رواية طريق الحب الفصل التاسع9بقلم جمانه السعيدي
عباس وصلت للمدرسه ودخلت لكيته بلاداره نازعه تك حذاء وتبجي
عباس...السلام عليكم
المديره...عليكم السلام انت تقربلها
عباس...ابن عمها هااا شهد
شهد...مسحت دموعه رجلي التوت توجعني دنتشاقه اني وصديقتي وتلفتت عليه بسرعه ورجلي طكت من الكاحل
عباس....بسيطه انشاء الله هسه نروح للمستشفى ونطمن
يله كومي
شهد...واني احاول اكوم صحت اخ ما اكدر اضغط على رجلي
وكفت على رجل وحدا
عباس...انطيني جنطتج وستندي على ايدي
استندت على ايدي وايدها الثانيه شايله حذاءها
مشينا شويه ماتكدر دوس على رجلها
عباس...والاحسن اشيلج
شهد...لافدوه شلون تشيلني
عباس...اني اكللج شلون اشيلج هيج وشلته ومشينا
شهد...لافدوه نزلني منا الناس عيب
عباس...شعلينا بلناس مالهم شي يمنا
وصلنا للسياره ودخلته
جمانه السعيدي
صعدت بلسياره ونطلقنا للمستشفى وصلنا شلته ودخلته للطوارء الدكتور حوله اشعه
جبت كرسي متحرك خليته ورحنا للاشعه
طلع فصخ برجلها
الدكتور كال جبروها اسبوع ورجعها نتاكد منها وكتبلها مسكنات خاف تحس بلوجع
دفعتها بلكرسي لمن وصلنا السياره وصعدتها ورجعنا للبيت
شلتها ودخلتها جوا
ام شهد...هااا ماما سلامات
شهد...طلع فصخ بسيطه انشاء الله
ام شهد...وليش مجبريها
شهد يكول اسبوع ونتاكد منها
ام شهد خير انشاء الله
شهد....شلون اروح للامتحان يمكن ااجله
عباس...انتي تقرين برجللج لو بعقلج
شهد...ولوجع شلون
عباس...اخذي مسكن واذا صعب عليج شي اني اساعدج
شهد...احاول اقرا
عباس...اترخص اني اروح اجيب عمي
ام شهد الله وياك
جمانه السعيدي
عباس وصلت للسياره ولكيت جنطته وحذاءه باقيات بلسياره شلتهم ودخلت
عباس...شهد...هذا حذاءج والجنطه
شهد....شكرا جزيل الشكر ما اعرف شلون اجازيك
عباس...اقري وانجحي هذا جزائي
رحت جبت عمي ومن شافه بقه بس يشكر مني
بهذا الاسبوع الي جبرت رجله بي امتحنت امتحانيين
جبتله عكازه لان ماتقبل اشيله
مع اني من اشيلها واخليها على كلبي ودي ما انزلها ابد
جمانه السعيدي
عباس ابو شهد راد ياخذه للدكتور بعد اسبوع حتى يفتح رجله ويطمن عليه
وصادف هذا اليوم عنده اجتماع مهم
ابو شهد خليه على باجر واخذها اليوم عندي اجتماع مهم
عباس ماكو داعي اني اخذه واطمنك عليه
ابو شهد بارك الله بيك
عباس رحنا بس اني وياها
لان امه ماتكدر تعوف جهاله وحدهم بلبيت
افتح رجلها والدكتور طمني كال صايره زينه بقاله بس امتحان واحد
قررت بعد الامتحان اعزمه واصارحه
بحبي واشوف ردها
اريد اندل راسي من رجليه اذا تحبني لو لا
تريدني واتقدم الها لو ماتريدني وابتعد عنها الحب مو غصب
جمانه السعيدي
شهد...بهاي الفتره الي مرت وتقرب عباس مني تاكدت اني احبه ومتعلقه بي حبه يختلف
حب طاهر وصافي ما حاول يلمسني او يقرب مني
حتى وهو شايلني حسيت روحي قريبه منا
اتمنيت نبقى سوا للابد لان مواقفه وياي واحد احسن من الثاني
خلصت امتحان وطلعت
عباس...مبروك خلصت الامتحانات
شهد...الله يبارك بيك
عباس...ممكن اعزمج بهاي المناسبه السعيده
شهد...ممكن...ليش ما اني اعزمك لان خلصت الامتحانات
عباس...خلي عزيمتج غير مره لان عندي موضوع مهم اريد احجي بي وياج
شهد...اوكي يله مشينا
وصلنا للكوفي وكعدنا طلبنا عصير كوكتيل
عباس...باعي شهد اني انسان صريح وما احب الف والدوران
انتي عجبتيني من اول مره شفتج بيها
اني احبج وامنيتي نكمل العمر سووووو
واريد اتقدملج
وماعندي مانع تكملين دراسه
طبعا اذا وافقتي واذا كان ماكو انسان بحياتج
جمانه السعيدي
شهد...الصراحه فاجئتني حيل اني هسه مامفكره بلزواج
ابد...اني ما انكر ان شخصيتك تعجبني
وانت انسان واضح ومستحيل الكه واحد مثلك
عباس...هياتج لكيتني يله وافقي ولاتتركيني على نار
شهد..ممكن تنطيني وقت افكر
عباس....اكيد ممكن ولو انصحج تستعجلين لان عليه طلبيه
ايجوز اطير من ايدج
وبعدين تكولين ياااااا عزا راح الولد مني
شوفيني اخبل واخر قطعه لو تلحكين لو لا
شهد.....ههههههه صحيح يله نرجع للبيت
عباس يله بس رجعيلي خبر باسرع وقت
شهد....تدلل
لمن ردنا نطلع لاكونا شباب داخلين عباس التفت عليه وصار هو من جهة الشباب واني من الجهه الثانيه ولزمني من ايدي
علمود نطلع سوا
على الجهه الثانيه من الشارع جان واكف سيف وجماعته
وشاف عباس لازم ايد شهد وتخبل
سيف...شوف الشريفه ماصار فتره طويله من عافتني ولكت البديل
صديق سيف ...مو هو هذا الي اجا وراها للشقه
سيف...اي وللك هو بشرفي ما اخليهم يتهنون اني اعلمهم اني يضربني صار براسي رجال ولله يعلم شلاعب وياها
شهد...وصلنا للبيت واني كلوش فرحانه ومامصدكه
خلال الفتره الي عرفت بيها عباس تاكدت هو رجال وعد كلمته وصاحب غيره
واني اعترف حبيته من كل كلبي
طريقة اهتمامه بيه تجبرني احبه واتعلق بي
بس لازم اخذ راءي ماما بلموضوع واتاكد من مشاعري اتجاها
لان هذا زواج عمر مو لعبه
جمانه السعيدي
ماما....ممكن اخذ رائيج بموضوع
ام شهد اي كولي حبيبتي
شهد....شنو رائيج بعباس
ام شهد...من يا ناحيه
شهد...من كل النواحي
ام شهد...ولله الصراحه خوش ولد ومودب ورجال صدك بمواقفه وخريج يعني مايتعيب
شهد...كلش زين
ام شهد...ليش تسئلين امبينه الشغله مو خاليه
شهد...الصراحه اتقدملي
ام شهد... شكو بيها عباس خوش ولد بس ودراستج شلون
شهد...يكول بكيفج تردين نعقد وتكملين وبعدين نزوج
تردين نزوج وبعدين تكملين ماعندا مانع علمود الدراسه
ام شهد...فكري زين ماما لان هيج قرار مصيري
شهد...اني هم طلبت منه وكت افكر وارجعله خبر
لليل دزلي رساله...مافكرتي
شهد...شني بهل سرعه تريد الرد
عباس...وليش متردده موكتلج قطعه اخيره تفوتج
شهد...لا ماتفوتني راح تنتضرني
عباس...شمدريج
شهد....ادري بيك تحبني
عباس...واذا تدرين احبج ليش متردده
شهد.. افكر
عباس زين اني بعد ما اتصل لمن تفكرين وترجعيلي خبر مع السلامه
شهد اول يوم ما اتصل ضجت بقيت انتضر من وصل بابا يدخل واشوفه بس مادخل
ثاني يوم لازمه التليفون بايدي وما اعرف اشتغل وماكو
لاشفته ولا اتصل
ثالث يوم خلص صبري دزيتله كلب احمر
كتبلي يعني شنو
شهد...هذا كلبي الي يحبك ومايكدر يستغني عنك
عباس.. اكيد اني احلم
شهد لاماتحلم اني موافقه
عباس....حبيبتي انتي احلى حلم بحياتي
انتي الحقيقه الي ما اكدر اجاوزها صدكي راح اخليج اسعد انسانه بلدنيا كله
للجمعه انزل وافهم اهلي حتى نجي نخطبج
شهد...اوكي حبيبي
اما سيف قرر يجيب رقم عباس ويتصل بي
ويطعن بشرف شهد
خصوصا عنده محادثات غراميه بينهم وعنده صوره
هو حاضن شهد
راح للدائره الي يشتغل بيه ابو شهد وكدر يتحايل عليهم
ويجيب رقم عباس