رواية زواج غير مدبر الفصل الثالث والثلاثون33والرابع والثلاثون34 بقلم اسماء سلام
حسام أنا سجنت منة
رحاب سكتت من الصدمة وبعدين قالت
رحاب ايه اللى انت بتقوله ده يا حسام
حسام اقعدى وانا افهمك
رحاب قعدت على السرير وبعدين حسام قعد جنبها
حسام يا حبيبتى أنا عارف ان اللى قولته صعب بس اللى هقوله اصعب وكمان مش عايزك تزعلى ولا تتعصبى علشانك وعلشان بنتنا
رحاب خلاص يا حسام اتكلم متوترنيش اكتر من كده
حسام بصى يا رحاب انت عارفه ان فى بنت بتهددك وعايزة تفرقنا ، البنت دى تبقى اختك منة وكمان مش لوحدها دى معاها زياد زميلك فى الشغل وهى اللى ركبت كاميرا مراقبه فى شقتنا وكمان القصة اللى قالتها كدب لأنها هربت مع واحد غنى وللاسف كانت عايشة معاه فى الحرام ولما خسر كل فلوسه رجعت علشان تفرقنا
رحاب مصدومة
حسام وكمان حاولت تقرب منى اكتر من مرة بس انا كنت بزعقلها وكانت بتقولى انك كبيرة وعانس علشان تكرهني فيها
رحاب قعدت تعيط جامد وتقول ليه تعمل كده ، أنا اذتها فى ايه ، دنا اختها الكبيرة مش حد غريب
حسام اتفاجأ من رحاب وأنها صدقته
حسام انتى صدقتينى يا رحاب
رحاب اه يا حسام لانك عمرك ما تكدب عليا بس قولى عرفت أنها منة ازاى
حسام قولت لواحد خبير فى الاتصالات أنه يعرف كل حاجة عن الرقم اللى بيكلمك وهو قالى الاسم وأنها منة والمكان اللى الخط موجود في ساعتها وكان المكان ده بيتنا علشان كده وديتك هنا علشان اخلص الموضوع اللى تعبنا
رحاب طب قبضت عليها ازاى
حسام اتوتر لانه خايف إنها تبعد عنه علشان حاول يقرب من منة
رحاب قول يا حسام قبضت عليها ازاى وفين
حسام بصى أنا وديتك وبعدين رحت عند محل أجهزة مراقبة وطلبت منه جهاز مراقبة صغيرة وبيصور صوت وصورة وهو أدانى قلم كاميرا فأنا روحت ولقيت منه فدخلت حطيت القلم فى مكان معين علشان يصور الاوضة كلها وكمان تابعته من الموبايل وعرفت انها هيصور كل حاجة
رحاب ها وبعدين كمل
حسام وبعدين نديت لمنة ومثلت عليها انى لسه بحبها وانى مش بحبك وعلشان كده وديتك عن اهلك علشان نقعد لوحدنا وبعدين طلبت منها
رحاب بتركيز طلبت منها ايه
حسام بتوتر طلبت منها أننا نمارس العلاقة مع بعض
رحاب الكلمة دى وقعت على رحاب صعبة وكان رد فعلها أنها سكتت
حسام كمل وقال
حسام أنا عارف انى اللى هقوله صعب بس مكنش قدامى حل غير كده وانا عملت كده علشان بحبك يا رحاب ، أنا طلبت منها أننا نمارس العلاقة مع بعض وطبعا هى ما صدقت وكمان طلبت منها انها تلبس القميص الأحمر اللى كانت لبساه عقبال لما اعمل العصير واجى وهى فعلا لبسته وحطت ميكب لأنها صدقت أننا هنمارس بجد وبعدين بقيت اقرب منها واسألها أسئلة وازاى هى تثبتلى أنها بتحبنى فقالت إنها هى اللى حطت الكاميرات في البيت وهى اللى بتهددك علشان تهددنا وانا قولتلها أن ده عادى وطلبت منها تمسح كل الفيديوهات من عندنا ومن عند اللى معاها وهى عملت كده وبعدين قبل ما تقرب علشان نبقى مع بعض قولتلها أن دى تمثليلة وجبت الضابط وقبض عليها وهددتها لو حاولت أقل منك تانى هوديها ورى الشمس
رحاب مركزتش فى كلامه بس ركزت فى أن منة كانت متشيكة وأنها قرب منها وبعدين قالت
رحاب كانت حلوة ؟ كانت احلى منى ؟ قربت منها ليه
حسام يا حبيبتى مفيش اجمل منك فى عينى، انتى قمر يا روحى وبعدين انا مقربتش منها ، أنا بس كنت بمثل عليها
رحاب بس هى لمست وبعدين حطت ايديها على صدره وقالت
رحاب حطت ايديها هنا؟ قالتلك انك حلو ؟ وقربت منك ؟ قالتلك بحبك؟ وقالت
حسام حط أيده على بقها وقال أنا بحبك وعمرى ما احب حد غيرك ولما حبيتك عرفت أنى عمرى ما حبيت منة لكن أن شوفتها زى يعنى هتعيش زى منا عايز بس نسيت أن المرأة المحتشمة هى اللى تنفع زوجك مش واحدة تانية ، افهمينى يا رحاب أنا قعدت كام يوم مش راضى اجيلك لانى كنت زعلان لانك بعيدة عنى وزعلان من نفسى لانى خليتها تقرب منى بس ده عملته علشانك
رحاب كان فى طرق تانية بدل الطريقة دى
حسام فكرت كتير وللاسف ملاقتش غيرها ، أنا عمرى ما افكر فى واحدة غيرك ، خلاص انا اسف
رحاب مش قادرة يا حسام ، حاسه انى مش عارفه اخد قرار
حسام يا حبيبتى أنا معاكى فى أى قرار إلا أنك تبعدى عنى أو تسيبينى لوحدى لانى هموت فيها
رحاب بسرعة قالت بعد الشر عنك ، أنا مستحييبيل اسيبك يا حسام ، أنا بقيت مدمنة ليك ، أنا بحبك اووووووووووووووووى
حسام قرب منها ولف أيده حوالين خصرها وقربها ليه وبعدين قال بجد بتحبينى
رحاب بخجل من قربه قالت اه
حسام اه ايه
رحاب اه بحبك
حسام اثبتيلى
رحاب ازاى يعنى
حسام شاور على بقه وقال ادينى بوسة
رحاب كانت هتبعد عنه بس حسام قربها ليه اكتر وقال متتهربيش
رحاب بس بقى يا حسام
حسام احلى حسام طلعت منك بس برده عايز حاجة تثبتلى انك بتحبينى
رحاب قربت منها وقبلته علشان شفتيه قبلة سطحية
حسام قعد يضحك
رحاب بتسائل بتضحك على ايه
حسام بضحك على البوسه اصل دى بوسة تديها لطفل صغير مش لزوجك
رحاب ده إلى اعرفه
حسام أنا هعلمك يا روحى وبعدين التهم شفتيها بشفتيه بقبلة عميقة طويلة ورحاب كانت بتبادله بس بقلة خبرة وبعد فترة بعد عنها وقال
حسام أنا بحبك اوى يا رحاب ونفسى متزعليش منى بس وعد مش هعمل حاجة من الا لما اقولك وبعدين حضنها
رحاب بادلته الحضن وقالت وانا كمان بحبك
حسام طب تعالى اقولك كلمتين كده على انفراد لوحدنا بعد كلمت بحبك دى
رحاب بخجل بس يا حسام بقى ، كفاية امبارح والنهاردة
حسام ضحك وقال على رأيك
رحاب اتكلمت جد وقالت طب منة هتتسجن قد ايه
حسام أنا متفاجأ انك متزعلتيش أن منة دخلت السجن وانى أنا اللى دخلتها وكل اللى همك انى قربت منها
رحاب علشان أنا شوفتها كام مرة وهى بتحاول تقرب منك بس كنت بقول مش قصدها والأهم من ده كله انى واثقة فيك لابعد الحدود يا حسام
حسام وانا عمرى ما هضيع ثقتك فيا ، كان نفسى اوريكى الفيديو بس مش مهم علشان متزعليش
رحاب مش مهم يا حسام وبعدين مسكته من لياقة القميص وقالت بس اوعى تبص لحد غيرى بقولك اهو والا هموتك يا بابا ، فاهم ولا مش فاهم 🔪🔪
حسام مثل الخوف وقال فاهم يا فندم
رحاب ضحكت وبعدين حضنته وقالت ربنا يخليك ليا
حسام ويخليكى ليا يا حبيبتى ❤️
رحاب يلا نروح الشغل
حسام لأ مش هنروح الشغل النهاردة
رحاب ليه مش هنروح ، أنا بقالى كام يوم مش بروح
حسام أنا عايز اوديكى فى مكان معين وكمان أنا كلمت المدير وخدت إذن منه
رحاب مكان ايه وليه
حسام هقولك بعدين كل حاجة ، اجهزى ويلا علشان نلحق اليوم كله
رحاب ماشى
حسام خد رحاب وراحوا على الملاهى
رحاب انت جايبنى الملاهى يا حسام
حسام حط أيده حوالين خد رحاب وقال
حسام أنا عايزة تكونى بطبيعتك معايا وعارف أن لسه جواك الطفلة اللى بتحب اللعب وانا دلوقتي مصباح علاء الدين وعايز احققلك كل حاجة
رحاب بس احنا كبرنا يا حسام وكمان أنا حامل
حسام الرسول صلى الله عليه وسلم كان بيتسابق مع ستنا عائشة رضي الله عنها وبيلعبوا مع بعض فاحنا لازم ناخده قدوة وكمان احنا مش بنعمل حاجة حرام فملناش دعوة بكلام الناس ومتخافيش هنستخدم العاب خفيفة علشان متتعبيش
رحاب حطت ايديها على أيده اللى على خدها وبصتله بحب وفخر وقالت
رحاب أنا فخورة لن زوجى
حسام وأنا فخور بيكى يا روحى ،يلا نمشى
حسام خد رحاب وقعدوا يلعبوا وركبوا العاب سهلة علشان صحة الجنين وكمان حسام لعب الرماية ومعرفش يصيب الهدف
حسام يلا يا رحاب جربى
رحاب مش بعرف العبها
حسام جه وقف وراها تماما ومسك السهم بايده وايد رحاب وبعدين صوب الهدف وفعلا اصابه
حسام اختار لرحاب دبدوب بينك جميل اوى
رحاب وحسام كملوا لعب وحسام كان حنين مع رحاب اوى وجاب ليها ايس كريم ولعب زى الاطفال
بعد الظهر
رحاب ياااااه يا حسام كان اجمل يوم النهاردة ، بجد انا فرحانه اوى
حسام يا رب دايما يا حبيبتي تفضلى مبسوطة كده بس لسه فى مفاجات تانية
رحاب مفاجات ايه
حسام المفاجأة مش هتكون مفاجأة لو عرفتيها ، خليكى معايا واعملى اللى بطلبه منك وخلاص
رحاب حاضر ، هنعمل ايه تانى
حسام تعالى نروح نتصور وانتى حامل وزى البطيخة كده هههههه
رحاب ضربته على صدره وبعدين ربعت ايديها وقالت كده يا حسام ، ماشى شكرا
حسام يا حبيبتى اى واحدة بتبقى كده لما تبقى حامل وكمان انتى اجمل وانتى حامل
رحاب بجد يا بتضحك عليا علشان تراضينى
حسام أنا بحبك بكل حالاتك ويلا بقى نروح نتصور
حسام خد رحاب وراحوا يتصوروا وحسام وقف ورى رحاب وحط أيده الاثنين على بطنها ورحاب حطت ايديها فوق ايديها ،حسام ركع على رجلة وحط رأسه على بطن رحاب وحسام اتصور وهو حاضن رحاب وصور كتيرة رومانسيه وبعدين اتصوروا صور بتضحك فى أماكن مختلفة وكل ده علشان حسام يخلى رحاب مبسوطة
رحاب يلا نروح يا حسام كفاية كدا ، أنا جعانة
حسام تعالى ناكل الاول وبعدين نكمل جولتنا
رحاب وحسام طلبوا الاكل وحسام قعد يأكل رحاب بنفسه
رحاب بكسوف بس يا حسام الناس بتبص علينا
حسام ملناش دعوة بحد ، انتى مراتى وكمان يا ريت يعملوا زينا وكده الحب هيزيد بينهم
رحاب انت مالك النهاردة
حسام عايز افرحك علشان نبدأ من النهاردة بداية جديدة وننسى كل اللى فات
رحاب أنا معاك علطول يا حبيبى
حسام طب يلا نكمل اكل
حسام خد رحاب وبعدين راحوا على مكتبة الإسكندرية لأن رحاب بتحب الكتب وقعدوا هناك لحد ما الجو غيم واتصوروا صور كتيرة
رحاب يلا يا حسام ، الجو غيم
حسام اخر حاجة
رحاب ماشى يا حبيبي،اطلب اللى يعجبك لأن النهاردة احلى يوم فى حياتى كلها
حسام خد رحاب وراحوا عند البحر وبعدين غمى عينيها وقال تعالى معايا
حسام خد رحاب لمكان وبعدين شال الرباط من على عينيها
رحاب اول لما شافت المنظر فرحت جدا لان المكان كان كله بلالين و رود وكان جو رومانسي
رحاب بفرحة انت عملت كل ده علشانى
حسام معنديش اغلى منك
رحاب بس كل ده ليه
حسام بصى كده وبعدين نزلت كلمة Happy birthday Rehab
رحاب بصت لحسام وقالت أنا نسيت عيد ميلادى خالص
حسام وانا عمرى ما هنساه لانه اليوم اللى اتولدت فيه اجمل وارق انسانه عرفتها فى حياتى
رحاب حضنته جامد وقالت أنا بحبك اوى
حسام وانا بموت فيكى يا قلبى
رحاب قعدت تبص على المكان وهى مبسوطة أن حسام عمل كل ده علشانها وبعدين بصت علشان تشكره لقيته
حسام ماسك خاتم فى علبة حمراء وقال
حسام تتجوزينى يا رحاب
رحاب 😍😍
حسام أنا عارف اننا متجوزين بس زواجنا كان بالغصب وكان صدفة بس بعدين عرفت انه قدر ونصيب اننا نكون مع بعض فأنا عايز من الليلة نكون زوجين من اول وجديد ويكون اليوم عيد ميلادك وعيد جوازنا ، تقبلى تعيشى حياتك معايا
رحاب بحب اقبل لانك حبيبى وروحى وقلبى وابو بنتى وانت سر سعادتي فى الحياة وبعدين حضنته
حسام حضنها وبعدين لبسها الخاتم وقال فى لبس جوه عايزك تلبسيه
رحاب حاضر
رحاب ده دخلت جوه واتفجأت من اللبس اللى حسام جايبة ولبسته وبعدين طلعت ليه
حسام كان لابس بدلة سودة وببيونة حمرا ورحاب كانت لابسه فستان زفاف ابيض وكان شكلهم جميل
رحاب ايه رأيك فى الفستان
حسام روعة عليكى لانك لابساه
رحاب خجلت من كلامه وقالت وانت كمان شكلك حلو يا حبيبى
حسام أنا عايز النهاردة نعيش كأننا عرسان جداد والنهاردة فرحنا وننسى كل حاجة والدنيا كلها
رحاب أنا بنسى نفسى وانا معاك يا حبيبى
حسام مسك ايديها وبدأوا يرقصوا على اغنية رومانسية
قول حبيبى أن معايا وجنب منى
دى الحقيقة ولا حلم وطال شويا
والكلام الحلو ده بتقولوا عنى
يعنى فعلا دنيتى رضيت عليا
************
وعد منى تعيش معايا سنين معشتش زيهم
احلامك اللى حلمتهم
انسى الحياة والدنيا دى وتعالى نهرب منهم
مبقتش عايز ناس خلاص جالى اللى بيهم كلهم
************
ياللى سايب ليا روحك ومأمنى
اللى فاتك من الحياة هتعيشه بيا
وفى عيونك الف حاجة مفرحنى
والحياة بتزيد جمال لو بصوا ليا
رحاب وحسام عمالين يرقصوا ومندمجين مع الأغنية اوى وبعدين حسام راح جاب تورتة وقطعوها مع بعض وكل واحد اكل التانى
رحاب نفسى اللحظات دى تتصور
حسام انا حاطط كاميرا هناك أى ومصورة كل حاجة
حسام خد رحاب وقعدوا وبدأوا يأكلوا بعض وعمالين يتكلموا
رحاب وحسام مبسوطين مع بعض جدا
وبعد سهرة طويلة حسام اخد رحاب ودخلوا جوه على المركب
حسام مالك متوترة كده ليه يا حبيبتى
رحاب مش عارفه بس حاسه ان النهاردة فرحى وانا خايفة
حسام متخافيش يا حبيبتى ، أنا حسام مش شخص غريب ، يلا اهدى وخدى نفي عميق
رحاب حاضر يا حسام
حسام قرب منها وقال انتى جميلة اوى يا رحاب وكل يوم بحبك اكتر من الاول وبدأ يشيل الطرحة من على شعر رحاب وأما شاف شعرها مسكه وشم ريحته وقال جميل جدا وبعدين التهم شفتيها وقعد يتعمق فى القبلة وأيده فكت السحاب (سوستت) الفستان وبعدين شالها ونزلها على السرير........🙈
وهنا تسكت شهرزاد عن الكلام الغير مباح 🤭
فى الصباح
حسام ورحاب نايمين فى حضن بعض بعد ليلة رومانسية وسعيدة بينهم وكل واحد عبر للتانى عن مشاعره واتفقوا يبقوا مع بعض دائما
حسام صحى وبعدين بص على رحاب لقاها نايمة فى سابع نومه فقعد يبص عليها بحب وعلى جسمها اللى كله علامات ملكيته وكان فرحان بالعلامات دى
حسام كانت اجمل ليلة فى حياتى ، عرفت معنى الفرحة ، بجد انتى حياتى يا رحاب وبعدين قام وخد دوش وحضر الفطار لرحاب
بعد شوية رحاب صحيت وحست ان جسمها تعبها من ليلة امبارح وبصت جنبها لقت أن حسام مش موجوده فقامت لبست وطلعت تدور عليه ولقته بيعمل الاكل فراحت حضنته من ظهره وقالت كنت بدور عليك
حسام صباحية مباركة يا عروسة
رحاب بخجل صباح النور يا روحى
حسام يلا علشان ناكل
حسام ورحاب كلوا وبعدين قرروا انهم يقعدوا 3 ايام هنا بعيدا عن اى كلمة تزعلهم
عدى ال 3 ايام وكانوا كلهم سعادة وحسام بيعامل رحاب كأنها أميرة وهى بتعامله كأنه ملك
(استوصوا بالنساء خيرا ، رفقا بالقوارير )
حسام ورحاب رجعوا بيتهم وعاشوا بسعادة
عدى شهرين ورحاب بقت فى السابع بس تعبت اوى والدكتورة محذرين من اجهادها
حسام عاملة ايه النهاردة يا حبيبتي
رحاب الحمد لله بس عايزة منك طلب
حسام قولى يا حبيبتي
رحاب عايزة اروح اشوف منة
حسام لأ يا يعنى ، أنا قولتلك مليون مرة لأ
رحاب علشان خاطرى يا حسام
حسام ماشى وانا هاجى معاكى
تانى يوم حسام ورحاب راحوا يزوروا منة فى السجن
رحاب ازيك يا منة
منة .....
الفصل الرابع والثلاثون 34
اخر حاجة فى البارت اللى فات أن حسام قال لرحاب أنه سجن منة وهو ورحاب راحوا علشان يشوفوا منه فى السجن
رحاب ازيك يا منة
منة جاية ليه وعايزة منى ايه ، جاية تشمتى فيا وتشوفينى وانا فى السجن ومذلولة بس ده بعينك ، مستحيل اترجاكى
رحاب ياااااه للدرجة دى مش طايقانى ، ومين قالك انى جاية علشان اشمت فيكى ، اللهم لا شماته فى حد ، أنا جاية اشوفك محتاجة حاجة لانك اختى والدم عمره ما يبقى مية وكمان علشان اعرف ليه عملتى فيا كده ، ليه بصيتى للحاجة الوحيدة الحلوة فى حياتى وعايزة تخديها وانتى اكتر واحدة عارفه انى تعبت فحياتى فربنا ادانى حسام ده مكافئة على كل اللى شوفته فازاى انتى تحاولى تخديه منى ، عارفه لو حسام كان بيحبك وانتى بتحبيه كنت هطلق منه واخليه يرجعلك بس هو بيحبنى أنا وعايزنى أنا
منة هههههههههههه ،عايزة تعرفى أنا عملت كده ليه علشان مش بحبك علشان من وانا صغيرة وكل حاجة واقفة عليكى لانك الكبيرة ، لأ مش هتروحى اختك اللى هتروح الاول ،احنا هنجيب هدوم لأختك الاول لأنها الكبيرة وكل حاجة ممنوعة عليا لانك الكبيرة وكمان لما الشخص اللى بحبه اتقدم ليا رفضوه علشان انت الكبيرة ولازم تتجوزى قبلى بس حسام هو اقنع عمى انى اتجوز قبلك ، عشت حرمان علشانك ، وبتقولى لو حسام بيحبنى كنتى هتسبيه ، حسام اول لما اتجوزك كان بيحبنى أنا وانتى حاولتى تغريه وخليتيه يقربلك وتحملى منه وكمان حبك والمفروض كان يحبنى أنا وانا اللى حامل منه مش انتى بس انتى خدتيه منى
رحاب بعياط والله مش قصدى، أنا مكنتش اعرف ده وعمرى ما فكرت انك متضايقة ، كان لازم تقوليلى وكنت هساعدك ، أنا بعتبرك بنتى مش اختى ، ولو كنت كلمتينى وقولتيلى كنت خليتك انتى الاول فى كل حاجة ، أنا بجد اسفة يا منة على كل اللى حصلك ، ادينى فرصة وانا اعوضك عن كل حاجة شوفتيها
منة صفقت بايديها الاثنين وقالت برافوا عليكى ، حلوه دموع التماسيح دى والدموع الكاذبة وجو الاستعطاف بس مبقاش ياكل معايا ، شوفى حاجة تانية تكون مؤثرة اكتر ، انتى مفكرة انى هسامحك ، لأ انتى شكلى كبرتى وخرفتى وعايزة تتعالجى هههههههههههه 😂
حسام بغضب احترمى نفسك يا منة ، أنا اه ساكت ومش عايز ادخل بينكم علشان انتم اخوات وكمان علشان رحاب قالتلى كده بس مش معنى كده انك تغلطى فى رحاب ، فوقى يا منة ، لان تفكيرك ده غلط وهيوديكى فى داهية
منة بلا مبالاة مش فارقة معايا ، كل اللى فارق معايا انى ابعدكم عن بعض زى هى ما بعدتنى عن حبيبى
حسام هو انتى مفكرة انك هتقدرى تبعدينا عن بعض وحتى لو بعدتينا عن بعض أنا مش هبقى ليكى ابدا
منة مش مهم تكون ليا ، المهم انك متبقاش معاها علشان انتقم منها واخليها تحس باللى أنا حسيته وكمان مش عايزاك تاخد فى نفسك مقلب وتفكر انك حلو وانى أنا عايزاك ، أنا اصلا عمرى ما حبيتك بس وقعتك فى حبى علشان عرفت أن ابوك بيفكر أنه يخطبك لرحاب فقولت لازم تكون ليا لكن أنا معنديش اى مشاعر تجاهك
رحاب بس بقى كفاية ، انتى اختى وعايزة يبقى بينا كره ، سامحيني يا منة من فضلك
منة اسامحك على ايه ولا ايه ، على طفولة ضاعت منى وأنهم فضلوكى عليا ولا على شبابى اللى ضاع لما دخلوكى كلية وصرفوا عليكى كل الفلوس وانا مكنوش عايزنى ادخل علشان المصاريف بس لولا عمى مكنتش دخلت ، بس دخلت الجامعة وبقيت ادور على شغل علشان اصرف على نفسى ،حتى الهدوم كانوا بيدونى هدومك ومش بيشتروا ليا حاجة وياما اعترضت وقولتلهم أنهم يعماملونى زيك بس لا حياة لمن تنادي كإنى مقولتش حاجة، علشان كده بقولك أنا عمرى ما هسامحك على اكتر من عشرين سنة عشتهم عذاب لانك اختى الكبيرة
رحاب سامحيني
حسام يلا يا رحاب نمشى ونيجلها تانى
منة بالسلامة وياريت مشوفش وشكك تانى
حسام خد رحاب وراحوا البيت
رحاب عماله تعيط على اخرها وجه حسام يحضنها ويواسيها ويطبطب عليها وقالها بصوت كله حنيه
حسام معلش يا حبيبتي، هى بس زعلانه منك شوية وباذن الله هتبقى كويسه وترجعوا لبعض ، انتم فى الاول والاخر اخوات وملكوش غير بعض وعمر الدم ما يبقى مية
رحاب بضعف يا رب يا حسام، تفتكر هتسامحنى فى يوم وهنرجع كويسين
حسام باذن الله بس ادعيلها
رحاب ماشى بس طلعها من السجن
حسام سكت ومردش لانه مش عارف يقول ايه لانه مش واثق فى منة وخائف لو طلعها تأذيها
رحاب لاحظت سكوته وقالت
رحاب يعنى مش هتطلعها يا حسام
حسام قال بقلة حيلة حاضر هطلعها علشانك بس مش دلوقتي كمان اسبوع كده
رحاب مش قادرة اشوفها وهى فى السجن
حسام عارف يا حبيبتي بس شوية علشان تعرف غلطها، انتى مش واثقة فيا ولا ايه
رحاب اخص عليك يا حسام ، أنا واثقة فيك اكتر من نفسى ،اوعى تقول كده تانى
حسام بحبك اوى يا رحاب وعمرى ما ابعد عنك بس سيبينى اتصرف مع منة علشان متأذكيش
رحاب وانا كمان بحبك بس اوعدنى انك متأذيهاش
حسام اوعدك يا قلبى وبعدين مسك ايديها وباسها وقال ربنا يخليكى ليا طول العمر وميفرقنا ابدا
رحاب يا رب ، اللهم امين يارب العالمين 🤲❤️
حسام يلا يا حبيبتى ادخلى ريحى شوية لانك تعبنى النهاردة ولازم ترتاحى لانك عندك ميعاد عند الدكتورة النهاردة
رحاب حاضر يا حبيبى بس انا حاسه انى تعبانه ومش قادرة اغير فهنام كده
حسام وانا رحت فين تعالى اغيرلك
رحاب لأ يا حسام
حسام مفيش لأ، أنا زوجك حبيبك وانتى تعبانه يلا
حسام سند رحاب ودخلها الاوضة وبدأ يغير ليها هدومها وطبعا كانت مكسوفة وحسام قدر ده
حسام اهو خلصنا يلا نامى شوية
رحاب مسكت أيده وقالت تعالى نام جنبى
حسام نام جنب رحاب وخدها فى حضنه ورحاب مسكت فيه جامد اوى كأنها خايفه انه يسيبها
حسام بقلق مالك يا رحاب فيكى ايه
رحاب خايفة اوى لا تسيبنى وتبعد عنى لما اكبر لانى هكون عجزت لكن انت هتكون لسه شباب فهتتجوز عليا
حسام كتم ضحكته علشان متفكرش انه مش مقدر مشاعرها وبعدين قال
حسام يا حبيبتى انتى فى عينى اجمل امراه خلقها ربنا وانتى كل حياتى وعمرى ما هزهق منها بعدين قال بضحك 😂 بس شكل هرمونات الحمل رجعت تشتغل تانى وقربها منه اكتر وقال انتى الاولى والتانية والثالثة والرابعة، انتى كل حاجة حلوة فى الدنيا ربنا خلقها
رحاب بدموع بسيطة يعنى مش هتبعد عنى ابدا
حسام ابدا ابدا ، أنا بحبك يا رحاب والراجل لما بيحب مش بيعرف يخون ولا يبعد ولا يفكر فى واحدة تانى
رحاب وانا كمان بحبك وبعدين بصتله بصه معينة وحسام فهم معناها بس حابب يعاكسها
حسام عايزة اين يا رحاب
رحاب قالت بكسوف مفيش
حسام قالها طب يعنى انتى مش عايزة بوسه حلوة منى دلوقتي
رحاب ضربته على صدره وقالت يعنى انت عارف انا عايزة ايه وبتستعبط عليا
حسام مسك ايدها وباسها وقال بحبك يا روح قلبي
رحاب وانا كمان بموت فيك
حسام قرب منها والتهم شفتيها بشفتيه وقعد يتعمق فى القبلة ورحاب بتبادله وهى مبسوطه اوى وبعد فترة بعد عنها
حسام مسك وشها وقال يلا ننام علشان الدكتورة مانعه اى علاقة بينا علشان انتى فى الشهور الأخيرة وبعدين خدها فى حضنه وناموا بس حسام معرفش ينام لانه بيفكر فى منة وخائف لتعمل حاجة فى رحاب لأنها قالت انها هتأذيها وبعد تفكير طويل نام حسام من كتر التعب
تانى يوم
رحاب قام اتوضت وصلت ودعت ربنا انه يرجعلها منة ويبقوا كويسين وقعدت تعيط كتير لدرجة أن حسام سمع صوتها وفاق من النوم وجرى عليها
حسام مالك يا حبيبتى بتعيطى ليه
رحاب بعياط خايفة على اختى يا حسام ، أنا صليت ودعتلها إن ربنا يهديها ويصلح لها الحال وأننا نرجع ونبقى كويسين
حسام بعد كل اللى عملته وأنها عايزة تفرقنا عن بعض وبردو لسه عايزاها ترجعلك ، يا رحاب افهمى هى مش بتحبك ومش بس كده دى كمان عايزة تدمرك يعنى انتى لازم تنسيها وكمان سيدنا يوسف عليه السلام اخواته رموه فى البئر وكانوا عايزين يتخلصوا منه يعنى ممكن الاخوات يكونوا أعداء فاحنا نبعد عنهم ولا نأذيهم ولا يأذونى فاهمة يا حبيبتى
رحاب بس يا حسام سيدنا يوسف عليه السلام فى الاخر سامحهم بالرغم من اللى عملوه معاه فعادة لما اسامح اختى
حسام طبعا انك تسامحى اختك شىء حلو بس ده لو اختك تابت عن الذنوب اللى عملتها ورجعت وبقت كويسه معاكى لكن لو مرجعتش يبقى ملكيش دعوة بيها نهائيا ولا تشوفيها ولا تبعتى ليها حاجة
رحاب بس يا حسام دى اخ...
حسام مفيش بس انا قولت كلمة وخلاص ولو عرفت انك رحتلها يا رحاب ساعتها هتكونى كسرتى كلمتى وهتسببى بشرخ بينا واعتقد انك مش عايزة تخسرينى علشان اختك اللى خدعتك
رحاب انت مكبر الموضوع يا حسام ، مينفعش تقارن نفسك بمنة لأن كل واحد وليه أهميته ،دى اختى الوحيدة والصغيرة يعنى عشت معاها اكتر من20 سنة والاخ هو السند بس انت حبيبى وروحى وابو بنتى فليه منبقاش كلنا كويسين ومفيش حد يكره حد وليه ميبقاش فى كره بين الناس
حسام مسك وشها بايده وقال يا رحاب أنا مقدره شعورك بس منة مش الاخت اللى بتتمنيها وبعدين اتكلم بجد وقال وانا قولتلك كلمة وخلاص مرواح عن اختك ممنوع وبخيرك بينى وبين اختك فاختارى
حسام قام ودخل الحمام ولبس وصلى وراح الشغل من غير لما يفطر ولا يكلم رحاب
رحاب قاعدة مع نفسها وعماله تكلم نفسها
رحاب أنا مش قادرة اكرهها مع انى عارفه انها اذتنى ولسه عايزة تأذيها بس انا عايزاها تحبنى واظن أن ده مش شىء غلط بس ليه حسام اتعصب عليا كده ، دى اول مرة يكلمنى بالطريقة وبعدين قامت تروق البيت على خفيف
بعد ساعة
رحاب فى نفسها أنا لازم أنهى الموضوع ده النهاردة وقبل بكره ولازم اعرف هل منة هتسامحنى وترجع كويسه زى الاول ولا لأ بحيث اخف من التوتر ده لانى حامل والتوتر ده غلط عليا وبعدين قامت لبست ومسكت الموبايل وكانت هترن على حسام تقوله بس قررت مش هتقوله لانه حذرها من كده وقالت
رحاب أنا هروح اكلمها واجى قبل ما هو يجى وهو اكيد مش هيعرف وكمان هشوف منة هتقول ايه وبعدين طلعت من البيت وراحة لمنة السجن
فى الشغل عند حسام
حسام متضايق جدا من رحاب لأنها لسه عايزة اكلم منه وبردو متضايق لانه اتعصب عليها وقال
حسام أنا عارف انك يا رحاب طيبة وطيبة اوى كمان ومفيش فى طيبة قلبك بس احيانا الطيبة بالشكل ده بتكون عيب مش ميزة لأن لازم الانسان يهيأ نفسه للخداع والكذب من اقرب الناس وللاسف انتى مش بتفكرى كده وخايف فى يوم تتعبى بسبب تفكيرك ده بس اكيد أنا مش هسمح بكده وبعدين قرر أنه يرن على رحاب ويكلمها ويعتذر لها على أسلوبه وبالمرة يطمن عليها ويشوفها فطرت وخدت علاجها ولا لأ
حسام رن على رحاب وطبعا رحاب اترددت أنها ترد عليه ولا لأ وفى الرنة التانية قررت ترد عليه
حسام ايوه يا رحاب ، ايوه يا رحاب مش بتردى ليه
رحاب ايوه يا حبيبى معلش مسمعتش الموبايل
حسام ايه الصوت اللى جمبك ده ، انتى نزلت ولا ايه
رحاب اه يا حبيبى ، أنا اسفة علشان مقولتلكش انى ، بس انا قولت اروح ازور ماما لأنها وحشانى
حسام ماشى يا حبيبتى بس خلى بالك من نفسك وحاولى متتحركيش كتير علشان انتى عارفه انك فى السابع وطبعا راحة الفترة دى تكونى مرتاحه
رحاب حاضر يا حسام
حسام يا رحاب ، اول لما توصلى طمنينى وخلينى اكلمك مرات عمى لأنها وحشانى وكمان هوصيها عليكى
رحاب اتوترت ومش عارفه ترد تقول ايه
حساام ايه يا رحاب مالك سكتى ليه
رحاب مفيش يا حبيبى ، معلش الشبكة وحشة اكلمك بعدين يلا سلام
حسام استغرب من رحاب ومن تصرفها لأنها اول مرة تقفل فى وشه بس قال إنها اكيد عملت كده علشان زعلانه منه وأنه زعقلها فقال إنه هيصالحها النهاردة
حسام اتصل لراجل بتاع ورد وطلب منه يومين ورد احمر جميل وريحته حلوة الان رحاب بتحب الورد اوى خصوصا اللون الاحمر
رحاب وصلت السجن وطلبت أنها تشوف منة
منة جت وقعدت معاها فى المكتب لأن رحاب قالت إن زوجها شغال فى الجيش والضابك سمح لمنة تقعد معاها وكمان لأن منة لسه المحكمة محكمتش عليها
منة شرفتى يا اختى والمرة دى جاية لوحدك ليه ومجبتيش المحروس زوجك ليه
رحاب أنا جاية النهاردة لوحدى علشان عايزة اكلمك وتحكيلى على كل حاجة وقولت أنك ممكن تكونى مكسوفه تكلمينى قدام حسام فجيت لوحدى
منة أنا اه مكسوفه بس مش من حسام لكن منك انتى وانك اختى ، أنا مش عايزة اشوف وشك تانى بس بعد لما انتقم منك
رحاب انتى ليه مش راضية تسامحينى ونرجع نحب بعض ونعيش اخوات وكويسين مع بعض
منة مين قالك انى حبيتك قبل كده ، أنا من اول لما وعيت على الدنيا وانا بكرهك وكنت بتمنى اكبر واتجوز واسيبك لكن انتى ضيعتى منى حبيبى وسرقت حسام منى فازاى متخيلة انى بعد كده هحبك او هرضى ارجعلك تانى
رحاب يا منة مينفعش نفضل طول حياتنا كلها متخانقين كده ونعيش كأننا اعداء لان عمر الدم ما يبقى مية وانتى اختى سواء رضيتى او رفضتى وانا عايزاكى تبقى كويسه ليكى قبل ما يكون ليا علشان حسام يطلعك لانه قالى انه مش هيطلعك الا لما تبقى كويسه وانك متأذنيش
منة بس انا مش هسامحك ولا عايزة اخرج ولا عايزة شفقة منك ولا من زوجك واوعدك انى هدمرلك حياتك وخليكى تتمنى الموت من اللى هتشوفيه
رحاب كفاية بقى ، أنا جاية النهاردة علشان اصالحك وانهى كل حاجة وحشة بينا مش جاية علشان نتخانق فشوفى انتى عايزة ايه وانا اعمله ولا همشى ومش هتشوفى وشى تانى
رحاب كانت ماشية بس منة مسكت أيدها وقالت استنى بس وانا هقولك انا عايزة ايه
عند حسام فى الشغل
احمد مالك يا حسام متضايق ليه
حسام بكلم رحاب ومش بترد والمفروض تكون وصلت عن أمها من شوية وقولتلها اول لما توصل ترد عليا
احمد طب ما ترن على حماتك وتشوف رحاب وصلت ولا موصلتش
حسام اه معاك حق، من التوتر الفكرة مجتش على باله
حسام رن على حماته
حسام ازيك يا مرات عمى عامله ايه
الام ازيك يا حسام ، اخبارك ايه واخبار رحاب
حسام انصدم لما سألتله على رحاب وبعدين قال
حسام بخير يا مرات عمى ، انتى عامله ايه
الام بخير يا حبيبى، خلى بالك من رحاب يا حسام لانى قلقانه عليها اوى ومش عارفه ليه
حسام اتوتر من كلامها بس قال ده مجرد خوف ام على بنتها وبعدين قال متخافيش يا مرات عمى رحاب فى عينى ولما اروح هخليها تكلمك
الام ماشى يا حبيبى ربنا يخليكم لبعض ويحميكم
حسام اللهم امين يلا سلام
الام سلام
حسام قفل مع حماته وهو قلقان جدا على رحاب ومش عارف هى راحت فين
احمد مالك يا حسام فى ايه
حسام مفيش بس رحاب مرحتش لامها
احمد متقلقش يا صاحبى ممكن المواصلات زحمة أو راحت تجيب ليها حاجة وبعدين هتروح ليها
حسام بس انا قلقت وكمان هى قافلة الموبايل ، يا ترى هى فين
احمد باذن الله بخير بس انت اهدى وكمان شوية هتلاقيها كلمتك
حسام يا رب يا احمد
حسام قعد يشتغل بس بعصبية وبعدين جاتله مكالمه من رقم مجهول
حسام الو مين معايا
-- المقدم حسام محمد معايا
حسام ايوه انا حسام مين معايا
-- مع حضرتك الضابط محمود المصرى المسئول عن قضية الانسة منه اخت زوجة حضرتك
حسام ايوه ، حضرتك رنيت ليه فى حاجة
-- للأسف زوجة حضرتك........
حسام رحااااااااب !!!!!!!!
يا ترى رحاب حصلها ايه