روايةحبيبي المغترب الفصل السابع7بقلم الاء
بلسان عمر ؛؛؛؛
انا لمن عرفت انو فطومه وافقت علي عمار الدنيا ضلمت ف وشي وم لقيت نفسي الا هارب رجعت تركيا لان م كنت حاتحمل بجهه فطومه حبيبتي وبجهه عمار اخوي وم بقدر اكسر كلمة امي مشيت تركيا واتحججت بالشغل وعمار وفطومه اتزوجو وم كنت عارف عنهم حاجه امي اتصلت علي وقالت لي تعال كمل عرسك رجعت وانا م عندي نفس لشي بس عملتو ولمن دخلت الصاله مع هناء شوفت عمار ماسك يد فطومه وشكلهم مبسوطين عدا عرسي وم قدرت أقرب من هناء الا بعد فتره وجاني خبر بانو فطومه حامل وكنت بعرف أخبارها بالصدفه وهناء م حملت لانو العيب منها وكانت حالتها النفسيه صعبه بعد فتره جاني اكعب خبر انو عمار اتوفي وزعلت عليو شديد واكتر حاجه كانت بتوجع قلبي فطومه شفتها اتجرست عليو شديد وولدت قبل مواعيدها وكانت ف حاله سيئه الفتره ديك كنت متمني احضنها واخفف وجعها بس م قدرت بعد فتره أهلها اصرو انها ترجع البلد وهناء وامي رفضو وهناء كانت متعلقه بولد عمار شديد امي أصرت اني اتزوج فطومه عشان م تمشي من البيت وبرضو اقنعت هناء بس هناء قالت يكون زواج علي الورق عدينا شهر بعد العقد انا م بلاقي فطومه وهي كانت م بتمرق من غرفتها في يوم راجع من الشغل سامع صوت عمار ببكي شديد دخلت وكنت مفتكرها ف المطبخ تحت شلت عمار وسكت شويه جات طالعه من الحمام وكانت لابسه فستان قصير وشعرها الطويل مبلول وكانت مثيره م قدرت م اعاين ليها كنت بقول حبيبتي فطومه قدامي بس انا م قادر المسها اديتها عمار ومشيت غرفتي وانا م قادر انساها بالجد حور جنان
عند فطومه؛؛؛؛
انا نومت عمار ومشيت استحم وانا ف الحمام سامعاه ببكي اتحممت سريع سريع ولبست ومرقت حتي شعري م قدرت انشفو بس لمن طلعت لقيت عمر شايلو ومن شافني م نزل عينو وانا قلبي بقي زي الدلوكه شلت منو عمار ومرق وبقيت افكر انا لي حصل معاي كل ده احب عمر وعمر يخذلني واجي اتزوج عمار ولمن حبيتو الموت شالو مني وتاني رجعت لعمر انا راسي جايط قطعت كلامي وجات هناء
هناء : فطومه كيفك
فطومه: خشي يا هنو تمام
هناء: مالو عمار ببكي
فطومه: م دايرني ازح من جنبو
هناء: هههههههه حبيبي يا ناس خلاص جيبي انزلو معاي تحت وانتي اجهزي وتعالي اتغدي
فطومه: طيب
هناء شالت عمار ونزلت وفطومه قامت لبست ليها عباية استقبال وسرحت شعرها ونزلت لقت ام عمر واخواتو وهناء شايله عمار بتلعب معاو
ام عمر: فطومه قيلتي كيف
فطومه : كويسه يا خالتي
هناء: يا فطومه عمار بقي مشاغب
فطومه: ههههههههه شفتي كيف غلبه بس انتي مدلعه
هناء : ههههههههههه م ادلعو الاانا
عبير : بدل تدلعي ود اخوك جيبي واحد دلعي
عبير دي اخت عمر وهي وهناء م بتفقو وطوالي بتهبشه ف موضوع الولاده
ام عمر: عبير خلي عندك اسلوب
فطومه: لكن يا عبير عمار ولد هناء واكيد حاتحبو اكتر من ولدها كمان صاح يا هنو
هناء ابتسمت وادتني عمار وطلعت وانا زعلت عليها عمر جا نازل وشكلو زهجان
عمر: يا أمي مية مره مش قلنا م نهبش هناء
عبير: انا اسفه والله م قصدي
عمر: عبير دي اخر مره فهمتي
ام عمر: خلاص يا عمر روق
فطومه : انا حامشي لهناء اناديها للغدا
فطومه طلعت لهناء ولقتها بتبكي
فطومه: هنو حبيبتي م تزعلي نفسك
هناء : يا فطومه انا اعمل شنو كن الله م كاتب لي طفل
فطومه: اشششششس م تقولي كده وعمار ده شنو مش ولدك
هناء: اكيد وبحبو شديد لكن نفسي افرح عمر واجيب ليو طفل لمن اشوفو بلعب مع عمار قلبي بتقطع
فطومه: انتو لسه صغار واكيد العلاج مع الوقت حايحيب نتيجه يلا انبسطي وقومي غسلي وشك وارح ناكل
هناء: م عندي نفس
فطومه: ازعل منك
هناء: خلاص ارح
هناء غسلت وشها ونزلو تحت جهزو الغدا واتغدو وعمر كان بعاين ليهم سبحان الله كانو طوالي بتشاكلو واسي اخوات صحي عمار ليو اثر
فطومه اكلت وقامت تغسل يدها
هناء: فطومه ده اكل شنو
فطومه: شبعت حبيبتي
ام عمر: خلاص اظبطي لينا قهوه
فطومه: طيب
فطومه بتسوي ف القهوه وعمار بقي يبكي شالتو وبقت تسوي ف القهوه عمر حسه بيها تعبانه جا يشيل منها عمار
عمر: جيبي اطلع بيه الجنينه وانتي اشتغلي
فطومه ادتو عمار لان عمار كان بسكت اول ن عمر يشيلو
سوت القهوه وكبتها ليهم
ام عمر: يا هناء شيلي القهوه لعمر بره
هناء: يا ماما انا شغاله امشي يا فطومه وديها وجيبي لي عمار
فطومه: لكن انا
هناء: مالك يا فطومه
فطومه: ماف حاجه فطومه شالت القهوه ومشت لقت عمر راقد ف المرجيحة ومرقد عمار ف صدرو
فطومه: عمر عمر
عمر: اشششش يا دوب نام
فطومه: طيب جيبو ادخلو جوه
عمر: ممكن تخلي حبه
فطومه: طيب والقهوه
عمر قعد وخته عمار ف طرفو وشال القهوه
فطومه عايزه تخش
عمر: فطومه ممكن شويه
فطومه : عاوز حاجه
عمر: بس عايز اعرف لمتين التعامل ده
فطومه: م فهمت
عمر : انا وانتي للان من عرس مازن م اتكلمنا
فطومه: انا حامشي هناء بتكون منتظراني
ودخلت جوه طوالي
هناء: وينو عمار
فطومه: لقيت عمر نومو وقال يخلو حبه انا طالعه غرفتي كن صحا جيبي لي
فطومه طلعت غرفتها وكانت متوتره كانت عايزه تتكلم مع عمر بس ف حاجه منعتها
هناء مشت لقت عمر حاضن عمار
هناء: نام
عمر: ممم نام شكلو حلو لمن يكون نايم
هناء: يا ريتني لو اقدر اجيب ليك زيو
عمر: اششششش هنو قلنا شنو كل شي قسمه ونصيب وبعدين عمار زي ولدنا ولا شنو
هناء: اي والله انا بحبو شديد
عمر: عارف حبيبتي
هناء: عمر انت ممكن يوم من الايام تتقبل فاطمه مرتك؟؟
عمر: م فهمت
هناء: يعني ممكن تعمل معاها علاقه
عمر: هناء ده كلام شنو احنا متزوجين عشان بس أهلها م يقولو ليها تعالي ويحرمونا من عمار
هناء: عمر داير اعترف ليك بحاجه انا ايام عرس مازن عرفت بعلاقتك بفطومه
عمر: كييييف ؟؟؟
هناء: بالصدفه والله وخفت افتح الموضوع تسيبني وترجع ليها
عمر: هناء شيلي عمار وخشي جوه
هناء: انااا
عمر: هناء عشان م افقد اعصابي يلا
هناء شالت عمار ودخلت جوه قعدت جنب ام عمر وكانت سرحانه
عمر دور عربيتو ومرق وكان غضبان شديد