رواية طريق الحب
الفصل السادس6
بقلم جمانه السعيدي
شهد وصلت راس الشارع لكيت سيف منتضرني بسيارته فتحت الباب وصعدت
سيف...هله بلحب هله بلجمال هله بلحسن كله هاي شنو شطالعه خرب هبل تخبلين
شهد كعدت واني اسحب بفستاني شكرا بس من ذوقك
سيف...لوتدرين شكد مشتاقلج
شهد...اني اكثر يله نمشي لان ما اكدر اتاخر
سيف.....يله مشينا .شغلت اغنيه اضعف كدامك بس انت وتمالك نفسي بلسكته
شهد...الله احب هاي الاغنيه
سيف....لعيونج الحلوه شوف شلون نسيت
شهد...شنو شنسيت
سيف...نسيت الهديه بلشقه مالتي
شهد...حبيبي مايحتاج هديه قبل فتره جبتلي هديه
سيف...ذيج هدية الزياره وهاي هدية عيد ميلادج لعد اني كم شهوده عندي
نروح نجيبها من الشقه ونجي عشر دقايق ما نتاخر ابد
شهد...يله نروح
جمانه السعيدي
عباس اني بسيارتي وراهم بس من بعيد ما اريدهم يحسون بيه
اشو هذا طلع منطقه بعيده باطراف بغداد منطقه بساتين
واني وراهم كلبي يكول اكو شغله موزينه راح تصير
شهد...وين الشقه صار نص ساعه واكثر نمشي
سيف...وصلنا حبيبتي مابقى شي
شهد...شني انت ساكن بهاي المنطقه البعيده
حتى مهجوره
مابيها ناس هواي
سيف...لا اني ساكن بيت اهلي
بس هاي الشقه اخذتها جديد
الصراحه ردت اسويها اللج مفاجئه
اريد ارتبها ونزوج بيها اني وياج
شهد...صدك حبيبي الله عليك تحجي صدك يعني انت راح تخطبني
سيف...لعد اضحك عليج بابا انت سكنتي هنا وعشعشتي بكلبي لو انتي لو ما ازوج ابد
شهد...فدوه الكلبك حبيبي اني اموت عليك
سيف... هياته العماره وصلنا تنزلين وياي
شهد...لا ما انزل انتضرك هنا جيبها وتعال بسرعه
سيف...عود ردت تجين تشوفين الشقه الي راح نزوج بيها
شهد...هااا انزل اشوفها خاف نتاخر
سيف...لا مانتاخر بسرعه نطلع
شهد...اوكي جايه وياك
جمانه السعيدي
سيف تقدم وفتح باب السياره وانطاها ايده ونزله مشو باتجاه العماره سلم على الحارس ودخل
عباس طبكت سيارتي ونزلت اكو بوري حديد عندي بلجنطه
فتحت الجنطه وطلعته ورحت بتجاه العماره
وصلت للحارس
السلام عليكم
باوعلي بستغراب وعليكم السلام
عباس...الاخ الي دخل ياشقه ساكن
الحارس...وانت شكوووووو
عباس اني شكووووو موو هسه اخابر عليك اكول فاتح الشقه للدعاره
هاي الي دخلت بت مسول جبير بلدوله وهذا الحيوان يضحك عليها راسا يودوك ورا الشمس
دليني على الشقه لو اخليهم يودوك ورا الشمس فهمت
الحارس الدور الثالث شقه سبعه بس المصعد عاطل
بهاي الاثناء وصل سيف وشهد للشقه ودخلو وسيف قفل الباب دخلت شهد جان تلكه اثنيين شباب كدامها
والميز مليان مشروب وفواكه وكرزات
شهد....التفتت على سيف سيف هاي شنو يمكن غلطت بلشقه
سيف...لاماغلطت هي هاي الشقه بلضبط
شهد رجعت ليوره اريد اطلع ما ابقه هنا
سيف...وين ترحين ياحلوه اصلا احنا اليوم انريد نحلي بيج
شهد...شكاعد تكول
سيف....اهوووووو لاتكثرين بلكلام وتصيرين شريفه براسي
الي تطلع ويه ولد ولابسه هذا اللبس شرايده
تاخذ ويا سلفي مثلا
شهد...الله يلعنك ياحقير
سيف....اهووو لاتملليني خل نتونس وياج وبعدين ارجعج
شهد...لوتموتون اكتل نفسي ومحد يقربلي
سيف.. عيني ست الشريفه راح ناخذ الي نريده وبكيفنا
موبكيفج
شهد...دنكت شلت سجينه ويه الفواكه ولله اقتل نفسي وماتلمسوني
سيف...ايباخ تقتل نفسه الشريفه
اصدقائه يصيحون ولك تخبل تستاهل هذا الوكت كله تقنع بيه لمن جبته للدرب
شهد...ولله اقتل نفسي لو واحد قرب عليه
جمانه السعيدي
عباس وصلت للشقه واسمع شهد تصيح ولله اقتل نفسي اذا واحد قرب عليه
راسا كسرت الباب واصيح افتح الباب جبان افتح الباب
لو اكسره واضرب بقوه على الباب
شهد ضاكت الدنيا بعيني وكمت ابجي هذا الحقير قشمرني
خليت السجينه على وريد ايدي وهددتهم اقتل نفسي
وهمه يضحون عليه
جان اسمع عباس يكسر بلباب ويصيح افتح الباب جبان
شكد جنت اكرها فرحت من سمعت صوته حسيت اجاني الفرج
كمت اصيح وابجي عباس الحكلي عباس فدوووه خلصني
ذوله مجرمين وضحكو عليه
عباس...لاتخافين شهد خابرت الشرطه بطريقهم جايين
باعو اذا ماتفتحون الباب اكسره
ومابطلت ادك بلباب بقوه
الولد اثنيينهم خافو وكالو السيف انت جايبلنا مصيبه
احنا راح نفتح الباب وننهزم
سيف....شبيكم جبناء واحد خوفكم
....لا احنا لاتورطنا وياك بهاي المصيبه
طبعا عباس تحول من دك الباب الى يحاول يكسرا ويدخل
الولد صاحوووو احنا مالنا دخل سيف صاحب الفكره
راح نفتح الباب ونطلع انت سيف غريمك
وفعلا فتحو الباب وكل واحد اكله بوري وشردو اما سيف
تلاكه هو وعباس وتلاوو على البوري وعباس ضربه كله
وبوكس وكومه بلكاع
وكعد على كلبه ودك بوكسات مال حركت كلب
بعدين شهد لزمته من جتفه وهي تناشغ وتبجي عوفه لايموت وتبتلي بي
كام ولتفت عليها انتي زينه
شهد قربت علي ولزمت ايدا وهي عيونه مورمه وتبجي
اي زينه مابيه شي
جمانه السعيدي
عباس...خاف سولج شي
شهد....اهي اهي لا محد قربلي شكرا وصلت بلوقت المناسب
عباس يله امشينا خل نرجع للبيت
لزمته من ايدها وطلعنا صعدنا بلسياره ومشينا
شهد....مستمره بلبجي التفتت على عباس خده احمر وبي جرح زغير
وايده خاله على الستيرن مزلوغه من البوكسات
شكرا لو ما انته ما اعرف شصار بيه
عباس...انتي شلون اطلعين ويه هيج نماذج
شهد خفت اكوله حبيبي كتله صديقتي عزمتني على عيد ميلادها وكالت ادز اخوي يجيبج للبيت
واني جنت مامنه بي وطلعت ويا ولله اني ما اطلع هيج مشاوير
انت صار شكد عدنا هم شفتني طلعت وحدي
عباس...اني من شفته كلبي ما ارتاح
شهد....صدك خبرت الشرطه
عباس...لا ردت اخوفهم
شهد....اي فدوه لان انفضح وابوي خطيه شنو ذنبه يتبهذل بسببي
دك تليفون عباس ابو شهد
عباس...الو عمي
ابو شهد...انت ويا شهد شو تاخرت وتليفونه مغلق
عباس...اي عمي رجعنا شويه ونوصل