كان ينظر لها منتظر انت تتكلم طال الانتظار فقال
ذياد مش عاوزة تقولي حاجة
نهال حاجة زي ايه يا كابتن
ذياد كابتن بس
نهال مش فاهمة
ذياد يا ربي بحب طفلة
ارتبكت وظهر الخجل علي وجهها
ذياد عاوز اعرف حاسة بيا انا عارف اني استعجلت بس بصراحة بعدك خلاني مش قادر اصبر ولا قادر اركز
نهال وانا
ذياد انت ايه
نهال انا يعني معجبة بيك
ذياد بس اعجاب مش اكتر
نهال لا اقصد اكتر يعني انا
ذياد انت ايه
نهال مش عارفة انا اول مرة احس بالخبطة دي جواية فأنا مش عارفة انا حاسة باية بالظبط بس قلبي بيدق بسرعة اوي لم بتكلم معاك ببقي عاوزة اشوفك بس خايفة
ذياد خايفة من ايه يا حبيبتي
نهال من اللي بحسه ومن اني اكون مجرد نوع مختلف عاوز تضيفه للقايمة
ذياد ايه اللي بتقوليه دا وجبتي مني اني علي علاقة بحد تاتي وايه حكاية القايمة دي
نهال اياد لما اتكلم كنت سمعته وهو بيقول بيري وجايدة
ذياد ما تخديش علي كلامه هو مش فاهم
نهال وبابا قالي انك حتي لو مش متجوز اكيد مريت بتجارب كثييير وبنحب حد
ذياد مش هنكر ولا هدعي اني راهب رغم انه مش زي ما انت فاكرة وبعدين انت مختلفة
نهال يعني انا ايه واختلف عن دول في ايه
ذياد في انك الوحيدة اللي تمنيت تكون مراتي انت الوحيدة اللي ما بيدق ليها دا وأشار الي قلبه
نهال يعني انت بتحبيني بجد
ذياد انا مش بس بحبك يا بنت المجري انا عديت المرحلة دي من وقت بس انت ايه
نهال يعني لو مش بحس بحاجة نحيتك اكيد مش هقف كل دا اكلمك كنت استاذنت
ذياد ممكن تكوني بتحسي بحاجة بس مش حب
نهال لا انا بحبك يا ذياد
ذياد اشهد انا لا اله الا الله اخير مهما قولت ليكي قد ايه كنت بستني اسمعها منك مش هتصدقي
نهال انا
ذياد انت وحشتيني
نهال مش باين حتي لبسي وشكلي مش عاجبك
ذياد المشكلة انه عاجبني و عاجبني اوي كمان
نهال نظرت لها ولم تتكلم فاكمل هو كلامه وقال
ذياد لدرجة انا كنت عاوز آخدك في حضني وزرعك جوي ضلوعي بس انك تبقي بالجمال دا وكمان تظهري للكل لا يا نهال مش هقدر استحمل
نهال ذياد انا بس كنت عاوزة ابقي حلوة زي البنات
ذياد حبيبتي انت فعلا حلوة كل حاجة فيكي حلوة انا مش متحكم ولا حاجة بس انت مش زي البنات انت ملاك ملاكي انا من حقي اغير عليكي من الهوا اغير عليكي من أي حد يبصلك
نهال انا
ذياد انت ملكتي قلبي يا بنت المجري وانا بعد الايام عشان السنة دي تخلص
نهال ليه
ذياد يعني مش عارفة
نهال هاه
ذياد بس عاوز اسالك الأول انت عارفة عندي كام سنة انا أكبر منك بكتير
نهال مش فاهمة قصدك ايه
ذياد يعني يمكن السؤال متاخر بس مش مديقك ان أكبر منك باكتر من ١٠ سنين مش بتفكري انك ترتبطي بحد من سنك
نهال ايه
ذياد علي فكرة انا مش هزعل لو الموضوع يديقك انا نفسي حاسس انك طفلة بحس انك بنتي بس غصب عني
نهال هو ايه اللي غصب عنك
ذياد حبي ليك مش بايدي دا بقلبي بس لو شايفة اني مش مناسب انا ممكن هنسحب
نهال بسهولة تنسحب
ذياد لا طبعا دا هيبقي اصعب من الموت انت حبك بيجري في دمي انت روحي
نهال وفي حد ينسحب ويسبب روحه
ذياد تقصدي انك مش معترضة مش مديقك يعني انا عارف اني اناني بس .
نهال من غير بس يا ذياد
وضع يده علي خدها فتراجعت بخجل وهي تقول
نهال لازم امشي
ذياد ابتسمت لها وعقله يقول فعلا ياريت تمشي قبل ما اتجنن
اتجه إلي مكتبه وناولها منديل
ابتسمت وهي تاخده منه تمسح شفتيها
خرجت لتلقي السلام نظر لها اياد وهي تخرج ثم دخل الي ذياد الذي كان يقف ينظر في أثرها
اياد زيزو انت زعلان مني
ذياد لا بس ياريت تخلي بالك بعد كده
اياد طبعا دي مرات اخويا
ذياد ابتسم
اياد الا قولي مين مسح الروج انت ولا هي رفع ذياد تحفه من علي المكتب ليحدفها فيه
اياد خلاص يا أسطورة قلبك ابيض يبقي هي اللي مسحته
ذياد اياد بصوت عالي نهال خط أحمر مش زي غيرها ببلاش تهزر عشان متزعلش مني
اياد لا اطير انا
انتهي اليوم ورجعت الي السكن وجدت حنان ترتب دولابها
وعفاف ترتب فراشها ففعلت مثلهن
وفي ميعاد الجيم تحركت لتذهب مرت الايام وكل يوم تتعلق به أكثر تتوغل في حبه أكثر
رغم انه كان يحاول ان يعاملها بحيادية حتي لا يلفت النظر الي مشاعرهم كان اقصي ما يسمح به لنفسه منها ان يسلم عليها بيده ويستبقي يدها في كفه بضع دقائق
كانت تري اللهفة والحب في عينه ورغم انه وضعت ميكب هادئ بعدها الا انه كان يبتسم لها وهو يقول برضوا يا نهال عاوزة تجننيني
نهال انا
ذياد بحبك ولكنه رفع صوته وهو يقول ياله علي الرسن
مرت الايام والاسبيع وهي تجتهد من أجل البطولة رجعت اجازة الي البيت مرة اليوم الأول وفي الثاني جلست امها بجواره وقالت
عالية نهال في حاجة عاوزة تقوليها
نهال انا
عالية أيوة انت
نهال ذياد
عالية دا الكابتن
نهال هو
عالية ماله
نهال بحبه بس بلاش تقولي ل بابا
عالية مش كبير عليكي يا نهال دا دكتور جامعة وبطل عالمي يعني اقل حاجة اربعيني او اقل شوية
نهال لا عنده ٣١ او ٣٢ يعني مش كبير اوي وبعدين مش بالعمر
عالية يعني عاجبك لدرجة انه مش فارق معاكي عمره
نهال بصراحة أيوة
عالية مش مجرد انبهار بي....
نهال لا يا ماما مش انبهار ولا اعجاب انا بحبه
عالية وهو
نهال مستني السنة دي عشان يتقدم والله بيعملني بحدود ومفيش حاجة ممكن تقلقي منها
عالية انا مش قلقانة انا بثق فيكي وفي تربيتي ليك انت عارفة انت مين انت نهال بنت فتحي المجري اللي طول عمره راسه في السما وعارفة قد ايه انت بتحبي بابا ومش ممكن تقليلي من شأنه
نهال طبعا مفيش حد في الدنيا ممكن يجعلني أغير مبادئ
عالية وانا عارفة دا كويس بس لازم تبقي راسيه وما تبينيش مشاعرك
نهال ضمت نفسها له وقالت حاضر واخذت امها تتكلم معها في اليوم التالي كانت تسلم علي العائلة وهي تستعد لتسافر
في الوقت الذي كان فيه مراد يوصل جدتها نقابلت معه علي الباب كانت تجر حقيبتها لتخرج
مراد ايه يا نوشة اذا حضرت الشياطين
نهال لا ابدا اما بس هتحرك عشان القطر
الجدة كنت عاوزاك يا نهال
نهال معلش يا تيتا متأخرة
الجدة خلاص يا نهال هبقي اكلمك في التلفون بكرة
نهال في اي وقت يا تيتا
مراد اوصلك يا ست البنات
نهال بابا اتصل وجاي بلاش تتعب نفسك
مراد تعبك راحة يا ست البنات
نهال ابتسمت له بقرف وتحركت بعد أن سمعت زمور السيارة
عالية خلي بالك من نفسك
نهال حاضر
داخل القطار مان والدها يحتضنها ويضع حقيبتها علي الرف
فتحي قلبي بابا خلي بالك من نفسك
نهال حاضر ما تقلقش
فتحي انا مش قلقان سلمي علي الكابتن
نهال حاضر تركها وانصرف عندما هم القطار ان يتحرك
كانت تنام عندما شعرت بحركة عفاف وحنان استيقظت اتصلي معهما
تناولت الفطور معا واخذت يراجعا احد المواد المهمة
بعد وقت كانت نهال تمشط شعرها ضفيرة
حنان هو لازم صغيرة دا انت من اسبوعين كنت ولا عروسة البحر
عفاف فعلا
نهال عشان التمرين وكده وكمان اما مش بضفره بيبقي اطول وانا قولت قبل كده اني ما ينفعش اقصره
حنان ليه ربنزيل
نهال ههههههه لا يا ام دم خفيف وعدت ماما وانا طفلة يا دي النيلة القصة دي بحكيها كتير
عفاف انا هبقي اقولها
نهال احسن عشان انا متأخرة
كانت تصل الي الصالة لتجد اياد وعاصم يسخنون
نهال صباح الخير
اياد صباح النور
عاصم صباح الخير يا كابتن
بدأت تقوم بتمرين الإحماء بعد قليل دخل ذياد الذي تأخر اليوم
ذياد صباح الخير يا شباب
ردو عليه صباح الخير يا كابتن اقترب منها يتابع ما تفعله وقال صباح الخير يا قلبي وحشتيني
نهال صباح الخير
ذياد مفيش وحشتني
نهال علي فكرة اياد بيبص علينا
ذياد ابتسم لها واتجه الي أخيه وقال بتبص علي ايه يا حشري
اياد انا ابدا
ذياد طيب اتلم
اياد انا دا بس كنت هجيب شجرة واتنين لمون دا انت واقف تحب وناسي اننا واقفين
ذياد ٢٠٠ ضغط
اياد دا انا اخوك يا أسطورة وبعدين انا بطل اسكوش مش ملاكمة ولا مصارعة ولا حتي كارتية انا بدرب بس عشان ابني جسمي
ذياد يبقي ركذ في التمرين مش فيا
اياد حاضر يا عم
ام هي كانت تتمرن بجد وقت ان رن تلفونها ولكنها اكملت التمرين
ذياد نهال تلفونك
نهال فصل مش مشكلة ولكنه رن مرة اخري كانت جدتها
نهال بعد اذنك الو و ازيك يا تيتا
الجدة الحمد لله يا حبيبتي كنت عاوزاك زي ما قولت ليكي امبارح
نهال أيوة يا تيتة بس انا في التمرين الوقتي
ذياد مش مشكلة اعتبري نفسك بريك
نهال خلاص يا تيتا كنت عاوزني في ايه
الجدة جايبالك عريس انما ايه مال وجمال وشباب
نهال نعم بصوت عالي عريس لمين يا تيتا
كان ذياد يتحرك ليترك لها مساحة ولكن ما ان سمع ردها حتي وقف مكان واستدار ينظر لها
الجدة ليكي طبعا
نهال ليا طبعا ازاي يعني انا مش بفكر في الارتباط حاليا وبعدين درستي وتمريني والبطولة البي كمان اسبوعين او ثلاثة دي اعمل فيها ايه
الجدة ومتفكريش ليا وبعدين البنت ملهاش غير بيتها وجوزها وبعدين هو مراد يترفض دا الف واحدة تتمناه
نهال مراد مين اوعي يكون هو اللي في دماغي
الجدة هو احنا نعرف كام مراد مراد ابن عمك
نهال مراد ابن عمي ازاي يعني الصايع الفاشل اللي مش كمل تعليمه بتاع البنات اللي كل يوم مع وحدة لا طبعا
الجدة طيب كلميه
نهال يعني ايه كلميه هو جنبك كانت تتنفس بصوت عالي
الجدة اه خدي
مراد الو و ازيك كنت عاوز اتكلم معاكي امبارح بس كنتي مستعجلة
نهال اولا مفيش كلام بينا ثانيا فكرة انك أتجوزتني دي تشلها من دماغك
مراد في ثالثا
نهال اه وثالثا حكاية ان مش ناقصك حاجة والف واحدة تتمناك انا مش من الألف دول
مراد اهدي بس
نهال انا مش بشد في شعري يا ابن عمي عشان تقولي اهدي وانا اعرف كتير اوي لو فاكر اني صغيرة
مراد يعني ايه
نهال ض يعني بلاش تخليني اتكلم يعني ممكن تاخد واحدة من اللي انت ماشي معاهم ولا زبينك في معرض العربيات والا اللي بيجولك ثلاجة الخضار انما انا شيلني من دماغك
مراد ولو ما حصلش
نهال برحتك بس انا جواز منك مش هيحصل ولو فاكر اني بخاف ولا بتهدد وتقول ولو ما حصلش
مراد هتعملي ايه يعني بنت عمي وانا اولي بيها
نهال بنت عمك وأولي بيها ما في احلامك وتعمل ايه ههد المعبد علي دماغك وقول لعمي علي وسختك واللي اعرفه كله وبرضوا مش هتتجوزني عارف ليه عشان المجري مش هيجبرني اخد نص راجل زيك
مراد انا نص راجل
نهال وابقي كرماك كمان اصل انت متعرفش الراجل مش بالشكل ولا بالجسم الراجل بالدماغ وانت دماغك مفيش غير الهلس هقفل عشان وراي تمرين
مراد يبقي هتجوزك عشان تعرفي اذا كنت نص راجل ولا راجل
نهال لما تشوف ودنك أغلقت الخط
ذياد كان ينظر لها بغيرة وحب وخوف
هل من الممكن أن تضيع منه أن يأخذها آخر
لا لن يحدث لن يستطيع أن يحتمل هي له دون غيره
ذياد كان في دوامة من نيران الغيرة ولهيب الحب تلاقت نظرتهما فقالت ما لم تقوله الألسن قال بعينه
ذياد انت بتاعتي
نهال مش هكون لغير ولو علي موتي
الحلقة العشرون
العواطف تقهر العواصف
بقلم نورا محمد علي
كانت تنظر له وهو يبادلها النظرة المحملة بالغيرة والحب
وقالت العين ما لم يقوله اللسان
ذياد انت بتاعتي
نهال مش هكون لغيرك لو علي موتي
اذدري لعابه وهو يفكر هل يستطيع أن يحتمل أن تكون لغيره لا لن يستطيع ربنا يستطيع الموت اسهل
وكان رده وقتي رفع هاتفه المحمول
وهي تنظر له باستغراب
ذياد طلب الرقم وانتظر الرد
كان الجميع بدأ يتابع مايحدث فلقد فضحته نظرته ولهفته
نهال كابتن لم يرد عليها
نهال ذياد بتكلم مين
ذياد قال كابتن فتحي انا ذياد المسلماني
نهال أشارت له بلا
فتحي اذيك يا ذياد دا رقمك
ذياد الحمد لله اه ما رقمي
فتحي خلاص هسجله خير
ذياد كنت عاوز حضرتك محتاج اقبلك ضروري او اجيلك البيت
فتحي تنور طبعا بس ليه الموضوع يخص ايه بالظبط قلقتني
ذياد نهال
فتحي وقد اعتدل في جلسته مالها بنتي فيها حاجة
ذياد انا اللي فيا
فتحي ابتسم ههه
ذياد بتضحك حضرتك انا عاوز اتقدم لبنتك في ياريت تحدد ليا ميعاد اجيب عالتي واجي
فتحي مستعجل
ذياد مستعجلة اني ارتبط اه اقدم شبكة ماشي او نكتب الكتاب ياريت لكن عندي استعدا اصبر علي الجواز
فتحي يعني هتصبر ٥ سنين
ذياد لا طبعا ٥ سنين كتير يا مجري انت خطبت مامتها ٥ سنين
فتحي لا
ذياد طيب ايه انا بس عاوز رايك في الموضوع موافق معترض
فتحي هتكلم مع نهال وسألها هي جنبك
ذياد لا مش جنبي بس قصادي تحب اندبها
فتحي تنزل اجازة طيب واسالها
ذياد هي يتنزل يوم الخميس النهاردة الأحد
فتحي وفيها ايه دا اسبوع او اقل مش كتير وبعدين ازاي هتصبر وانت مستعجل اهو
ذياد مش القصد بس عاوز خطوة رسمي فاكيد حضرتك عازرني
فتحي فاهمك بعدين نهال لسه طفلة لا عاشت مرهقة ولا ارتبطت بحد مش لازم اتأكد اذا كانت ببادلك نفس المشاعر ولا لا واذا كانت موافقة دا أعجب ولا انبهار ولا حب
ذياد اكيد من حقك حتي تسال عني وعن اهلي اليومين دول
فتحي انا مش محتاج اسال عنك انت غني عن التعريف بس انت عندك كان سنة
ذياد ٣٢
فتحي طيب راجل في سنك ومكانتك واكيد ظروفك كويسة بغض النظر عن انك بطل عالمي انت دكتور جامعة مرتبك كويس
ذياد ممم تقصد ليه ما تجوزتش يمكن النصيب او يمكن مكنش فيه اللي تناسبني وكمان قلبي ما دقش قبل كده
فتحي انت عاوز تقولي انك مش مبهرة بنسخة مؤنثة منك بتلعب بنفس طريقك وعندها القوة اللي كتير ممكن يحسدها عليها
ذياد كل دا انا عارفه زي ما انت تعرفه الفرق اني بحب بنتك يمكن من اولي مره واجهتها وطلبت اني اضرب بجد
فتحي ممم مش بتحب التساهل طيب هسال واتصل بيك
ذياد مستني تلفونك في اقرب وقت مع السلامة
فتحي الله يسلمك
نهال ليه انا قولت ليك لا انا هكمله
ذياد تكلميه لما تبقي مرتبطة بسوسن
نهال الموضوع مش كده انت لسه معترف ليا من قريب انا مش عاوزاك تستعجل عشان
ذياد عاوزني استني لحد ما تتخطبي لابن عمك او ابوكي يقولك انه اولي بيكي
نهال يا ذياد يا حبيبي انت مش فاهم ما كنش هيغصبني علي حاجة
ذياد اسمه مراد ايه
نهال متشغبش بالك
ذياد هو ايه اللي مشغلش بالي لو ما شغلش بالي بيكي اشغله بمين اتفضلي كملي التمرين عشان تلحقي المحاضرة
نهال ايه محاضرة وابتسمت
ذياد في ايه يضحك في كلامي بقولك نكتة لازم تهتمي بدرستك
نهال حاضر
مر اليوم وغيره وكانت تلتزم بموعيدها في التمرين والجيم ولكن المجري لم يتصل بها كان ذياد يسألها كل يوم ان كان تكلم معها ام لا
ام الفريق فيعاملها بحترام وفي حدود حتي اياد
هو يعرف غيرة اخاه جيدا
وفي نفس الوقت كان مراد يتكلم مع جدته
الجدة اطلبها من عمك
مراد لما تخلص السنة دي علي الاقل وقتها مش هيبقى عليا ملامة
الجدة طيب ليه قولت ليها الوقتي
مراد عشان اشغلها وتفضل مستنية تعرف ايه اللي حصل وكلمت ابوها ولا لسه
الجدة انت ابن ابني وهي بنت ابني بس هي مالهاش في اللوع ذكي
مراد انا بلاوع
الجدة اه ولو عاوز تعمل كده عشان تنجح بتقدير اقل يبقي انا مش هدخل ليك انا بحب نهال زي ما بحبك وما دخلت الا عشان مستخسراها في اي حد وفيك انت كمان
مراد انا يا حاجة
الجدة اه انت وكمان لازم تسيبك من الزبالة البي انت ماشي معاهم دول
مراد طبعا طبعا
ولكن عقله يقول قال اسببهم قال علشان مين نهال المسترجلة لا طبعا دي عشان تشيل الاسم بس
و دا عشان عارف انها ابيض ملهاش في حاجة كنت شكيت فيها هي كمان
دا انا وصلت اني اشك في صوابع ايدي كله شمال
الجدة واد يا مراد بكلمك مش بترد
مراد ايه بتقولي ايه يا تيتا واكمل كلام معها
انتهي الاسبوع وفي آخر يوم
ذياد نهال
نهال اامر يا كابتن
ذياد ماشي يا روح الكابتن هتقولي ليه ايه
نهال المجري
ذياد اه طبعا اوعي تتكلمي مع الزفت دا اللي اسمه مراد
نهال ذياد لازم تكون متاكد اني مش بتكلم معاه
ذياد طيب هتقولي ايه للمجري
نهال ام هقول ايه المجري هقوله انك قتم ومش بتضحك ومكشر طول الاسبوع
ذياد ههههههه انا
نهال اه وكمان بتشخط فيا لما اغلط وفي الاخر تقول بتحبيني
ذياد طبعا بحبك وعشان كده عاوزك برفكت وبعدين محاضرة امبارح ماكنتش مركزة وانا اقل من امتياز مش هقبل يا حبيبتي
نهال ولا انا رن تلفونها
ذياد مين
نهال عفاف اه يا حبيبتي خلصت ياله جايه سلام
ذياد طيب اتفضلي هبقي اكلمك في التلفون هزت رأسها وخرجت
تبعها فادي وقال انسه نهال لو سمحتي
نهال خير يا كابتن
فادي صاحبتك
نهال ابتسمت وقالت مين فيهم
فادي الشعنونة دي القصيرة اللي من غير حجاب
نهال اه حنان مالها
فادي مرتبطة
نهال ليه
فادي انا قصدي بصي انا غرضي شريف انا عاوز اتقدم ليها
نهال اه طيب ايه عاوز مني ايه اقدر اخدمك فيه
فادي عنونها بس الأول تسأليها بطريقة مش مباشرة عني
ذياد فادي بتعمل ليه مع خطيبتي
فادي لا والله ما هي صاحبتها انا بس عاوزة تجس النبض
ذياد الشعنونة
فادي هي بعينها
ذياد طيب قولت الي انت عاوزه
فادي اه تمام عن اذنكم بس ما تنسيش لو سمحتي
ذياد ياله عشان متتاخريش يا حبيبتي سلمي علي بابا
نهال لا طبعا انا مش هجيب سيرتك الا لو كلمني وسأل
ذياد جبانة
نهال أيوة طبعا الجبن سيد الاخلاق
ذياد حبي بالك من نفسك ياله عشان تلحقي القطر
وصلت الي المحطة واخذت تاكسي الي البيت
عالية يا دي النور تعالي يا نور عيني
نهال عاملة ايه والولاد فين
عالية مع بابا
نهال طيب هاخد دوش وعاوزاكي
عالية لا تعالي هنا الأول ابوكي من يومين قالي ان فيه عريس متقدم ليكي
نهال ممم وايه تاني
عالية قالي انه الكابتن بتاعك وهو عاوز يتكلم معاكي الأول كنت عاوزة اقوله انك حكيت ليا بس سكت
نهال عين العقل يا لولا وانا مش هتكلم الا ما يقولي
عالية بس انت مش قولتي هيستني السنة دي تخلص
نهال حكت لها ما حصل
عالية مين مراد لا طبعا مستحيل
نهال والله يا ماما انا قولت اكيد بابا مش هيعمل فيا كده
عالية عشان كده اتكلم بدري
نهال اه
عالية هشوف الاكل وانت متقلقيش لو آخر راجل علي وش الأرض مش هتتجوزيه مراد الصايع دا بس ما تتكلميش قدام تيتا
نهال احتضنت امها وقالت انت هتقولي ليا ما هي اللي متوسطة ليا بس حبيبتي يا لولا انت هتبقي معايا
نهال طبعا بس هي ما قلتش حاجة لابوكي وكويس أن ذياد كلمه الأول
نهال الحمد لله
مر اليوم الأول ولم يكلمها الاب في موضوع ذياد وفي اليوم التالي تناولوا الغداء وبعدها قال الاب
فتحي ايه يا نهال مش عاوزة تتمرني معايا شوية
نهال أيوة طبعا انا كنت هاجي علي الأكاديمية امبارح بس قولت لتكون هنا
فتحي طيب ياله
ناجي انا هجي معاكم
ندا وانا كمان
فتحي مرة تانية انا عاوز اختكم في موضوع ياله يا نوشة ووضع ذراعه علي كتفها وخرج معها
بعد وقت كانت تجلس معه في المكتب الخاص بالأكاديمية وأمامها علبة سيفن اب وهو كذلك
فتحي عاوز اسالك سؤال
نهال خير
فتحي ايه رايك في ذياد المسلماني
نهال ك أيه
فتحي هو ليه اكتر من صفه
نهال مدرب دكتور انسان
فتحي كله
نهال هو عصبي شوية بس دكتور كويس عنده طولة بال بس كمدرب رغم انه برفكت بس قتم ام كانسان فكل اللي حوليه معجبين بيه
فتحي وانت معجبه بيه
نهال مممم
فتحي بس اعجاب
اخذت رفع من الكانز الموضوع أمامها وقالت
نهال انت عاوز ايه بالظبط يا مجري
فتحي عاوز رايك فيه كانسان
نهال محترم وعلاقته باخوه اكتر من روعه وعلاقته لحالته اصحاب بيحب كل حاجة كاملة برفكت
فتحي وايه كمان
نهال تقيل رزين جذاب مهذب واثق في نفسه عاوز تسال عن ايه تاتي
فتحي عن حاجة واحدة بس
نهال ايه
فتحي دا اعجاب ولا حب
نهال ايه