رواية طريق الحب الفصل الاخيربقلم جمانه السعيدي
عباس بقيت منتضرها برا ...اتاخرت
يله طلعت
عباس هاااا بشري زينه بلامتحان
شهد...الحمد لله الاسئله زينه واعتقد راح انجح
عباس...الحمد الله يله خل نتريك ونرجع للسماوه الان من وراج متت جوع
واكفنا يم كافتريا واكلنا لفات وشربنا جاي بعدين رحت اشتريت كرزات للطريق
صعدنا بلسياره ومشينا طلعنا بغداد
شهد حسيت هاي احسن فرصه ادافع بيها عن نفسي احنا وحدنا ولازم يسمعني ماراح يكدر يخلص مني
بعدين اجتني فكره كتله اوكف شويه على صفحه
عباس ليش شكو
شهد...اختنكت واريد اشم شوية هوا
عباس...اوكي هسه اوكف وكفت السياره ونزلت واني نزلت وراها اريد اشوفه شبيه التفتت عليه وكالت اني مابيه شي اريدك تسمعني وتعوفني اكمل للنهايه
تريد تصدكني بكيفك
تريد ماتصدكني براحتك المهم اريح ضميري وما نفترك وانت اضن بيه الضن السيء
جمانه السعيدي
عباس...انتي مخبله موكفتني على هاي الشغله عبالي بيج شي
شهد...اي بيه شي بيه انت
احبك ومااكدر اطلعك من حياتي
وكلما تتقرب مني احبك اكثر اريد اوصل الحل وياك لونبقى سوا لو تعوفني بحالي
اني مراح اجبرك تبقى وياي بس اذا ماتريدني فدوووه عوفني لو تشوفني احترك لاتقترب مني كلما تساعدني احبك واتعلق بيك اكثر
انت الانسان الصح الي اجه بلوقت الخطء
بمرحلة المراهقه تعرفت على سيف جنت مراهقه ومتهوره ومتسرعه امي ابد مامهتمه بيه ولاتعرفني وين رحت وين اجيت وابوي ملتهي بدراسته كان عدي فراغ موطبيعي
وهاي المرحله خطره بحياة كل بنيه
بلمدرسه كل البنات تحب وتنحب قررت اجرب حضي بس للاسف ويه الشخص الغلط
اني ما ابرر غلطي اني غلطانه من راسي الرجليه بس محد كان يعلمني ويهديني للطريق الصح
من شفت اهتمام من سيف مو طبيعي حتى اهلي مامهتمين بيه هيج وبدا يطلب مني نطلع بلبدايه رفضت بس بعدين وافقت
لان هو صار ضروره بحياتي وما اكدر استغني عنه
طبعا هو فنان بهاي السوالف لان يعرف هواي بنات
واني غشيمه بسرعه صدكته
كمت اطلع ويا بس ولله هنه كم مره وبمكان عام حتى هاي الصوره ماخذينه بمطعم
ويوم الي لحكتني هو قنعني وكال نحتفل بعيد ميلادج وحاجز بلمطعم واني صدكت
ولمن صعدت ويا بلسياره كال نسيت الهديه ورحنا نجيبه من الشقه
واني ولا عبالي ناصبلي فخ رحت واني مامنه بي
وحتى يضمن ادخل للشقه
كال هاي الشقه نزوج بيها تعاي شوفيه
واني ابد ما شاكه بي وامئمنه للاخير
نزلت ويا بس هو الملعون جان مخطط الشي ثاني ولمن اجيت وراي حسيت رب العالمين يريد ينقذني من ايده
ووكته خفت احجيلك الحقيقه
جمانه السعيدي
لان اني ما اعرفك زين خفت تحجي البابا لو توصل الخبر الاهلي وانفضح ومن ساعته غيرت رقمي ونتهى كولشي بينا هذا كل الي صار ادري راح تكول شكد ثوله
والشغله مبينه بس اني فعلا ثوله وماعندي تجارب وجنت اعتقد يحبني وصدكت بي
هاي كل الحقيقه وانت حر تصدك ونكون سوا
او تكذبني ونفترق بس اذا افترقنا اطلع من حياتي نهائيا
لان اذا تبقى قريب مني راح احبك اكثر واكثر
جمانه السعيدي
عباس...خلصتي يله اصعدي خل نرجع ورانا طريق طويل
شهد يعني صدكتني
عباس اصعدي
وفعلا صعدنا ونطلقنا للسماوه
عباس...ما اعرف ليش صدكت كل كلامه نبرت صوتها وحركاتها وعيونها تكول هي صادقه
وكلبي المتعلق بيها يريد يصدكه وفرحان بكل شي كالته
وخاصتا وهي تاكدلي حبه اليه
وهاي الفتره الي مرت واحنا قريبين من بعض اكدتلي كلامها
وقررت افتح صفحه جديده وياها لان ما اتخيل حياتي بدونها
مشينا تقريبا ساعه واحنا ساكتين ولاحجينه ولاكلمه وهي كل شويه اذب حسره شكبرها وبعدين التفتت عليه وكالت
عباس ما كتلي راح نبقى سوا لو تعوفني ولله اني احبك
بس الامر الاخير يرجع الك
عباس مديت ايدي وسديت حلكها وكتلها اسكتي شكد تحجين مادختي من الحجي
شهد..استفزني بكلامه لزمت ايده باديه اثنيينهن وعضيته
حيل وهو يصرخ ولج عوفيني اخ وجعتيني
واني مستمره اعضه حيل لان حرك كلبي
عباس....ولج عوفيني انتي جلبه ما اريدج هو الحب غصب
شهد...عفته وضجت حيل وضليت ساكته
عباس..عافت ايدي بس سنونها طابعات حيل وايدي توجعني
كتلها...مخبل ماخذلي وحده عضاضه
قابل اني مخبل
بقت ساكته لمن وصلنا ودخلنا وبعد ماشفته ابد
كامت ماتحتك بيه ومن ادخل مكان تطلع منه وتاكل بلمطبخ ماتجي يمي
شهد...ضجت من كلامه يعني مايحبني ومايردوني اني بعد ما اقرب اله ابد اريد اعوفه
بقيت اربع ايام على هذا الحال عباس ردت اتحارش بيه
فد يوم دخلت هي جانت بلطرمه شافتني ورادت تدخل جوا
اني طبكت الباب وصحت اخ اخ ايدي
هي التفت عليه واجتني ولزمت ايدي هااا شبيك شبيه ايدك شو خل اشوفها
اني ضام اصبعي واصيح اخ اخ اصبعي وهي حتارت شسوي
تريد تشوف اصبعي واني كوه لازم نفسي ما اضحك
بعدين طلعت ايدي وكتلها مابيه شي
هيج الحب يسوي كتلتي نفسج وكمت اضحك
هي ضربتني على صدري وراحت
شهد عابتلك خوفتني
ثاني يوم اجا عمي حتى يرجع عائلته البغداد لان كدر يحل الازمه الصعبه الي مر بيها رغم خسر منصبه وقدم استقالته
والوزير عاقبه ونزله موضف عادي بدائره رعاية الايتام والقصر
وصار موضف زغير عد موضفينه بس جان ضميره مرتاح
لان ماسوا شي يغضب رب العالمين
ورجعت شهد واهلها البغداد وضجت عليه حيل
لمن بعدت عني اتاكدت اني احبها وما اكدر استغني عنها ابد
جمانه السعيدي
شهد صحيح رجعنا البيتنا ورجعت الحياتي بس عباس ماكو
كلشي جان عادي ومابي طعم لان عباس ماكو
بعد فتره تفاجئت رقم غريب يتصل عليه ما رديت ضل كلساع يتصل بعدين اجتني رساله اني عباس ردي
فرحت لا طرت من الفرح اريد افتح الاتصال اتخربطت
بعدين رديت هلو عباس
عباس هلو شهوده انتي موخوش صديقه ما تسئلين على صديقج
شهد انت كطعت وبعد ما سئلت
عباس...ماكتلج جنت اتعالج من داء الكلب لان اكو كلبه عضتني بس شني من عضه الدكتور تعجب كال لازم تلكاها وتحبسها بقفص الزوجيه حتى لاتعض احد غيرك
شهد تستاهل
عباس يمته نجي نخطبج
شهد الوقت الي بعجبك اهلا وسهلا
عباس بس عندي شرط مهم
شهد شنوووو النوب انت تتشرط كول اسمعك
عباس ممنوع العنف ممنوع العض
شهد ولله الي يضوجني يستاهل كلشي يصير ويااااا
هسه اني عندي شرط
عباس اسمعج
شهد هسه بس خطوبه وعقد والزواج بعد التخرج انشاء الله
عباس نسيت اكلج النتيجه طلعت ونجحتي مبروك
شهد الله يبارك بيك
عباس ورا يومين اجينا اني وابوي وخواني نخطب شهد
ابو شهد كان عنده خبر ويعرف شهد وامه موافقات على هذا الزواج
اتفقنا على يوم العقد
بيوم العقد جنت اسعد انسان بلدنيا وأخير اني وشهد راح نرتبط
عقدنا الشبخ ودخلت حتى البسه الذهب
شفته وبقيت واكف وصافي عليه
حلوووه لا موبس حلوووه تخبل
شهد شفته واكف ومتفاجئ بيه ضحكت
قرب عليه باسني ولبسني الذهب قرب عليه شاورني
هاااي شطالعه
تخبلين ماتجين وياي
شهد وين
عباس للسماوه
شهد اكعد لا طلعنا لعبه ماكو زواج اله بعد التخرج
عباس بس اني مستعجل
راح ازوج وحده غيرج ومن تتخرجين اطلكه ونزوج
شهد هو بكيفك ولله اعضك هلمره حتى ابرة داء الكلب
مااطيبك
عباس لا بطلت انتضر وأمري لله
اتخرجت وزوجنا عباس غير كلشي بحياتي
صرت انسانه عاقله وفاهمه
يحبني واحبه واتمنى هذا تلحب يوووم للابد
اتمنى من الأمهات تنتبه البناته واولاده وتكون حريصه عليهم وتراقبهم
وبناتنا الحلوات مو كل واحد يكول احبج يعني يحبج
الحب يعني الزواج
وغير هذا الشي ابد مو اسمه حب