رواية زواج غير مدبر الفصل الخامس والثلاثون35والسادس والثلاثون36 بقلم اسماء سلام
للأسف زوجة حضرتك تعبت ونقلناها المستشفى
حسام رحااااااااب !!!!!!!!
-- ربنا يصبرك بس اكيد خير باذن الله
حسام هى مالها ، حصلها ايه وايه اللى جبها عندك ، انطق يالا
-- مران حضرتكم جت تشوف اختها وللاسف اختها ضربتها بحاجة ببطنها ومرات حضرتك نزفت و ودناها المستشفى
حسام حس ان قلبه وقف ساعتها وبعدين قال
حسام هيكون ليا تصرف معاك بعدين اهم حاجة صحت مراتى ، هى فين واسم المستشفى ايه
-- هى فى مستشفى.... والله غصب عننا احنا معملناش حاجة ومرات حضرتك هى الل
حسام مش عايز كلام خالص ، مش وقته بس وربنا ما هعدى الموضوع ده بالساهل كده وبعدين قفل فى وشه
حسام حاسس انه مش قادر يقف على رجله وان قلبه تعبه فقعد على الكرسى
احمد شافه بالحالة دى فقاله
احمد مالك يا حسام ومالها رحاب
حسام رحاب راحوا بيها المستشفى لأن منة ضربتها فى بطنها ولازم اروح اشوفه ، أنا خايف اوى عليها ، حاسس انها هتروح منى
احمد اهدى كده يا حسام واستعن بالله وباذن الله خير ومراته هترجعلك هى وبنتك بخير ، تعالى اوديك المستشفى لانك مش هتعرف تسوق بالحالة دى وخائف تعمل حادثه فأنا هاجى معاك
حسام طب تعالى ودينى بسرعة
احمد خد حسام وراحوا المستشفى وطول الطريق وحسام عمال يدعى ربنا انهم يكونوا بخير لانه ممكن يموت لو جرلهم حاجة ومش هيقدر يعيش من غيرهم وأحمد عمال يصبره وبقوله أنهم بخير
حسام واحمد وصلوا المستشفى وحسام سال على اسم رحاب وعرف أنها فى العمليات وراح قدام العمليات
حسام سأل ممرض وعرف أن رحاب بقالها اكتر من ساعة جوه وان الحالة صعبة
حسام قعد وعمال يعيط ويدعى ربنا ، يا رب أنا عارف ان ده ابتلاء من عندك بس يا رب احميهم ليا ، أنا عارف انى قصرت فى حقك كتير بس الحمد لله تبت ورحاب كانت السبب فى ده فيا رب تبقى بخير هى وبنت لأن رحاب حياتى وبنتى من لحمى ودمى ودول اهم اثنين عندى وبعدهم ممكن اموت
جه شخص كان ماشى فى الطرقه وسمعه وقال
* باذن الله خير بس اهدى واجمد كده لان مفيش راجل بيعيط
حسام قام وبدا يزعق ويقول ليه معيطش هو انا حجر مش بحس، كل الرجاله بتعيط لما الأمر يبقى صعب وممكن يفقد حد عزيز عليه والرسول صلى الله عليه عيط على موت أولاده وفى مواقف اكتر بس مفيش وقت اقولك فممكن تبعد عنى وتسيبنى فى حالى علشان مغلطش فيك
* الراجل قدر موقف حسام ومرديش يرد عليه فقام ومشى بس كان فرحان أن فى راجل بيحب مراته وللدرجة دى كمان ودعى إن ربنا يحميله مراته وبنته
حسام قام وقعد يمشى قدام العمليات رايح جاى وهو بيضغط على أيده وبيضرب فى الحيطة وحاسس إن قلبه هيقف ومش قادر ياخد نفسه وأحمد كل شوية يهديه
حسام أنا مش ههدى يا احمد إلا لما اطمن عليهم
احمد باذن الله خير، تعالى نصلى ركعتين لله
حسام بس خايف اروح تطلع ومتلاقنيش جنبها
احمد يا حسام هى دلوقتي فى حمى ربنا فاحنا نروح ندعى وباذن الله خير
احمد خد حسام واتوضوا وصلوا وعامل قعد يدعى ربنا ويستغفره ويطلب منه الصبر وان اليوم ده يعدى على خير
حسام واحمد رجعوا قدام العمليات
بعد ساعتين العملية خلصت لأن رحاب بقالها اكتر من اربع ساعات جوه والدكتور طلع من العمليات
حسام اول لما شاف الدكتور جرى عليه
حسام بلهفه وخوف ايوه يا دكتور، أنا زوجها ، هى عامله ايه ، طمنى عليها واخبار البنت ايه
الدكتور مرات حضرتك حالتها كانت صعبة اوى بس احنا عملنا اللى علينا ، هى دلوقتي هتتنقل للعناية المركزة وبنت حضرتك فى الحضانه والله اعلم هتعيش ولا لأ لأن الضربة كانت قوية اوى وكمان المدام كانت فى السابع وطبعا بعد الضربة دى عملنلها عملية قيصرية علشان تولد ، ادعيلهم
حسام يعنى ايه يا دكتور، ممكن يروحوا منى
الدكتور خلى املك بربنا كبير ، احنا عملنا اللى علينا والباقى على ربنا والحمد لله أنا جت على قد كده لان كان زمنها دلوقتي لقدر الله ماتت او بنت حضرتك ماتت فادعى ربنا يشفيها
حسام طب اقدر اشوفهم امتى
الدكتور كمان خمس ساعات كده عقبال لما يجهزوا الاوضة والبنت تتحط فى الحضانه
حسام تمام يا دكتور
احمد جه وكلم الدكتور على جنب
احمد أنا اخوها يا دكتور ممكن تقولى هى مالها لانى خاسس انك خبيت عليه حاجة
الدكتور الصراحة الحالة صعبة وفى احتمال البنت تموت أو تعيش بس فترة معينه لأن الضربة كانت قوية دى مضروبه وبحاجة حديد
احمد يا ربى ، طب رحاب اخبارها ايه
الدكتور مدام رحاب خالتها مستقره شوية بس بردو محتاجه عنايه الفترة دى
احمد تمام يا دكتور شكرا لحضرتك
الدكتور لا شكر على واجب، خليك جنب زوجها لانه
شكله بيحبها اوى وحالته صعبه
احمد ماشى يا دكتور
احمد راح لحسام و قعد معاه
بعد كام ساعة الدكتور سمح لحسام أنه يشوف رحاب
حسام دخل وشاف رحاب وهى نايمة والأنابيب متعلقة فيها وقعد جنبها على السرير
حسام مسك ايديها وقعد يعيط وقال متسبينيش يا رحاب، أنا من غيرك هموت ، انا قولتلك متروحيش للزفته منه وقولتلك أنها عايزالك الشر ومع ذلك رحتى، والله لربيكى يا منة يا بنت ال **** وربنا لوريكى كوابيس وانتى صاحية وانتى يا رحاب عقابك عندى بعدين لانك عصيتى امرى وانا قولتلك انك لو رحتى كده هتخسرينى ومع ذلك روحتلها ، ماشى يا رحاب ، اطمن عليكى وهخرج من حياتك خالص علشان تعيشى براحتك وعلشان كده قفلتى الموبايل علشان معرفش انك عندها بس أنا عايزك تفوقى واشوفك وانتى كويسه حتى لو هبعد بس على الاقل هتطمن انك كويسه
حسام طلع وساب رحاب واتصل على الضابط
حسام الو سلام عليكم
الضابط وعليكم السلام ورحمه الله وبركاته
حسام ممكن تقولى ايه اللى حصل مع مراتى بالضبط
Flash back
منه استنى بس الكلام اخد وعطى
رحاب ايوه قوليلى اعملك ايه علشان تصالحينى
منة عايزاك تسيبى حسام وتبعدى عنه
رحاب انتى بتقولى ايه ، مستحيل ده يحصل
منة خلاص مش هسامحك
رحاب تمام اعملى اللى يريحك ، أنا كده عملت اللى عليا وجيت علشان نبدأ مع بعض صفحة جديدة بس انتى مش عايزة كده فانتى حره سلام
رحاب قامت علشان تمشى بس منة قالتلها استنى ومسكت حته حديدة وكانت على المكتب وضربتها على بطنها جامد
رحاب ساعتها صوتت واحنا سمعنا الصوت ودخلنا لقينا منه ماسكه الحديدة فى ايديها ومدام رحاب أغمى عليها وعماله تنزف فوديناها المستشفى وبدخلت العمليات علطول وبعدين رنينا عليك
حسام تمام أنا جايلك
احمد انت رايح فين
حسام رايح اشوف منه ، خلى بالك من رحاب ، انتى زى اخويا فمش هوصيك عليها
احمد حاضر بس خلى بالك من نفسك
حسام راح عند منة وطلب من الضابط أنه يشوف منه لوحده وسمح ليه بكده
حسام اول لما الضابط قفل الباب وسبهم لوحده ضرب منه بالقلم وكان قلم جامد لدرجة أنه عمل صوت كبير
منة انت اتجننت ، انت ازاى تمد ايدك عليها
حسام معاكى حق وقام ضربها بالقلم على خدها التانى وبعدين مسك شعرها وقال ورحمه امى اللى عائشه لخليكى تقضى طول حياتك فى السجن
منة زقته وقالت ابعد ايدك لقطعهالك ، هو انت مفكرنى رحاب الهبلة لأ فوق أنا منة مش رحاب
حسام يا ريتك كنت ربع رحاب ، كفاية أن ليها قلب يسع العالم كله
منة متشكرين مش عايزين نكون زيها
حسام مسكها من شعرها وقال عايزة تموتى بنتى لانك لو عايزة تموتى رحاب كنتى ضربتيها على رأسها مش بطنها
منة أنا مش عايزاها تموت أنا عايزاها تعانى فلما بنتها تموت هتكتئب وكمان ممكن متعرفش تخلف تانى وبكده هشفى غليلى منها
حسام انتى ليه قلبك اسود كده ، دى اختك ولا انتى مش بتفكرى الا الشيء الوحش ، ومتنسيش أنها هى اللى خلتهم يدخلوكى الكلية و هى اللى جبتلك الشغل وكانت بتزاكر ليكى والشخص اللى كنت عايزه تتجوزيه كان بيستغلك ومكنش هيتجوزك وهى اللى انقذتك منه ولو بتتكلمى أن اهلك فضلوها عليكى فانتى غلطانه لأنهم كانوا بيحبوكى انتى اكتر وكان ليكى حرية اكتر منها وانت تخرجى بدليل أنى كنت بشوفك فى الافراح والحفلات والسهر وكنت بخرج معاكى ولا نسيتى ده
منة سكتت لأنها عارفه أن كلامه صح وان هى عملت كل ده لأنها بتغير من رحاب مش علشان اهلها فرقوا بينهم ودى كلها حجج هى اخترعتها
حسام سكتى ليه ولا كلامى جرحك لانه حقيقة ومكنتيش متوقعة انى اعرف تفكيرك
منة اه كلامك صح وفعلا أنا بغير منها لانها متميزة فى كل حاجة علشان كده بكرهها وانا اللى بخلى الناس تكرهها وبقولهم أنها عانس
حسام هههههههههههه هى دلوقتي متجوزة لكن انتى اللى عانس ومش هتلاقى حد يتجوزك لأن بقيتى مجرمة فى نظر القانون
منة مش مهم اتجوز ، اهم حاجة أن زواجكم يفشل
حسام مستحيل يفشل لاننا بنحب بعض وبنراعى ربنا فى بعض فأكيد ربنا هيجمعنا دائما لكن انتى هتموتى لوحدك ومحدش هيسأل عنك ولما تموتى محدش هيقول عنك كلمة حلوة وربنا هيحاسبك على اللى عملتيه معانا بس زى ما قولتلك هخليكى تتمنى الموت ومش هتلاقيه وهتقضى حياتك كلها هنا فى السجن
منة اعمل اللى تعمله أنا مش هاممنى
حسام أنا طالع بدل ما ارتكب جريمة فيكى وانتى الصراحة متستهليش
حسام مشى وساب منها وطبعا مرديش يقولها أن رحاب وبنته تعبانين ولا يبينلها انه زعلان عليهم وأنها قدرت تكسره وبالرغم انه كان بيتكلم معاها عادى بس كان بيغلى من جوه بس هو مش هيسيبها فى حالها
عند رحاب فى المستشفى
رحاب فاقت بالليل وصرخت وطبعا حسام كان معاها فى الاوضة
حسام مالك يا رحاب، أنا حسام ، أنا جمبك اهو
رحاب بصت على بطنها ولقيتها صغرت فقعدت تعيط وتتكلم بهستيرية وتقول
رحاب بنتى .. بنتى فين ..هى كويسه .... لأ مستحيل جرلها حاجة ... أنا بحلم ..طب هى راحت فين ..حسام بنتى فين ... هى كويسه رد عليا
حسام خدها فى حضنه وقعد يمسح على طرحتها وقال متخافيش يا حبيبتى بنتنا بخير
رحاب طلعت من حضنه وقالت امال هى فين ، ليه مش معايا ... هى تعبانه ولا حاجة... أنا عايزه اشوفها ... هى كويسه ولا بتضحك عليا .. أنا حاسه انها مش كويسه
حسام يا حبيبتى متخافيش بنتنا كويسه بس هى فى الحضانه علشان جت قبل ميعادها
رحاب قعدت تعيط وتقول منه السبب ، هى اللى ضربتنى على بطنى ، كانت عايزه تموتنى وقعدت تصرخ وتعيط جامد
حسام قرب منها ومسك وشها جامد وبص فى عينيها وقال بنتنا بخير يا رحاب ، بلاش قلق على الفاضى
رحاب يعنى انت مش بتضحك عليا
حسام لأ مش بضحك عليكى ولولا انك مش هتقدرى تمشى دلوقتي كنت خدتك وخليتك تشوفيها بس بكره الصبح باذن الله هخليكى تشوفيها
رحاب وعد يا حسام
حسام وعد يا قلب حسام
رحاب قربت من حسام وقالت أنا اسفه يا حسام علشان مسمعتش كلامك ورحت لمنة بس انا رحت علشان اعرف منها
حسام بس يا رحاب ملوش الكلام دلوقتي فى الموضوع ده لانه مش وقته ولما تخفى ونروح بيتنا نبقى نتكلم فى الموضوع ده ، ارتاحى انتى دلوقتى
يا ترى حسام هيسامح رحاب ولا لأ
الفصل السادس والثلاثون 36
تانى يوم
رحاب صحيت من النوم وكان حسام نايم جنبها فأول لما اتحركت حسام صحى
حسام راحه فين يا رحاب
رحاب مش راحه يا حسام بس داخله الحمام
حسام تعالى اوديكى انتى تعبانه
حسام مسك ايد رحاب ورحاب استندت عليه ودخلها الحمام
حسام تعالى بقى علشان تفطرى
رحاب لأ انا مش هفطر يا حسام، أنا عايزة اشوف بنتى الاول
حسام طب تعالى شوفيها
رحاب شافت بنتها وقعدت تعيط
حسام ضمها ليه وقال متعيطيش يا حبيبتى، باذن الله هتكون بخير
رحاب يا رب يا حسام ، دى صغيرة أوى ، شوفت الأجهزة اللى معلقة بيها ، بنتى تعبانه اوى يا حسام
حسام باذن الله خير ، الحمد لله انها جت على قد كده لان الضربة كانت قوية اوى
رحاب ربنا يشفيها ويرجعها لينا بالسلامة
حسام باذن الله ، تعالى بقى علشان تاكلى
حسام عمال يأكل رحاب بايده وكل لما رحاب تأكل حسام يرفض ويتحجج انه مش جعان بس فى الحقيقة هو بيعمل كده لأنه زعلان منها وأنه بسبب تصرفها بنتهم بقت فى الحالة دى
رحاب مالك يا حسام مش راضى تاكل ليه وليه مش راضى تاكل معايا
حسام مفيش حاجة يا رحاب
رحاب لأ فى ، انت زعلان منى بس والله اللى حصل مكنش قصدى، دى منه هى اللى عملت كده
حسام منا عارفه أن منه هى اللى ضربتك بس انتى اللى رحتلها ومع انى محذرك بس نفذتى اللى فى دماغك ولا كإنى قولت حاجة
رحاب أنا رحت علشان اكلمها اخر مرة وأشوف هل هتسامحنى ولا لأ
حسام اتعصب عليها وقال انتى مجنونة يا رحاب ؟ هو المفروض مين اللى يسامح مين؟ ، هى اللى تسامحك ولا انتى اللى تسامحيها على اللى عملته معاكى ، فوقى بقى وشوفى اخرة طيبتك وغبائك ودانى لفين، ممكن نخسر بنتنا والمرة دى كده ويا ترى المرة الجاية ايه
رحاب بعياط يا حسام سامحنى والله مش
قصدى بس هى اللى خدعتنى
حسام مش مهم الكلام ده دلوقتي لأن مش ده المكان المناسب علشان نتكلم فيه ، لينا بيت نتكلم فيه وسابها وطلع بره
رحاب يا حسام اسمعنى
حسام طلع بره
رحاب قعدت تعيط بسبب اللى عملته لأنها دلوقتي ممكن تخسر بنتها و زوجها في مرة واحده وبكده هتكون خسرت كل حاجه في حياتها فقعدت تدعى ربنا انه يسامحها لأنها كانت سبب فى اللى حصل ده ودعته أنه يحميلها بنتها ويحمى عائلتها
عند حسام
حسام متضايق جدا من رحاب لأنها برده مش شايفة أنها عملت غلط وكده هى هتوقع نفسها فى مشاكل فلازم يغير شخصيتها دى حتى لو تطلب الأمر أنه يبعد عنها علشان تعرف قد ايه هى غلطت
حسام راح للدكتور علشان يعرف بنته ايه
حسام ازيك يا دكتور ممكن تقولى حالة بنتى ايه
الدكتور خير يا استاذ حسام ، هى حالتها شبه استقرت شوية بس لسه فى خطر على حياتها واحنا الحمد لله بنعمل اللى علينا والباقى على ربنا
حسام ونعم بالله، أنا بشكرك على تعبك معانا
الدكتور لا تعب ولا حاجة ، ده واجبنا
حسام طلع من المستشفى وراح البيت يجيب غيار لرحاب وهناك دخل اوضة الاطفال وبص على الرسومات اللى فى الاوضة
حسام يا رب اشفيلى بنتى وبعدين خد الهدوم وراح المستشفى واداهم لرحاب
رحاب يا حسام خليك معايا أنا محتاجالك جنبى
حسام قرر أنه يعاملها كويس لأنها تعبانه والزعل هيتعبها اكتر وكفاية خوفها وحزنها على بنتها فمش هيبقى هو كمان عليها فقرر انه يحاسبها بعدين لما بنته تخف ويرجعوا البيت
رحاب بدموع حسام رد عليا من فضلك
حسام اول لما شاف دموعها خدها فى حضنه وقعد يطبطب عليها ويقولها
حسام أنا جنبك يا حبيبتى وعمرى ما هسيبك
رحاب بجد يا حسام مش هتسيبنى ابدا
حسام بجد يا قلب حسام
رحاب اتمسكت فى حضن حسام اكتر وقالت ربنا يخليك ليا يا حبيبى ، بس انا خايفة على بنتنا
حسام متخافيش أنا جنبك وربنا معانا وحاول يغير الموضوع وقال
حسام صحيح هنسمى بنتنا ايه
رحاب مش عارفه
حسام لأ فكرى يا خويا واختارى
رحاب طب فكر معايا
حسام بغمز لأ انتى هتسمى البنت وانا هسمى الولد لما يجى وغمز لها بعينك 😉
رحاب بس يا حسام ، احنا فى ايه وانت فى اي
حسام فى نفسه أنا لازن اطلعك من حزنك ده يا رحاب علشان متتعبيش
حسام طبعا هو احنا هنكتفى ببنت بس عايزين يكون ليها اخت او ولد
رحاب خلينا فى دى الاول ، بس يا رب تبقى بخير
حسام باذن الله خير
رحاب ايه رأيك نسميها رهف
حسام اسم حلو اوى ولما ادعلك انتى وهى اقولكم يا ريرى ❤️
رحاب ❤️❤️❤️ حبيبى يا حسام ربنا يخليك ليا ومتبعدش عنى ابدا وكمان بعتذر على اللى حصل وانى أنا السبب
حسام نتكلم فى الموضوع ده بعدين يا حبيبتي
رحاب ماشى يا حسام
حسام خلاص كده اتفقنا على ريرى ، هروح اسجلها فى المواليد وجاى
رحاب ربنا يخليك ليا يا حبيبى وخلى بالك من نفسك
حسام رجع ليها وبص فى عينيها وقال أنا بحبك اوى وبعدين كان عايز يقبلها بس مسك نفسه لأنه زعلان منها ولا تتعاقب وبعدين مشى
عدى اسبوع ورهف الحمد لله بقت بخير والنهاردة هتطلع من الحضانه
رحاب اول لما شالتها فرحت اوى بيها وبعدين عيطت وقالت بنتى حبيبتى وقعدت تبوس فيها وبعدين أداتها لحسام علشان يشيلها وطبعا هو كان خايف وهو شايلها بس هى مسكت أيده وحطتها تحت رأسها والايد التانية تحت ظهرها
حسام فرحان اوى ببنته واول مرة يحس الشعور ده
رحاب دى شبهك اوى يا حسام ، صح يا دكتوره
الدكتورة ايوه يا مدام ، بنتك شبه زوجها بس لون عينيها عسلى زيك
حسام أنا فرحان اوى أن ربنا استجاب لدعائى وان رهف بقت بخير وبعدين وجه كلامه للدكتوراه
حسام هى دلوقتي بخير يا دكتور ولا فى حاجة تانية
الدكتورة لأ هى دلوقتي بخير الحمد لله ربنا يخليها لكم وتفرحوا بيها
حسام ورحاب امنوا فى وقت واحد وقالوا اللهم امين يارب العالمين 🤲❤️
بعد يومين رحاب وحسام ورهف روحوا البيت
رحاب اول لما دخلت الشقة كانت مبسوطه اوى أنها دخلت شقتها وقالت
رحاب ياااه ، قد ايه احساس انك فى بيتك حلو وانك حاسس بالراحة صح يا ريرى
حسام طبعا يا حبيبتى ادخلى ريحى وانا هاخد شاور
رحاب ماشى يا حبيبى واكون عملتلك الاكل
رحاب نيمت رهف ودخلت تحضر الاكل لحسام
حسام طلع من الحمام وقعد يتابع شغله شوية لانه أهمله الفترة اللى فاتت وبعدين طلع علشان ياكل
طول الاكل وحسام عمال يلعب مع رهف لدرجة أن رحاب غارت منها
رحاب بغيرة ايه يا حسام هو مفيش غير رهف ولا ايه
حسام فاهم قصدها بس حاول يضايقها وقال
حسام اه هو انا عندى كام بنت ، هى واحده وبس رهف حسام محمد الشعراوى حبيبة قلبي وروحى
رحاب ماشى يا حسام
عدى حوالى شهر ونص ورهف بقت بخير تماما ورحاب كمان والحياة رجعت لوضعها الحالى الا علاقة رحاب وحسام لأن حسام بقى بيعاملها عادى يعنى من غير حب ، هو بيرجع من الشغل ياكل ويلعب مع رهف وينام ولو اتكلم مع رحاب يتكلم معاها عن رهف وصحتها والشغل وخلاص ورحاب اتضايقت من كده ، فى الاول كانت بتقول متضايق منها وهياخد وقت ويبقى كويس بس الوضع طول اوى وبقى بيزيد سوء عن اليوم اللى قابله فقالت لازم تلاقى حل للموضوع ده وتتكلم معان
فى يوم حسام كان راجع من الشغل
رحاب ازيك يا حبيبى
حسام الحمد لله
رحاب الشغل كان عامل معاك ايه
حسام زى اى يوم مفيش جديد
رحاب طب ما تيجى نخرج اصلى حاسه بملل من قعدة البيت وعايزة اخرج واشم شوية هوى
حسام مش دلوقتي يا رحاب
رحاب فى ايه يا حسام انت بتعاملنى كده ليه
حسام بعاملك ازاى يعنى هو انا جيت جمبك
رحاب يا ريتك تيجى جنبى على الأقل تهتم بيا بدل منا قاعدة فى البيت لوحدى ولما تيجى مش بتسأل فيا ، مش عارفه انتى اتغيرت كده ليه
حسام يا رحاب أنا جاى تعبان ومليش لوجع الكلام ده
رحاب كلامى بقى وجع دماغ من امتى الكلام ده
حسام انتى عايزة تتخانقى صح
رحاب انت اتغيرت معايا اوى يا حسام ، مبقتش تنام جنبى وبتنام فى الاوضة التانية وبتتحجج ب علشان رهف تعرف تنام ، وكمان مبقتش تقولى كلام حلو ، انت ايه اللى غيرك كده
حسام مدام فتحتى السيرة يبقى نتكلم بقى
رحاب اه قول اللى جواك
حسام اللى جوايا انى زعلان منك لانك السبب فى كل اللى حصل لبنتنا وكان ممكن نفقدها بسببك
رحاب أنا قولتلك أنا اسفه وانى مكنش قصدى والموضوع ده أنتهى وكنت فكرتك سامحتنى
حسام الموضوع منتهاش ولا انا سامحتك ، أنا بس قولتلك كده علشان متتعبيش وخصوصا انك كنتى زعلانه على رهف فمش هيبقى أنا وهى وبخصوص اعتذارك فهو مش مقبول خالص
رحاب بعياط يا حسام أنا اسفه ، أنا عارفه انى غلطت بس متعاقبنيش بالاسلوب ده لانى هموت كده
حسام كان هيضعف بس مسك نفسه وقال
حسام بس انتى غلطتى غلط كبير اوى وافتكرى أنا قولتلك ايه قبل ما تروحى لمنة ، قولتلك لو روحتى ليها هتكونى بتعملى حاجز بينا ومع ذلك رحتى وشوفى حصل ايه من تفكيرك
رحاب طب سامحنى وقولى اعمل ايه علشان اصالحك
حسام مفيش فى دماغى عقاب ليكى غير أننا نبعد عن بعض ونعيش مع بعض ولا كان فى بينا حاجة
رحاب يا حسام ليه تعمل فيا كده
حسام أنا بردو اللى عملت ، أنا كنت هخسرك انتى وبنتى بسبب تصرفك ودى مش اول مرة تعملى كده ، انتى عملتى كام مرة تصرف غلط بس المرة دى حاجة تانية خالص ، أنا مش عايز واحده تكون ضعيفة شخصية لأن كله هيأذيها ، أنا عايزة واحدة طيبة بس تعرف تاخد حقها لو حد اذاها لكن انتى مش كده خالص يا رحاب
رحاب أنا اوعدك انى هتغير يا حسام بس متبعدش عنى وخليك جنبى
رهف عيطت
حسام روحى شوفى رهف وانا هدخل انام شوية لانى مش عامل
حسام مشى وسابها ورحاب أدركت أن حسام بقى متضايق منها اوى ودخلت لرهف تشوفها وترضعها
عند حسام فى الاوضة
حسام الو يا احمد
احمد عملت ايه النهارده
حسام عملت كل خير ، اتحكم عليها بمأبد لأنها ارتكبت جريمة الشروع فى القتل والآداب
احمد الحمد يا يا حسام ، كده تقدر تعيش مرتاح مع مراتك وبنتك ومحدش يقرب منكم
حسام زعل من كلامه لأن علاقته مع رحاب ضعفت شوية
حسام ايوه يا احمد ، باذن الله كل حاجة بخير
احمد ربنا يسعدك دائما
باليل حسام معرفش ينام لأن منظر رحاب على العشاء وهى زعلانه منه ضايقه اوى فقرر انه يروح يصالحها
حسام راح غرفته هو رحاب وخبط بس محدش رد فدخل ولقاها نايمة ولابسه قميص نوم جميل عليها وخصوصا انها بقت حلوة بعد الولادة
حسام جه ونام ورى رحاب بالضبط وحضنها من وسطها وبقى يلعب فى شعرها ورحاب اتفزعت وقامت
رحاب حساام!! انت بتعمل ايه هنا
حسام وحشتينى فقولت اجى اشوفك بس لقيتك نايمة فمرضتش اصحيكى بس نسيت أن نومك خفيف وبتصحى من اقل حاجة
رحاب أخيرا قولتلها ، وحشتك
حسام اكتر مما تتخيلى ، بس كنت زعلان منك بسبب تصرفك بس قررت اسامحك لأن ده وشاور على قلبه وقال بيحبك وميقدرش يزعل منك ولا يبعد عنك ثانية واحدة لأنه هيموت
رحاب وانا كمان بحبك اوى يا حسام واوعدك انى دائما هسمع كلامك وهخلى شخصيتى قوية لانى خسرت كتير من ضعفى فلازم اكون قوية
حسام أنا عايزة تتغيرى علشان نفسك مش علشانى لانى بحبك بكل حالاتك
رحاب وانا بموت فيك يا روح قلبي وعادى لو اتغيرت علشانك ، انتى روحى يا حسام
حسام أنا عايزه اقولك على حاجة
رحاب منه خدت مؤبد بالشغل والنفاذ
حسام ايه ده ، هو انتى عرفتى منين
رحاب سمعتك وانت بتكلم احمد لانى كنت راحة اكلمك فسمعتك وانت بتكلمه
حسام اه على قطتى العسل
رحاب هو انت لسه بتحبنى يا حسام ولا حبك قل
حسام أنا بحبك اكتر من الاول يا رحاب ومهما حاولت اقسى عليكى مش بقدر لانك حتة منى فصعب ابعد عنك يا حبيبتي
رحاب حضنته جامد وقالت ربنا يخليك ليا يا حبيبي يا قرة عيني ❤️
حسام شدد على حضنها وقال ويخليكى ليا يا نبض حياتى وبعدين طلعها من حضنه وبص فى عينيها والتهم شفتيها بشفتيه بحب ولهفة وشوق ورحاب استسلمت له وبادلته القبله بعمق لانه وحشها
حسام بعد عنها وكان هيقرب منها بس رهف صحيت وقعدت تعيط
رحاب بضحك 😂 ثوانى ارضعها وارجعلك
حسام عادى ولا يهمك يا حبيبتى ، هى باين عليها مكسوفه من قربنا بس الايام بيننا ولازم نخاوى البنت ولا ايه رايك
رحاب انكسف ودارت وشها عنه
حسام قعد مع رحاب لحد ما رضيت نيمت رهف
حسام تعالى فى حضنى يالا
رحاب قربته منه وحضنته وقالتله أنا بحبك اوى
حسام وانا بموت فيك يا جوبا ❤️ وبعدين باس راسها وبعدين ناموا
فى الصباح
رحاب صحيت وعملت اكل لحسام وبعدين راح الشغل
اثناء الشغل تليفون حسام رن
رحاب الحقنى يا حسام رهف بتعيط جامد من بدرى و مش راضية تسكت خالص
حسام أنا جاى اوى
يا ترى رهف مالها ؟؟؟!!!