رواية بت انجلترا
الفصل الخامس5
بقلم نور
قاعده ف غرفتي عامله مكالمه جماعيه مع اصحابي واخر ونسه وضحك الباب دق
نور: منووو
انا حسام
نور: حوسو اتفضل
حسام دخل ولقاني فاتحه المكالمه
نور. : تعال اتونس معانا وفعلا جا وقعد جنبي وبقينا نتونس مع اصحابي واتعرف عليهم وهم حبو حسيت بيو مبسوط واول مره اشوفو بضحك ياخ فيو وجنه عجيبه عندي صحبتي اسمها انجيلا قالت ليو انا حايه اتزوجك وهو فكاها ضحكه المهم اتونسنا قريب الساعه وقفلت منهم وهو لسه قاعد جنبي
نور:علي فكره ضحكتك حلوه
حسام : احم شكرا وانتي زاتك
نور: وانت كنت عايز حاجه
حسام: م جاني نوم قلت اشوفك
نور: ممممممممم وبعدو
حسام: م عارف بس معاك بحس اني مبسوط
نور: وده المهم انا حابه اشوفك مبسوط انا م يوم جيت وانا حاسه بيك مهموم بس م كنت فاهمه طبعك عشان كده م حبيت اتدخل
حسام: جد يعني اسي فهمتي طبعي
نور: اكيد انا دراستي بتخليني افهم الزول من جوه المظاهر م كل شي وانت طبعك بتكون عاوز الحاجه بس القرار م بيدك لأنك اتعودت عمي يختار ليك كل شي حتي البت العايز تتم معاها حياتك م اختيارك صاح
حسام : انا ماشي انوم
نور: ولمتين حاتتهرب يعني
حسام : م عارف تصبحي علي خير
نور وانت من اهلو واتذكر انا معاك في اي وقت حبيت تتكلم
حسام تمام
خسام طلع وانا طوالي قفلت الابتوب ورقدت نمت
بلسان حسام؛؛؛؛؛
انا اتشجعت وحبيت افضفض ليها مشيت ليقيتها فاتحه الشات مع اصحابها ف انجلترا عرفتني عليهم وبقيت اتونس ويحبوني واكتر شي عجبني ضحكة نور والاريحيه الكانت بتتكلم بيها وبعد خلصت وقفلت المكالمه قالت لي ضحكتك حلوه الساعه ديك انا جسمي نمل وبقينا نتونس وطلعت محلله شخصيتي كنت حابي افضفض بس ف خاحه منعتني استأذنت منها ورجعت غرفتي
صباح اليوم التاني أصبحت تعبانه شويه م حبيت امشي الجامعه نزلت تحت وكنت بملابس البيت صبحت عليهم وقعدت
عمي: اليله م ماشه الجامعه
نور: والله يا عمو مصدعه حاسه اني كن مرقت بذيد ذيادة
مرت عمي: امشي الدكتور
نور: لالا ماف داعي حاكون كويسه بشرب قهوتي وبنوم
جا جاسر نازل
جاسر : السمحه اتاخرنا
نور: م ماشه اليله
حاسر: انتي كويسه
نور: مصدعه شويه حارتاح اليله
جاسر : تمام لو حسيتي بنفسك م تمام اتصلي بي تمشي الدكتور
نور: تمام يا وسيمي
جاسر طلع وشربت قهوتي وطلعت غرفتي لانو جسمي كان مكسر
حسام نزل تحت صبح علي اهلو وسأل مني قالو لية مصدعه م مرقت
انا فكيت شعري قلت امكن ارتاح ورقدت علي ضهري الباب دقا
نور: منووو
انا حسام
نور: اتفضل حوسو
حسام : مالك اليله انتي كويسه
نور: م عارفه مصدعه وجسمي منمل
حسام: ارح الدكتور
نور: لالا حابقي كويسه بنوم شويه
حسام: طيب اعمل ليك مساج
نور: طيب
قعدت ف الارض وحسام ف السرير وعمل لي مساج لمن نعست ونمت حسام شالني خاتاني ف السرير وبقي قاعد يعاين لي شويه شويه بديت اهلوس وجسمي عرق وهو لمن خاف ناده لينا لبسوني عبايه وودوني المستشفي فحصو وقال ليهم عندها هبوط حاد ف السكري ولو م لحقتوها كانت خشت ف غيبوبه سكر طمنهم وركبو لي درب وانا نايمه قريب الساعتين
لمن صحيت لقيت عمي ومرتو وحوسو ولينا
عمي : يا بتي قلقتينا عليك
نور : شنو الحصل؟؟
لينا: والله حسام لقاك محمومه جبناك قالو عندك هبوط ف السكر
مرت عمي : تاني الصباح تاكلي ماف قهوه فاهمه
نور : حاضر يا خالتو
اما حسام كان ساكت بس عيونو بتعكس قلقو علي قعدتا المستشفي ٥ ساعات ظبطو لي السكر واكلت وجو جاسر ومراد وتوفي والغرفة بقت عباره عن ونسه وضحك وكلهم بحاولو ينسوني المرض طلعت البيت ولينا ودتني غرفتي وقعدت معاي وجا جاسر وتوفي وجابو معاهم نودلز وشيبسي بس حسام م شايفه قلت احتمال مع حور اتونسنا للساعه ١٠ وكل زول مشا غرفتو وانا خلاص كنت حانوم الباب دق
نور : اتفضل ياحوسو
حسام: عرفتني كيف
نور: لاني كنت منتظراك
حسام جا وحضني فجاءة انا لمن استغربت وقعد يبكي وقال لي كنت خايف عليك كنت حاجن
نور؛ اششششش انا كويسه روق
حسام: م قادر انسي منظرك وانتي مغمي عليك كنت حاسي روحي بتنسحب
نور: حوسو انا كويسه تمام
حسام: ممكن تخلي بالك من نفسك
نور: من عيوني
حسام انا ماشي انوم تصبحي على خير
نور: وانتي من اهلو
حسام مشا وانا كنت مستغربه من كلامو ولمن حضني وكان ببكي زي الطفل حسيت احساس حلو انو ف ناس بتخاف علي
نمت طوالي لاني كنت تعبانه
بلسان حسام ؛؛؛؛؛
انا لمن نزلت تحت م لقيته افتكرتها مشت الجامعه وسألت منها قالو مصدعه م قدرت امرق مشيت لقيته راقده وشكلها تعبان قالت لي مصدعه وجسمها منمل م قدرت ابعد عنها عملت ليها مساج وحسيتها ارتاحت لمن نامت شلتها رقدتها ف السرير كنت طالع بس ف حاجه جذبتني ليها قعدت ف الكرسي الجنب السرير وبقيت بتأمل فيها شويه كده وبقت تهلوس وجسمها بعرق ومحمومه ياخ اانا الساعه ديك حسيت اني روحي بتروح مني جرينا بيها المستشفي والدكتور قال لو م كنتو لحقتوها كانت دخلت ف غيبوبه والساعه ديك حمدت الله الف مره اني قعدت وم مرقت صحت بعد ساعتين من الانتظار والقلق كلهم اتكلموو معاها الان انا اكتفيت اني اراقبها ورجعنا البيت كنت عاوز امشي ليها بس اخواني كانو معاها استنيتهم مرقو ومشيت ليها وبقيت الياب عرفتني ده انا ومن دخلت م اتمالكت نفسي حضنتها م كنت بفكر في اي شي غير اني اكون قريب ليها حسيت بروحي رجعت لي بالجد