كيف بياخدني النوم سمعت حد فتح الباب
انا...نضت منووو في
ماتخافيش انا مراد خش مراد وقعمز جنبي وكانو عيونه حمر
انا....قعدت نوخر غ وراي وخايفه منه لانا كان منظره غريب بكل
مراد.....عويشه اسسمعي شن رايك 🔥
انا.....😱