رواية زواج غير مدبر الفصل الخامس عشر15والسادس عشر16 بقلم اسماء سلام
رحاب قامت من النوم وطلعت بره
رحاب لقت أن الدنيا كله متروقة وفى جو رومانسي وان حسام حاطط الاكل على السفرة وفى ورد احمر وفى شموع وفى بلالين
رحاب ايه ده!!!
حسام عادى مفيش حاجة، أنا اترقيت فى الشغل فقلت احتفل معاكى
رحاب الف الف مبروك يا حسام
حسام طب تعالى احتفلى معايا وقرب مسك ايديها ومشى معاها لحد السفرة وقعدها على الكرسى وقعد قدامها
رحاب بس الصراحة مكنتش اعرف ان زوقك حلو اوى كده
حسام انتى متعرفنيش كويس يا رحاب فعلشان كده مش عارفه انى كويس فى الحاجات دى بس الاكل من بره لأنى مش بعرف اطبخ
رحاب بس الجو حلو
حسام بلاش كلام ويلا كلى
حسام ورحاب بدأوا يكلوا وحسام كل شوية يبص لرحاب ويبتسم
خلصوا اكل
حسام قام وشغل موسيقى هادية وقال ممكن ترقصى معايا يا رحاب
رحاب استغربت منه وكانت بتفكر فى طريقة ترفض وقالت مش بعرف ارقص يا حسام
حسام عادى مش مهم انك تعرفى ، هاتى ايدك وخلاص، أنا النهاردة سعيد جدا
رحاب قالت فى نفسها انها مش هترفض طلبه وتضايقه لأنه مبسوط وبعدين وفقت
حسام مسك ايد رحاب وحطها على كتفه وايد حسام على وسط رحاب
حسام تعالى نرقص بروقان
حسام بدأ يرقص هو ورحاب على الأغنية وكل واحد كان مستمتع جدا
حسام بص فى عيون رحاب وتاه فيهم وقال فى نفسه أنا عمرى ما كنت مبسوط اوى كده وانا برقص مع واحدة حتى مع منة
رحاب كانت حاسه بحاجة غريبة من قرب حسام بس ايه هى مش عارفه بس هو شعور حلو والجو حلو
حسام ضغط على وسط رحاب اكتر وقرب منها اوى ورحاب استغربت الفعل ده وبعدت عنه وبقى فى مسافة بينهم
حسام قرب رحاب منه وحط رأسها على صدره لأن رحاب قصيرة بالنسبة لحسام وساعتها رحاب دقات قلبها عليت جدا ومش عارفه تعمل ايه فقامت بعده عنه خالص وقالت
رحاب حلوة اوى الرقصة دى
حسام مالك ايه اللى حصل، ليه بعدتى
رحاب عادى اصل أول مرة ارقص
حسام طب تعالى نكمل الرقصة لحد الأغنية ما تخلص
رحاب قلبها بيدق جامد ومش عارفه السبب ايه فقالت بضعف مش قادرة يا حسام ، خلينا نقعد وكانت راحة تقعد بس حسام مسك ايديها وثبتها على الحيطة وقال
حسام مالك يا رحاب فى ايه ، كل لما احاول اصلح الوضع بينا انتى بتبوظيه تانى
رحاب باصة فى الأرض ومش قادرة تبص فى عينه
حسام حط أيده على دقنها ورفع وشها وقال بصيلى وانا بكلمك ، مالك فيكى ايه ، كل لما احاول اقرب منك تبعدى ، مش عارف أقرب كزوج ولا حتى اقرب كصديق ، انتى مش طايقانى للدرجة دى
رحاب بزعل لأ الموضوع مش كده
حسام لأ الموضوع كده واكتر وكمان انتى خايفة منى ، كل لما احاول اقربلك بتحسسينى انى شخص وحش وانى هعمل فيكى حاجة غصب كانى هغتصبك والدليل انك اول امبارح كنت قافلة على نفسك الباب بالمفتاح ، للدرجة دى خايفة منى ، مش قادر اتخيل ده وانتى عارفه انى عمرى ما قربتلك إلا لو لقيت منك استجابة بس انتى مش عايزانى خالص
رحاب فى نفسها غصب عنى والله، مش عارفه مالى بعمل كده ليه بس اللى واثقة منه أن من بعد عمر ما رجع علشانى فصعب اقرب منك يا حسام
حسام مالك ساكته ليه ، ردى عليا
رحاب غصب عنى ، مش قادرة والله
حسام الحكاية مش حكاية مش قادرة لكن الحكاية انك مش عايزة تدى نفسك ولا تدينى فرصة وكمان اصلا أنا مترقتش ولا حاجة بس قولت احاول اقرب منك ممكن علاقتنا تنجح بس الظاهر أن مفيش امل فيها
رحاب يا حسام اسمعنى
حسام لأ مش هسمعك ، بس هسألك سؤال وتجاوبينى بكل صراحة بغلاوة النبى عندك ، انتى بتحبى حد او فى حد فى حياتك
رحاب ساكته ومش بترد بس بتعيط
حسام مسكها من دراعتنا وقال ردى عليا وقوليلى فى حد فى حياتك ولا لأ علشان لو فيه مش هقرب منك خالص وده وعد منى بس لو مفيش فانتى هتكونى مجبرة انك تخلينى المسك براحتى ، يلا ردى عليا
رحاب بعيط وتوتر يا حسام
حسام بلا حسام بلا زفت، أنا تعبت معاكى ، فقوليلى فى حد فى حياتك ولا لأ ، كلمة واحدة ، يلا قولى
رحاب بتوتر اه
حسام ساب دراعتها وقال تمام كده وبعد عنها وسابها وطلع بره
رحاب قعدت فى الارض تعيط وتقول ليه بعيط ، مش ده اللى كنت عايزاه طب ليه زعلانه ، اكيد زعلانه علشان كسرته ، مكنش قصدى والله يا حسام بس ده قلبى وغصب عنى وبعدين قامت راحت اوضتها
عند حسام
حسام طلع على مركب ليه فى البحر وقعد يعيط
حسام أنا زعلان ليه ، منا عندى بنات كتير بيحبونى وكمان أنا مش بحبها ، لييييييييه زعلان
حسام نام مكانه لحد الصبح
رحاب مجلهاش نوم خالص علشان حسام مرجعش وخائفة ليكون عمل فى نفسه حاجة
رحاب نامت على كنبة الانتريه فى الصالة
الصبح
حسام صحى ورجع البيت واول لما فتح الباب رحاب صحيت وقامت بسرعة ليه وقالت
رحاب كنت فين يا حسام من امبارح قلقتنى عليك ومالك عامل كده
حسام سابها ودخل غرفته اخد شاور ولبس هدومه وطلع
رحاب يا حسام كلمنى
حسام بكل هدوء لكنه من جوه محطم تماما ، بصى يا رحاب أنا وعدتك امبارح ان لو فى حد فى حياتك فأنا مش هقرب منك ابدا وفعلا طلع فى حد فى حياته فعلشان كده مش هيبقى فى اى كلام خالص وعايزة تعمليلى الاكل ماشى ، مش عايزة هجيب من بره وكده كده كل شهرين ثلاثة ونطلق مش هنقعد سنة ولا حاجة ولو عايزة تطلقى دلوقتي علشان العدة بتاعتك تخلص بسرعة وتتجوزى بعدها انتى حرة بس خلاص مبقاش فى كلام بينا وكده كده احنا الاثنين مجبورين على بعض ويلا أنا رايح الشغل
رحاب يا حسام اسمعنى
حسام سابها ونزل الشغل
رحاب مكنتش عايزة الموضوع ينتهى كده ، أنا هلبس واروح الشغل ولما اجى هيكون هدى ونتكلم بروقان
رحاب راحت الشغل بس كانت زعلانه والكل لاحظ ده
زياد جه على مكتبها وقال
زياد مالك يا انسة رحاب ، مش عوايدك يعنى انك تكونى زعلانه
رحاب معلش يا استاذ زياد عندى مشاكل فى بيتى علشان كده زعلانه
زياد كله هيعدى باذن الله، المهم عايزين نشوف ابتسامتك القمر
رحاب نعم
زياد مفيش قصدى عايزينك علطول مبسوطة
رحاب متشكرة لزوقك ، ممكن حضرتك تروح على مكتبك ، عايزة اقعد لوحدى
زياد حاضر سلام
رحاب مش عارفه تركز خالص فى شغلها وعماله تغلط والمدير قالها كده وملهاش نفس تاكل فراحت على مكتب اسراء
رحاب فاضية دلوقتي يا اسراء
اسراء مالك يا رحاب زعلانه كده ليه
رحاب عيطت
اسراء شكل الموضوع كبير اوى تعالى نروح على اقرب كافيه نتكلم
رحاب واسراء راحوا على اقرب كافيه
اسراء اهدى كده وقوليلى مالك
رحاب بعياط عرف وسابنى
اسراء مين عرف وعرف ايه وسابك ليه
رحاب حسام عرف أنى بحب حد غيره وسابنى وقالى انه مش هيكلمنى تانى ولو عايزة أطلق دلوقتي هيطلقنى
اسراء عرف ازاى وكمان اى راجل لو عرف كده عن مراته هيسيبها فقوليلى حصل ايه بالضبط
رحاب ..........وده اللى حصل
اسراء غبية غبية والله ، كان لازم تقوليله
رحاب اهو اللى حصل المهم اعمل ايه
اسراء مفيش فى ايدينا حاجة والحمد كده تقدرى ترجعى لعمر زى مانتى عايزة فليه زعلانه
رحاب علشان الموضوع هينتهى بالشكل ده ، أنا كنت عايزة نكون اصحاب بعد لما اسيبه مش اجرحه كده
اسراء خلاص اللى حصل حصل وكده كده انتى مكنتيش طايقاه وهو شخص زبالة اصلا وكان بيقربلك غصب عنك وباصص ليكى بشهوة علطول
رحاب متغلطيش فيه يا اسراء وكمان هو مغصبنيش على حاجة ، هو اه كان بيقرب منى غصب عنى بس انا كنت بستجيب
اسراء انت بتحبى حسام يا رحاب
رحاب ايه اللى انتى بتقوليه ده ، مستحيل طبعا
اسراء طب مدام كده زعلانه عليه ليه وليه كنتى بتستجيبيله
رحاب زعلانه علشان الموضوع انتهى بالطريقة دى واستجبتله علشان كنت محتاجة أن حد يحسسنى انى ست مرغوبة ، انت بقالى اكتر من 10 سنين والناس كلها انى مليش اى لازمة خالص بس هو حسسنى بغير كده
اسراء بصى يا رحاب أنا هقولك ملخص الكلام لو بتحبى حسام كملى معاه وانسى عمر تماما ولو بتحبى عمر روحيله واطقلى من حسام وعيشى حياتك مع عمر وملكيش دعوة بحسام مع انك عارفه رأيى وهو انك تخليكى مع حسام
رحاب ساكته مش بترد
اسراء شكلك متوترة ومش عارفه مشاعرك ايه ، فشوفى قلبك عايز مين وروحى عند اهلك فترة كده وشوفى انتى هتشتاقى لمين فيهم
رحاب فعلا أنا حاسه انى متلخبطة ، أنا هروح عند اهلى اسبوع وكمان أنا كنت قايلة لحسام
اسراء خلاص الموضوع اتحل وكمان حسام هيهدى وتكونى انتى عملتى اللى عليكى وخلاص
رحاب معاكى حق يلا نمشى
عند حسام
حسام قاعد متنرفز وعمال يقول بتحب حد علشان كده مش عايزانى اقرب منها ، ليه مفكرتش فى كده بس خلاص دلوقتي عرفت ولازم انساها
حسام دخل للمقدم بتاعه
حسام لو سمحت يا فندم عايز اطلع المهمة بتاع النمر
المقدم لأ يا حسام ، انت عارف انك افضل واحد عندى ومينفعش استغنى عنك والنمر عايز يقتلك فخليك فى مهمة تانية
حسام معلش يا فندم ، علشان أنا أفضل واحد فلازم اطلع المهمة دى
المقدم يا بنى انت بقالك حوالى شهرين ونص متجوز يعنى لسه عريس فمستحيل اسيبك تطلع
حسام لو سمحت يا فندم أنا عايز اطلع المهمة دى
المقدم يا حسام انت عارف انك زى ابنى ناصر بالضبط وخائف عليك وخصوصا أنك لو رحت النمر مش هيسيبك وكمان هو مخادع وانت عارف كده
حسام بس انا عايز كده والأعمار بيد الله
المقدم يا بنى اسمع الكلام
حسام لو سمحت اقبل طلبى
المقدم بقلة حيلة حاضر يا حسام
رحاب روحت البيت وعملت الاكل واستنت حسام يجى بس للاسف حسام نام فى الشغل
رحاب دعت ربنا أن الأمور تتحسن بينها وبين حسام
حسام رجع الشغل
رحاب كنت فين يا حسام ، المفروض ترن عليا وتقوللى انك هتبات فى الشغل بدل ما اقعد طول الليل قلقانه عليك
حسام مردش عليها ودخل جهز شنطته ولبس هدومه وطلع
رحاب رايح فين كده و واخد شنطة هدومك ليه
حسام مردش وكان هيفتح الباب بس رحاب وقفت على الباب وقالت مش هسيبك غير لما تقولى انت بتعاملنى كده ليه وكنت فين امبارح ورايح على فين و واخد هدومك دى
حسام بهدوء تام وهو مش باصص ليها خالص ، خلصتى كلامك ممكن تسيبينى اخرج
رحاب لأ مش هسيبك غير لما تقولى فى ايه
حسام مفيش هروح مهمة فى الشغل لمدة اسبوع وكمان هسيبك تقعدى لوحدك وبكده متكونيش خاينة لحبيبك
رحاب بعياط ليه بتعمل فيا كده ، كلمنى كويس
حسام عدينى يا رحاب
رحاب بعياط لأ متسيبنيش
حسام ضعف من دموعها فساب الشنطة وقرب منها وقال خلاص متعيطيش
رحاب متمشيش
حسام ده علشان مصلحتك ولما هرجع ده لو رجعت اصلا هبعتلك ورقة طلاقك
رحاب بعياط لأ وقامت حضناه وقالت لأ يا حسام والنبى ما تعمل كده
حسام لم يبادلها الحضن فبعدها عنه وقال
حسام بصى يا رحاب انتى بتحبى شخص واتجوزتينى غصب فعلشان كده انا هروح المهمة دى ولما ارجع هنهى كل حاجة بينا وتعيشى حياتك براحتك مع حبيبك ، مش انتى عايزة كده ؟
رحاب عماله تعيط
حسام بطلى عياط وقولى عايزة ايه
رحاب مش عايزاك تروح وتسيبنى
حسام خلاص دى مهمة ولازم اروح يلا سلام وخد شنطته وفتح الباب ونزل
رحاب قعدت تعيط وحاسه أنها مش مرتاحه للمهمة دى ومش عارفه السبب ايه
رحاب مقدرتش تروح الشغل فراحت تقعد عند اهلها الاسبوع ده وكمان ترتاح
الباب خبط فرحاب قامت فتحت
رحاب !!!!!!!!!!
الفصل السادس عشر 16
الباب خبط فرحاب قامت فتحت
رحاب !!!!
عمر ايه مش هتقوليلى اتفضل ولا ايه
الام مين على الباب يا رحاب
عمر ما تردى عليها
رحاب ...
الام جت وشافت عمر وقالت ازيك يا بيه مين حضرتك
عمر ازيك يا امى معقولة مش فاكرانى
الام لا والله مش واخدة بالى
عمر أنا عمر عبد الله الجندى اللى كان ساكن جنبكم من زمان وسافر بره
الام ازيك يا عمر عامل ايه
عمر الحمد لله بس هتخلونى واقف كده على الباب
الام لأ اتفضل يا حبيبى
عمر دخل
الام روحى اعملى عصير يا رحاب
عمر ازيك يا امى عامله ايه
الام الحمد لله فى نعمة، انت اخبارك ايه وجيت امتى
عمر أنا الحمد لله ، وجيت من حوالى اسبوع كده
الام اخبار والدك ايه
عمر الحمد لله بخير ، كان عايز ينزل بس انا رفضت لانه مريض قلب والسفر خطر عليه
الام ربنا يكرمك يا بنى
رحاب جابت العصير
عمر ازيك يا رحاب
رحاب الحمد لله يا عمر
عمر معلش يا امى ممكن تسيبينى مع رحاب شوية
الام بارتباك اصل اصل
عمر متقلقيش يا امى أنا هقولها حاجة وامشى
الام حاضر يا ابنى وقامت دخلت جوه وسابتهم
عمر عامله ايه يا رحاب
رحاب الحمد لله وانت
عمر أنا الحمد لله بخير
فضلوا ساكتين شوية وبعدين عمر اتكلم
عمر اتجوزتى يا رحاب
رحاب مش قادرة تتكلم
عمر ردى عليا من فضلك
رحاب اه
عمر بعتاب ليه مستنتينيش
رحاب ...
عمر ردى عليا
رحاب كان غصب عنى
عمر ايه اللى غصب عنك
رحاب جوازى من حسام كان غصب عنى
عمر غصب ازاى يعنى
رحاب بعياط اختى منة هربت من الفرح واضطريت اتجوزه علشان الفضيحة
عمر بس ده مش مبرر برده
رحاب حط نفسك مكانى
عمر لأ حطى انتى نفسك مكانى، تعبت وشقيت ورجعت علشان اشوف حبيبتى بس لقيتها متجوزة بس ليه حسام قال انك منة مش رحاب
رحاب علشان الناس عارفه انه متجوز منة فلو قال غير كده هيبقى سمعة وحشة ليه
عمر يعنى انتى مش بتحبيه
رحاب سكتت ومش عارفه تقول ايه لأنها لحد الان مش عارفه توصف مشاعرها تجاه حسام كره ولا حب ، خوف ولا امان ، بخاف عليه وبخاف منه
عمر سكوتك اكدلى اجابتى
رحاب بس انا بحبك انت
عمر لأ انتى خلاص حبيتى غيرى
رحاب لأ محبتش غيرك
عمر باحراج يعنى محصلش حاجة بينكم
رحاب...
عمر شوفتى بقى ، انتم ممكن تكونوا اتجوزتم غصب بس حبيتم بعض
رحاب أنا محبتهوش صدقنى
عمر للأسف مش قادر اصدقك
رحاب أنت ليه بتتصرف كانك ملاك ، انت سبتنى اكتر من 15 سنة لحد ما بقى عندى 33 سنة وانا رفضت كام عريس علشانك والناس ببقت بتطلع عليا كلام وحش وبقوا يقولولى عانس واللى يقول انى مش شريفة وانى خايفة اتجوز واتفضح وانت كنت عايش حياتك هناك ولا همك حاجة ، عمرك فكرت تتصل بيا تقولى أنا جاى، الواحد مبقاش عارف انت عايش ولا ميت ، حبيت غيرى ولا لأ، اتجوزت ولا لأ، تخيل أنا لو كنت اتجوزت كان زمان ولادى فى ابتدائى بس صبرت علشانك بس متجيش فى الاخر وتقوللى انتى السبب ، حط نفسك مكانى
عمر منا كمان تعبت وشقيت ومرضتش انزل علشان حياتك متكونش فى خطر ، أنا كرجل أعمال ليا أعداء كتير وبيجيلى تهديدات فخفت لو نزلت واتقدمتلك يأذوكى
رحاب كان ممكن تكلمنى وتقولى كده ، طب ممكن اكون مت ، ازاى عرفت أنى عائشة
عمر عندى صديقى بيقولى انك كويسه
رحاب طب ليه مخلتش صديقك يقولى انك عايش وانك مستنينى بدل ما عائشة كل يوم على أمل زائف ومستحملة كلام الناس اللى زى السم و برده اللى عملته مش سهل يتنسى
عمر بس انا بحبك وانتى اتجوزتى غيرى ودى تعتبر خيانة سلام
رحاب بعياط ، عمر أنا بكلمك استنى
عمر مفيش كلام بينا سلام
الام جت وقالت فى ايه بتعيطى ليه
رحاب سابنى بعد لما رجع
الام انتى عايزة مين بالضبط حسام ولا عمر ، انتى متجوزة حسام فخليكى معاه
رحاب أنا مش عارفه اعمل ايه
الام خدتها فى حضنها وقالت ربنا يحفظك يا بنتى ويعملك الصالح
رحاب بعياط يا رب يا ماما علشان أنا مش عارفه مالى اليومين دول
الام ربنا كبير يا بنتى وهيرشدك للصح
تانى يوم رحاب راحت الشغل
اسراء عملتى ايه مع حسام
رحاب سابنى ومشى وقالى رايح مهمة لمدة اسبوع ولما يجى هيطلقنى والموضوع بينا ينتهى
اسراء مش انتى عايزة كده فليه زعلانه وبتعيطى
رحاب مش عارفه وكمان عمر جالى عند اهلى وعرف انى رحاب وقالى انى خاينة
اسراء انتى اللى حطيتى نفسك فى دوامة كبيرة وانتى الوحيدة اللى تقدرى تساعدى نفسك
رحاب طب أنا بقولك ليه مدام مش هتساعدينى ، أنا عايزة مساعدة
اسراء يا حبيبتى انتى محتارة ومش عارفه تخدى قرار من جهه عايزة عمر بس زعلانه على حسام، انتى تعبتينى معاكى وانا مش بايدى حاجة
رحاب أنا عايزة ارجع لعمر علشان بيحبنى ورجع علشانى والتزم بالوعد لكن حسام لأ ومش راضى يعترف بيا واحنا مغصوبين على الزواجة دى
اسراء يعنى انتى كل اللى مزعلك أن حسام مش راضى يعترف بيكى، يعنى بتحبيه
رحاب لأ طبعا مش بحبه ، أنا بحب عمر بس زعل منى علشان اتجوزت حسام
اسراء استنى لما حسام يجى واطلقى منه وابقى راضى عمر وأكيد هيرضى لما يلاقيكى اتطلقتى علشانه وانسى حسام وانسى كل حاجة عنه وبكده مشاكله اتحلت
رحاب معاكى حق أنا هعمل كده بس انا قلقانه على حسام وأنه راح المهمة دى ومش عارفه ليه
اسراء يا بنتى اهدى شوية تعبتينى معاكى ، ازاى عايزة عمر بس قلقانه على حسام
رحاب عادى حسام ابن عمى
اسراء فعلا معاكى حق، أنا قولتلك اللى عندى قبل كده وهو انك تمشى ورى قلبك مش عقلك
رحاب منا ماشية ورى قلبى
اسراء ماشى تمام
رحاب قعدت الاسبوع فى الشغل والبيت عند اهلها ومش عارفه محتارة كده ليه
قلبها مالك قلقانه كده ليه
عقلها علشان حسام مكلمنيش ولا مرة
قلبها يعنى انتى مفكرة انه هيكلمك بعد ما عرف انك بتحبى غيره
عقلها طب وهو زعلان ليه ، هو كان بيحبنى وانا رفضت حبه
قلبها الحكاية مش حكاية كده ، الحكاية انه راجل واى راجل مستحيل يقبل أنه يعيش مع واحدة مش قبلاه وكمان بتحب حد غيره وكمان هو طلع محترم وقالك هطلقك ، غيره كان ممكن يزعقلك ولا يقولك يا خاينة وكان هيرفض يطلقك بس هو طلع متفهم وقالك أنه هيطلقك وتروحى لحبيبك
عقلها تمام
قلبها وكمان انتى زعلانه وقلقانه عليه ليه
عقلها عادى قلقانه علشان شغلة صعب وكمان هو ابن عمى مش حد غريب عليا
قلبها طب ما ايام ما كان خطيب اختك كان بيروح برده الشغل وبيقعد اكتر من كده ومكنتيش بتزعلى وتقلقى عليه كده ، شكلك حبيتيه
عقلها ايه الهبل ده ، أنا مش بحب حسام ومستحيل نكون مع بعض وبخصوص الشغل فهو دلوقتي مسئول منى
قلبها عماله تتهربى تتهربى ومش راضية تعترفى أن بقى فى مشاعر من ناحيتك تجاه حسام
عقلها بقولك مفيش ، صدقنى مفيش حاجة خالص ، انا بحب عمر مش حسام
قلبها برده بتنكرى بس بعد كده هتندمى
عقلها لأ مش هندم، أنا عارفه أنا بحب مين
قلبها ماشى
رحاب أنا بحب عمر مش حسام
بعد مرور الاسبوع
رحاب روحت بيتها علشان حسام لما يجى يلاقيها
فى يوم ورحاب قاعدة فى البيت الباب خبط فقامت تفتح
رحاب حساااااام