رواية زواج غير مدبر الفصل الحادي عشر11 والثاني عشر12 بقلم اسماء سلام
الشخص رحاب وحشتينى اووووى
رحاب حمادة حبيبى وقامت حضنته
الام اسراء ايوه بقى من لقى أحبابه نسى صحابه
رحاب سابت احمد وقامت حضنت صحبتها اسراء وقالت لها وحشتيينى اوى ، كل دى غيبة
اسراء وهى تبادلها نفس الحضن وانتى كمان وحشتينى ، بس انا مكلمتش شهر سفر
رحاب انتى عارفه غلاوتك عندى قد ايه ، المهم اخبارك ايه واخبار اهل زوجك
اسراء الحمد لله كلهم كويسين والمفروض انتى اتعودتى ان كل سنة بروح مع زوجى لزيارة أهله
رحاب عارفه بس انتى عارفه انك صحبتى الوحيدة واللى مصبرانى على الشغل
اسراء لأ يا رحاب لازم تقاومى اليأس ده
رحاب أقاوم ايه ولا ايه ، أنا تعبت
اسراء عارفه يا حبيبتي وخصوصا بعد لما منة اتجوزت ومشيت حسيتى انك وحيدة بس دى سنة الحياة ولازم نقاوم ده
رحاب بتوتر ااااه معاااكى حقق
اسراء لاحظت توتر رحاب ولأنها عارفه رحاب كويس جدا فعرفت أن فى مشكلة
اسراء فى ايه يا رحاب انتى مخبية عنى حاجة قولى
رحاب الصراحة اه فى حاجة مخبياها عليكى
اسراء باين على وشك المهم ايه الحاجة دى
رحاب أنا اتجوزت
اسراء بفرحة الف الف مبروك يا روحي ❤️ بجد فرحتلك اوى بس كدم متعزمنيش ، اخص عليكى وفين بقى كلامك انى صحبتك المفضلة وكده
رحاب ما هى دى المشكلة اللى هكلمك عنها
اسراء مشكلة ايه قولى
رحاب أنا اه اتجوزت بس اتجوزت بالغصب واللى اتجوزته هو حسام زوج اختى منة
اسراء بصدمة ازاى ده حصل وازاى اهلك ولا منة سمحوا بكده وازاى غصب يلا اتكلمى بسرعة
رحاب منة هربت يوم الفرح وبابا وماما اضطروا يجوزونى لحسام علشان الناس متتكلمش علينا ، وحسام كان مفكر انى منة .......وحكتلها كل الحكاية
اسراء معقولة كده ده يحصل معاكى ومتكلمنيش ، عيب عليكى يا رحاب
رحاب بعياط غصب عنى بس مكنش فى تفكيرى حاجة ومكنتش عايزة اقلقك بس اللى حصل حصل
اسراء باحراج طب ايه طبيعة العلاقة بينكم
رحاب حكتلها ازاى عايشة مع حسام وأنها بتلبس ازدال ومغطية جسمها كله وأنهم اصدقاء بس محدش بيتدخل فى خصوصيات التانى وأنها بتعمله الاكل وبيكلوا مع بعض وان كل واحد بينام لوحده
اسراء يعنى اخوات ومحصلش حاجة بينكم
رحاب .....
اسراء انتى فى حاجة مخبياها عليا تانى
رحاب الصراحة حصل بينا علاقة وقعدت تعيط
اسراء طب بتعيطى ليه دلوقتي، عادى يحصل بينكم كده مش زوجك وده حقه والحمد لله اتجوزتى وبقى ليكى بيت فليه زعلانه وبتعيطى
رحاب اصل اللى حصل بينا كان غلطة ولحظة ضعف
اسراء غلطة ايه وضعف ايه ، ده زوجك وانتى مراته وده عادى فمتقوليش عنه غلطه
رحاب لأ غلطة ، مدام اتجوزنا غصب يبقى هو ملهوش حقوق عندى
اسراء بهدوء ممكن تهدى كده وتبطلى عياط واكلمك وبعدين طلبت من احمد اللى كان بيلعب فى المكتب بعيد عنهم انه يطلع بره يروح لابوه وبعدين قالت
اسراء يا رحاب أنا معاكى انك انتى وحسام اتجوزتوا غصب عنكم وانكم مكنتوش عايزين كده وكمان اللى حصل بينكم كان لحظة ضعف بس خلاص لازم نعدى الفترة دى ، ليه متدوش نفسك فرصة وتتعرفوا على بعض اكتر ممكن تحبوا بعض وتبقى زوجين حقيقيين وتعيشوا فى سعادة
رحاب الكلام سهل بس الفعل صعب ، يعنى حسام مش راضى يعرف الناس انى مراته علشان خايف الناس تقول عنه كلام وحش ومفكرش فيا لما الناس تلاقين بروح عنده كل شوية وأنهم هيفكروا فيا ازاى وكمان ازاى اعتبره زوجى وزواجنا فى السر وكمان أنا مش بحبه ولا هو بيحبنى
اسراء علشان كده بقول تدوا نفسكم فرصة تانية
رحاب هو مش بيحبنى ، هى بس مجرد شهوة جسد
اسراء مين قلك ، هو انتى دخلتى جوا قلبه ، ممكن يكون هو بدأ يعجب بيكى وعمر ما كان اللى بيحصل بين الرجل ومراته شهوة ، ده لازم يحصل بالعكس الرجل اللى مش بيشتهى زوجته مش بيكون بيحبها لان العلاقة دى جزء اساسى من الزواج فمتظلميش الرجل واتكلمى عن نفسك وقوليلى مشاعرك ايه تجاهه
رحاب حسام شخص محترم بس مش بحس تجاهه بأى حاجة
اسراء اى حاجة اى حاجة طب لما بيقرب منك بتحسى بايه ، بتكونى عايزاه ولا لأ
رحاب مش عارفه ، أنا اه بكون عايزاه وفى نفس الوقت عايزاه يبعد علشان دى كده خيانة
اسراء خيانة ايه ولمين
رحاب لعمر انتى نسيتى ولا ايه
اسراء لأ منستش بس انتى اللى لازم تنسى ، عمر ده كان فترة فى الطفولة وخلاص انتهت ، بصى لحياتك بقى ، هو سابك لظروف وسابك اكتر من 15 سنة ولا حتى كلمك وقالك أنا راجع ، طب مفكرتيش ليه ان ممكن يكون اتجوز ونسيكى علشان كده منزلش ، لامتى هتوقفى حياتك عليه واديكى شوفتى جرالك ايه كبرتى ومكنتيش لاقية حد يتجوزك من كتر العرسان اللى رفضتيهم علشان سى عمر بتاعك بس الحمد لله ربنا رزقك بحسام حتى لو جواز غصب بس اسمه زواج فاتمسكى بيه والمثل بيقول عصفور فى اليد خير من عشرة على الشجرة يعنى دلوقتي حسام زوجك وملكك لكن عمر الله اعلم أحواله دلوقتى فحبي حسام وانسى عمر وكمان انك تفكرى فى عمر أو غيره وانتى متجوزة حسام دن يعتبر خيانة ولا نسيتى يا اخت رحاب
رحاب بس انا بحب عمر مش بحب حسام
اسراء لأ انتى مش بتحبى عمر ، عمر علشان الوحيد اللى دافع عنك فى طفولتك وعلشان انتى وعدتيه انك مش هتحبى غيره فانتى مش مدية لنفسك انك تحبى غيره وكمان هو يعتبر الوحيد اللى اهتم بيكى فى نظرك لكن الواقع غير كده والدليل أن حسام لما قرب منك انتى استجبتى ليه يعنى حبيتيه بس علشان انتى شايلة وعد عمر فانتى حاسه انك بتخونى عمر بس حسام ده زوجك مش حد غريب فحافظى عليه و أنا فاكره مرة انك قولتى أنه ضابط فى الجيش والبنات بتجرى وراه يعنى لو سبتيه فى مليون واحدة غيرك هتخده وكده لا هتكون حصلتى لا على عمر ولا على حسام وفى الاخر هتندمى
رحاب بس مش قادرة أحبه
اسراء لأ بدأتى تحبيه والدليل انك مقلتيش عنه حاجة وحشة وهو مقربش منك إلا لما لقى استجابة منك يعنى مغتصبكيش ولو كان عمل كده معاكى بالغصب فهو حقه لانك رفضتيه لكن هو قربلك لما شاف استجابة من عندك وانك عايزاه
رحاب طب افرضى أن عمر جه اختار مين بينهم
اسراء متفكريش كده يا رحاب ، كده تفكريك غلط
رحاب غلط ازاى ، هو انا قلت حاجة
اسراء اه قولتى لما تقولى اختار مين يعنى انتى مش عارفه فازاى هتديرى امورك ، لازم تمشى ورى قلبك
رحاب يعنى اللى بيحبنى اكتر اختاره
اسراء لأ غلط يعنى لو واحدة متجوزة وجوزها بيهتم بيها بس لقت واحد بيهتم بيها اكتر تقوم تسيب زوجها وتطلق منه ، لأ كده غلط لأنها هتعيش طول عمرها بتسيب الناس لكن انتى شوفى انتى بتحبى مين وعايزة تعيشى مع مين مش مين بيحبك اكتر ، انتى عايزة مين ، اسألى قلبك بس علشان تعرفى تختارى لازم تدى نفسك وتدى حسام فرصة ولو عمر ظهر شوفى انتى محتارة تعملى ايه
رحاب مش قادرة اديله فرصة وخصوصا أنه مش راضى يعترف بيا قدام الناس انى مراته
اسراء الصراحة مش عارفه اقولك ايه بس اكيد ليه سبب ومش عايز يقولك
رحاب لأ هو مش عايز يعترف بيا علشان هو مش بيحبنى وهو عايزنى علشان جسمى وخلاص ، هو اكيد بيفكر انى اتحسبت عليه جوازه فليه مش يستغل ده وياخد منى اللى هو عايزة
اسراء اهدى كده يا رحاب وفكرى
رحاب لأ مش ههدى وهشوف لو هو حاول يتقرب منى تانى فكده هو بيحب جسدى لكن لو مقربش يبقى بيحبنى
اسراء مش كده يا رحاب ، طبيعى الراجل يقرب من مراته ، دى غريزة عند كل الناس مش عند زوجك بس
رحاب من فضلك يا اسراء بلاش كلام فى الموضوع ده علشان تعبت
اسراء خلاص تعالى نطلع نجيب حاجة من بره ونرجع علشان تهدى
رحاب تمام
عند حسام فى الشغل
حسام سرحان وفجأة دخلت عليه واحدة
دينا حبيبى يا سوما عامل ايه
حسام بصدمة دينا
الفصل الثاني عشر12
دينا حبيبى يا سوما عامل ايه
حسام بصدمة دينا
دينا حطت ايديها على خده وقالت ازيك يا سوما عامل ايه
حسام بعد ايده عنها وقال ايه اللى جابك هنا
دينا بقالك فترة مش بتكلمنى من ساعة لما اتجوزت فقلت نسيتى ولا ايه وانا معرفش بيتك فين فقولت اجيلك الشغل
حسام هو انتى كنتى عايزة تجيلى البيت !!؟ عند مراتى ، انتى مبقتيش تفكرى
دينا ايوه ، انا ممكن اجيلك اوضة النوم حتى علشان أشوفك
حسام طب يلا روحى علشان محدش يشوفك وخصوصا باللبس ده
دينا ماله اللبس ده ، شكل مراتك بقت بتسيطر عليك اصل أول مرة اشوفك بتتكلم عن لبسى ، بقولك تعالى معايا ، انت وحشتنى اوى
حسام فى نفسه اكيد هتكلم عن اللبس ده ،انتى شبه مش لابسه حاجة لكن رحاب فى البيت مغطية كل جسمها وفاضل شوية وتلبس نقاب معايا فى البيت فأكيد هكلمك عن اللبس وبعدين قال روحى وهبقى اكلمك بعدين
دينا باين انك مبسوط معاها ومش عايزنى
حسام الحكاية مش كده بس روحى وهبقى اكلمك
حسام قعد على المكتب وعمال يفكر يعمل ايه مع دينا ، هو كان بيفكر يبدأ مع رحاب من جديد بس مش باين هيحصل كده
حسام روح الشغل وبعدين رحاب
رحاب اول ما دخلت مقالتش اى حاجة خالص ودخلت على غرفتها تغير
حسام دخل عليها وهى بتغير وقال انت
رحاب بصويت اطلع بره يا قليل الادب
حسام عمال يقرب طب لو قربت
رحاب بغضب واضح ابعد عنى يا حسام بقولك ومن هنا وجاى ملكش دعوة بيا نهائى ولا حتى اصدقاء
حسام ليه هو انا عملت حاجة ، مالك داخلة حامية كده ليه ، عندك مشكلة فى الشغل ولا حاجة
رحاب عندى ولا معنديش ملكش دعوه واعتبرنى مش موجوده خالص فى البيت ويلا اطلع بره وقامت زقاه لبره الاوضة وقفلت الباب
طبعا رحاب اتصرفت كده علشان هى مفكره أن كريم عايز جسمها فقط فقالت إنها تبعد عنه وزى ما قالت لصحبتها اسراء لو قرب يبقى بيحب جسمها ولو مقربش يبقى بيحبها فلما حسام قرب منها اتعصبت
حسام قاعد بره عمال يكلم نفسه ويقول هى مالها اتغيرت كده ليه ، هى كل شوية بمزاج شكل ، معقول تكون عرفت أن دينا جتلى ، مش فاهم حاجة
رحاب طلعت عملت ليه الاكل وحطته وكانت ماشية
حسام مسك ايديها وقال مالك عامله كده ليه
رحاب شالت ايديها من أيده وقالت أنا قولتك ما تلمسنيش تانى
حسام وقفها عند الحيطة وقالها انتى مالك النهاردة فيكى ايه ، عمرك ما كلمتينى كده ، احترمينى أنا زوجك
رحاب هههه زوجى ، اثبتلى
حسام اثبتلك!!!
رحاب اه اثبتلى ، دلوقتي محدش يعرف انى متجوزة أو انك زوجى ، علشان كده ملكش كلام عليا ويلا كل وانا هدخل انام وحياتنا هتبقى كده من غير كلام
حسام حط أيده الاثنان على خديها وقال بحنان مالك يا رحاب فيكى ايه، انتى عارفه أن غصب عنى اللى بيحصل بس دلوقتي مقدرش اقول للناس انك مراتى
رحاب بعدته عنها وقالت لما تبقى تقدر تقول ابقى كلمنى واه صحيح نسيت اقولك أنا هروح اقعد عند اهلى اسبوع علشان الناس تعرف انى موجودة وميقولوش كلام عنى وقامت سايباه
حسام طلع وساب البيت وقعد على كافيه وبعدين لقى رسالة من دينا وقالت مكلمتنيش ليه
حسام رد عليها وقال أنا جايلك الشقة
حسام قضى الليلة عند دينا فيما حرمه الله
دينا مالك يا حسام فيك ايه ، اول مرة أحسك انك بتعمل كده علشان تطلع غضبك معقول مراتك لحقت زعلتك
حسام بزعيق مفيش وملكيش دعوة بمراتى ومتجبيش اسمها على لسانك ، أنا بعمل معاكى كده مش علشان بحبك لأ علشان انتى رخيصة
دينا بعياط أنا رخيصة يا حسام ماشى ، ابقى شوف ست الحسن والجمال هتفضل معاك لما تعرف بعلاقتنا
حسام مسكها من شعرها وقال أنا بحذرك وبقولك لو قولتى لمراتى حاجة اعتبرنى نفسك ميته وقام لبس وهو ماشى رمى فى وشها فلوس وقال حق الليلة
دينا يااااه معقولة فى اسبوعين قدرت تغيرك كده بس هى مكنتش كده ، منة كانت بتاعت سهر وشرب فايه اللى غيرك كده ، أنا لازم اعرف وهدفعك التمن غالى
حسام روح البيت ودخل اوضته وحاول ينام لكنه معرفش فطلع وقال يدخل يكلم رحاب بس لقى أن غرفتها مقفولة بالمفتاح فاتعصب ونزل حمام السباحة وغرفة التمارين
حسام عمال يضرب ملاكمة جامد جدا بطريقة مرعبة وبيقول ماشى يا رحاب بقى تقفلى الباب ، معقول خايفة منى للدرجة دى ، يعنى مش واثقة فيا ،لييييه
حسام بطل ملاكمة وقعد يمسح جسمه من العرق وقعد يشرب مية وبيقول هو فى ايه ، حياتى اتغيرت كده ليه ، قبل ما اتجوز كانت شاب عايش حياتى وبعمل اللى أنا عايزة وليا مكانتى فى الشغل لكن دلوقتي بقيت بتعصب ومش عارف اشرب ولما كنت مع دينا حسيت انى مش عايز كده ، حسيت انى عايز رحاب بس ازاى ده حصل ، كل ده علشان اتجوزت ولا علشان اتجوزت رحاب يعنى لو كنت اتجوزت منة كان هيحصل كده ولا لأ ، أنا عقلى خلاص هينفجر
حسام من كتر التعب والتفكير نام فى غرفة الالعاب الرياضية
رحاب صحيت وقامت حضرت الاكل ودخلت تصحى حسام بس لقته مش موجود فاستغرب
رحاب هيكون راح فين وقعدت تدور عليه فى باقى المنزل ودخلت غرفة التمارين ولقته نايم عريان من عند الصدر وشكله تعبانه
رحاب بدأت تصحى حسام وتقول اصحى يا حسام
حسام اتفزع اول لما شاف رحاب لانه كان بيحلم بيها فمسك ايديها وشدها لحضنه لكنه وقع فى البسين وخدها معاه
رحاب ايه اللى عملته ده ، كده هضطر اغير تانى علشان اروح الشغل
حسام مش مركز فى كلامها لكنه مبسوط اوى أنها بتكلمه
رحاب انت بتضحك على ايه، عجبك كده شوف عملت ايه فى هدومى
حسام خدها بالحضن اوى ورحاب استغربت ده بس قالت إنه اكيد عمل كده علشان لسه صاحى ومش مركز وبعدين بعدت عنه
حسام بابتسامه صباح الخير
رحاب حطت أيدها على رأسه وقالت انت كويس يا حسام ، مالك فيك ايه
حسام الحمد لله كويس اوى
رحاب يا رب دايما،المهم الاكل على السفرة قوم غير وكل ، صحيح انت نمت هنا ليه
حسام افتكر ليلة امبارح وقال مفيش كنت زهقان فجيا بس راحت عليا نومة
رحاب ماشى يا هقوم البس واروح الشغل
حسام ماشى بس متنسيش أن بكرة الخميس يعنى الحفلة فخدى إجازة
رحاب حاضر وقامت سايباه ومشيت
حسام قد ايه الحلم كان جميل بس هى لو فضلت كده هيبقى أمنية مستحيلة
فى الشغل
اسراء ورحاب قاعدين بيشتغلوا وفجأة دخل شخص عليهم
شخص- اقدملك نفسى أنا استاذ عبدالله عندى 45 سنة مطلق وعندى طفل
رحاب تشرفنا بس ده لازمته ايه
شخص انا طالب ايديكى وعايز اتجوزك
رحاب اتصدمت لكن اسراء ردت
اسراء هو مش شايف انك كبير عليها وكمان مطلق
شخص عادى ماهى عانس وعندها 33 يعنى مش صغيرة وكمان فرصة الانجاب قليلة فأنا عندى ابنى يعنى مش هتحتاج تخلف
اسراء احترم نفسك يا اخ ، انت جاى تهزأنا هنا ولا ايه ، ويلا من غير مطرود معندناش بنات للجواز
شخص احسن برده ، خليها قاعدة كده وهتموت من غير جواز ولو اتجوزت مش هتخلف واصلا مين اللى هيرضى يتجوز واحدة عانس إلا لو كبير ومطلق زى حالاتى كده
اسراء طب يلا امشى بدل ما اطلبك الأمن
شخص انا كده كده ماشى
كل ده ورحاب عماله تعيط
اسراء انتى بتعيطى ليه دلوقتي ، بدل ما تدافعى ان نفسك ، انتى ضعيفة اوى يا رحاب
رحاب ادافع واقول ايه يا اسراء اصل كل كلامه صح فعايزانى ادافع واقول ايه
اسراء دافعى وقولى انت مالك، اتجوز ولا متجوزتش اتكلمى بدل مانتى عامله كده
رحاب كنت ممكن ادافع او اول مرة لكن أنا متعودة على ده من كام سنة وانتى عارفه وكله يقولى يا عانس ومع انى دلوقتي متجوزة بس برده معايا لقي عانس على حسام مش راضى يقول انى مراته
اسراء معلش يا حوبا ، استحملى فترة وهتعدى
رحاب ولا متعديش مش فارقه ،كل الحاجات بقت عندى واحدة سؤال حصلت أو لأ
اسراء بلاش يأس رحاب
رحاب مش قادرة اتكلم يا اسراء أنا هروح دلوقتي
اسراء ماشى اللى يريحك
رحاب وكمان خديلى إذن بكرة علشان راحة مع حسام مشوار
اسراء ماشى
رحاب روحت البيت ودخلت غرفتها
اول ما دخلت غرفتها قعدت تعيط وتقول انت السبب يا عمر، انت اللى خلتنى اوعدك انى محبش ، كان زمانى وافقت على اى واحد كان متقدملى وكنت عيشتى حياتى ، وأكيد انت عايش حياتك هناك احسن عيشة ومتجوز وسايبنى هنا ، أنا بكرهك بكرهك وهنساك وهنسى حبك وهعيش حياتى زى مانت عايش حياتك وهسمع كلام اسراء وادى حسام فرصة علشان انت متستحقنيش يا عمر