رواية بت انجلترا
الفصل الثامن8
بقلم نور
جاتني صحيه نص الليل لقيت نفسي جعانه شلت تلفوني ومشيت عملت لي ساندوتش وعصير واتربعت ف المصطبه وبقيت اكل وطبعا قافله النور عشان ماف زول يزعجني شويه كده حسيت بزول جاي والنور فتح حسام لمن شافني لمن عايز يجري وبقي ماسك بطنو ويضحك
حسام: هههههههههاي يا بت مالك
نور: جعت مالك
حسام: ههههههه وف زول بقعد كده وكمان ف الضلام انتي عارفه ده لو عمك كان جاتو جلطه
نور: هههههههههههه وانت مالك جيت
حسام : جيت اشرب مويه بس لمن شفت السندوتش طمعته وعايز زيو
نور : عيوني نزلت من المصطبه وعملت ليو سندوتش وعصير وهو طلع واتربع ف المصطبه وانا طلعت معاو وبقينا ناكل
حسام: احنا مجانين صاح
نور: لي عشان بناكل
حسام: ماف زول بياكل الساعه ٣ ص
نور: بصراحه انا باكل
حسام: معاناها حاصبها معاك كل يوم
نور: قدام يا زول
حسام : ههههههههههههه جاسر خربك
نور: هههههههههههه ده حفظني القاموس كلو بتذكر يوم جيت كل كلمه وانا بسالو معناها وهو حفظني
حسام : ههههههههه بالجد يا نور جيتك دي احلي حاجه حصلت
نور: انا زاتي محظوظه بيكم انا شبعت خلاص
حسام وانا زاتي تعالي انزلك حسام مسكني من نصي ونزلني براحه
حسام: انتي خفيفه
نور: مممم قوام فرنسي
حسام: اكل السوسه والعافيه المدسوسه
نور: يعني شنو ؟؟؟
حسام: هههههههههه يعني بتاكلي وم ظاهر فيك
نور: اسحرني عليك الله يلا انا ماشه انوم تصبح علي خير
حسام: وانتي من اهلو
كل واحد مشا غرفتو
بلسان حسام؛؛؛؛
جاني جاسر وكانو حس بي اني بحب نور واعترفت ليو وطلعنا مشينا اكلنا ايسكريم وكنا بنتونس جا مراد حسيت بغيره سقت نور ومشيت بعيد حسيت اني عايز افضفض ليها اتكلمت وهي كانت سامعاني وكمان وعدتني انها تقيف معاي وكتبت لي العلاج شوكلت وانا مشيت الصيدليه جبت كل أنواع الشوكلت عشان لمن تتوتر تجيني وانا أهديها
رجعنا البيت ودخلت نمت جاتني صحيه نص اليل كنت عطشان دخلت المطبخ افتح النور لقيت نور ف المصطبه وبتاكل ف الاول اتخلعت لكن تاني ضحكت لمن مصاريني وجعوني وسوت لي اكل اكلت معاها وكنت مبسوط شديد بالجد ربنا برسل لينا ملاك علي هيئة بشر وانا ملاكي نور
صباح اليوم التاني كان خميس
صحيت استحميت وصليت ولبست اسكيرت كبدي وقميص بالبيج واسبورت وطرحه بالكبدي نزلت صبحت علي عمي ومرت عمي ولقيته مجهزه لي عصير وساندوتش طبعا وقفوني من قهوة الصباح اكلت وشربت العصير جا حسام نازل وقعد جنمبي واكل الساندوتش التاني
مرت عمي: يا ولد ده حق البت
نور: يا خالتو خلي انا شبعت
عمي: انتي م اكلتي حاجه
نور: اكلت يا عمو والله
حسام : يا ابوي دي النوع البياكل بالليل امبارح جيت المطبخ لقيتا مربعه ف المصطبه وتاكل
نور: م براي يا عمو هو زاتو قال لي اعملي لي واكل معاي
عمو: ههههههههههههه قرود بس
حسام: والله يا ابوي كن شفت منظرها وكمان قاعده ف الضلام قلت ليها ده لو ابوي كان جاتو جلطه
عمي: ههههههههههههههههه
نور: عمو ولدك ده فضيحه تاني م القاك ف المطبخ فاهم
حسام: هههههههههه لالا خلاص سكت كدي اديني باقي عصيرك ده
مرت عمي : يا ولد خلي البت اي حاجه مشاركها فيها
حسام: يا أمي أنا بحب اشاركها وهي رضيانه صاح
نور: مممم هاك كملو
مرت عمي: هههههههههههه عاد لكن
عمي: ههههههههههه م قلت ليك مجانين
نور : جاسر اليله مالو اتأخر
حسام : م عارف استني امشي اشوفو
حسام مشا غرفة جاسر ولقاو لسه نايم
شال كباية مويه وكباها فيو
جاسر. : يا حبيبنا مالك باخ
حسام : انت المالك عاين الساعه كم
جاسر.: لاحوله الله اتاخرنا عديل
حسام : يلا نور حارساك
جاسر طيب شويه وبحي
حسام جا نازل
حسام : قال جاي بلبس
نور : اوكي يا خالتو توفي وين
مصطفي: انا جيت صباحو يا نور حياتي
نور: ههههههههههه صباحو توفي
حسام : واحنا مالنا م بصبحو علينا
مصطفي: لأنك م بتدلعني
حسام؛ مممممممم توفي ههههههههههه
مصطفي: لالا م حلوه كدي يا نور قوليها
نور. : توفي
مصطفي شفت كيف نغمه والله يلا انا مارق
حسام: هههههههههه انا ماشي الشغل اها يا ابوي ماشي معاي
عمي. : لالا بجي الساعه ١٢ عندي شغل تاني
حسام : طيب معاكم سلامه
حسام طلع وعمي قال حسام بدا يرجع زي زمان مرت عمي قالت ليو اي والله طولت م شفتو بضحك وبهزر
نور: يا عمو أمكن عندو اسبابو
عمي: والله يا بتي م عارف لكن فجاءة كده قلب رسمي وبقي حياتو شغل بس وكمان مشاكلو مع حور أثرت عليو
نور : انا اسفه كن أدخلت لكن حسام شكلو م بحب حور
عمي: هو قال كده
نور : اي يا عمو انا وحسام بقينا اصحاب شديد وحسيت بيو زعلان من شي وزي م اتوقعت انو مجبور علي الخطوبه بسبب الشراكه البينك وبين ابو حور خايف لو فركش الخطوبه شغلكم يبوظ ويكون هو السبب
عمي: والله يا بتي انا زاتي كنت حاسي بكده لكن بحلها ان شاء الله
جاسر: صباحو يا جماعه
نور: صباحو يا وسيم شنو التأخير
جاسر: م عملت منبه يلا نطلع
نور: اشرب الشاي
جاسر: لالا نشرب قهوه ف الطريق انتي امورك تمام
نور: تمام يلا
طلعت مع جاسر وكنت مبسوطه اني كلمت عمي بس نشوفو حايعمل شنو وصلنا الجامعه وسلمنا علي الشله ولاقيت مراد
مراد: صباحو
نور: صباحو
مراد: شنو امبارح اختفيتي مع حسام
نور: حسام كان مضايق شويه وكان بحكي لي بحاجه
مراد؛ مممممم
جاسر: نور محاضرتك الساعه كم
نور: بعد ساعه
جاسر؛ ارح الكافي نشرب قهوه
مشينا الكافي وبنشرب ق القهوه جاتني رساله من حسام
حسام[ بالجد كل م اتذكر منظرنا امس اضحك الموظفين قايلني جنيت ]
نور: [ انت اصلا مجنون اكل شوكلت ]
حسام[ حاضر يا دكتورتي ]
بعد شويه رسل لي صورة وهو بياكل ف شوكلت قعدت اضحك
مراد: الجن ولا النفسيات مالك
نور. : اتذكرت حاجه هههههههههه
جاسر : تدووووم الضحكه
نور : بوجودك يا وسيمي
جات سلمي وقعدت جنب جاسر وبقو يتونسو
وانا بتونس مع مراد جات داخله ريم وحور
نور: اوووبس العصابه
مراد: ههههههه مالك
نور: شوف الصحبه دي انا قلبي ماكلني منها
مراد: م تشتغلي بيهم
ريم وحور جو سلمو علينا ريم مشت الطربيزه الجنبنا وحور وقفت معانا
حور: نور بقيتي كيف
نور. : بالنسبه لشنو
حور ؛ مش كنتي عيانه
نور : لالا كنت بستهبل عشان الم الرجال حوليني مش ده القلتي
حور : وده الحاصل انتي اسي ماسكه مراد وماسكه حسام
نور: اسمعي مراد صحبي وحسام ود عمي واعملي العايزاه
جاسر: حور يا ريت تختصري المشاكل وتمشي
حور: ههههههههه حاضر يا المحامي وانت يا مراد ريم بتحبك م تسيبها عشان خاطر دي
مراد: والله حياتي الخاصه وانا حر فيها م تدخلي
حور زعلت ومشت قعدت مع ريم وشكلهم م ناوين علي خير
جاسر: نور انتي كويسه
نور: م تخاف كويسه
جاسر : ارح المحاضره
مشينا المحاضره كالعاده انا جنب مراد وجاسر بس سلمي معانا يعني ارتحت من نظرات وحده
عند حسام ف الشركه
عمي: حسام كيفك
حسام اتفضل يا ابوي اها الشغل بره كيف
عمي : تمااام بس انا جيت عشان شي تاني
حسام: خير يا ابوي
عمي : يا ولدي انا اتحكمت فيك كتير وانت كنت بترضي عشان م تزعلني لكن ف موضوع داير منك الصراحه فيو
حسام: خير يا ابوي
عمي: حور انت بتحبها وبتقدر تواصل معاها
حسام: ف شنو يا ابوي حصل شي مني
عمي: لا بس عايزك تكون وواضح معاي انت بتحبها
حسام: يا ابوي انت كلمتك فوق راسي وانا م بحب ازعلك لكن بخصوص حور انا عمري م حبيتها هي انسانه متعجرفه وشكاكه
عمي: طيب لي م جيت ووريتني
حسام : كنت خايف علي الشغل وخايف علي زعلك
عمي: وانت م فكرت ف نفسك
حسام : يا ابوي الموضوع لمن يتعلق بيك انا م بفكر مرتين
عمي: طيب يعني انت بتقدر تواصل مع حور
حسام: لا يا ابوي م بقدر لكن ابوها حايفصل الشغل
عمي: يا ولدي الواضح ف فاضح ونحن عندنا شركتين دي غير الاسهم العند عمك ف انجلترا يعني لو فصل شغلو م حنتاثر اهم شي سعادتك
حسام حضن ابو وشكرو
عمي: م تشكرني انا اشكر نور بت عمك هي ورتني الحاصل وفتحت عيني قبل م يفوت الأوان وادمرك
حسام: يا ابوي بدل جبت سيرة نور عاوز اقول ليك حاجه
عمي: سامعك
حسام: انا بحب نور نور من دخلت حياتي وانا مبسوط خلتني اعرف معني الحياة تاني
عمي: وهي عارفه؟؟
حسام : لا يا ابوي انا قلت اخلص من حور واعترف ليها
عمي : نور بت حلوه وهادئه عشان كده م تفرط فيها وانا حاتكلم مع ابو حور ونحل المشكله
حسام: تمام يا ابوي
ابوي طلع وانا كنت مبسوط اتصلت علي نور ما بترد شكلها ف المحاضره
عند نور : ؛؛؛؛
نور: جاسر دايره امشي المكتبه
جاسر : طيب م تتأخري حاستناك هنا
مشيت المكتبه ونزلت الكتاب وبديت ادون جاني مراد
مراد : يا عسلنا
نور: هلا بس ممكن دقائق
مراد: اخدي راحتك
بقيت بدون ف الحاجات المطلوبه وانتهيت رجعت الكتاب محلو
مراد: خلصتي
نور: واخيرا
مراد: داير اعترف ليك بجاحه
نور: احكي
مراد: انا بحبك
نور. : مراد انا اسفه انا بحب زول تاني
مراد. : حسام ؟؟
نور: عرفت كيف
مراد: نظراتكم لبعض وكمان لمن يشوفني بزعل وعيونك بيلمعو لمن تتكلمي معاه
نور: كلامك صاح انا بدون مقدمات لقيت نفسي بحبو
مراد: وانا يا ستي لا بحبك ولا حاجه بس كنت عايزك تعترفي
نور: انت صاحبي واخوي زيك وزي جاسر وانا بتمني ليك تلفي البت البتسعدك
مراد: هي في بس
نور: شنو
مراد: بصراحه انا بحب لينا بس خايف اعترف ليها ترفضني
نور. : اكيد م حاترفضك لأنك شاب واعي وظريف وانا ممكن اساعدك
مراد : جد ؟؟
نور: والله خلي الموضوع علي تمام
مراد تمام استني ده جاسر
مراد: اي يا مرض
جاسر: نور معاك
مراد : اي
جاسر خليها ترد علي تلفونها
مرااد : نور ردي علي تلفونك
طلعت تلفوني من الشنطه لقيت ٥٠ مكالمه من حسام خفت ورجعت لبه
نور : حوسو كيفك
حسام : نور انتي وين ولي م بتردي
نور: التلفون كان ف الشنطه وم سامعاه
حسام : انتي اسي وين
نور: ف المكتبه وطالعه
حسام : طيب انا قدام البوابه اطلعي
نور استغربت لمن حسام قال لي جنمب البوابة خفت تكون ف مشكله مشيت ولقيت عيونو حمر
نور: ح ح حسام مالك
طوالي حضني وبقي يبكي وانا قلبي وقع وبقي يضرب
نور : حوسو قلقتني ف شنو
حسام: نور انتي ملاكي
نور: طيب وريني الحصل شنو
حسام : اشششش ممكن تخليني شويه
بقينا حاضنين بعض لمن هدا وزح مني. براحه
نور: اها حاتحكي لي ولا لا
حسام: اليله ولأول مره اتكلم مع ابوي بصراحه
نور: والحصل؟؟
حسام حكا لي الحصل كلو وقال لي ابوي حايفكني من حور
نور. : اوووووف اخيرا
حسام : كلو بسببك
نور: انت عارف للحظه انا كنت حاموت من خوفي
حسام : اسف بس م قدرت اعبر
نور: واسي كويس
حسام : شديد
نور: طيب ممكن شوكلت عشان هبط. بي
حسام هههههههههههه عيوني فتح تلاجة العربيه وطلع لي شوكلت وعصير اكلنا وشربنا العصير واتحركنا علي البيت وهناك لقينا حور وابوها سلمت عليهم وطلعت غرفتي