رواية انثي افعي
الفصل الثامن8
بقلم جمانه السعيدي
ميار....علاقتنا اني وآدم صارت كلش قويه
خصوصا وهو كل يوم يكول انتي حليتي اكبر مشكله بحياتي وماانسى فضلج ابد
كل يوم بليل بمكان مااكعد اقرا واهتم بدروسي
نكعد نحجي اني وياا على التليفون للصبح والصبح بلكوه اروح للمدرسه
بعد شهرين من سلمت الفلوس الاادم
عرفت اني مادخلت بكلوريا هو اني كنت اعرف مستحيل ادخل بكلوريا لان راسبه بكل المواد
بس هسه القرار طلع من المدرسه
وهلمره مااعرف شنو العذر لان اني سحبت هواي فلوس من ابوي علمود المدرسه
وهسه اني راسبه شلون راح احل هاي الشغله ماادري
اكيد ابوي راح يتخبل اذا سمع اني مادخلت بكلوريا
بما ان تفكيري على كدي وغبيه حشاكم لان وصلت نفسي الهذا الوضع بايدي بدون مايكون عندي ذرة عقل
فكرت الحل حتى اطلع من هاي الازمه
اقترح على ادم يتقدملي واصمم علي ساعته اكدر اخلص من شغلة المدرسه بلزواج
اكيد ادم راح يساعدني مثل مااني ساعدته يحل مشكلته
بليل اتصلت على ادم مثل كل يوم
ميار....هلو حبيبي
ادم...الله شكد حلو هذا الصوت من اسمعه ترد روحي
مبار...اني الي مااكدر استغني عنك
ادم....حبيبتي انت النعمه الي رب العالمين خلاها بطريقي
ميار....حبيبي
ادم...اي كولي ياروحي انتي
ميار....اني طلعت راسبه بكل المواد واني من العام بلسادس سحبت فلوس من ابوي علمود الدورات
وكتله اني ناجحه هسه طلعت النتيجه راسبه بكل المواد
اذا سمع ابوي يموت من القهر
ادم....اي اني شنو مطلوب مني
ميار...اريدك تجي تخطبني من ابوي واني راح أجبره يوافق عليك وهيج اخلص من المدرسه ومن ضغط ابوي عليه
ادم...هااا شلون اخطبج بس اني ماعندي فلوس شلون اتقدملج
ميار....بس خل امك تجي تحجي وياا ابوي لو انت تجي تحجي ويااا جيب بس حلقه
ادم....اني مو بس احبج اموت عليج ومااكدر استغني عنج
بس مااكدر اتقدملج اله اكون جاهز واي طلب يطلبه ابوج
اكول حاضر جمانه السعيدي
اقل شي اني محتاج فد أربع سنوات يله اكدر اكون نفسي واخطب
ميار....لا هسه لازم تجي تتقدملي قبل لا ابوي يعرف اني
رسبت بكل المواد
ادم....عندج فلوس تقرضيني حتى اكدر اتقدملج
اي مبلغ جوه ايدج
ميار...لا ولله ماعندي الذهب بعته ذهبي وذهب امي
وأخذت مليون من ابوي علمود الدروس الخصوصيه
وانطيتك اياهن
انت مو كلت اني مقدم على قرض
ادم...ووين القرض اقل شي ست اشهر يله يطلع
ويجوز ما يطلع
ميار...زين اتقرض كم فلس منا لمن يطلع القرض
ادم...منو يقرضني
ميار...شلون هسه اني بورطه اذا ابوي عرف هلمره يروح بيها صدك
ادم....مااعرف بس اني حاليا مااكدر اتقدملج ضروفي صعبه
ميار... زين تعال ننهزم لأي مكان ونزوج كلشي ما تخسر بس عقد الشيخ
ادم....لا مااكدر شنو ننهزم تردين ضيعين مستقبلي
ابقى كل عمري منهزم لا مستحيل مااكدر
ميار...خلاص اني راح اشوف بلكت الكا حل اكيد راح الكه حل لاتزعج نفسك
كل هاي الفتره هو جان يسايسني بلكت يحصل مني بعد فلوس
بعد هذا الحديث الي دار بينا اتأكد مستحيل يحصل من عندي بعد فلوس لا واريد اورطه بلزواج
افتهم اني من الاخير ماعندي فلوس وواكعه بمشكله احتمال انضرب وانحبس بلبيت بسببها هيج اني صرت ورقه منتهيه بلنسبه اله
بدا يسحب نفسه شويه شويه
من اتصل علي
مرات يرد ومرات مايرد لو يرد يكول مشغول اني بعدين اتصل عليج
وما يتصل واني الغبيه منطيته الف عذر وعذر
اكول اي ملتهي بلشغل كله صار على راسه
اكيد جاي يشتغل حتى يكون نفسه علمود نزوج
مااريد اللح علي خاف افقده لان اني هلمره من صدك حبيته
ومااكدر استغني عنه جمانه السعيدي
بعد اسبوعين نكطع الاتصال بيني وببنه اتصل مايرد عليه
كل يوم اتصل ومايرد يطلع الرقم خارج الخدمه خفت لايكون صاير علي شي
طلعت من المدرسه ورحت المكان شغله لكيته مقفول
مكتوب علي المحل للايجار
سئلت اصحاب المحلات القريبه
كلهم كالو صار اسبوع صفو البضاعه وسلمو المحل الاصحابه زين اني كلشي مااعرف عنه بس اسمه ورقم تليفونه
رقم التليفون مايجاوب علي عاف المحل ووين الكا هسه
ماكنت شاكه بي لابلعكس شايله همه
واسئل ليش صفا المحل لازم عنده ازمه ماليه
الله اعلم شصاير بي
ليش ما يتصل عليه حتى اطمن علي تخبلت
اتصلت على رويده اسئلها عنه
ميار...هلو رويده اريد اسئلج على ادم
رويده...شكو ليش تسئلين
ميار....لا ماكو شي بس اخذت منهم ملابس وبقا عليه حساب
رحت اسدد لكيت المحل مقفول ومكتوب علي للايجار
ردت اسئلج اذا تعرفين عنه شي حتى انطي باقي الطلب
رويده...صار فتره تقريبا اسبوع من اخر مره حجيت ويااا
كال عندي ازمه ماليه وراد مني مبلغ مالي
بس اني ماعندي كتله ماعندي قفل التليفون
دقيقه اتصل علي واشوف اذا يرد عليه
شويه ورجعت اتصلت عليه
رويده.. يطلع الرقم خارج الخدمه يمكن حضرني
اذا الفلوس عندج انطينياهن واني من اشوفه انطيهن اله
ميار...لا بعدين بلكت اشوفه واسلمه المبلغ
هو المبلغ مايسوه ٢٥ الف
رويده...بكيفج
ميار....المدرسه طلبت مني ولي امري تريد تعرف اني ليش هاي ثاني سنه ورسبت بكل المواد
كتلهم اي اني اجيب ابوي رجعت للبيت والف فكره ابالي
شلون راح احل هذا الموضوع
شكد اتصلت على ادم كنت خايفه علي ليش اختفى
وليش طلب فلوس من رويده اكيد جاي يمر بفتره صعبه
شلون ياربي اريد اعرف اخباره
لو بس يدزلي رساله اطمن علي
يومين مارحت للدوام بعد شسوي رايحه واني ما داخله بكلوريا
من رجع ابوي من الشغل
ابوي....بدت العطله مال الامتحانات
ميار....اي بدت اريد اقرا منا وهيج
ابوي....اي شدي حيلج لازم اطلعين من السادس واريد معدل قوي
ميار.. اي انشاء الله
بقيت كل النهار اتصل وادز رسايل وماكو اي حواب من ادم
بليل ابوي تخربط كام مايكدر يحجي
جبتله عصير ليمون انطيته كمت افرك باادي
رفعت رجلي خليتهن على مخده
انطيته حبايه ضغط
ميار...اخذك للمستشفى
ابوي...لا هسه اصير احسن
حسيت وضعه مو تمام اتصلت على عمي
ميار...عمو ابوي تعبان ممكن تجي ناخذه للمستشفى
عمي...اي اجيت
شويه واجا عمي ومحمود أخذنا ابوي ورحنا للمستشفى
الدكتور تخبل ضغطه حيل معلك
بقينا بلنستشفى للصبح ضربو ابره تنزل الضغط
خلوله قنينة براسيتول بلكانونه
الصبح يله صار شويه احسن أخذنا وىحعنا للبيت
سويتله ريوك تريك ونام
عمي من شافه نام كال اني اروح اسبح وابدل وارجع عليكم طلع هو ومحمود واني بديت انضف بلبيت
خايفه على ابوي
وخايفه على ادم
مستحيل احد يتوقع الي جاي
تفاعل حلو مثلكم
هلمره ابوي حيل موزين واني كلش خايفه