رواية ليس نهاية طريق
الفصل الثامن8
بقلم ساره محمد
وصلو البيت وحازم طلع الشنط الغرفه وشهد دخلت استحمت وغيرت ملابسها واقفه ف المرايه ببتتسرح جا حازم حضنها من ورا
حازم: اشتقت ليك شديد اشتقت لكل تفاصيلك ضحكتك هظارك شكلك اشتقت لمن تجي تطلعي ف ضهري وترشيني بالمويه
شهد: هههههههههه قدر ده
حازم : واكتر
شهد: حزووم انا جعانه
جازم: عيون حزوووم ارح ناكل
نزلو تحت حازم كان مجهز العشاء اتعشو وعمل نسكافيه
حازم : يلا ننوم شكلك تعبانه
شهد : شديد يلا
طلعو الغرفه وكل واحد ف جهه
حازم: شهد م اشتقتي لي
شهد: اكيد اشتقت ليك
حازم: طيب لي بعيده
شهد: ماف حاجه
حازم : طيب ممكن انوم في حضنك
شهد: طيب
حازم حضن شهد شديد وهي زاته كانت بحاجه لقربو بس ف نفس الوقت خايفه
حازم نام طوالي وشهد بقت تفكر ف كلام الدكتوره انو حازم بحبها وانو بشبه مروان ف تعاملو وحنيتو لكن هو م مروان وانا م بقدر اخون مروان انا انا لازم ابعد من حازم انا م عايزه اجرحو بس هو متعلق بي شديد انا لمن كنت ف تركيا حازم كان ببكي عديل وحسام كل مره يقول لي حازم حالتو كعبه يا ربي اعمل شنو يا الله قلبي واجعني شديد شهد بقت تفكر لحدي م نامت
حازم صحا بدري ولقي شهد جنبو بقي يعاين ليها زي الما.مصدق دخل استحم وصلي ونزل تحت عمل نسكافيه ومعاه سندوتشات وجابهم الغرفه وشهد لسع نايمه قرب منها وباسها ف راسها وبقي يمرر يدو ف شعرها وهي بدت تفتح
حازم: صباحو يا حلو
شهد: صباحو
حازم: يلا قومي استحمي وتعالي ناكل ان جعان
شهد: واااو شنو الحركات دي
حازم: عشان خاطر اشوف البسمه دي اعمل اي شي
شهد: طيب حامشي الحمام
شهدت مشت استحمت وصلت وقعدت ياكلو وهي سرحانه
حازم : شوشو سرحانه وين
شهد : ولا حاجه
حازم: كنت بقول ليك اليله اخدي راحتك م تمشي الكافي
شهد. : اصلا م طالعه اليله
حازم: طيب انا حامشي وم بتاخر تمام
شهد: تمام
حازم لبس وجا مارق بأس شهد ف راسها ومرق
شهد اتصلت علي حسام
شهد: حسام انت وين
حسام: انتي كويسه انا ف البيت
شهد: مممم انا جاياك
حسام: طيب منتظرك
شهد لبست وطلعت مشت بيت حسام
شهد : م اكون عطلتك
حسام: انا عشانك اعمل اي شي
شهد: حسام انا مشوشه
حسام: طيب خليني اسوي ليك قهوه واحكي الحاصل
حسام عمل كبايتين قهوه وقعد قدام شهد
حسام: احكي
شهد: حسام انا عاوزه ابعد من حازم
حسام: شهد ده كلام شنو
شهد: صدقني انا م بقدر اخون مروان وما بقدر اجرح حازم
حسام: وانتي كن بعدتي عنو يعني م حاتجرحي
شهد: حايتعود بعد كده لكن انا م بقدر اشوفو بتعذب معاي
حسام: شهد انا اكتر واحد حافظك انا عارف طبعك اكتر من مروان الله يرحمو يعني م تكابري لمتين حاتقفلي قلبك مروان زاتو حايكون زعلان منك لأنك كده بتعذبي الموت م بيدنا وربنا اخد امانتو وكلنا ماشين لمروان لكن برضو لازم تدي حازم فرصه
شهد: حسام انا والله بحبو بس
فجاءة يخش حازم
حازم: وانا والله بحبك
شهد: حازم انت هنا
حازم: انا جيت لحسام ومعاي نسخة مفتاح وسمعت كل كلامك وانا والله م بتحمل بعادك تاني انا م بلزمك باي شي بس خلليك جنمبي
شهد بقت تبكي حازم قرب منها
حازم : اشششششش عليك الله دموعك غاليه علي م تعملي كده انا بحبك والله بحبك
شهد: وانا بحبك يا حازم بحبك شديد
حازم حضنها وبقو يبكو وحسام زاتو اتاثر وبكا
حسام: احم احم طيب انا مارق وانتو تمو بكاكم انا بمشي الشغل واجي القاكم قاعدين فهمتو حاجيب معاي غدا
حازم: طيب يا ابو الشباب
حسام: شوشو عاوزه حاجه
شهد: لالا
حسام: يلا مع السلامه
حسام طلع وحازم قرب من شهد ورقدها ف حضنو لمن هدت
حازم: حبيبتي ارح الغرفه ديك ارتاحي
شهد: شنووو
حازم: م قصدي حاجه يا منحرفه قصدي تنومي حبه
شهد: طيب
حازم وشهد مشو الغرفه ورقدها ف حضنو
حازم: شهد اوعديني م تبعدي عني
شهد: م بيدي يا حازم
حازم: عارف لكن نحاول حببيي تمام
شهد: طيب
حازم: يلا نومي عشان ترتاحي
شهد وحازم نامو للعصر حسام جا وعرفهم ف الغرفه دخل جهز الغدا وانتظرهم ف الصاله حازم جا مارق
حسام: صح النووووم
حازم: ههههههههههههه جيت متين
حسام ::قبيل قلت م ازعجكم
حازم: بالجد شكرا يا حسام لولاك م عارف كنت حاعمل شنو
حسام: حازم انا عارف طبع شهد ولمن اتصلت علي عرفت انها مضايقه بسبب موضوعكم وحبيت تسمع الكلام منها وبعد داك تقرررو
حازم: والله عملت الصح انا لو قعدت عمري كلو م كنت حاقدر افهمها لأنها كتومه وانا م عايز اضايقها
حسام: واسي اتفقتو علي شنو
حازم. اتفقنا نحاول مع بعض
حسام : خير يا زول
شهد جات نازله
شهد: اها يا العصابه انتفقتو علي
حازم وحسام : ههههههههههههه بصراحه اي
شهد: ممممممم انا جعانه جبت غدا شنو يا سجم
حسام: ايوااا دي شهد
حازم: هههههههههههه
حسام: جبت ليك مندي رايك شنو
شهد: ياخ انت اخلي من حزومي
حازم: كويس شوفي تاني البعمل ليك الاكل منو
شهد: حسومي في صاح
حسام: هوووي خليك مع راجلك انا اكلي كلو جاهز
شهد: خزلتني يا معفن
حسام : ههههههههههه يلا تعالو اكلو
اتغدو وشربو القهوه وجو الشله بس عمر م جا الحمدلله اتونسو معاهم والعشاء حازم وشهد رجعو البيت
شهد طلعت الغرفه استحمت ولبست بجامه نظام ردا ورقدت حازم جا خش الحمام استحم ورقد جنمبها
حازم : شوشو
شهد: مممممم
حازم : انا بحبك
شهد: وانا كمان بحبك يا حازم
حازم : طيب حا تحرميني منك كتير
شهد........
حازم طيب تصبحي علي خير
شهد : وانت من اهل الخير
مر اسبوع والوضع ف حالو وشهد وحازم بياكلو ويشربو سوا ووقت النوم كل واحد ف جهه في يوم بحضرو ف فلم وهو رومانسي وفيو لقطات حميمه حازم حس بيد شهد بتمسكو قوي عاين ليها ف عيونها وكأنها بتقول ليو قرب مني بس م قادرة تتكلم حازم قرب منها حضنها شديد وهي استجابت مسك وشها وعاين لشفايفيها وهي مغمضه باسها بوسه طويله وهي اتجمدت مكانها بقي يبوس فيها ويتحسس جسمها لمن فك ازرار قميصها وهم ف قمة النشوه فجاءة شهد همست باسم مروان حازم طوالي قام منها وشهد قامت لبست قميصها وكانت خايفه من ردة فعل حازم هو دخل الحمام و شهد قامت من السرير لبست عبايه وطلعت دورت عربيتها ومشت بيت حسام
حازم ف الحمام بكي شديد واستحم ومرق م لقاها فتش البيت ماف وتلفونها ف البيت قلق لان الساعه ٢ ص اتصل عليو حسام
حسام: حازم م تقلق شهد جاتني
حازم : الحمد لله هي كويسه
حسام: هي م اتكلمت معاي دخلت نامت وانا فهمت الحصل
حازم: اوووف خير يا زول خليها تاخد راحتها
حسام: تمام تصبح علي خير
حازم : وانت من اهلو
حازم قفل وجدع التلفون بالحيطه لمن اتكسر وبقي يبكي بهستيريا وقعد ف الارض لمن نام