رواية زواج غير مدبر الفصل السابع عشر17والثامن عشر18 بقلم اسماء سلام
رحاب حسااااام
المقدم اهدى يا مدام منة هو بخير
رحاب بخير ازاى وشكله كده
المقدم ممكن بس تدخلينا نحطه يرتاح وبعدين نحكيله على كل حاجة
رحاب اه طبعا اتفضلوا
المقدم وصحاب حسام دخلوه جوه على سريره
رحاب ممكن حضرتك تقوللى حصله ايه
المقدم هو اصر انه يروح المهمة دى ومع انى رفضت بس هو كان عايز يروح وانا حذرته وقولتله أن النمر مخادع وأنه لو راح احتمال ميرجعش بس برده راح والنمر خلى رجالته يتلموا عليه وقدوا يضربوه ولولا ستر ربنا أن فى رجالتنا شافوه كان لقدر الله مات بس الحمد لله على كل حال
رحاب بجد مش عارفه اشكركم ازاى
المقدم لا شكر على واجب، حسام ده زى ابنى بالضبط ، المهم احنا كشفنا عليه والدكتور قال أنه محتاج راحة تامة وده العلاج ومكتوب عليه مواعيده وكام مرة فى اليوم بس لازم جسمه يتمسح بقماشة كل شوية علشان الجروح تخف
رحاب تمام شكرا لك
المقدم الشكر لله، عايزة حاجة نستأذن احنا
رحاب طب استنوا تشربوا حاجة
المقدم ملوش لزوم ، اهم حاجة تهتمى بحسام كويس وطبعا مش هوصيكى عليه
رحاب متقلقش عليه ، هو فى عنيا
المقدم والضباط استأذنوا ومشيوا
رحاب دخلت لحسام وبصت وشافته وقعدت تعيط
رحاب كان قلبى حاسس ان فى حاجة وحشة هتحصل بس كان لازم تروح ولا علشان اتخنقت معايا فكنت عايز تخلص من نفسك ، انت غلطان يا حسام الامور مش بتتحل كده
رحاب بدأت تفك ازرار القميص وبدأت تشوف الجروح اللى على صدره وحطت ايديها على جرح وحسام ساعتها فاق واتوجع
رحاب انت صحيت يا حسام ، أنا اسفة والله مكنش قصدى انى اوجعك
حسام الوجع اللى جوايا اكبر من الوجع ده بكتير
رحاب يعنى بتوجعك
حسام عمرك ما هتفهمينى ابدا
حسام حاول انه يقوم بس مقدرش من التعب فرحاب قربت علشان تساعده ولكن حسام بعدها عنه وقال
حسام ممكن تقربيش منى ، أنا تعبان مش مكسور ومش محتاج منك حاجة ممكن يعنى
رحاب انت ليه بتعاملنى كده
حسام ولا اعاملك ولا تعاملينى
رحاب يا حسام بلاش المعاملة دى ، أنا مهمى كان مراتك يعنى مش حد غريب
حسام فاكره لما قولتيلى انك مش مراتى فازاى دلوقتي مراتى
رحاب أنا قولت كده علشان مردتش تقول للناس انى مراتك
حسام طب مفكرتيش ايه السبب
رحاب علشان كلام الناس
حسام اه بس خوف عليكى مش عليا ، أنا مهمى كان راجل ومحدش هيتكلم عليا بس هيتكلموا عليكى انتى واحسن حاجة انى مقولتش للناس
رحاب احسن حاجة للدرجة دى مش طايقنى
حسام لأ مش علشان كده لكن علشان اطلقك وتروحى لحبيبك تتجوزيه من غير الناس ما تقول عليكى انك اتجوزتى زوج اختك وبعدين اتجوزتى حد تانى
رحاب يا حسام افهمنى
حسام مش عايز افهم ، لو عايزانى اطلقك دلوقتي مفيش مشكلة
رحاب لأ مش دلوقتي
حسام اه علشان صحابى ميقولوش سابتنى فى وقت منا محتاج ليها ،بجد بتفكرى كويس
رحاب مش ده السبب
حسام مش مهم وحاول علشان يقوم الحمام فميكت أيده تقومه بس هوى بعد أيدها عنه وقال ممكن ملكيش دعوة بيا
رحاب بزعيق ممكن تسيب خلافتنا على جنب وتخلينى اساعدك وبعدين مسكت أيده وقالت لحد ما تخف أنا هساعدك ومفيش طلاق ولما تخف ابقى اعمل اللى تعمله
حسام بقولك ابعدى عنى وزقها فهو وقع لانه مش قادر يقف لأن جسمه كله مجروح
رحاب جريت عليه وقالت قوم معايا يا حسام وبلاش عناد ، انت تعبان ومحتاجنى جنبك
حسام لأ مش محتاج حد جنبى ، أنا طول عمرى وحيد فمش هيحصل حاجة يعنى
رحاب بس دلوقتي الوضع اتغير سواء شئت ام أبيت ويلا معايا
رحاب ساعدته ودخلته والحمام وطلعت واستنته لحد ما طلع وساعدته وقعدته على السرير
رحاب طلعتله غيار وقالت يلا علشان تغير
حسام أنا هساعد نفسى
رحاب ماشى قون غير كده
حسام خد الهدوم وطبعا معرفش علشان جسمه تعبه
رحاب شوفت بقى فبلاش تكابر
رحاب بكسوف واحراج قلعت حسام القميص والبنطلون وقالت اقلع غيارك الداخلى وبعدين اندهلى وطلعت بره
حسام لبس غياره الداخلى ومرديش ينده عليها
رحاب لقت انه أتأخر فخافت ليكون وقع ولا حاجة فدخلت من غير لما يخبط ولقت أنه بيحاول يلبس القميص بس مش عارف وعمال يتوجع
رحاب قربت منه وبدأت تلبسه القميص وقالت يا حسام اسمع الكلام وبلاش عند وبعدين لبسته البنطلون وسرحتله شعره وقعدته على السرير وقالت
رحاب ارتاح عقبال لما اعمل الاكل علشان تاكل وتاخد علاجك
حسام فى نفسه نفسى تعملى كده من قلبك علشانى مش علشان واجب عليكى ،كان نفسى تدينى فرصة اعوضك عن كل حاجة وحشة شوفتيها بس مليش نصيب ، ربنا يسعدك مع الشخص اللى بتحبيه
رحاب بتعمل الاكل وفجأة الجرس رن فراحت فتحت الباب
.......ده بيت حسام محمد الشعراوى
رحاب برفع حاجب اه هو انتى مين !!!!
الفصل الثامن عشر18
رحاب بتعمل الاكل وفجأة الجرس رن فراحت فتحت الباب
.......ده بيت حسام محمد الشعراوى
رحاب برفع حاجب اه هو انتى مين !!!!!؟
....أنا زميلته فى الشغل واول لما عرفت انه تعبان جيت علشان اشوفه
رحاب كلك زوق
.... هو انتى مش هتدخلينى ولا ايه
رحاب اه طبعا اتفضلى
دينا دخلت علطول على اوضة النوم لانها جت لحسام قبل كده
حسام مين يا رح
دينا ازيك يا حسام
حسام ازيك يا دينا
رحاب انت تعرفها
دينا بسرعة ردت وقالت اه طبعا أن قولتلك زميلته فى الجيش مش صح يا حسام
حسام اه طبعا
دينا معلش ممكن تعمليلى كوباية عصير
رحاب بغيظ اه طبعا وراحت المطبخ وهى متضايقة منها جدا ومن لبسها الخادش للحياء وعماله تعيب عليها وتقول أنا زميلته فى الجيش ، العمى فى عينك قد ايه جريئة وقامت تعمل عصير لها
عند دينا وحسام
حسام انتى بتعملى ايه هنا يا دينا
دينا مش قولتلك يا حبيبي قبل كده أن اقدر اجيلك اوضة النوم بتاعتك وانا اهو جيت
حسام وايه جو زميلتى فى الجيش ، ممكن تتفضلى تمشى لانى نهيت العلاقة معاكى
دينا اه منا عارفه لما رميت الفلوس ليا وقولتلى انى رخيصة بس انا مش هستسلم بسهولة يا بيبى ولو قولت حاجة عنى هقول لمراتك حبيبتك على علاقتنا وشوفها هى هتعمل ايه فجارينى فى الكلام ومثل انى زميلتك فى الشغل
حسام هتستفادى ايه من اللى بتعمليه ده وانتى عارفه انى عمرى ما هرجعلك
دينا بضحك هههه هستفاد كتير واول حاجة هحرق دم مراتك لما تشوف واحدة معاك وهخلى الشك يدخل قلبها ناحيته وهبوظ علاقتكم عرفت بقى هستفاد ايه
حسام فى نفسه مش فارقه هى كده كده بايظة وعايزة تحرقى دم رحاب متقلقيش دى مش هتتأثر حتى والله مجيتك على الفاضى وخلاص
دينا مالك ساكت ليه
حسام امال هقول ايه
رحاب جابت العصير لدينا و حسام
دينا تسلم ايدك يا مدام منة بجد العصير تحفة بس حسام مقاليش انك شاطرة اوى كده فى الاكل
رحاب هو حسام قالك ايه تانى عنى
دينا يووووه دنا وحسام اصدقاء جدا وحسام مش بيخبى عنى حاجة خالص مش كده يا حسام
حسام اه
رحاب بغيظ ربنا يخليكم لبعض بس انا مستغربة انك فى الجيش ولابسه اللبس ده
دينا بضحك ههههه لأ يا حبيبتي عادى ، احنا فى الجيش بنلبس لبس الجيش لكن بره بنعمل اللى يعجبنا ومش أنا لوحدى بس ده كل البنات اللى هناك كده وانا يعتبر أقل واحدة فيهم
رحاب هو فى بنات فى الجيش معاكم؟!!!
دينا اه يا حبيبتي، انتى متعرفيش أن البنت بقت بتروح الجيش زى الولد بالضبط
رحاب اه عارفه بس برده مينفعش تيجى لواحد وتلبسى اللبس ده
دينا منا قولتلك انى انا وحسام اصدقاء مقربين وقامت ورتها صورة ليها هى وحسام وهما فى كافيه وكانت لابسه لبس خادش للحياء اكتر من ده
رحاب غمت عينيها وقالت حرام اللبس ده
دينا اكيد هيكون حرام وحضرتك لابسه اللبس ده طرحة وعباية بكم واحنا فى عز الصيف
رحاب أنا قاعدة كده علشان لما حد يجى من صحاب حسام مينفعش يشوفنى غير كده
دينا وفيها ايه يعنى لما ييجو ويشوفوكى كده مش هيقدروا يعملوا حاجة ، انتى شكلك متعرفيش حسام مسيطر قد ايه وقد ايه قوى مش كده يا حسام
حسام سيبيها براحتها يا دينا
رحاب بغضب أنا قايمة اشوف الاكل اللى على النار ليتحرق وراحت المطبخ وهى مش طايقة نفسها
رحاب اه البيه بيقابل الاشكال دى فى الشغل علشان كده بيحب الشغل ومجتهد فيه ومش راضى يرد عليها خالص وبدل ما يقولها أن لبسها حرام بيقولها سيبيها براحتها يا دينا ،اهدى يا رحاب اهدى مفيش حاجة تستدعى انك تتعصبى وتتعصبى ليه ، مين دى اصلا علشان تعصبك بس انا حاسه انى مش طايقاها ليه وعايزة اقوم اجيبها من شعرها اللى فرحانه بيه ده بس برده دى ضيفة بس ضيفة تقيلة اوى وبعدين خلصت الاكل وجابته لحسام
عند حسام ودينا
حسام يلا يا دينا امشى علشان مأذكيش وكفاية لحد كده
دينا قربت منه وقعدت تلعب فى زراير القميص وبتقوله اهون عليك كده يا حسام تسيبنى علشان الشيخة دى
حسام ابعدى عنى يا دينا وسيبى القميص
دينا ماسكة القميص وفجأة دخلت رحاب بالأكل
رحاب بزعيق انتى بتعملى ايه
دينا سابت القميص وقالت مفيش بس حسام كان حران ومش عارف بيفتح زرار القميص فنا كنت بساعده مش اكتر
رحاب بس يا حبيبتي انا موجوده وانا مراته مش انتى ولو عايز حاجة يقول ليا مش ليكى وممكن توسعى شوية علشان احطله الاكل ويعرف ياكل
دينا بعدت عن حسام وهى متضايقة أنها مقدرتش تعصب رحاب
رحاب حطت الاكل جنب حسام على السرير وبدأت تأكله بايده
حسام أنا بقدر اكل لوحدى
رحاب لأ يا حبيبى أنا خايفة عليكى إذا مكنتش قادر تفتح زرار القميص لوحدك فزاى هتعرف تاكل علشان كده سيبنى ااكلك بنفسى
حسام ساب رحاب تأكله واكل حاجة بسيطة ومقدرش يكمل باقى الاكل
رحاب ايه الاكل ده يا حسام ، لازم تتغذى
حسام أنا كده شبعت
رحاب بالهنا والشفاء يا روحى يلا خد العلاج
رحاب أدلت لحسام العلاج وقالت لدينا
رحاب أنا بستأذنك يا أنسه دينا انك تتفضلى دلوقتي علشان عايزة احط المرهم لزوجى وطبعا مينفعش احطه وانتى موجودة فيلا اتفضلى
دينا مشيت وهى متعصبة بدل ما هى جايه تعصب رحاب هى اللى عصبتها
رحاب بدأت تفك ازرار القميص وبدأت تحط المرهم على صدر حسام بس بقوة
حسام بتألم براحة يا رحاب
رحاب اه اصلك واخد على الايد الحنينة
حسام شكلك حلو وانتى غيرانه
رحاب خدودها احمرت وقالت أنا اغير من دى مستحيل
حسام بس ايه رأيك حلوة صح
رحاب حطت المرهم اقوى وقالت اه حلوة قوى وكانت ماشية بس حسام مسك أيدها وشدها ليه بضعف وبص فى عينيها ورحاب دابت مع بس حسام بعد عنها وقال اسف نسيت انى قولتلك انى مش هقرب منك تانى
رحاب طلعت بره الاوضة متعصبة جدا ومش عارفه مالها ، هى أول مرة تجرب الشعور ده
حسام غصب عنى بقرب بس برجع بندم ، أنا لازم استعجل فى إجراءات الطلاق علشان متعلقش بيها اكتر من كده واتعب من بعد لما تسيبنى ، مجرد لما اخف هبدأ فى إجراءات الطلاق
بالليل
حسام حاسس بملل من قعدت الاوضة ففكر ينادى على رحاب بس متردد بس فى الاخر نادى عليها
رحاب ايوه يا حسام مالك تعبان فيك حاجة
حسام لأ انا كويس بس عايزة تساعدنى اروح عند المسبح علشان حاسس بملل
رحاب ماشى يلا
رحاب مسكت ايد حسام وحسام استند عليها لحد ما راح المسبح
رحاب جت تمشى بس حسام قالها تقعد معاه بدل الملل ده
رحاب طب هروح اجيب حاجة ساقعة واجى
رحاب جابت الحاجة الساقعة وقعدت جنب حسام بس كانت بشعرها ولابسه ترينج بنص كم
حسام ليه غيرتى
رحاب اصل الجو حر ومفيش حد هنا غريب
حسام ورحاب قعدوا يتكلموا شوية وفجأة
حسام قوليلى بصراحة بقى مين الشخص اللى بتحبيه