روايةحبيبي المغترب
الفصل الخامس5
بقلم الاء
بلسان عمر ::؛؛
لمن جات اخت فطومه حابت الجلابية لمازن وسالها من فطومه قالت مصدعه انا قلقت عليها ومازن قال بمشي يشوفها بس م قدرت اقول ليه امشي معاك بقيت ماشي وراه مشا البيت وم لقاها فجاءة مشا جنب البحر وشكل فطومه كانت بتبكي مازن هداها والاكتشفتو انو مازن كان بحب فطومه بس هي صدتو عشاني الساعه ديك حسيت الدنيا ضلمت ف وشي مازن قعد شويه ومشا بقيت متحير امشي ليها ولا لا فجاءة لقيت نفسي جنبها وختيت يد ي ف كتفها لمن التفتت علي انا قلبي بقي يدق قامت عايزه تمشي مسكت يدها الساعه ديك كان نفسي احضنها وابكي وحاولت ابرر موقفي بس هي كان كلامها قاسي مع انو كلو صاح بس م استحملتو
فطومه رجعت البيت اتوضت وصلت العصر ومشت تجهز للحنه لبست اسكيرت اسود وبلوزه بالبمبي وطرحه بالبمبي جاتها النعمه
النعمه: فطومه انتي لسه الحفله قربت تبدأ
فطومه: جهزت خلاص ارح
مشو الحفله وكانت الناس كتيره فطومه بدت تقدم حاجات الضيافه والحفله بدت قعدت في كرسيها وكانت هادئه عكس كل البنات وأم عمر وهناء واخوات عمر كانو قاعدين هناء كانت لابسه فستان ضيق وكما ن خطوتو للركبة وعمر كان لابس جلابيه بيضاء وطقم سديري بالكبدي
النعمه: فطومه قومي نرقص
فطومه: لالا م عايزه امشي انتي
البنات كلهم قالو يرقصو حتي اخوات عمر وهناء ام عمر ركزت لقت فطومه قاعده هادئه جات قعدت جنبها
ام عمر: فطومه حلاتك كبرتي
فطومه: شكرا يا خالتي
ام عمر: انتي مخطوبه ؟؟
فطومه: لالا يا خالتي
ام عمر: حلاتك الرجال عمو ولاشنو
فطومه: انا كنت برفض عشان اقرا
ام عمر: وانتي بتقري شنو؟؟
فطومه: بقرا هندسه واتخرجت
ام عمر: حلاتك والله عجبتيني لو م عمر خاطب كان عرستك ليه
فطومه: ربنا يتم ليه علي خير ويسعدو عن اذنك يا خالتي ماشه اشوف امي
ام عمر عجبتها فطومه شديد وبقت مراقباها
الحفله انتهت وعمر م قدر يتكلم مع فطومه وهي كانت متجنباه بعد الناس مشت بقو ينضفو ف البيت وفطومه عشان هميمه بقت شغاله مره مع الطباخ الساعه بقت ٣ م قدرت ترجع بيتهم باتت في بيت المناسبه
صحت الصباح سوت الشاي ووزعتو وغسلت العده ده كلو وأم عمر مراقباها
مازن قال لعمر امشي جيب شاي لناس عمي
عمر مشا ووصفو ليه المطبخ دخل لقا فطومه شغاله
عمر: انا انا كنت عايز شاي
فطومه: طيب دقائق وبجهز
عمر: اخدي راحتك عمر عاين يمين وشمال م لقي زول قرب منها فطومه انا عايز اقول ليك حاجه انا لسه ب م تم كلامو جات هناء تتنايص
هناء: حبيبي صباحو
عمر: صباح النور
هناء عاينت لفطومه من فوق لتحت
هناء: اسمعي يا انتي اديني كباية شاي
فطومه: الشاي مرقتو بره
هناء: ياااي م بشرب من السيرمس سوي لي واحد جدبد
فطومه: والله اسفه انا م خدامه تعالي سوي براك
هناء: هي انتي قايله نفسك شنو تتكلمي معاي كده
فطومه عايزه ترد عمر نهر هناء
عمر: هناء انا قلت ليك شنو
هناء: حبيبي هي البدت
عمر: طيب طيري لأمي وم اشوفك بتكوركي تاني
هناء مشت زعلانه
عمر: انا اسف
فطومه: ماف داعي شيل الشاي واطلع
عمر: فطومه انا
فطومه: اطلع انا وراي شغله
عمر شال الشاي وطلع وفطومه كانت متغاظه من الحصل
ام عمر ضربت لولد اخوها اللهو اخو هناء وقالت ليو تجي اسي
فطومه انتهت من شغلها ومشت بيتهم استحمت وغيرت للعقد لبست فستان اسود بابيض وطقمتو بالاسود ومشت قربت للباب كده ف عربيه كانت حاطتقشها اتخلعت بعد شويه نزل من العربيه ولد ابيض وسمح سماحه جا عليها واعتذر منها وهو بقي يعاين ليها عجبتو شديد فطومه قالت ليه م مشكله ودخلت جوه
الولد اتصل علي خالتو الهي ام عمر
الولد اسمو عمار عمرو ٢٩ شغال مهندس
عمار: يا خالتي انا ف بيت المناسبه
ام عمر: ايوه جياك
عمار كان واقف جنب العربيه لمحو عمر وسلم عليه
عمر: يا زول الجابك بلدنا شنو
عمار: والله خالتي اتصلت وقالت لي اجي ضروري
ام عمر حات مارقه وسلمت عليهم
عمار: يا خالتي ان شاء الله خير
ام عمر. : خير وكل الخير لقيت ليك عروس
عمر: ههههههههه يا أمي اشتغلتي خاطبه ولا شنو
ام عمر. : عجبتني والله وقلت مناسبه مع عمار
عمار : طيب وينه
ام عمر حشت جوه وفتشت فطومه ولقتها
ام عمر: فطومه عايزاك
فطومه: اي يا خالتي
ام عمر : عايزه اعرفك علي زول ممكن
فطومه: طيب
ام عمر ساقت فطومه وطلعو الشارع لقت عمر واقف جنب ولد اللهو كان حايضربها بالعربيه ف قلبها قالت تكون دايره مني شنو
ام عمر: طبعا دي فطومه فطومه ده عمار ود اختي ومهندس فطومه سلمت عليو وهو بقي يعاين ليها فطومه فكت يدو وحست بنظراتو م تمام استأذنت ودخلت
وعمر بس واقف م عارف يقول شنو
عمار: والله يا خالتي عزيتيني موافق تب
عمر: يا زول اصبر متين عرفتها
عمار: ياخ حبيتها من اول نظره
ام عمر: يعني اكلم امها
عمار: طوالي وانا جاهز
عمر زهج طبعا طوالي دخل جوه ولع سجارتو وبقي يفكر
ط
ام عمر مشت فتشت ام فطومه
ام عمر: كيفك يا ام فطومه
ام فطومه: الحمدلله
ام عمر: انا دايراك ف موضوع بخصوص فطومه
ام فطومه: خيير ان شاء الله
ام عمر: انا عايزه فطومه لولد اختي هو مهندس وعايش ف الخرطوم ووضعو سمح
ام فطومه: والله البت دي جوها عرسان كتار لكن كانت بترفض
ام عمر: كدي اسي اساليها ونستني ردكم
ام فطومه خير ان شاء الله
مازن دخل غرفتو ولقي عمر مولع سجارتو وشكلو زهحان
مازن: يا زول مالك
عمر: اتخيل امي جابت لفطومه عريس
مازن: عريس وده منو
عمر: عمار ود خالتي اخو هناء
مازن: امممممك لكن م تخاف فطومه م حاتوافق رفضت كتير قبل كده
عمر: ان شاء الله ياخ انا لسه عندي الأمل ترجع لي
مازن: وخطيبتك؟؟
عمر: انا وهي م متفاهمين بس افكها مني كيف
مازن: والله مشكلتك مشكله خلاص انا ماشي اجهز عشان العقد
عمر: تمام
ام فطومه نادت بتها وحكت ليها الحاصل وفطومه واقفت طوالي عشان تحرق قلب عمر زي م هو عمل وأم فطومه كلمت ام عمر وطوالي اتصلت علي عمار وقالت لي العروس موافقه انتهي العقد وفطومه كانت متوتره طلعت تودي الضيافه الشارع لاقاها عمار
عمار: فطومه صاح
فطومه: ااي
عمار: انا مبسوط لأنك وافقتي وانتي شعورك شنو
فطومه : اناكويسه عن اذنك ودخلت جوا عمار قعد يضحك جاو عمر
عمر: بتضحك براك مالك
عمار: عجبتني براءة فطومه
عمر: اممممم اها ردت ليكم
عمار: اي خالتي سألتها وقالت موافقه
عمر: شنوووو؟؟
عمار: مالك يا زول اتخلعت كده
عمر: لالا ماف حاجه بس انت م اتسرعت
عمار: ياخ انت وهناء لمن تتزوجو البيت حايفضي بدل اقعد براي اخير اعرس وبعدين البشوف فطومه م بفكر مرتين
عمر: طيب انا ماشي لمازن
عمر مشا دخل لمازن الكان بغير للعرس وقعد يكورك
مازن: يا زول جنيت مالك
عمر: وافقت يا مازن وافقت
مازن: منو هي
عمر: فطومه وافقت علي عمار لي عملت كده لي
مازن: م ليك حق تزعل انت شفت حياتك خليها تشوف حياتها
عمر: ياخ انا بحبها ياخ
مازن: كدي روق نشوف الموضوع ده
مازن مشا رسل لفطومه ونادها
فطومه : مالك يا مازن
مازن: فطومه صحي السمعتو ده
فطومه : سمعت شنو
مازن: انت وافقتي علي العريس
فطومه: وانت منو القال ليك
مازن: خلي من القال لي انتي وافقتي
فطومه.: اي
مازن: ولي طيب فطومه م تعملي حاجه تندمي عليها
فطومه: العرس م بخلي الزول يندم الندم بجي من الحب وانا جربت الحب وخزلني وعمار شكلو زول واعي
مازن: طيب الله يسعدك
فطومه: شكرا انا ماشه
فطومه مرقت وعمر جا طالع من الغرفه الكان مدسي فيها
مازن: أظنك سمعت كل شي
عمر: للأسف
مازن: ركز علي حياتك وخلي فطومه ف حالها
عمر: خير انا ماشي
ام عمر كلمت هناء بفطومه وهناء م كانت موافقه لأنها اخت عمار الوحيده ام عمار وابوهو اتوفو ف حادث وربتهم ام عمر
هناء: عمار انت جنيت كيف تعرس قرويه
عمار: م دخلك كتير وبعدين فطومه بشهادتها م جاهله
هناء: انا م موافقه
عمار: م ضروري انتي عيشي حياتك مع عمر
هناء: عمر ههههههه عمر من خطبني م قال لي كلمه حلوه ومن جينا هنا بقي يتنهر فيني
عمار: مش ده عمر للحبيتي الما رفضك حاولتي تنتحري
هناء: اي ولسه بحبو
عمار: خلاص خليني ف حالي اعرس الدايرها
هناء: طيب وحاتندم
فطومه رجعت البيت وبقت تبكي ولي هي اتسرعت ووافقت علي عمار ده كلو بسبب عمر استغفرت وقامت استحمت وصلت وغيرت للعرس لبست ليها فستان منقاوي سندريلا وطقمتو بالبني ومشت الحفله وعمار م شال عينو منها وهناء تعاين ليها بغيظ طبعا عمر م كان في م معروف مشا وين