رواية زواج تحت التهديد الفصل السابع7بقلم اسراء محمود
هدى: يا بنتي هي دي الاصول لازم يجوا يقدموا شبكه ومهره لازم تكوني كمان موجوده بلاش تصغريني انا وابوكي انت عمرك ما عملت كده وفي الوقت ده دخل فضل الذي سمع اغلب الكلام
فضل اقترب من صبا وقال: انا مش هجبرك على حاجه بس الاصول بتقول انو الناس دي جايه بيتنا يبقى لازم نقابل الناس باحترام ومحبه كمان وانا متعود منك انك انت اللي دايما بتخليني اتنازل عن كل حاجه بتعصبني او بتضايقني وتقولي لي هي دي الاصول اللي حضرتك ربتنا عليها. دلوقتي بقى انا اللي بقول لك ما تقابليش حد خلاص ما فيش مشكله بس ما تزعليش نفسك وواجبهم انا هقوم بيه انا وامك لان الناس اتصلت واستاذنت والراجل جاي وجايب مراته وابنه وبنته معاه وانا قلت لهم اتفضلوا ومراته انا عرفت انها مش بتروح لحد لكن هي جايه بس عشان تشوفك وتتكلم معاكي بس الموضوع منتهي ابقي روحي عند مياده وافضلي عندها لحد ما يمشوا وانا هتصرف.
نظرت له صبا بعيون مملوءه بالدموع وقالت: عن اذنكم، ودخلت اوضتها وقفلت الباب عليها وتركت العنان لدموعها لكي تسقط.
اما هدى: انت ازاي تقول لها تروح عند مياده الناس هتقول ايه
فضل: مش هتروح وهتطلع تقابل الناس بس سيبيها لوحدها دلوقتي وانت يا فريده شويه وادخلي لاختك وشوفيها
فريده :حاضر يا بابا
(استغفروا واكثروا من الاستغفار)
بعد مرور فتره تقريبا ساعتين او ثلاثه جت مياده بعد ما اتصلت بها هدى وعرفتها كل الحوار واللي حصل وقالت لها تيجي علشان خاطر تحاول تهدي صبا اللي عمال تعيط ونامت من كتر العياط وتقنعها انها تلبس وتخرج تقابل الناس.
دخلت مياده لصبا ولاقيتها فعلا غرقانه في النوم وعلى وشها اثر الدموع
مياده: صبا انت يا بنتي انت يا بنتي اصحي ايه انت نايمه مع اهل الكهف
صبا بنوم: يوه انت يا بنتي دايما كده تصحيني من احلى نومه خير عاوزه ايه.
مياده :يا ساتر يا رب هو في حد يصحى كده يكلم الناس بالطريقه دي
صبا: وهي بتعدل نفسها على السرير اصلي بصراحه عارفه انت جايه ليه وعشان ايه ومين اللي كلمك وخليك تيجي
(زواج تحت التهديد بقلمي اسراء محمود اللهم لك الحمد كما ينبغي جلال وجهك وعظيم سلطانك)
مياده بتريقه :ومين بقى يا ست ام العريف
صبا :ماما طبعا.
مياده: مامتك خايفه عليك وبصراحه هي عندها حق
صبا: حق في ايه بقى ان شاء الله المهم بصي انا هقابل الناس دي والموضوع منتهي بالنسبه ليا. بس بصراحه انا مش طايقاك
مياده :يا لهوي ليه انا عملت فيك ايه يا بت
صبا :اصلك قطعتي عليا حلم كنت نفسي اشوف ايه نهايته ليا فتره بحلم بيه ومش عارفه معناه ايه بس النهارده في حاجه جديده زادت في الحلم وحضرتك جيتي فصلتيني
مياده :حلم ايه ده احكي لي طيب
صبا: حلم غريب قوي حلمت خير اللهم اجعله خير اني كنت في مكان ضلمه قوي وضيق وكنت مخنوقه جدا وعماله اعيط وماجد ظهر ولما شفته اتبسطت وفرحت ولكن كل مكان ماجد بيقرب مني كان المكان ده بيضيق اكثر واكثر وانا عمال اعيط اشد لحد ما فجاه ظهر نور من بعيد بصيت عليه وكان في واحد واقف في النور ده كل مره كنت بشوف الشخص ده من بعيد وهو ماسك ايد ولادي والمكان بيبدا ينور ويوسع. بس الغريب ان كل مره اشوف الحلم بشوفه كده عمري ما شفت ملامح الشخص ده قوي اتاكدت منها. لكن النهارده انا شفت الشخص ده وعرفت ملامحه بس هو شخص غريب عمري ما شفته قبل كده وحضرتك جيتي صحتيني قبل ما اروح عنده واساله هو مين
مياده: يوه يعني انا بوظت الحلم
صبا :اه بصراحه بس تعرفي انا حاسه ان ربنا بيقول لي انه هيبعت لي الشخص اللي شفته في الحلم ده وهو ده اللي هيلحقني من الجوازه اللي انا وقعت فيه بسبب ماجد وهيخلصني من الجوازه دي ويا رب قبله ويرضى يساعدني
مياده: الله اعلم يمكن فعلا كده وبعدين هتلاقيه فين ده
صبا: الصراحه مش عارفه بس طالما شفته
مياده: مش عارفه يا حبيبتي بس ربنا يقدم لك اللي فيه الخير
صبا: تعرفي انا الامل زاد عندي قوي النهارده وخصوصا لما شفت ملامحه كان شكله بيبص للولاد وملامحه كلها حب كان باين عليه حبه ليهم وخوف عليهم
مياده: طب يلا قومي بقى يا حبيبتي قومي البسي وجهزي نفسك عشان الناس زمانهم على وصول
طيب حاضر هقوم و امري لله هقوم اخذ شاور والبس واصلي وخلاص
مياده: طب ايه رايك تحطي حبه ميك اب صغيرين
صبا: ليه بقى ان شاء الله علشان اعجب العريس ولا اعجب امه وابوه
مياده :يا بنتي انا قصدي بس
صبا :مياده انت عارفه انا رايي ايه في الموضوع ده وكمان يعني هم مش جايين يشوفوا واحده حلوه ويعجبوا بيها هو انا شكل ده هيحبوا كده ويعجبه تمام مش هيعجبه يبقى جت من عنده
مياده: يا بنتي طب بس
قطعتها صبا وهي بتقول: مياده اخلصي وبطلي زن يلا اتفضلي اخرجي علشان اعرف البس
مياده :خلاص انا خارجه امري لله وانت براحتك.
صبا :شطوره يلا اتفضلي اطلعي.
مياده: امال فين الولاد يعني مش شايفاهم
صبا: ماجد جاء اخذهم الصبح بعد ما اتصل على بابا واستاذن منه انه ياخدهم يقعدوا عنده يومين.
مياده :طيب يا حبيبتي انا خارجه اشوف طنط هدى يمكن عايزاني في حاجه.
صبا: تمام. عند حلول وقت المغرب وصل عيسى واهله الى مدينه صبا واتصلوا بفضل علشان ينزل يستقبلهم .وفعلا فضل نزل هو وحاتم يستقبلهم.
فضل :السلام عليكم ورحمه الله نورتونا يا اهلا وسهلا
الجميع: وعليكم السلام ورحمه الله وبركاته
مهران: بنورك يا راجل يا طيب
وهيبه: اهلا حضرتك يا ولد الاصول.
فضل: اهلا بكى يا حاجه نورتينا والله
وجه كلام الورد اهلا بيك يا بنتي نورتي بلدنا
ورد بخسوف وحرج: منوره باهلها يا عم.
عيسى: اهلا بحضرتك وعندما نظر له فضل شعر براحه اتجاه هذا الشاب وعلم انه هذا من سيتزوج من ابنته.
فضل: اهلا بيك يا ابني نورتنا.
عيسى: منوره باهلها يا حج
وكمان سلموا على حاتم وحاتم سلم عليهم
فاضل اتفضلوا يا جماعه اتفضلوا اتفضلوا ولا تحبوا ندخل نصلي المغرب . الاول يا جماعه المسجد بيكون جنب بيت فضل على طول
عيسى: لا طبعا يا عمي نصلي الاول بس نطلع الحريم لفوق
فضل: تمام حاتم ياخدهم يطلعهم فوق ويحصلنا على المسجد
اخذ حاتم ورد وهيبه وصعد بهم الى منزلهم ودقه باب المنزل وفتحت له فريده
حاتم: ماما فين يا فريده. ونظر الى وهيبه اتفضلي يا طنط اتفضلي حضرتك ودخل ودخلت وهيبه وورد
فريده: ماما جوه ازي حضرتك يا طنط
وهيبه :زينه يا بنتي كيفك انت
فريده: بخير والحمد لله
حاتم: ماما يا ماما
فريده :ازيك يا قمر
ورد :بنورك يا حبيبتي
جات هدى و معاها مياده هدى: اهلا اهلا وسهلا نورتونا يا حاجه والله ثم نظرت الى ورد وانت يا حبيبتي نورتينا
ورد: بنور حضرتك اهلا بيكي يا خاله
وهيبه: بنورك يا حبيبتي وسلمت عليها بحبك وود. وفرحت وهيبه جدا من هذا الاستقبال الحار من هذه العائله الصغيره وعلمت من انهم عائله اصول. وذات اصل طيب واهل كرم كما قال لها زوجها
وهيبه: والله بنورك يا حبيبتي والله احنا زادنا شرف اننا اتعرفنا بيكم.
هدى: ربنا يعزك يا حبيبتي انا هدى ام صبا
وهيبه: امها اهلا بيكي يا حبيبتي والله انا فكرتك اختها الكبيره
هدى بضحك خفيفه ؛ربنا يعزك يا حبيبتي ويخليك ده بس عيونك الحلوين
وهيبه :انا بقى عاد الحاجه وهيبه والده عيسى ودي عاد تبقى بنتي ورد واخر العنقود وعندي كمان الدكتور يونس ولدي وصفا بنتي
هدى: اللهم بارك يا حاجه ربنا يبارك لك فيهم ويبارك في حضرتك وورد ما شاء الله عليها قمر تتوزن بالذهب.
ورد بكسوف:ربنا يبارك في حضرتك. وسلمت وهيبه على مياده ظنا منها انها صبا
هدى: دي بقى يا حاجه وهيبه فريده بنتي اخت صبا الاصغر منها ومخطوبه اما دي بقى مياده بنتي التانيه وصاحبه صبا الروح بالروح وزي اختها بالظبط.
وهيبه: ما شاء الله ربنا يبارك فيهم ويسلموا على ورد بود وحب كبير وبعد شويه طلع شاب ومعه زياره كبيره من الصعيد فتحدثت فريده وقالت: مين حضرتك
الشاب: انا تبع الحاج مهران وعيسى بيه الكبير
وهيبه :وهي تنظر له تعالى يا واد يا يا رضوان دخل الحاجه عندك
هدى :ايه ده كله يا حاجه كفايه تشريفكم لينا والله
وهيبه :دي حاجه قليله احنا جايبين جايين نشوف عروسه عيسى هي اي حد اياك
هدى :ربنا يعزك يا حاجه
وهيبه وهي تنظر الى مياده: وانت بقى يا مياده يا بنتي متجوزه
مياده: اه يا طنط وحامل كمان
وهيبه: بسم الله ما شاء الله ربنا يكمل لك على خير يا بنتي ويفرحك بولدك عن قريب ان شاء الله قولي لي يا ام صبا امال فين عروستنا عاد عايزه اشوفها عايزه اشوف عروسه ولدي.
هدى: صبا جوه دخل تصلى المغرب معلش يا حاجه هي بس بتاخر في الصلاه شويه
وهيبه: بسم الله ما شاء الله ربنا يتقبل منها ويزيدها كمان وكمان طيب بعد اذنك بقى يا ام صبا عايزه اتوضا واصلي كمان
هدى :طبعا يا حاجه اتفضلي ما دخلت وهيبه معها للوضوء والصلاه
وفي الوقت ده جات الرجاله ودخلوا غرفه مخصصه بعيده عن الحريم لكي ياخذوا راحتهم في الحديث والجلوس. اما بقى عن فريده ومياده فدخلوا اوضه صبا المتوتره جدا علشان يشوفوها
فريده: مالك بس يا صبا يلا قومي والله حماتك شكلها طيوبه وجميله. وعماله تسال عليكى.
صبا: طيب طيب
مياده: سيبك انتى بالرغم من انك مش حاطه ولا نقطه ميك اب واحده بس طالعه ما شاء الله قمرايه كالعاده. وكانت صبا مرتديه بريس اوف وايت ومعاه خمار فرنسي بيج فاتح ومعاه نقاب وكوتش ابيض. كانت في منتهى الجمال
هدى وهيبه وورد بعد ما انتهوا من صلاه المغرب
ورد بعد اذنك يا خاله طبعا ممكن تدخليني عند عروسه اخوي لو مش هتضايق.
هدى لا يا حبيبتي طبعا تعالي ودليتها على الغرفه وقالت لها ادخلي على طول دقه ورد الباب
فريده ده مين المحترم اللي بيخبط ده حاتم اكيد وفتحت وجدت ورد وقالت ورد حبيبتي تعالي اتفضلي
دخلت في ورد وقالت السلام عليكم ورحمه الله وبركاته
الجميع وعليكم السلام ورحمه الله وبركاته.
ثم نظرت ورد الى صبا وقالت اكيد انت بقى صبا بسم الله ما شاء الله عليك كيف القمر في ليله تمام
صبا بسمه: خفيفه اه انت مين
ورد اني ورد اخت عيسى الصغيره
صبا :ما شاء الله عليك قمر وضميتها ورد وقالت بس جنبك اكيد لا
صبا: حبيبتي دي عيونك بس هم اللي حلوين عشان شايفين كل حاجه حلوه. وجلست معهم ورد شويه اما في الخارج كانت هدى ووهيبه معا يتحدثون قليلا. ودخل وفضل وقال :تعالي يا ام صبا سلمي على عريس بنتك
هدى :حاضر يا حاج ودخلت معاه السلام عليكم ورحمه الله وبركاته
رد كل من عيسى وحاتم ومهران السلام
هدى: اهلا وسهلا بيكم والله شرفتونا ونورتونا
مهران :ده بنورك يا حاجه في الوقت ده قام عيسى سلم على هدى وبس ايديها
عيسى: كيف حضرتك ربنا يبارك فيكى
هدى: ربنا يعزك يا حبيبي ويبارك فيك انت عيسى صح
عيسى: ايوه صح
هدى :ربنا يبارك فيك يا حبيبي ويزيدك ادب واخلاق. وخرجت هدى رجعت تاني لا جوه بس قبل ما تدخل لوهيبه خبطت على باب صبا وطلبت منها انها تخرج علشان وهيبه عايزه تشوفها وتسلم عليها في الوقت ده خرجت صبا وهي لابسه نقابها وتحدثت وقالت السلام عليكم
وهيبه: وعليكم السلام ورحمه الله وبركاته اكيد انت صابعاد
اقبلت عليها صبا وسلمت عليها وقالت: ازي حضرتك ضمتها وهيبه وحضنتها وقالت: كيفك يا بنتي
صبا: بخير والحمد لله حضرتك عامله ايه
وهيبه: ربنا يزيدك يا بنتي بخير والحمد لله. وه وه شيلي عن وشك عاوزه اشوف. انزلت صبا النقاب.
وهيبه: بسم الله الحارس بسم الله ما شاء الله ربنا يبارك فيك يا بنتي ما شاء الله تبارك الله قمر قمر.
صبا بكسوف: دي عيون حضرتك الا قمر وعشان كده شايفه كل حاجه قمر والله بجد حضرتك اموره كده وورد شبهك كمان اموره
وهيبه: يا حبيبتي ده ذوقك بس
هدى :طيب يلا يا بنات على المطبخ حط السفره يلا وانت يا ورده يا حبيبتي انا حسبتك من ضمن البنات قومي يلا مع اخواتك
ورد بفرحه :طبعا طبعا يا خاله
(زواج تحت التهديد بقلمي اسراء محمود لا اله الا انت سبحانك اني كنت من الظالمين)
وهيبه بفرحه: قومي يا بنتي مع خالتك واخواتك. وذهبت البنات معا لتحضير السفره وايضا ذهبت هدى لكي تنادي على زوجها .
يل يا حاج يلا السفره جاهزه
فضل :حاضر يا ام صبا. يلا يا جماعه السفره جاهزه يلا عشان يبقى عيش وملح. ودخل الرجال وجلسوا على السفره بعد ذلك جاءت البنات وقالوا السلام عليكم .
الجميع: وعليكم السلام ورحمه الله وبركاته
في الوقت ده بقى يا جماعه عيسى كان قاعد وشه في الارض ما كانش قادر يرفع وشه لانه كان محروج جدا ولانه من الصح انه ما ما يرفعش وشه ابدا. بيغض بصره.
مهران وهو ينظر لصبا الذي عرفها فورا فهي الوحيده الذي ترتدي النقاب: كيفك يا بنتي اخبارك ايه
صبا :الحمد لله بخير ونعمه من رب العالمين
فى الوقت ده يا جماعه عيسى لما سمع صوت صبا مع انه ما كانش عارف هي مين قلبه دق بسرعه غريبه جدا لدرجه انه حط ايده على قلبه. وكان مستغرب هو ايه اللي بيحصل معاه.
مهران: ربنا يزيدك من نعمه يا بنتي ولادك فينهم
صبا :عند باباهم يا عمو
مهران :عاوزين نشوفهم بكره ان شاء الله
ان شاء الله يا عمو.
عيسى في الوقت ده كان نفسه قوي يرفع عينه ويشوف مين هي صاحبه الصوت اللي خلت قلبي يدق بالعنف ده بس من كلام ابوه فهم انه هي صبا اللي هيتجوزها. جلسوا جميعا على ترابيزه السفره
وهيبه: واه ما تقعدي يا بنتي اقعدي علشان تاكلي واقفه ليه
صبا: معلش يا طنط انا هدخل اكل جوه مش هعرف اكل هنا علشان النقاب
وهيبه :وهي متفهمه ماشي يا بنتي.
مياده وفريده :واحنا كمان هندخل ناكل معاها جوه
ورد: ولو ما فيهاش غلاسه مني انا كمان هدخل وياكم
صبا: طبعا يا قمر تشرفينا ودخلوا البنات لغرفه صبا علشان يقدروا ياكلوا براحتهم وفي الوقت ده اذا كان بيحاول ان هو يرفع عينه بطريقه مش ملحوظه علشان بس يخطف ولو نظره واحده على صاحبه الصوت اللي خلى قلبه دقه كده. بس كانت خلاص مشيت.
وكمان صبا ما حاولتش انها تشوف او ترفع عينيها ناحيت عيسى وكانت بتحاول تبعد نظرها عنه على قدر الامكان.
اكل الجميع وانهى عيسى طعامه اولا وقال بصوت الرجولي الحمد لله رب العالمين اللهم ادمها نعمه فين الحمام يا عم فضل
هدى: ايه ده ايه ده يا عيسى يا ابني انت ما اكلتش حاجه ايه الاكل مش عاجبك ولا ايه
عيسى ببسمه: لا والله يا أمى تسلم ايدك الاكل تحفه يجنن كيف بتاع الصعيد واحلى كمان
هدى ببسمه: بس الاكل ده مش من ايدي انا
عيسى :امال مين اللي عامل الوكل ده. هدى: دي صبا انت هي اللي عملته كله امبارح تسلم ايديها
وهيبه: يا بختك يا وهيبه الوكل الزين ده هيبقى هبقى اكل منه وقت ما احب انا خلاص ما عاوزاش امشي من اهنه عاوز اخذ عروسه ولدي معايا
هدى بضحكه ربنا يبارك فيك يا حاجه وخلاص هانت.
عيسى ببسمه مخفيه: تسلم ايديها الاكل روعه.
هدى تسلم يا حبيبي. على العموم الحمام هناك قومي يا حاتم يا حبيبي وري عيسى الحمام دخل معه حاتم يريد الحمام واعطى له الفوطه وخرج
بعد فتره الجميع اكل وخلص اكل والبنات خرجت تلم السفره وتوضب الدنيا وكانوا كلهم فريده مياده واقفين مع بعض ورد كمان كانت بتساعد معاهم ما كانوش عايزين صبا تعمل اي حاجه خالص.
دخلت هدى الى صبا هدى قم يا صبا يا حبيبتي اعملي شاي وقهوه
صبا حاضر يا ماما. وفعلا قامت طبق عملت شهي وعملت قهوه وطلعتهم بره وندهت على حاتم ياخذ للرجاله. الفتره دي قعدت صبا مع وهيبه وفضلت وهيبه تتكلم معاها وتضحك وحست صبا براحه كبيره جدا من ناحيه الست دي قد ايه هي طيبه وحنونه وقلبها كبير وشكلها فعلا هترتاح معاها.
بعد فتره مش كبيره دخل فضل وهو بيقول تعالي يا صبا عاوزك تدخلي جوه عمك مهران عايز يعرفك حاجه وكمان انت يا ام صبا تعالي واتفضلي معانا يا حاجه وهيبه. دخلوا معاه لغرفه الرجال وظلت فريده ومياده ووردخارجا في غرفه فريده
مهران قبل ما اقول حاجه ولا اتكلم فين الذهب والشبكه والمهر وخلافه لازم اتكلم معاكوا عن سبب حكمي عليكم الحكم ده ممكن تكونوا بتقولوا لو هو راجل حاكم جد ازاي يطلق راجل من مراته ويبعد عنه عياله ده منتهى الظلم بس لما تعرفوا انا ليه عملت كده وتعرفوا السبب اللي خلاني اعمل كده هتعرفوا اني فعلا عملت علشان كنت خايف عليكم وعلى اولادك يا بنتي وعلى مصلحتك يمكن ماجد فعلا صح قتل ولدي خطا لكن ده عند الصعايده عندنا بيبقى تار برده.
بس لما تعرف الحاجه اللي حصلت زمان وهي اللي خلتني احكم الحكم ده عليكم وكمان علشان يبقى قلبكم مطمن وخصوصا انت يا صبايا يا بنتي.