رواية لا انجب
الفصل السادس6
بقلم ساره محمد
مراد مشا الغرفه ولقا مرام زهجانه م اشتغل بيها ورقد ف السرير
مراد: اها عاوزه شنو
مرام: عاوزاك حبييي
مراد: جدا تعالي
وحصل الحصل بس مراد م كان مبسوط زي م بقولو أداء واجب انتهي ونام
تحت شهد جهزت الفطور وختتو ومزن مشت دقت الباب لمراد م ردو نزلت قالت لشهد ما ف زول رده قالت ليها خلاص م تمشي تاني وفطرو بعد الفطور جهزت حاجات الغدا وظبطت القهوه ونسوان حميانه جو وبقو يتونسو
زينب: وين العروس
شهد: بكونو نايمين
رنا: وانتي عادي كده
شهد: هههههههه ف شنو يا اخوانا هي مرتو
زبنب؛ والله قلبك قوي انا لو مكانك اولع
شهد: هههههههههه م للدرجه دي
شويه كده وجا نازل مراد وشكلو تعبان سلم عليهم وقعد جمب شهد
شهد: حبيبي مالك ؟؟
مراد: مصدع وجعان
شهد؛ طيب دقائق
مشت عملت ليو سندوتشات وعصير وجابت ليو مسكن وجابتو ليه اكل وبلع المسكن وكبت ليو القهوه حس بنفسو كويس بقي قاعد يتونس معاهم شويه كده وجات مرام وطوالي اتلصقت جنبو مراد طوالي قام
مراد: شهد حارسك م تتأخري
شهد: طيب
زينب: شنو يا العروس ده كلو نوم
مرام: ههههههههه مراد م بخليني انوم هالكني
رنا: شهد م كلمتيها ممنوع تحكي الحاجات دي قدام نسيبتها
شهد؛ لسه ما وريتها قوانين البيت مرام اكب ليك قهوه
مرام: يا ريت
شهد كبت ليها القهوه وجات تديها ليها مرام كشحتها ف رجلها شهد صرخت لأنها حاره وكلهم بقو مخلوعين ومراد جا نازل من شاف شهد بتتالم شالها ومشو المستشفي وطلع جرح خفيف ادوها مرهم ومسكن ووصلوا البيت جات تنزل مراد شالها ومن دخل لقا امو ومرام ونسوان حميانهم ف الصاله طوالي طلعها غرفتها ونزل وجاط ف مرام وهي بقت تتبكي طبعا اي زول شافها انها قاصده تعمل كده مراد طلع ولقي شهد راقده
مراد: حبيبي كويس
شهد: كويسه حبيبي جات خفيفه
مراد: كيف خفيفه رجلك اتشوهت جيبي اسوي ليك المرهم
سوا ليها المرهم ورقدها ف حضنو وبقي يقري ليها ف روايه جات تقوم
مراد: ماشه وين
شهد: ماشه الحمام
مراد جا وشالها وصلها الحمام ورجعها السرير عدا اسبوع ومراد بس مع شهد ومرام اعتذرت بس مراد م مشا غرفتها تاني لحدي م شهد بقت كويسه ونزل الشغل وبقا مقسم الايام بين شهد ومرام بس كان بحس بنفسو مع شهد
عدا شهرين ومرام طلعت حامل وكانو مبسوطين وأكثرهم شهد وكانت خاله بالها من مرام أكلها وشرابها وبتغسل ليها ختي غرفتها بتنضفها ليها في يوم جات عمة مرام وشافت شهد
حنان: ده شنو دي لسه قاعده
مرام: والله يا عمتي م لاقيه ليها ثقرة والكل بحبوها
حنان: طيب تعالي اقول ليك نعمل شنو
عمت مرام طلعت وعدا اليوم عادي
في يوم شهد نضفت غرفة مرام ومشت لقت مزن مضايقه من البريود سوت ليها قرفه وادتها مسكن ونومتها ف رجلينها لحدي م نامت
شويه كده وسمعت جوطه ومراد بكورك رقدت مزن وطلعت ومشت لقت مرام ماسكه بطنها ومراد وامو جنبها
شهد: انتي كويسه مالك
مرام: حاتعملي نفسك م عارفه
شهد: ف شنو
مراد: شهد انتي نضفتي غرفة مرام
شهد: اي
مرام: م قلت ليك يا مراد خلت المويه ف الارض مخصوص عشان أقع والطفل يموت
شهد: انا؟؟
مرام: اي انتي مش قلتي لي الطفل ده حايشيل مني مراد غشان كده بقتلو
شهد: متين يا مرام
مراد: شهد ولا كلمه امشي غرفتك وانا حاودبها الدكتور لو ف شي اتأكدي م برحمك
شهد مشت غرفتها وبقت تبكي لأنهم افترو عليها لا وكمان مراد صدقها
مراد ودا مرام الدكتور والدكتور قلقهم لانو قابض من عمت مرام ومراد خلاص زهج وصلو البيت وودا مرام غرفتها
ومشا غرفة شهد ولقاها قاعده مقلقه
شهد: م م مراد الطفل
مراد: محاولتك بأ ت بالفشل الطفل خي
شهد: م مراد انت كيف صدقتها
مراد: يعني عايزه تفهميني انها حاولت تاذي نفسها
شهد: انا والله نشفت الغرفه كويس
مراد: لي يا شهد مش قلتي عاوزه تشوفيني مبسوط لي عملتي كده ده الطفل البترجاه من الدنيا عاوزه تحرميني منو
شهد: مراد انا م عملت
مراد: ولا كلمه سامعه وتاني غرفة مرام واكلها وشرابها م تقربي منو فاهمه وطلع من الغرفه وشهد بقت تبكي لانو مراد بالجد ظلمها لمت هدومها واجرت أمجاد ومشت بيت أهلها حتي انها م كلمت زول
مزن صحت المغرب وحست بنفسها احسن مشت غرفة شهد م لقتها نزلت تفتشهها تحت برضو ماف مشت لأمها وامها حكت ليها الحاصل ومزن زعلت لان شهد اختها كيف مراد يظلمها ضربت لشهد م ردت ضربت لساره وقالت ليها جات مضايقه واسي مركبين ليها درب
مزن مشت غرفة مراد ومرام
مزن: م م مراد شهد
مراد: شهد ف غرفتها امشي ليها
مزن: لالا شهد عند اهلها وعيانه
مراد: م بهمني
مرام: خليها الله عاقبها عشان عاوزه تقتل ولدنا
مزن: مراد انت جادي يعني صدقتها
مراد: شفت بعيني يا مزن
مزن: معناها انت اعمي عشان مرتك حملت تقوم تظلم شهد العاشت معاك ٦ سنه الما طلعت منها عيبه الزي اختي يخسي عليك لكن اقول ليك انت م بتستاهلها وانتي يا مرام حق شهد بظهر وانا اسي ماشه اشوفها وحاقعد معاها انت خليك مع ام ولدك
مزن عبت شنطتها وبرضو طلعت مشت بيت شهد ولقتها تعبانه مسكينه مركبين ليها درب ونايمه وكانت بتهلوس باسم مراد مزن بقت تبكي لان شهد سندها واسي مكسوره بقت تقرأ ليها ف راسها وساره بالجهه التانيه
اما مراد كلام مزن اثر فيو واتصل عليها قفلت تلفونها وقال م عندو وش يمشي لأهل شهد لانو السبب ف الحاله دي بس مرام كانت بتملا راسو وبتتحجج بالطفل عشان م يخليها ويمشي لشهد
عدت يومين وشهد بقت كويسه واخر ونسه مع مزن وساره وساره عرسها بعد يومين شهد مراد م اتصل بيها وهي زاتها م اتصلت بيو واليله عرس ساره اختها مشت الكوفير هي ومزن اتحننت واتظبطت وكانت لابسه توب لحمي ومن حات داخله اي زول علق فيها ومراد جا هو وامو وشهد من شافتهم مشت سلمت علي ام مراد بالحضن اما مراد سلمت عليو بكل برود وساقت امو ودخلت وخلتو واقف ف الشارع كان راجع بس لمن شافها عجبتو جات مزن طالعه وابت تسلم عليو قام ناداها
مراد: شنو م شايفاني
مزن: بصراحه م شايفه اخوي مراد شايفه واحد بقي اناني كل همو ف الدنيا الطفل بس لكن م براعي لمشاعر زول
مراد: مزن للدرجه دي
مزن: واكتر انا ماشه
مراد: مزن ممكن تنادي لي شهد
مزن: لا
ومشت دخلت جوه مراد هنا حس انو فقد مرتو واختو بقي قاعد قدام العربيه قال احتمال شهد تجي مارقه وفعلا شويه كده وشهد مشت عربيتها عشان تجيب حاجات الجرتق عايزه تتحرك مراد وقف قدامها بقت تضرب بوري هو طوالي جا وركب جنمبها
شهد: خير ف خاجه
مراد: لي انتي بارده كده
شهد: مفروض اعمل شنو اخدك بالحضن
مراد: يا ريت لاني مشتاق ليك
شهد: مراد انزل
مراد: م نازل شهد انا م قصدت ازعلك بس الحصل
شهد: الحصل حصل وانت صدقتو وانتهي الموضوع ولأول مره حياتك م تخليني ادافع عن نفسي لا ولمن طلعت من البيت وانا تلاته يوم عيانه م فكرت تسأل مني مزن فيها الخير طمر فيها حبي بس انت لا
مراد: ده كلو شايله ف قلبك انا اسف
شهد": بالسهوله دي
مراد: شهد انا مشتاق ليك والله
شهد: وانا تاني م عاوزاك تمام عايزه ورقتي
مراد: شنوووو
شهد: زي م سمعت
مراد: وانا يا شهد بحبك وم بطلقك تمام نزل من العربيه ومشا ركب عربيتو وانا مشيت مشواري وجيت راجعه هو لسه ف. عربيتو شلت الحاجات ودخلتهم البيت العرس انتهي وكل زول طلع بيتو
ام مراد: اها يا بناتي م راجعات
شهد: يمه مزن بكره بتجي بس انا اعفي لي
ام مراد :يعني شنو
شهد: يعني انا تاني م راجعه يا أمي
ام مراد: يا بتي م تخربي بيتك
شهد؛ هو اتخرب من يوم عرفت مراد بظلمني عشان مرتو الحاتجيب ليو الجنا يعني بالجد موضوع الولاده كان مأثر معاو
ام مراد: يا بتي استهدي بالله
شهد: يمه خلي بالك من نفسك
مزن قدمت امها لحدي العربيه وأم مراد من سافتو عرفتو كان ببكي اتحرك وهو ساكت طوالي طلع غرفة شهد وبقي يبكي