غرام: شكرا على مساعدتك
همسه : صامت تام من الصدمه وفى دماغها حاجات كتيره
ازاى عرفت وممكن أهلها يعملوا فيها اى لما يعرفوا
عمار واسراء وغرام : قعدوا على ترابيزه لوحدهم وده كان إحتفال علشان الشغل اللى بينهم اتطور وحقق انجازات عاليه
فهد قاعد بيفكر فى اللى هيحصل بعد كده وبعد كده انشغل فى الحفله
عدلى: بيسلم على الناس وكل شويه يلقى نظره على الباب يمكن منصور يدخل
ادم:, بس تصدق الدخله فخمه اوى الصراحه انا ك ادم اتهزيت
زين : لسه اللى جاى احلى بكتير
ادم : اشطاا انا بحب كده
اسراء : لأ جو التوتر ده عجبنى اوى
عمار : خليكم هنا متتحركوش انا رايح اسلم على صحابى وجاى
غرام : بتبص على زين وزين غمز لها وهى ضحكت وادارت وجهها الجهه الاخرى
اسراء: اى رأيك نشرب حاجه
غرام :, تعالى يلا
وهما ماشين
ياسمين : إسراء
اسراء: ياسمين لأ مش مصدقه
وحضنوا بعض
اسراء: غرام انتى مش فاكره ياسمين دا ياسمين ام ديل اللى بتاكل الناس بليل مش فاكرها
غرام بضحك : خلاص يخربيتك افتكرت
ياسمين بزعل مصتنع زى الأطفال: كده ي اسراء شكراً ي محترمه
غرام: خلاص متزعليش أصل الست الوالده ربتها بس مطمرش فيها التربيه
ياسمين: عندك حق
اسراء: فى اى انتى وهى خلاص
_________________________
جاسر : انا عرفت حاجه بس مش عارف هى صح ولا لأ
زهره: بخصوص اى
جاسر بتوتر : بخصوص ام غرام
زهره: اى ده مش هى اتوفت فى حادثه هى وباباها
جاسر : ده اللى فهد قاله بس الله اعلم الحقيقه فين
__________________
عمار وادم وزين : رجعوا على الترابيزه اللى كان عليها البنات
ملقوش عليها حد
وبعدين سمعوا صوت ضحكاتهم العاليه
عمار : ااه ي صايعه ده انتى لو بتشربى سجاير صوت ضحكتك مش هيبقى كده فى اى
غرام بضحك : اصلها دخلت على المعسل علطول هههههههه
ادم : واقف سرحان فى الملاك اللى كانت واقفه جنبهم
ياسمين: لاحظت ده واتكسفت جدا وحطت وشها فى الارض
زين : وطى صوتك وانتى بتضحكى
والمكياج اللى على وشك ده هنتحاسب عليه بعدين
غرام بدلع : يعنى مش حلو ي زينو
زين : زينو اتعدلى بدل مرزعك بوسه دلوقتى وسط الناس والخطط كلها تبوظ أنتى حره
غرام: ساافل
زين : عارف ي روحى
ادم : اى ي غرام مش تعرفينا على الجميل
ياسمين اتكسفت اوى من كلامه وخدودها بقت فراوله خالص
زين وعمار : لاحظوا قالوا بحمحمه: وعاوز تتعرف ليه
ادم بخجل: لا ابدا عادى
غرام : ديه ياسمين صحبتنا
اسراء: ممكن تروحوا تشوفوا صحابكم بقى علشان احنا عاوزين نقعد لوحدنا سوا
عمار : افهم من كده انك بتكرشينا بزوق صح
زين : صح يلا بينا نمشى بنص الكرامه اللى عندنا
ومشوا وقعدوا البنات مع بعض
همسه بنظره شر : اعمل فيكى اى تانى علشان تغورى بعيد عننا
زياد من وراها : الجميل مضايق ليه
همسه بإبتسامه: لا ابدا
زياد: مش عليا
همسه : مضايقه شويه بس
زياد: مضايقه من اى
همسه بقله حيله : حكتله على كل حاجه
زياد : انتوا ازاى كده انا كنت فاكرك حاجه تانيه نزلتى من نظرى اوى ي همسه
همسه وهى على وشك البكاء : هو انا كنت قاسيه اوى
زياد : قاسيه ديه كلمه بسيطه وبعد كل ده لسه عاوزه تبعديها
زياد : طب انتى عاوزه تبعديها ليه هى حاليا مش قاعده معاكوا
يعنى خايفين تاخد الفلوس وتنتقم. حقها حقها ي همسه
همسه بعياط : هو انا وحشه للدرجادى
زياد: اظن مش انتى اللى وحشه امك هى اللى بتلعب فى دماغك ي همسه ابعدى عن امك وبطلى تسمعى كلامها.
انا اصلا مش مستريح ل امك اهو انا بقولك الحقيقه علشان بحبك وعاوز ابقى صريح معاكى
بس لو الوضع فضل على كده انا هغير رأيكى فيكى
همسه : مش عارفه ازاى اتغير وهل غرام هتسامحتى على الاساءه ديه كلها
زياد : اللى قلبه نضيف بيسامح قال الجمله ديه ومشى
همسه : قعدت تفكر في كلامه وفى امها وفعلا لقت أن باباها مش بيتكلم على غرام خالص
كل اللى بيفتح المواضيع عن غرام هى امها ايمان
غرام قعده هى واسراء وياسمين يضحكوا
فجأه جيه حد حط أيده على كتف غرام
غرام اتفزعت انتى ...
هل همسه هتتغير فعلا تكون كل اللى هى فيه من كلام ايمان
هل غرام هتسامحها
هل توقعات جاسر صح وتكون ام غرام عايشه
روايه غرام الزين
البارت الرابع عشر
عدلى واقف زعلان وحاطط وشه فى الأرض : فجأة حس بحد واقف قدامه
رفع وشه ودموعه نزلت رغماً عنه
وقام حضنه كنت فين ي بنى قلقتنى عليك
منصور: آسف ي بابا كنت مكتئب شويه
عدلى : وايه اللى كئبك إنشاء الله
منصور بدون وعى: غرام
عدلى بإستغراب: مالها غرام
منصور: بحبها وهى مشيت فجأه
ورجعت دلوقتى وانا رجعت علشان هى رجعت
مين اللى سمع الكلام ودمه بيغلى
زين : ه..هو قال بيحب غرام .يعنى غرام مراتى
عمار : لأ اكيد غرام تانيه أهدى كده علشان احنا فى حفله وفى ناس مهمه وكده
هى ام الحفله هتخلص امتى بقى
ادم : لا ي زين هو قصده غرام مراتك
عمار بصله : يعنى انت لو بتشرب استروكس عرفنى
ادم : لأ بشرب بيراسول بتاع الصراصير ده هههه
عمار : لأ دا شكله بيعمل دماغ تانيه خالص
ادم : هههه ايوه
زين : بااس انت وهو انا هنا قربت اشيط وانتوا بتضحكوا
عمار : اتكتمت اهو
ادم : 🥺🥺
زين : مالك ي عين امك
ادم : انت عارف انى مش بعرف اسكت
عمار : انفجر من الضحك
زين : بصلهم هما الاتنين وسابهم ومشى
___________________
غرام قعده هى واسراء وياسمين يضحكوا
وفجأة جيه حد حط أيده على كتف غرام
غرام اتفزعت
غرام: انتى عاوزه اى ايه اللى جابك
همسه بصوت مبحوح مخلوط بدموع: ممكن نتكلم شويه
غرام: حست انها فيها حاجه غريبه. تمام
راحوا بعيد عن الناس
غرام: هاا قولى يلا
همسه بدموع: انا اسفه ي غرام
غرام: اسفه على اى ولا اى
همسه: اسفه على كل حاجه عملتها معاكى
غرام: و اى التغير ده كله
همسه : كنت غبيه وماشيه ورا كلام امى
غرام : والمطلوب منى اى دلوقتى
همسه: مش طالبه غير انك تسامحينى
غرام : وانا علشان احسن منك هسامحك ي همسه
همسه: بعياط هستيريا : شكرا
غرام بطيبه: طب بتعيطى ليه دلوقتى
همسه: مش عارفه
غرام: هههه هبله زى يعنى
همسه ضحكت شكلى كده
غرام : يااه اول مره اعرف انك عندك غمازه يتيمه فى خدك الشمال
همسه بندم : انا اسفه اوى ي غرام
غرام : ناويه تتأسفى كده كتير خلاص ي ستى سامحتك
همسه كانت ماسكه فى أيدها شوكولاته من اللى غرام بتحبها
غرام: طب اى مش اظن ان الشوكولاته ديه ليا ولا اى
همسه بضحك: لسه زى ما انتى ي بشمهندسه
غرام: شكرا بس فين الشوكولاته بردوا
همسه : خودى ي مفجوعه
غرام : فتحت الشوكولاته وادت همسه منها علشان انتى كمان بتحبيها
همسه: شكرا
غرام: يلا نمشي. بقى
همسه يلا بس ممكن محدش يعرف أننا اتصالحنا
غرام: ليه
همسه: عاوزه أتأكد من حاجه كده
غرام : تمام بس ايه اللى خلاكى تتغيرى كده
همسه : وحكت لها على زياد
غرام: والله وقعنا ي بتاعت زياااااد
همسه : لأ ي غرام على صوتك كمان فى اتنين هناك لسه مسمعوش
_________________
غرام رجعت على الترابيزه
اسراء: اى ده فى اى
غرام: انا ك غرام لسه مش مستوعبه
اسراء اى ي بت قوليلى بسرعه فضولى هيموتى
غرام: اومال ياسمين فين
اسراء: راحت تتكلم في التليفون وجايه قولى بقى بسرعه قبل ماتيجى
غرام: لما نروح
بعد شويه اخيراا الحفله خلصت
______________________
الكل روح
غرام اترمت على السرير هى واسراء
وغرام: حكت لها على كل اللى حصل بينها وبين همسه
اسراء: بردوا متأمنيش بسرعه كده خودى حظرك بردوا
غرام بنوم : ماشى انا هنام بقى
اسراء: تصبحى على جنه
غرام: وأنتى من اهلى ي روحى
________________________
فهد وزين وهمسه وإيمان: قاعدين
ايمان بشر : طب هنعمل اى دلوقتى
طب هى ممكن تاخد الفلوس مننا
فهد بزهق : انتى متعرفيش تسكتى خالص وقام وسابهم دخل اوضته وقفل على نفسه
همسه : قعده تبص لمامتها نظرات مش مفهومه وبعدين قالت لهم تصبحوا على خير وقامت
وزين كذالك قام دخل اوضته ورن على غرام
اسراء ردت
زين : ازيك ي روحى
اسراء: للأسف نايمه
اسراء: الو..الو
قفل والله ماشى انا يتعمل فيا كده ماشى ي زين باشا
________________________
همسه : الو
زياد : نعم
همسه : انا اعتذرت ل غرام وسامحتنى
زياد : والمطلوب منى اى
همسه : تسامحينى انت كمان
زياد : لما اشوفك بقيتى احسن ومعاملتك مع الناس اتغيرت وتبطلى تشوفى نفسك على الناس
همسه : تحت امر سيادتك ي باشا من بكره كل حاجه هتتغير
زياد ماسك نفسه من الضحك : يلا سلام
همسه : سلام
يتبع