رواية حياة ليان
الفصل التاسع9
بقلم ليان
خالد طلع وانا نمت طوالي لاني كنت تعبانه
خالدمع امي؛؛؛؛؛؛
عمتي: اها يا خالد كويسه
خالد: كويسه يا أمي عاوزه تنوم سويتي ليها الشوربه؟؟
عمتي: اي سويتها يا ولدي شوف شغلك معطلو ليك اسبوع
خالد: انا اخدت اجازه اصلا لي ٥ سنه م اخدت اجازه عايز اكون جمب ليان
عمتي : طيب يا ولدي ومشاعل؟؟
خالد: خليها تتأدب عند اهلها اصلا ابوها اتصل واعتذر لي وشكرني انو ليان م بلغت عليها
عمتي: الله يهديها م جعان
خالد: لالا باكل مع ليان لمن تصحي
عمتي طيب انا حاخش اصلي
دخلت غرفتي وبفكر ف ليان ومشاعل أعمل معاها شنو قمت استحميت وصليت وبقيت اقرا ف القرآن عاينت للساعه لقيتها ٥ قلت امشي اشوف ليان صحت مشيت دخلت غرفتها لقيتها نايمه قعدت جنبها مسافه وصحت
خالد: صح النوم
ليان: لي الساعه كم
خالد: الساعه ٥
ليان: العصر فاتني لي م صحيتني
خالد: م حبيت ازعجك شايفك نايمه نومه عميقه
ليان: مممم بالجد ارتحت لمن جيت البيت
خالد: يلا قومي صلي عشان ناكل
ليان: طيب
خالد سندني دخلت الحمام اتوضيت وحا لبسني العبايه والطرحه وصليت ف الكرسي بعد خلصت طلعنا الصاله خالد دخل مع امي المطبخ جهز الغدا
اتغدينا وخالد وامي با كلوني زي الطفل
ليان: انا حاتعود علي الدلع ده
خالد: ههههههههههههه علي راحتك اتدلعي العمر كلو
عمتي: هههههههههههه انتي قايله نفسك كبرتي
خالد: اي يا أمي شوفيها عليك الله
ليان: ههههههههه انا شبعت خلاص
خالد: وين شبعتي والشوربه دي الحايكملها منوو
ليان: بالجد اتمليت
خالد: اششششششش والا الحزام يجي زي زمان
ليان: لالا خلاص بكملها
عمتي: اصلو م بقدر عليك الا خالد
اتغدينا وخالد سوا القهوه بطقوسها حيرني انا زاتو وجو ملك ورماز وشربو معانا القهوه وخالد طول القعده جنمبي لو عايزه مويه يشربني ليها صحباتي مرقو المغرب وخالد ساعدني صليت ورقدني ف غرفتي وفتح فلم وجاب عصير وفشار ورقد جنمبي ف السرير بالجد بديت احبو بس خايفه اتعلق بيو وما عارفه نهاية زواجنا شنو خالد أثناء م نحنا قاعدين جرا يدي ولبسني الدبله وباس يدي
خالد: دي مكانها هنا وانا ضيقتها عشان م تطلع بالساهل
ليان: طيب
بقينا نحضر ف الفلم وانا خلاص نعست ونمت جاتني صحيه لقيت خالد خاضني م قدرت اتفك منو استسلمت ونمت
لسان خالد ؛؛؛؛؛؛
ليان بعد صحت حسيت روحي رجعت لي وعهدت نفسي اكون جنبها لحدي م تبقي كويسه وصدمتني لمن م اعترفت علي مشاعل احترمت رأيها واحترمتها زياده عدا اسبوع المستشفي اول كانت بتخجل مني تاني اتعودت يوم طالعين البيت الممرضه اتاخرت وهي زهجت قلت ليها بساعدك انا دخلت استحمت وجات مارقه قعدتها ف السرير سرحت ليها شعرها ولبستها عبايتها ونقابها وطلعنا وصلنا البيت كانت ماشه كويس وصلنا السلم حسيت انها خافت شلتها وكانت متعلقه ف رقبتي زي الطفل دخلتها غرفتها وطلعت ليها عبايتها ونامت طلعت لأمي وسألتني من مشاعل وانا قررت طول م اني ماجز اكون مع ليان عسان مشاعل تتأدب
طبعا ونحن ف المستشفي اتصل ابوها واعتزر لي وشكرني انو ليان م قدمت الشكوي واستحميت وصليت وقريت قران حبه انتهيت مسيت غرفة لقيتها لسه نايمه قعدت جنبها اتأمل كالعاده لمن صحت ساعدتها اتوضت وصلت وطلعنا جهزنا الاكل انا وامي وبقينا ناكل فيها زي الطفل اتزكرنا زمان لمن م كان بترضي تاكل بقعد ليها بالحزام لحدي م تكمل الأكل انتهينا من الاكل قلت اغير مودها حهزت القهوه زي م بتحب وحو صحباتها وونسوها ومرقو المغرب ساعدتها ف الصلاة وامي نامت حسيت ب ليان زهجانه جبت فلم ودخلت غرفتها وجهزت العصير والفشار ورقدت جنبها ف السرير طلعت الدبله المشيت ضيقتها عشان م تطلع بسهوله تاني ولبستها ليها وبست يدها وبقينا نحضر ف الفلم لحظي م لقيته نامت لقيت نفسي مقربه علي وحضنتها ونمت
ليان::::
صحيت الصباح ولسه خالد حاضني حاولتةاتحرك صحي بي
خالد: صباح الخير
ليان: صباح النور انت هنا وامي كن جات
خالد: ويعني راقد مع مرتي
ليان : لكن
خالد: اشششسسس ولا كلمه
ليان: طيب عايزه اقوم
خالد: طيب يلا
خالد قام وساعدني قمت دخلت الحمام وهو دخل استحم وجا صلي بي وصوتو كان حلو
ساقني الصاله صبحت علي امي وانا خجلانه من انوخالد بات معاي لقيت امي جهزه الشاي شربنا
ليان: خالد م ماشي الشغل ؟؟
خالد: لا انا اخدت اجازه شهر
ليان: ف حاجه
خالد: داير اهتم بيك ف مانع
ليان: لا بس انا كويسه
خالد: والجبص الفي يدك ده شنو برواز
ليان؛ هههههههههه بدبر اموري
خالد: ماف نقاش وبعدين لي ٥ سنه م اخدت اجازه خليني اخد راحتي
ليان: خلاص تمام
عمتي: عايزين تاكلو شنو
خالد: ام رقيقه
ليان: خلاص بعوس انا امي م بتقدر
خالد: طيب نشتغل انا وانتي وصفي لي بسو الملاح كيف وانتي عوسي
عمتي: ويدك يا بتي
ليان: م تخافي با امي بعوس بالشمال
خالد: وانا جنبها م تخافي
عمتي: طيب انا نازله لهبه امبارح بتها كانت عيانه
خالد؛ طيب يا أمي
امي نزلت ودخلنا انا وخالد المطبخ
خالد: اول حاجه اطلعي العبايه دي عشان تكوني براحتك
ليان: انا مرتاحه بيها
خالد: لا يعني لا بعدين شفتك بدون عبايه كتير
ليان: لكن...
خالد: اهاااا ازعل
ليان: لالا خلاص
خالد ساعدني طلعت العبايه وكنت لابسه بجامه وفكا لي شعري
خالد: بحب شعرك كده
ليان: طيب
بدينا نجهز ف الملاح انا اوصف وخالد سوا وعجنا عجين الكسره وخالد ولع لي الصاج وبقا واقف وراي عشان يساعدني وانا جسمي ناشل مويه
ليان: خ خ خالد انت
خالد: مالي
ليان: أمي حاتجي
خالد: م تخافي امي م شالت المفتاح يعني خاتدق الباب
بقي قريب لي لحدي م خلصت الكسره وانا حيلي مات عديل انتهيت ونضف المطبخ وانا دخلت غرفتي استحميت وصليت ورقدت
بلسان خالد؛؛؛؛؛؛؛
صحيت بحركتها عاوزه تبعد من حضني صبحت عليها وكانت خجلانه بست راسها وساعدتها قامت استحمت وانا استحميت وصلينا سوا وطلعنا الصاله وهي كانت خجلانه من امي شربنا الشاي وانا قلت نفسي ف ملاح ام رقيقه هي قالت بتعوس عشان امي م بتقدر استغليت الفرصه وقلت لأمي انا بساعدها امي فهمتني وقالت نازله لهبه بتها عيانه نزلت ودخلنا المطبخ لقيتها بعبايتها اصريت عليها تقلعها وقلعتها وكانت لابسه بجامه الساعه ديك بلعت ريقي ١٠٠ مره بس اتمالكت نفسي وصفت الملاح وسويتو وجا قت الكسره قربت منها عشان بيدها م توجعها وهي اتوترت وخافت امي تحي داخله انا طمنتها ووقفت ف محلي لحدي م خلصت انا زاتي تعبت وحسيت بيها م تمام انتهت وخشت غرفتها وانا خشيت غرفتي ارتاح لاني كنت. علي اخري
ارتحت شويه ومشيت استحميت وصليت وطلعت لقيت امي جات مشيت لقيت ليان نايمه خليتها وقعدت مع امي
عمتي: اها بعد ده بتنكر
خالد: ههههههههههه الحقيقه لا
عمتي: ومرتك
خالد: ليان برضو مرتي مشاعل رضت رضت م رضت بطلقها م كفايه حارماني مت الاطفال
عمتي : كيف حارماك ؟؟
خالد: يا أمي م تزعلي مني بس انا ضعيف هي بتاخد مانع عشان م عاوزه ولاده
عمتي: وكيف الكلام ده ولي رضيت
خالد: الوضع كان بختلف لاني لو اعترضت حاتاذيني ف شغلي بس اسي انا زول مستغل وعندي علاقات اكتر منها
عمتي: وانت استحملت كل ده عشانا
خالد: يا أمي أنا كان همي انتي وليان تعيشو عيشه سمحه لكن من ليان دخلت حياتي انا حسيت اني اتولدت من جديد عشان كده الزواج ده عاوزو حقيقه مع علي الورق بس
عمتي: خير يا ولدي لكن ليان حاترضي
خالد؛ م تخافي حبه حبه بخليها ترضي
عمتي: طيب ان شاء الله يحصل خير
الباب دق
خالد فتحو
رماز وملك : كيفكم
خالد: هلا نورتو
رماز : انا قلت تكون شامينا عملنا ليك وجع وش
خالد: معقوله ياخ انتو الخير والبركه
دخلو سلمو علي امي
ملك: ليان وين؟؟
خالد: نايمه خشو صحوها لانو كفايه نوم
انا نايمه حسيت بزول بهبش ف شعري قلت ده خالد قلت ليو خالد بطل بعد شويه اسمع ليك ضحك بنات قمت مخلوعه وهم استلموني
ملك: خالد بطل ههههههههههههه
رماز: انتي يا ملك قلتي م بتحبيو
ليان : ياخ بطلو م اتخليتكم تجو
ملك: جينا نشوف الحبيبه
ليان: مللللللك خلاص
رماز : ملك البت بتخجل خلاص
ليان: قولي ليها عليك الله
رماز: يا خالد بطل
ليان ياخ انتي هبله
عايزه اضربها بالمخده بس جلت جات ف خالد وهو داخل
خالد: كتر خيرك انا اتعب واساهر واسوي الاكل وانتي تضربيني
ليان: والله م قصدي انت
خالد؛ ههههههههههه بلا ارح الاكل
خالد مرق والبنات استلموني
ملك: ليان م تكابري بتحبي صاح
ليان : بصراحه اي لكن خايفه
رماز : من شنو ؟؟؟
ليان: انتو عارفين طبيعة زواجنا وبعدين م دايره اخرب بيتو
رماز: عايني مرتو براها خربت بيتها انتي م ليك ذنب وبعدين هي م بتستاهل خالد
ملك: با ليان انتي م شفتي حالة خالد ف المستشفي ياخ حنني عديل والله
ليان: م عارفه مشوشه
ملك: لا تشوشي ولا شي انتي بس خلي قلبك هو المتحكم تمام
ليان :تمام يلا ارح انا جعانه
رماز: دايما مفجوعه ارح
طلعنا ولقينا خالد مجهز الغدا والله اكلنا اكل مبالغه وخالد كان ساوي عصيرو المفضل الكركدي ورماز وملك زبطو القهوه واتونسو معانا للعشاء وخالد مشا يوصلهم انا دخلت استحميت وصليت ورقدت قلت اراجع الفاتني